Файзбоғ (ТемурМалик)

2023-05-12 10:35:28 ​​“Тинчлантириш мақсадида ИИБ ходими қатъий ҳаракат қилган”. Сурхондарёда фуқарони оёқ-қўлларини боғлаб дўппослаган ИИБ ходими бўйича вилоят ИИБ ва прокуратураси баёнот берди

11 май куни тармоқларда ички ишлар формасидаги ходим хонада қўллари боғлиқ ҳолда ётган кишига куч ишлатаётгани акс этган видеолар тарқалди. Видеода ойналари панжарали хонада оёқ ва қўллари боғланган кишига ИИВ ходими бир неча марта куч ишлатганини кўриш мумкин. Ходим дастлаб шапалоқ ва мушт билан фуқаронинг бош қисмига урган, кейин бошини эзган ва оғзини латта билан боғлаб қўйган.

Ҳолат юзасидан дастлаб Сурхондарё вилояти ИИБ маълумот берди. Маълум бўлишича, воқеа 6 майдан 7 майга ўтар кечаси, тунги 1:10 ларда Сурхондарё вилояти Музработ туманида содир бўлган. Тумандаги Шаффоф маҳалласида яшовчи С. исмли аёл ИИБ навбатчилик қисмига қўнғироқ қилиб, уйига нотаниш шахс келиб кўп марта эшигини тепиб жанжал қилаётганини айтган.

ИИБга кўра, чақирув бўйича борган ИИВ ходими М.А. кучли мастлик ҳолатида бўлган фуқаро У.П.ни ходимнинг қонуний талабини бажармагани учун Музработ тумани тиббиёт марказида ташкил этилган алкоголь мастлик ҳолатидаги шахсларга тиббий ёрдам кўрсатиш туманлараро пунктига олиб борган.

“Тиббиёт бирлашмасида ҳам даволанаётган беморларнинг тинчлигини бузиб, қонуний талабларга бўйсунмасдан, қўпол сўзлар билан ҳақоратлашда давом этган У.П.ни тинчлантириш мақсадида ИИБ ходими қатъий ҳаракат қилган. Ходимнинг ҳаракатлари юзасидан ҳозирда Сурхондарё вилоят ИИБ масъуллари томонидан хизмат текшируви ўтказилаётганини маълум қиламиз”, — дейилади вилоят ИИБ баёнотида.

Шунингдек, ҳолат юзасидан Сурхондарё вилояти прокуратураси ҳам баёнот берди.

Прокуратура баёнотида ИИВ баёнотига қўшимча равишда фуқаронинг тинчлигини бузаётган шахс профилактика инспектори борган вақтда воқеа жойидан қочиб кетгани айтилган.

“Сўнгра, профилактика инспектори уни топиб, туман тиббиёт бирлашмасидаги вақтинчалик мастлик ҳолатида бўлган шахсларга тиббий ёрдам кўрсатиш пунктига олиб бориб жойлаштирган. Мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда”, — дейилади прокуратура баёнотида.

Ҳар иккала орган баёнотларида ИИБ ходимининг зўравонлигини оқлаш учун максимал фойдаланилганини кўриш мумкин. Баёнотдан кўзланган асосий мақсад одамларнинг онгини манипуляция қилиш, калтакланган одамни учига чиққан безори жиноятчига чиқариб, ИИБ ходимининг хатти-ҳаракатларини оқлашдан иборат. Бу, биринчи навбатда нопрофессионалликдан дарак, иккинчидан эса, қонун ҳимоячилари томонидан "кўча тушунчаларини" қонундан устун қўйишга ҳаракат қилиняпти. Ҳеч қачон, ҳеч қандай ҳолат ҳуқуқни муҳофаза қилиш органларининг зўравонлигига сабаб бўла олмаслиги керак. Ходимнинг ҳаракатлари юзасидан ҳозирда Сурхондарё вилоят ИИБ масъуллари томонидан хизмат текшируви ўтказилаётган экан, унинг якуний жавобларини сабрсизлик билан кутамиз.

@fayzboguz Ochish/sharhlash

2023-05-12 07:55:32 Abituriyentlar diqqatiga!

Samarqand xalqaro texnologiya universiteti hujjatlar qabulini boshladi.

Batafsil ma'lumotlar va hujjatlarni quyidagi havola orqali topshirishingiz mumkin.

Siz o'rta ta'limni bitirganlik haqidagi hujjatlarni olguningizga qadar o'zingiz tahsil olayotgan muassasaning (maktab, kollej yoki litsey) bitiruvchisi ekanligingizni tasdiqlovchi ma'lumotnomani tizimga yuklashingiz mumkin.

MUHANDISLIK:
⁃ "Geologiya va geomuhandislik";
⁃ "Konchilik ishi";
⁃ "Kimyo muhandisligi";
⁃ “Neft va gaz muhandisligi";
⁃ "Axborot texnologiyalari".

TADBIRKORLIK:
⁃ “Tadbirkorlik va menejment";
⁃ “Xalqaro logistika".

XITOY ENERGETIKA INSTITUTI:
⁃ "Issiqlik energetikasi"(Xitoy oliy ta’lim dasturlari asosida).

KOREYA TEXNOLOGIYASI VA MADANIYATI KOLLEJI:

⁃ “Yashil texnologiyalar" (qayta tiklanadigan energiya manbalari)";
⁃ "Dizayn";
⁃ "Raqamli iqtisodiyot".

Ta'lim ingliz tilida olib boriladi.

+99855 705-50-05,+99897 575-48-29

Telegram | Facebook | Instagram | Sayt

Реклама Ochish/sharhlash

2023-05-11 21:33:10 Украина Қуролли кучларининг қарши ҳужуми бошланди. Украина армияси Бахмут йўналишида Россия қўшинларини ўраб олиш операциясига старт берди

Рус ҳарбий таҳлилчилари ўз манбаларига таяниб, Украина Қуролли Кучларининг Берховка ва Ягодное йўналиши бўйича ютуғи ҳақида хабар бермоқда, у ерда Россия Федерацияси Қуролли Кучлари ўз позицияларидан чекинишган. Украина Қуролли Кучларининг маҳаллий муваффақиятлари Клешеевка ҳудудида ҳам қайд этилган.

Бундан ташқари, Соледар ҳудудида Украина Қуролли Кучлари ҳар бирида 2-3 тадан танкга эга бўлган зирҳли гуруҳлар кўмагида ютуқни ташкил этишга муваффақ бўлган.

Қайд этилишича, Украина Қуролли кучларининг ҳарбий техника колонналари кун бўйи Белгород вилояти чегараси ва Купянское йўналиши томон ҳаракатланган.

Шунингдек, Херсон вилоятидан Днепрнинг ўнг қирғоғида кичик катерлар тўплангани ҳақида маълумотлар олинмоқда. "Афтидан, Украина Қуролли кучлари десант операциясига тайёргарлик кўрмоқда", — дея ёзади RT нашри.

Дастлабки маълумотларга кўра, Бериславда десант кемаларининг тўпланиши кузатиляпти.

@fayzboguz Ochish/sharhlash

2023-05-11 16:19:30 Россияда мигрантларни урушга жўнатиш бўйича қонун лойиҳаси тайёрланмоқда 

Россия Коммунистик партиясидан Давлат Думаси депутати Михаил Матвеев Россия фуқаролигига эга мигрантларни Украинадаги уруш ҳудудига юборишга рухсат берувчи қонун лойиҳасини ишлаб чиқаётганини айтди. У ҳужжатни Давлат Думасига тақдим этиш муддатига аниқлик киритмади.

Ҳозирги вақтда Россия қонунчилигига кўра, икки фуқароликка эга бўлганлар муддатли ҳарбий хизматга чақирилмайди, фақат шартнома имзолаш орқали Қуролли кучлар сафига кўнгилли сифатида қўшилиши мумкин. Матвеев фикрига кўра, бу нотўғри ва янги қонун буни бартараф қилишга қаратилган. Шу билан бирга Россия фуқаролигини олган мигрантлар худди россияликлар каби мажбуриятларга эга бўлиши лозим. 

«Нега энди уларга Россиянинг бошқа халқларидан фарқли равишда имтиёзлар берилиши керак?», деб ёзади депутат.

Аввалроқ Михаил Матвеев тожиклардан иборат махсус батальон тузиш таклифини берган эди. Унинг фикрича, иккинчи фуқаролик учун югуриб келаётган тожиклар Россия келажаги учун ҳаракат қилишлари керак. Бу сафар эса, Коммунистик партияси депутати урушга нафақат тожикларни, балки барча мигрантларни, хусусан Марказий Осиё ва Кавказ фуқароларини жалб қилиш кераклигини айтиб ўтмоқда.

@fayzboguz Ochish/sharhlash

2023-05-11 14:54:56 Туркиядаги сайлов натижаларини башорат қилувчи социологик тадқиқот компанияларидан бири KONDA ўзининг сўров натижаларини эълон қилди:

Қиличдарўғли - 49,3%
Эрдўғон – 43,7%
Оған - 4,8%
Инже - 2,2%.

Аввалроқ Муҳаррем Инже, сайловга уч кун қолганда, ўз номзодини олиб ташлаганини маълум қилган эди.

@fayzboguz Ochish/sharhlash

2023-05-11 12:49:50 Ochish/sharhlash

2023-05-11 10:23:14 Аввалроқ Қашқадарё вилояти Қамаши туманидаги бозорда ИИО ходимлари Ўзбекистон байроғи рангидаги тасма таққан йигитни маъмурий жавобгарликка тортишга урингани ҳақида хабар тарқалган эди.

Шундан сўнг Бош прокуратура аралашуви билан байроқ рангидаги тасма таққан қамашилик йигитга нисбатан маъмурий ҳуқуқбузарлик тўғрисида иш қўзғатиш ҳақидаги қарор бекор қилингани, мазкур қарорнинг ноқонуний экани маълум қилингани ҳақида ёзгандик.

Янги тафсилотларга кўра, воқеа юзасидан ички ишлар ходимларига нисбатан хизмат текшируви ўтказиш бўйича Қамаши тумани прокуратураси томонидан тақдимнома киритилган. Бу ҳақда Бош прокуратура матбуот хизмати хабар бермоқда.

Қайд этилишича, Қашқадарё вилояти ИИБ томонидан уларга нисбатан хизмат текшируви ўтказилмоқда.

@fayzboguz Ochish/sharhlash

2023-05-11 09:51:23 Қурилиш форуми 2023

Агар сиз қурилиш соҳасида фаолият юритаётган бўлсангиз 16 май куни Технониколь, Fakro ва Robert Bosch компаниялари томонидан ўтказилаётган қурилиш форумига Сизни таклиф этамиз.

Форум дастурида:
- Технониколь ишлаб чиқарувчиси маҳсулотлари кўргазмаси ва Shinglas юпқа черепицаси, Hauberk сувга бардошли ташқи плиткалар тизими, битумли айлана шаклидаги маҳсулотлари монтаж тажрибаси;
- Профессионал электр ускуналар кўргазмаси, ўлчов техникалари ва том ёпиш ҳамда ташқи ишлар учун BOSCH Professional ускуналари;
- FAKRO мансард ойналарини тайёр томга ўрнатиш ва синовдан ўтказиш;
- Қатнашчиларга ўқув маркази сертификатлари .

Шунингдек, тушликка сизни мазали ўзбек миллий таомлари кутмоқда.

Манзил: Тошкент шаҳар, Муқимий кўчаси 88, «Guten Pub» (веранда).
Вақти: 09:30

Ташкилотчилар билан боғланиш учун:
+99890-329-90-89

Рўйхатдан ўтинг ва қурилиш соҳасининг олди технологиялари билан танишинг!

ТЕХНОНИКОЛЬ — бу қурилиш маҳсулотлари ва тизимларини, асосан юпқа ва композитли черепицаларни, ташқи плиткаларни, сайдингни, сувга бардошли тизимларни, иссиқ-, гидро-, изоляцияларни, пиломаҳсулотларни ишлаб чиқарувчи халқаро компания ҳисобланади. Ўзбекистондаги қурилиш соҳасидаги фаол иштирокчилардан бири.

Реклама Ochish/sharhlash

2023-05-10 22:04:35 Нега айнан Ўзбекистон? Юртимизда инвестициялар миқдорининг ошиши Euronews нигоҳида

Euronews халқаро телеканалида намойиш этилган Focus кўрсатувида Ўзбекистон ҳақида 5 дақиқалик лавҳа эфирга узатилиб, мамлакатимизнинг инвестицион жозибадорлиги ошиб бораётганига урғу берилди.

Телеканалда сўнгги 6 йил ичидаги Ўзбекистонга киритилган инвестициялар ҳажми 10 баробардан ошгани, Ўзбекистон иқтисодиётининг глобаллашувини ҳисобга олган ҳолда 2017 йилда бошланган кенг кўламли ислоҳотлар ушбу мамлакатга хорижий капитални жалб қилиш рағбатлантирилаётгани таъкидлаб ўтилди.

“Сўнгги 5 йил давомида Европа тикланиш ва тараққиёт банки Ўзбекистон иқтисодиётининг асосий тармоқларини қамраб олган 100 та лойиҳани амалга ошириш учун 3 миллиард евродан ортиқ маблағ ажратиш мажбуриятини ўз зиммасига олган. Ҳар бир кейинги йилда инвестициялар ҳажми аввалгисидан ортиб бормоқда. Ўзбекистон охирги уч йилда инвестиция оқимини янада оширишни кўзлаган ҳолда Марказий Осиёда молиялаштириш ҳажми бўйича етакчи мамлакатга айланди”, — дейилади лавҳада.

Мақола билан батафсил бу ерда танишиб чиқишингиз мумкин.

@fayzboguz Ochish/sharhlash

2023-05-10 11:05:09 Қизил майдондаги тантанали тадбирлар бугунги Россиянинг шовинистик ва империалистик сиёсати билан узвий боғлиқдир. Путиннинг қарашлари ҳам, унинг сиёсати ва ўзи ҳам эскириб бўлди, бугунги замонга бошқача ёндашувлар керак. Путин ҳукмронлиги тугаши билан, ҳар йили Қизил майдонда ўзининг ясама қўғирчоқлари билан мақтанувчи Россияга ҳам барҳам берилади. Россия адекватлашади — тараққиётга эришиш, бошқа халқ ва давлатларни ортидан эргаштиришнинг сири қуролларда эмас, балки эркин ва озод ҳаёт, чиройли дипломатия ва иқтисодиётда эканини тушуниб етади.

Йилдан-йилга "Оқ пошшо"нинг обрўси тушиб бориши фонида ушбу байрамга бўлган қизиқиш ҳам пасайиб бормоқда. Бу йил парадда фақат Марказий Осиё ва Арманистон раҳбарлари иштирок этишгани (шулар ҳам охирги лаҳзаларга келибгина розилик беришган) шундан дарак беради. Кейинги йили нима бўлиши номаълум.

Кечаги кун тарихий аҳамиятга эга эди, уни албатта эслаб қолиш керак: катта эҳтимол билан, кеча Кремлда тантанали равишда нишонланган сўнгги 9 май бўлди.

@fayzboguz Ochish/sharhlash