🍀ДИЛИМГА ЯҚИНЛАРИМ 🍀

2023-06-06 14:54:29 #QURON_XATTOT_NIGOHIDA
#BIR_SHINGIL_TAFAKKUR

ZILZILA VAQTIDA G’AFLATDA QOLMAY, DESANGIZ …

”Bizning balomiz ularga yetganda, tazarru’ qilsalar edi! …”(“An’om” surasi, 43-oyat).

Ulamolar ushbu oyatga suyangan holda aytadilarki, zilzila vaqtida istig’for, duo va tazarru’ni ko’paytirish mustahabdir.

Zilzila, chaqmoq, qattiq shamol kabi tabiat hodisalari ro’y berganda, har kim tavba-tazarru’ bilan duo qilmog’i mustahabdir.

Bunday paytlarda g’aflatda qolmaslik uchun uyda yolg’iz namoz o’qish ham mustahabdir.

Alloma Zakariyo al-Ansoriy rahimahulloh

Rasululloh ﷺ chaqmoq va momaqoldiroqni eshitganlarida, shunday duo qilar edilar (Imom Termiziy rahimahulloh rivoyati):

“ALLOHIM! BIZNI G’AZABING BILAN O’LDIRMA! BIZNI AZOBING BILAN HALOK QILMA! BUNDAN (AZOBING VA G'AZABING TUSHISHIDAN) OLDIN BIZNI OFIYATDA SAQLAGIN!

Abdulloh Abdulmajid tayyorladi

Xattot Abduvohid Abduvosiqov

https://t.me/dilimga_yaqinim Ochish/sharhlash

2023-06-06 06:09:21 Гиёҳ ўзини дардга шифо деб ўйламасин.
Чора ҳам Аллоҳ,
Табиб ҳам Аллоҳ...
Қул, қулни билмасдан муҳокама қилмасин.
Муҳокама қилгувчи ҳам Аллоҳ,
Ҳукм қилгувчи ҳам Аллоҳ...

Ҳазрати Мавлоно Жалолиддин Румий қуддиса сирруҳу

•┈•┈•┈•❁ ❁•┈•┈•┈•

https://t.me/dilimga_yaqinim Ochish/sharhlash

2023-06-06 05:59:10 Эй Одам фарзанди!
Агар сени соқов қилиб яратганимда тил учун, кўр қилиб яратганимда кўз учун, кар қилиб яратганимда қулоқ учун ҳасрат чеккан бўлардинг. Бас, берган неъматимнинг қадрига ет, Менга шукр қил, куфр келтирма, чунки Менга қайтажаксан.

Имом Ғаззолий “Қирқ ҳадиси қудсий”дан.

mehrob_uz
https://t.me/dilimga_yaqinim Ochish/sharhlash

2023-06-06 05:58:58 #РУҲИЯТ

ҲАМД

Ҳамд Сенинг Зотингга, эй Ҳаққ таоло,
Сифатинг, Исмингга тенги йўқ сано,
Оламда бир Ўзинг эрурсан огоҳ,
Ибодатга лойиқ Ягона АЛЛОҲ!
Тавҳид асли–Лаа илааҳа иллаллоҳ!
Қалбим гувоҳ–Сендан ўзга йўқ илоҳ!

АР-РОҲМАН Ўзингсан, ҳар икки олам,
Бори борлиқ Сенга тобеъдир ҳар дам,
Кофирми, мўминми– жамийки одам,
Меҳринг, неъматингдан асло бўлмас кам.
Исм-у сифатларинг Ўзингга мосдир,
Роҳманлигинг фақат Ўзингга хосдир.

Сен РОҲИЙМ эрурсан, қилмассан хато,
Латиф неъматларни айларсан ато.
Қиёмат кунида этарсан ошкор–
Фақат мўминларга раҳматинг бисёр.
Қанча бўлсак ҳамки бизлар шармисор,
Мўминлик ҳаққидан умидимиз бор.

МАЛИК–Сен, борлиқнинг якка эгаси,
Сен билан умримиз бугун-эртаси,
Бизлар ҳам мулкингмиз, Сенсан хожамиз .
Сохта маъбудлардан Сенга қочамиз.
Мулкингда эгалик ёлғиз Сенга хос,
Қулингмиз, қалбларда иймон ва ихлос.

Олам ожиз эрур қилмоққа идрок,
АЛ-ҚУДДУС мутлақо беқиёсдир пок.
Муқаддас демоққа фақат Сен ҳақли,
Англар буни бўлса ҳар кимнинг ақли.
Нолойиқ сифатдан покдир Камолинг,
Айб-у нуқсондан пок Сенинг Жамолинг.

АС-САЛОМ деганда қалблар ёришар,
Салом-ла саломат жумлаи башар.
Тинчлик, хотиржамлик қандай ярашар,
Мўминлар иймон-ла роҳатда яшар.
Гар содиқ бўлолсак иймонимизга,
Омонлик берурсан Сен Ўзинг бизга.

Иймон ва омонлик берувчи Зотсан,
Ҳақдирки, АЛ-МУЪМИН Ўзингсан, зотан.
Мустаҳкам иймон бер ҳар бир бандангга,
Омонлик ато эт руҳ ва баданга.
Ўзингдан истаймиз меҳр-у мурувват,
Иймонларимизга бергил кўп қувват.

МУҲАЙМИН Зотдирсан, йўқдир қиёсинг,
Қамровинг кенгдирки, чексиз миқёсинг.
Сендан махфий қолмас бирор-бир асрор,
Барига гувоҳсан, борлиқда не бор.
Роббим, ҳар ҳолимда мен Сенга банда,
Икки оламда ҳам этма шарманда...

Ё АЗИЙЗ, ғолибсан барча-барчадан,
Сендан ғолиб келмас бирор тирик жон.
Ким ҳам қилар экан ғолиблик даъво,
Ҳукмингда бўлгач, бас, ер, сув ва ҳаво.
Борлиқ тамомила эрур махлуқинг,
Азийзлик–Сифатинг, Зотинг ва Хулқинг.

Ё ЖАББОР, нақадар олий, улуғсан,
Барча сифатингда бекам, тўлиқсан.
Жабборлигинг Сенинг зулм эмас, асло.
Бори халқинг ожиз, хор дурур аммо.
Бўйсуниб, тобеълик айладик одат,
Жабрсиз Жабборсан, бу не саодат!

МУТАКАББИР исминг жисмингга монанд,
Кўзлар ҳеч илғамас, чиранса ҳарчанд.
Ҳатто, тасаввурга сиғмайди Зотинг,
Баски, МУТАКАББИР Сенинг асл ОТИНГ.
Кибриё, Улуғлик Сенга ярашар,
Қулларинг бош эгиб, ерга қарашар.

Ҳар бир сифатингда эрурсан танҳо,
ХОЛИҚлигинг, шаксиз, танҳодан аъло.
Асли ҳам, ўхшаши бўлмаган
ҳар зот,
Саноқсиз ва сонсиз бори махлуқот
Аниқ ўлчов билан келиб дунёга,
Сенинг ХОЛИҚЛИГИНГ қилмас зиёда.

Халқинг йўғида ҳам Сен эдинг ХОЛИҚ.
Бори борлиқни Сен қилдинг халойиқ.
Васфинг Ўзинг билан азалдан қоим,
Мутлақ Яратувчи Ўзингсан доим.
Бизларни халқ қилдинг, ҳам бердинг иймон,
Энди иймонимиз сақлагил омон!

АЛ-БОРИЪ бўлмаган Ўзингдан ўзга,
Ҳар неки йўқ эди, кўринмас кўзга,
Сен йўқдан бор қилиб яратдинг уни,
Вужудга келтириб маълум бир куни.
Яратганинг покдир айб-у нуқсондан,
Ихтилоф топилмас ҳеч бир инсондан.

Сенсан АЛ-МУСОВВИР якка-ягона,
Суврат яратолмас Сендан бегона.
Жамъи махлуқингга кўргизиб санъат,
Шаклини камолга етказиб албат,
Бекам-у кўст қилиб нақш айлагайсан,
Ҳар нега ўзлигин бахш айлагайсан.

АЛ-ҒАФФОР исмингдан умидларим кўп,
Сени Роббим дея таниганман хўб.
Тавба кўзёшларин бизга ичириб,
Беҳисоб мағфират қилиб, кечириб,
Гуноҳдан покларсан, итоб қилмасдан,
Хоҳ билиб қилайлик, хоҳи билмасдан...

АЛ-ҚАҲҲОР дегани эмас ғазабкор,
Қудратинг чексиз-у, қувватинг бисёр,
Қабзангда тутиб Сен бори Оламни,
Жамийки махлуқот, жами одамни,
Бўйсундириб қудрат ҳам қувват билан,
Ҳукминг юритарсан, мурувват билан...

Шаҳобиддин Одил

https://t.me/dilimga_yaqinim Ochish/sharhlash

2023-06-06 04:52:23 Ҳузурингни йўқотсанг:
“Ё Малик!” – де, У ҳузур беради.

Йўлингни йўқотсанг:
“Ё Самийъ!” – де, У йўлингни кўрсатади.

Ишончингни йўқотсанг:
“Ё Рашид!” – де, У ишонч ато қилади.

Ўзингни йўқотсанг:
“Ё Зулжалоли вал икром!” – де, У ўзингга қайтаради.

Гуноҳларинг юкидан юрагинг эзилганида:
“Ё Таввоб! Ё Ғаффор! Ё Афувв!” – де, У тавбаларни қабул қилувчидир.
У - авф этувчиларнинг энг аълосидир.

Одамлар орасида ёлғиз қолганингда:
“Ё Қуддус! Ё Азиз! Ё Ваҳҳоб! Ё Мужийб!..” – де, унинг гўзал исмларини такрор-такрор тилга ол!
У сени ёлғиз ташлаб қўймайди.

Ёрдам керак бўлганида ундан сўра:
У – Ҳакамдир,
У – Ҳасийбдир,
У – Хабийрдир,
У – Ҳакиймдир,
У – Ҳақдир!..

Бас , яна сўрашдан бошқа  қандай мушкуллик қолди  бизга !


https://t.me/dilimga_yaqinim Ochish/sharhlash

2023-06-06 04:51:48 БУГУН САДАҚА ҚИЛДИНГИЗМИ?

Ҳар бир тасбеҳ айтиш (Субҳаналлоҳ) садақадир.

Ҳар бир тамҳид айтиш (Алҳамдулиллаҳ) садақадир.

Ҳар бир таҳлил айтиш (Лаа илаҳа иллаллоҳ) садақадир.

Ҳар бир такбир айтиш (Аллоҳу Акбар) садақадир Имом Муслим ривояти

Садақа қилган киши баробарида сизга ҳам савоб ёзилсин ИншаАллоҳ!

https://t.me/dilimga_yaqinim Ochish/sharhlash

2023-06-06 01:41:36 МОЛ-ДАВЛАТ ЗИЁДА БЎЛИШИ УЧУН ЎҚИЛАДИГАН ДУО

• Бадр ибн Абдуллоҳ Музаний розияллоҳу анҳу шундай дейди: «Мен: «Эй, Аллоҳнинг Расули! Мен ризқ-рўзи кам бир одамман. Менинг мол-давлатимда барака йўқ», дедим. Шунда Расулуллоҳ соллаллоҳу алайҳи васаллам менга дедилар: «Эй, Бадр ибн Абдуллоҳ! Тонгда уйғонган
вақтингда қуйидагиларни айт:

• "Бисмиллааҳи ъалаа нафсии. Бисмиллааҳи ъалаа аҳлии ва маалии. Аллоҳумма ардзинии бимаа қодзойта лии ва ъаафинии фиймаа абқойта ҳатта лаа уҳибба таъжийла маа аххорта ва лаа таъхиро маа ъажжалта"

• Мазмуни: Нафсим узра Аллоҳнинг номи билан. Аҳлим ва молим узра Аллоҳнинг номи билан. Эй, Аллоҳ! Менга такдир қилган нарсанг билан мени рози қил. Ҳали бермаган нарсангда менга офият бер. Токи, Сен кейинга сурган нарсани тезлатишингни ва тезлатган нарсани кейинга суришингни хоҳламай»

• Шундай қилиб, мен шу дуоларни айтиб юрдим ва Аллоҳ менинг молимга барака берди. Қарзларимни уздим. Ўзим ҳам, оила аъзоларим ҳам бадавлат бўлдик» (Муттақий Ҳиндий, «Канзул уммол»)

t.me/dilimga_yaqinim Ochish/sharhlash

2023-06-06 01:38:33 # Хатми Қуръон - Наср сураси

Биргаликда хатми Қуръон қиламиз.

Ҳар куни 30-порадан бир сурани тиловат қиламиз ва тинглаймиз.

Савоб учун улашинг

muxlisuz
https://t.me/dilimga_yaqinim Ochish/sharhlash

2023-06-06 01:36:57 Қуръоний дуолар

"Роббим, менга ва аҳлимга қилаётган нарсаларидан нажот бергин!"

#duo

muslimaatuz
https://t.me/dilimga_yaqinim Ochish/sharhlash

2023-05-12 08:11:12 Азиз имондошларим,Дилимга яқинларим!
Жума кунингиз ҳайрли ва солиҳ амалларга бой бўлсин.Канал чорраҳаларида ғойибона учрашгунча АЛЛОҲга омонат бўлинглар. вассалому алайка ва роҳматуллоҳи ва барокатуҳ.


~ ~ ~ ~ ~

https://t.me/joinchat/AAAAAE73dQ-KKSnPg1owbQ Ochish/sharhlash