Er-xotinlik muammolarini ikkiga bo‘lish mumkin: 1. Er tarafidan bo‘ladigan 2. Xotin tarafidan bo‘ladigan muammolar. Endi ushbu muammolar va ularning qisqacha yechimini ko‘rib chiqishga harakat qilamiz.
Er tarafidan bo‘lgan muammolar mavzuni shu nuqtadan boshlayotganimiz sababi oila tizgini erkakning qo‘lida bo‘ladi. Shuning uchun oilani himoya qilishdagi eng katta qiyinchilik er zimmasiga tushadi. Lekin hozirgi kunga kelib, bu holat o‘zgarganiga guvoh bo‘lib turibmiz. Ko‘p erlar shu muhim boshqaruv vazifasini qo‘ldan chiqarib, oila himoyasiga e’tiborsizlik qilmoqdalar.
Er tarafidan bo‘ladigan muammolar quyidagilar: 1. Muammo: xotinga e’tibor bermaslik. Unga uydagi qiymatsiz bir jihoz sifatida qarash.
Yechim. Xotin erning bir bo‘lagi. Unga e’tibor qaratish zarur. Xursand bo‘lsa, xursandligiga, xafa bo‘lsa, dardiga sherik bo‘lish lozim. Rasululloh (sollallohu alayhi va sallam) har bir haqdorga o‘z haqini berishga amr qilganlar.
2. Muammo: kichik xato va toyilishlarga bee’tibor bo‘lmaslik.
Yechim. Erda o‘zini bilmaslikka olish sifati bo‘lishi kerak. Ya’ni, xotinning diyonatiga ta’sir qilmaydigan arzimas xato va kamchiliklar sodir bo‘lsa, o‘zini bilmaganga olishi kerak. Ammo xotinning xatosi dinga aloqador bo‘lsa, beparvolik qilmaydi. Mehribonlik va muloyimlik bilan din ishlarini mukammal bajarishiga ko‘rsatma berib turadi.
Hikmatli so‘zda: “Erkak kishining yaxshisi o‘zini bilmaganga oladigan ziyragidir”, deyilgan.
2022-07-12 10:14:24Arab oilalaridan birida boʻlgan voqea
Er xotinining yuziga shunaqangi tushirdiki, yerga oʻtirib qoldi. Labidan oqayotgan qonni artarkan asta turdi-da, erining yuziga qarab: – Hoziroq borib ustingizdan shikoyat qilaman, dedi. Er esa: – Senga kim aytdi meni koʻchaga chiqishingga ruxsat beradi deb?! – dedi. -Nima, eshik va derazalarni berkitib qoʻysam, tashqariga chiqarmasam, shikoyat qilolmaydi deb oʻylayapsizmi!? – Xoʻsh, nima qila olasan!? – Bogʻlanaman. – Telefoning ham qoʻlimda va uni bermayman. Endi qoʻlingdan kelganini qil! Xotin hammom tomon yoʻnaldi. Er hammom derazasidan qochmoqchi deb oʻyladi va derazasi kichigu degan xayol oʻtdi va xotirjam boʻlib kresloga oʻtirdi. Gʻazabi bosilgan edi. Xotini hammomdan chiqdi, qarasa tahorat olibdi. Er koʻz qirida ayolini kuzatib turdi. Xotin: – Ustingizdan shikoyatimni joynamoz ustida, Uning nomi bilan qasam ichiladigan Zotga qilaman, Uning eshik va derazalari doim ochiq va u bilan bogʻlanish uchun telefon ham kerak emas, – dedi.
So'ng ikki rakat namoz oʻqidi. Sajdalarda uzooq turdi. Er uni kuzatib turardi. Xotini namozni tugatib, qoʻlini endi duoga ochmoqchi edi, eri yugurib keldi-da, xotinining qoʻlini ushlab: – Sajdada turib qargʻaganing kammi, yana qancha meni duobad qilmoqchisan?! – dedi. Shunda xotin unga qaradi va past ovozda: – Menga qilgan shu ishingizdan keyin toʻxtashimni soʻramoqchimisiz? – dedi. Eri javob berdi: – Gʻazabim kelib oʻzimni yoʻqotib qoʻydim, senga qoʻl koʻtarmoqchi emasdim, shayton meni yoʻldan urdi! Xotin endi nimtabassum va ayollarga xos nazokat ila shunday dedi: – Shuning uchun shaytonni laʼnatlab, siz haqingizda yaxshilik soʻrab xayrli duo qilyapman. Men erini, koʻz quvonchini qargʻaydigan ahmoq emasman, sizni duoibad qilarmidim, begim! Er ayolining qoʻllaridan oʻpdi va: – Kechir meni, Allohga qasam, bundan keyin senga aslo qoʻl koʻtarmayman deya yigʻlay boshladi.
Birinchi bo‘lib diktator fir’avnga butun iymoni, kuch-quvvati va shijoati ila yuzma-yuz ro‘para turgan shaxs erkak emas, Ayol bo‘lgan. U Sayyida Osiyodir.
Birinch bo‘lib Ka’batullohning vujudga kelishi va Makka shahrining gullab-yashnashiga sababchi bo‘lgan shaxs erkak emas, Ayol bo‘lgan. U Hojar onamizdir.
Birinchi bo‘lib yer yuzidagi eng pok suv Zamzamni ichishga erishgan shaxs erkak emas, Ayol bo‘lgan. U Hojar onamizdir.
Birinchi bo‘lib Muhammad alayhissalomga iymon keltirgan shaxs erkak emas, Ayol bo‘lgan. U Xadicha onamizdir.
Birinchi bo‘lib Islom uchun jonini fido qilgan shaxs erkak emas, Ayol bo‘lgan. U Sumayya roziyallohu anhodir.
Birinchi bo‘lib Islom uchun mol-mulkini hech ikkilanmasdan fido qilgan shaxs erkak emas, Ayol bo‘lgan. U Xadicha onamizdir.
Bilmagan har kimsa bilib olsinki, ayol Islom uchun faxrdir. Ayollarni hurmat qilgan va ularning qadr-qimmatini bilgan ummatga Allohning salomlari bo‘lsin..!
𝓆
