Huquqiy axborot | Lex.uz

2023-04-27 13:08:52 #Президент_фармони

25 ёшгача ходимлар учун тўланган ижтимоий солиқ иш берувчиларга тўлиқ қоплаб берилади

“Ёшларнинг бандлигига кўмаклашиш ҳамда уларни доимий иш билан таъминлашга оид қўшимча чора-тадбирлар тўғрисида”ги Президент фармони (ПФ–61-сон, 26.04.2023 й.) қабул қилинди

Фармонга кўра, 2023 йил 1 майдан 2025 йил 1 январга қадар иш берувчиларга (бюджет ташкилотлари, давлат корхоналари, устав жамғармаси (капитали)да давлат улуши 50 фоиз ва ундан ортиқ бўлган юридик шахслар, шунингдек, ижтимоий солиқни 1 фоиз ставкада тўловчилар бундан мустасно) улар томонидан 25 ёшдан ошмаган ходимлар учун тўланган ижтимоий солиқ суммаси Давлат бюджетидан тўлиқ қоплаб берилади.

Бунда, ижтимоий солиқ суммаси ёш ходимлар 6 ой давомида узлуксиз меҳнат фаолиятини амалга ошириши шарти билан еттинчи ойдан бошлаб қоплаб берилади.

Ҳужжатнинг расмий тўлиқ матни:
https://lex.uz/pdfs/6442039 Ochish/sharhlash

2023-04-26 13:29:37 2023 йил 30 апрелдан янги Меҳнат кодекси кучга киради. Кодексдаги янги нормалардан хабардормисиз?

Ҳозироқ буюртма беринг!

Буюртма бериш: @adolatnashr_bot

Етказиб бериш хизмати мавжуд!

Локация

Мурожаат учун:
+998 33 280 55 40
+998 94 280 55 47

Facebook / Instagram / Web_site / Telegram

Каналга уланиш
https://t.me/lexuzofficial Ochish/sharhlash

2023-04-26 10:25:22 “Tashkent Law Spring” халқаро юридик форуми иштирокчиларини рўйхатга олиш давом этмоқда

Эслатиб ўтамиз, Халқаро форумда иштирок этиш учун рўйхатдан ўтишнинг охирги муддати – 27 апрель.

Форумда қатнашиш учун қуйидаги ҳавола орқали рўйхатдан ўтилади: https://reg.tashkentlawspring.uz/.

Каналга уланиш
https://t.me/lexuzofficial Ochish/sharhlash

2023-04-19 07:38:44 #Ҳукумат_қарори

Аэровокзал, темир йўл ва автобус вокзалларида хизмат кўрсатиш сифати яхшиланади

“Аэровокзал, темир йўл ва автобус вокзалларида хизмат кўрсатиш сифатини яхшилашга қаратилган қўшимча чора-тадбирлар тўғрисида”ги Ҳукумат қарори (159-сон, 17.04.2023 й.) қабул қилинди

Қарор билан қуйидаги низомлар тасдиқланди:

Аэропортларнинг аэровокзал мажмуаларида ва вокзал олдидаги майдонларда хавфсизликни таъминлаш тартиби тўғрисида;

Темир йўл вокзалларида (станцияларида) йўловчилар ва ташриф буюрувчиларнинг қўл юки ва багажини кўздан кечириш, уларнинг темир йўл вокзалларида (станцияларида) бўлиши тартиби тўғрисида;

Автовокзалларда (автостанцияларда) йўловчилар ва ташриф буюрувчиларнинг қўл юки ва багажини кўздан кечириш, уларнинг автовокзалларда (автостанцияларда) бўлиши тартиби тўғрисида.

Ҳужжатнинг расмий тўлиқ матни:
https://lex.uz/pdfs/6435331 Ochish/sharhlash

2023-04-15 13:03:18 #Ҳукумат_қарори

Ҳайдовчилик гувоҳномасини my.gov.uz орқали ҳам расмийлаштириш тартиби жорий этилади

“Миллий ҳайдовчилик гувоҳномасини расмийлаштириш тартибини соддалаштиришнинг қўшимча чора-тадбирлари тўғрисида”ги Ҳукумат қарори (152-сон, 12.04.2023 й.) қабул қилинди

Қарорга кўра, 2023 йил 15 апрелдан миллий ҳайдовчилик гувоҳномасини, шу жумладан, Ягона интерактив давлат хизматлари портали (my.gov.uz) орқали ҳам ариза берувчиларнинг бевосита иштирокисиз расмийлаштириш тартиби жорий этилади. Бунда:

миллий ҳайдовчилик гувоҳномасига ариза берувчиларнинг бош бармоқ изи маълумотлари жойлаштирилади, агар ахборот тизимларида ариза берувчиларнинг бош бармоқ изи маълумотлари мавжуд бўлмаган тақдирда ариза берувчилар ўзларининг имзо намунасини электрон шаклда тақдим этади.

Ҳужжатнинг расмий тўлиқ матни:
https://lex.uz/pdfs/6433695 Ochish/sharhlash

2023-04-15 11:02:32 #Президент_фармони

Ипотека кредитлари бўйича 30 минг нафар шахсга субсидиялар ажратилади

“2023 йилда бозор тамойилларига асосланган ипотека кредитлари орқали аҳолини уй-жой билан таъминлаш дастурини амалга ошириш чора-тадбирлари тўғрисида”ги Президент фармони (ПФ–51-сон, 13.04.2023 й.) қабул қилинди

Фармонга кўра, 2023 йилда:

квартиралар сотиб олиш ва якка тартибдаги уй-жойлар қуриш ҳамда реконструкция қилиш учун республика бўйича жами 44 690 та ипотека кредитлари ажратилади.

Мазкур кредитларнинг камида 30 фоизи хотин-қизларга ажратилиши белгиланган.

ипотека кредитлари бўйича 30 минг нафар шахсга субсидиялар ажратилади.

Ҳужжатнинг расмий тўлиқ матни:
https://lex.uz/pdfs/6433775 Ochish/sharhlash

2023-04-15 10:05:10 #Президент_қарори

Дала четларидаги ерларда маҳсулот етиштириш тизими такомиллаштирилади

“Қишлоқ хўжалиги корхоналари дала четларидаги ер майдонларида маҳсулот етиштириш тизимини такомиллаштириш чора-тадбирлари тўғрисида” ги Президент қарори (ПҚ–121-сон, 12.04.2023 й.) қабул қилинди

Қарорга кўра, Қишлоқ хўжалигида хизматлар кўрсатиш агентлигига дала четларида ишларни тўғри ва сифатли ташкил қилиш, ер эгаларига экишдан бошлаб маҳсулотни реализация қилишгача бўлган даврда амалий ёрдам бериш учун 2023 йилда ҳар бир туманга 4 нафаргача, жами 672 нафаргача мавсумий агрономларни ишга қабул қилишга рухсат берилди.

Бунинг учун Агентлик тизимида қишлоқ хўжалиги корхоналари дала четларидаги ер майдонларида маҳсулот етиштиришни жорий қилишга масъул бўлган директор ўринбосари штати жорий қилинади.

Ҳужжатнинг расмий тўлиқ матни:
https://lex.uz/docs/6431546 Ochish/sharhlash

2023-04-13 08:34:48 #Қонун

Вояга етмаганларга жинсий тажовуз қилганлар жазодан муддатидан илгари шартли озод қилинмайди

Хотин-қизлар ва болалар ҳуқуқлари, эркинликлари ҳамда қонуний манфаатларини ишончли ҳимоя қилиш тизими янада такомиллаштирилиши муносабати билан айрим қонун ҳужжатларига ўзгартиш ва қўшимчалар киритиш тўғрисида қонун (ЎРҚ–829-сон, 11.04.2023 йил) Президент томонидан имзоланди

Жиноят кодексига ўзгартиш ва қўшимчалар киритилди.

Жумладан, қуйидаги жиноятларни содир этганларга жазодан муддатидан илгари шартли озод қилиш қўлланилмайди:

18 ёшга тўлмаган жабрланувчи номусига тегиш ва уни жинсий алоқага мажбур этиш билан боғлиқ жиноятлар;
16 ёшга тўлмаган шахс билан жинсий алоқа ёки унга уятсиз-бузуқ ҳаракатлар қилиш;
вояга етмаган шахс тавсифланган ёки тасвирланган порнографик маҳсулотлар билан муомала қилиш;
вояга етмаган шахс иштирокида қўшмачилик қилиш, фоҳишахона ташкил этиш билан боғлиқ жиноятлар.

Ҳужжатнинг расмий тўлиқ матни:
https://lex.uz/pdfs/6430272 Ochish/sharhlash

2023-04-12 08:50:39 #Қонун

Молиявий истеъмол кредитини бериш тартиби такомиллаштирилади

Президент томонидан имзоланган Қонун (ЎРҚ–828, 10.04.2023 й.) билан “Истеъмол кредити тўғрисида”ги қонунга ўзгартиш киритилди

Киритилган ўзгартишга кўра:

Молиявий истеъмол кредитидан фойдаланишда шартнома товарни (хизматни) истеъмолчи томонидан сотиб олишга доир шартнома кучга киргунига қадар ёки кучга кирганидан кейин тузилиши мумкин.

Молиявий истеъмол кредити бериш истеъмол товарларини (хизматларни) ишлаб чиқарувчининг ёки реализация қилувчи субъектнинг (юридик ва жисмоний шахснинг) банкдаги ҳисобварағига банк ёхуд бошқа кредит ташкилоти томонидан пул маблағлари ўтказиш йўли билан амалга оширилади.

Молиявий истеъмол кредитининг нақд пулда берилишига йўл қўйилмайди.

Ҳужжатнинг расмий тўлиқ матни:
https://lex.uz/pdfs/6427698 Ochish/sharhlash

2023-04-12 07:38:23 #Президент_қарори

Ижтимоий соҳа объектларининг иситиш тизимлари модернизация қилинади

“Ижтимоий соҳа объектларининг иситиш тизимларини давлат-хусусий шериклик асосида модернизация қилиш тўғрисида”ги Президент қарори (ПҚ–118-сон, 10.04.2023 й.) қабул қилинди

Қарорга кўра:

Андижон, Наманган ва Фарғона вилоятларидаги 5 722 та давлат ижтимоий соҳа объектининг иссиқлик таъминоти тизимларини хусусий сектор иштирокида модернизация қилинади.

2023 йилда Қорақалпоғистон Республикаси, Қашқадарё ва Сирдарё вилоятларининг барча туман (шаҳар)ларида давлат ижтимоий соҳа объектларида иситиш тизимлари давлат-хусусий шериклик асосида модернизация қилиш ишлари бошланади.

Ҳужжатнинг расмий тўлиқ матни:
https://lex.uz/pdfs/6427809 Ochish/sharhlash