2021-02-13 06:23:47
* * *
Жойнамозим
Хар толангни гавхар билиб сургум кўзга,
Бахоси йўқ, тенгсиз неъмат жойнамозим.
Дил охимга чин сирдош йўқ сендан ўзга,
Яратгандан нурли рахмат жойнамозим.
Сен офтобсан жисмим кўмган зиёларга,
Тоза иймон хам ётдирсан риёларга,
Алишмасман сени минг бор дунёларга,
Дунёлардан қадри қиммат жойнамозим.
Бир гул каби унсам кошки чорбоғингда,
Солихлардек бўлсам мудом ардоғингда,
Чин бахтни мен топдим ахир
қучоғингда,
Атрофимда мўмин уммат жойнамозим.
Қуласам гох нафс чохига бехуш бўлиб,
Тут илкимдан гохим ўнгу, гох туш бўлиб,
Дил розимни етказ Хаққа бир қуш бўлиб,
Камолимга айла хизмат,
жойнамозим.
Махшар кун хам бўл йўлимнинг сен қуёши,
Айтгил, менга теккан дея азиз боши,
Пок бағримга томган деб айт томчи ёши,
Чин дўстим, деб, айла химмат, жойнамозим.
Хамид Насруллаев...
https://t.me/joinchat/AAAAAE73dQ-KKSnPg1owbQ
Ўзини танимоқ истаган кўнгиллар учун
Murojaat uchun
@Dilimga_yaqinlar
Каналимиздан маълумот олинганда манба кўрсатилиши шарт
1.7K viewsedited 03:23