2022-08-31 08:10:25
ТАҲОРАТ ДУОЛАРИ
- Таҳорат бошланиб, икки қўл ювилаётганда қайси дуо ўқилади?
Ушбу дуо ўқилади:
«Алҳамду лиллаҳиллази жаъалал маа таҳуран вал ислама нуран».
Маъноси: «Сувни ҳам, Ислом динини ҳам поклик манбаи қилиб яратган Аллоҳга ҳамдбўлсин».
Оғиз чайилаётганда ушбу дуо ўқилади:
«Аллоҳумма таҳҳир накҳати ва асқини мин ҳавзи набийика».
Маъноси: «Илоҳим, оғзимни пок қил, Пайғамбар ичган «Ҳавзи кавсар» сувидан ичишни насиб эт».
Бурунга сув тортилаётганда ушбу дуо ўқилади:
«Аллоҳумма ариҳни роиҳатал жаннати ва ла туриҳни роиҳатан-нари».
Маъноси: «Илоҳим, жаннат ҳидидан баҳраманд эт, дўзах исидан нари тут».
Юз ювилаётганда ушбу дуо ўқилади:
«Аллоҳумма баййиз важҳи би нурика явма табяззу вужуҳу улаика ва ла тусаввид важҳи явма тасвадду вужуҳу аъдоик».
Маъноси: «Илоҳим, севимли бандаларинг юзлари пок ҳолатда турувчи куни менинг юзимни ҳам ёруғ қил. Гуноҳкорлар юзи қора бўлгувчи кундан асрагил”.
Ўнг қўл ювилаётганда ушбу дуо ўқилади:
«Аллоҳумма аътини китаби биямини ва ҳосибни ҳисабан ясирон».
Маъноси: «Илоҳим, қиёмат куни амалларим ёзилган дафтарни ўнг тарафимдан бериб, ҳисобимни енгиллатгин».
Чап қўл ювилаётганда ушбу дуо ўқилади:
«Аллоҳумма ла туътини китаби бишимали ва ла мин варои зоҳри ва ла туҳосибни ҳисабан шадидан».
Маъноси: «Илоҳим, амаллар ёзилган дафтарни чапимдан ҳам, ортимдан ҳам бермагил, қаттиқ ҳисоб-китоб қилмагил».
Бошга маш тортилаётганда ушбу дуо ўқилади:
«Аллоҳумма ғашшини бироҳматика ва анзил ъалайя мин барокатика”.
Маъноси: «Илоҳим, Ўз раҳматинг билан бошимни силагин, устимга баракотларингни ёғдиргин».
Қулоққа маш тортилаётганда ушбу дуо ўқилади:
«Аллоҳумма ижъални миналлазина ястамиъунал қовла фаяттабиъуна аҳсанаҳу».
Маъноси: «Илоҳим, мени яхши сўзларга тобеъ қилгил ва эргаштиргил».
Бўйинга маш тортилганда ушбу дуо ўқилади:
«Аллоҳумма аътиқ рақобати минаннари ваҳфазни минассалосили вал ағлали».
Маъноси: «Илоҳим, мени дўзах азобидан асрагил ва занжирларда судрамагил».
Ўнг оёқ ювилаётганда ушбу дуо ўқилади:
«Аллоҳумма саббит қодамайя ъалас сироти явма тазиллу фиҳил ақдаму».
Маъноси: «Илоҳим, қиёматда – оёқлар тойгувчи кунда оёқларимни тойдирмагил».
Чап оёқ ювилаётганда ушбу дуо ўқилади:
«Аллоҳумма ижъал саъйи машкурон ва занби мағфурон».
Маъноси: «Илоҳим, қилган ишларимни савоб йўлига бургил ва гуноҳларимни авф этгил».
Таҳорат якунида ушбу дуо ўқилади:
«Аллоҳумма ижъални минат-таввобинал мутатоҳҳирина важъални мин ъибодикассолиҳиналлазина ла ховфун алайҳим ва ла ҳум яхзанун».
Маъноси: «Илоҳим, мени Ўз тарафингга юзланувчи покиза инсонлар сафига сол, қиёмат куни яхши бандаларинг қаторида қўллагил, азоблардан асрагил».
«ИБОДАТИ ИСЛОМИЯ» китобидан
САВОБ УМИДИДА ДЎСТЛАРИНГИЗГА ҲАМ УЛАШИНГ!!!
АЛЛОҲ РОЗИ БЎЛСИН!•┈•┈•┈•┈•❁✿❁•┈•┈•┈•┈•
https://t.me/dilimga_yaqinim
2.1K viewsedited 05:10
Д
