Даврон Файзиев

2021-05-11 19:52:45 Минерва сити харидорлари учун ифторлик ташкил қилди.

Тошкент шаҳрида Минерва cити - шаҳар ичидаги шаҳар қурилиши авжида. Хатто илк харидорлар мавжуд.

Куни кеча илк хонадон соҳиблари учун Минерва Cитида ифторлик ташкил қилинди. Ташриф буюрган аёллар ва эркаклар учун алоҳида намозхоналар ташкил этилгани айни муддао бўлди.

Тадбирдан мақсад Минерва Cити хонадон соҳибларини бир-бирлари билан таништириш эди. Уларга эсдалик совғалар тарқатилиб, ошхона жиҳозлари учун тўлов сертификати тақдим этилди.

Ифторлик давомида Бахриддин Чустий ва унинг жамоасидек моҳир ошпазлар меҳмонлар хизматида бўлдилар.

Ҳозирда Минерва Cити қурилишининг биринчи босқичи якунланмоқда.

Батафсил Ochish/sharhlash

2021-05-10 09:31:41 Ким олади шугинани...

Шашка ўйинини биласиз. Унинг тескари ўйнаш варианти ҳам бор. Русчада “поддавки” дейилади. Яъни доналарини тезроқ бой берган ўйинчи ғалаба қозонади. Испания чемпионатининг чемпионлик кураши шунга ўхшаб кетяпти. Фаворитлар ҳар тур бир-бирига ёрдам беришмоқда. Бироқ вазиятдан фойдаланиб, ўз даражасидаги ўйин намойиш этиб, ҳаммасини ҳал қилиб қўядигани топилмаяпти. Кеча поддавки қилиш навбати Реал Мадридга етди. Атлетико эса яна чемпионликка асосий даъвогар позициясига қайтди. Олдинда кимлар билан учрашувлар борлигини энди қараб ўтирмаймиз. Булар қаерда қоқилиши мумкинлигини олдиндан билиб бўлмай қолди.
Ла Лига титули ҳар қачонгидан керак бўлган мавсумда уччала клуб илтифот кўрсатиш билан овора.

t.me/Davron_Fayziev Ochish/sharhlash

2021-05-09 21:56:51 ​​Реалда Рамос эраси тугадими?

Охирги пайт Реал Мадрид сардори Серхио Рамос кўп жароҳат олаётганига эътибор қаратгандирсиз. Ҳа, футболда бўлиб туради. Аммо Рамос Ла Лиганинг энг жисмонан бақувват ва барқарор футболчиларидан бири эди. Нима ўзгарди? Менимча бу кетишга ишора. Фақат бу эмас. Яна анча нарса бор.

• Перес интервьюси. Суперлига машмашаси пайтда Реал президенти интервью берганди. Серхиони жуда яхши кўриши, бироқ ҳозирги шароитда ҳамма нарса бўлиши мумкинлигини айтган.
• Алаба келиши. Ҳозир Мадридда 4 та марказий ҳимоячи бор. Рамос, Варан, Милитао, Начо. Иккитаси асосийда ўйнашини инобатга олсак, бир топ клуб учун етарли. Унда Алаба нега келмоқда? Чунки Реални кимдир тарк этиши керак.
• Моддий қийинчиликлар. Серхио Рамос ойлиги пасайишига қарши. У чекинадиганлардан эмас. Клуб учун кўп иш қилган ва шунга ярашасини талаб қиляпти. Пандемия эса Переснинг режаларига ва чўнтагига таъсир қилди. Пул аралашганда Флорентино афсона-пафсонага қараб ўтирмайди. Касильяс, Рауль, Роналду бўлмайсанми, фарқи йўқ.
• Бугун Рамос инстаграмда ёппасига ПСЖ футболчиларига подписка бўлганмиш. Яна ПСЖ. Қайсидир юлдуз инжиқлик қилса ПСЖ га ўтади дейилади.

Билган, кузатган сабабларимни санаб ўтдим. Ўзимнинг фикримча Серхиони кетказиш адолатдан эмас. У билан Мадрид тарихидаги энг муваффақиятли эра боғлиқ. Бу эра икки буюк даврни боғлаб туради. У билан ҳамма ҳисоблашган, ҳар қайси юлдуз футболчи, мураббий ва ҳатто президент. Қаридими? Йўқ. У ҳамон юқори даражасини намойиш эта олади. Жароҳатлар инжиқликдир. Клуб у томонга юрса, у клуб учун жонини беришга тайёр. Яхши ҳимоячи топилар, Рамос каби лидер тарбиялаш учун йиллар керак. Флорентино, ҳали ҳам кеч эмас.

t.me/Davron_Fayziev Ochish/sharhlash

2021-05-09 16:41:31 #ХАЙРИЯ_АКЦИЯСИ

Суратдаги бемор — Зокиров Бурҳон. У 1979 йилда туғилган. Икки нафар фарзанднинг отаси. Тошкент вилояти Бекобод тумани «Ёшлик» маҳалласида истиқомат қилади.

2014 йилдан буён у ҳар икки буйраги етишмовчилигидан азият чекиб келмоқда. Унинг икки буйрагига жарроҳлик йўли билан катетер уланган. Шундан буён у катетер билан яшаб келмоқда. Катетерларни у ҳар ой алмаштиради ва чидаб бўлмас оғриқларни бошдан кечиришга мажбур.

Унинг касаллигини тузатиш мумкин. 38.000 АҚШ доллари эвазига Германияда мураккаб операцияни ўтказиши керак.

«Ҳали болаларим ёш, уларнинг тўйларини кўришни истайман», дейди у.

Азиз юртдошлар! Жарроҳлик амалиёти ўтказилиши учун бир неча платформаларда Зокиров Бурҳонга пул йиғилмоқда. Хайрия акциясида қатнашинг ва бир бемор биродаримизга баҳоли қудрат ёрдам беринг.

«Менга ёрдам қўлини чўзганларнинг барчасидан Аллоҳ рози бўлсин», деб ёзди Б.Зокиров ботга мурожжатда.

Пластик карта рақами (UzCard)
8600 0423 9828 8257
НБУ.виса.4916 6400 0021 0722
Телефон: 90 992-24-17
95 0007912. Ochish/sharhlash

2021-05-09 11:58:16 Криштиану Роналду 2014 йилги ЖЧ мусобақаси вақтида соч турмагини ўзгартиради. Мухлислар эса футболчини олифталикда, ўзини бошқалардан устун кўришда, худбинликда айблайди.

Бироқ Роналду “зигзаг” соч турмагини нима учун танлаганини билишганда бутун дунёдаги мухлислар, инсонлар унга қойил қолади. Боиси Роналду...

Давоми... Ochish/sharhlash

2021-05-09 09:37:07 Элдорни тушир, Баллардини.

Европа топ чемпионатларидаги ўзбек футболчиси Элдор Шомуродов учун бугун муҳим кун. Биласиз у иккита ўйиндан бери гол урмоқда. Бугун Женоа ўз майдонида Сассуоло билан ўйнайди. Давиде Баллардини кўраётгандир Элдор ёниб турганини. Серияда кетяпти. Асосийда туширса керак. Женоа биринчи даврада Сассуолога 1:2 ютқазган, Шомуродов ягона голни урган.

Женоа ҳали А Серияда қолишни таъминлагани йўқ. Очколар зарур. Тан олиш керак бугунги рақиб кучли. Сассуоло Европа лигаси йўлланмаси учун Рома билан жанг қиляпти. Даража юқорироқ. Ана шундай ўйинларда амалга оширилган ассист ёки голнинг қиймати анча баланд бўлади ва Элдорнинг кейинги мавсумдаги фаолиятига ижобий таъсир қилади. Омад!

Вақти бизга қулай, 15:30, FUTBOLTV жонли эфирида сизни кутаман.

t.me/Davron_Fayziev Ochish/sharhlash

2021-05-09 08:44:14 Сауль Канело Альварес учинчи чемпионлик камарини қўлга киритди.

Профессионал бокснинг супер ўрта тоифаси WBC, WBA йўналиши чемпиони ва P4P энг яхши боксчиларидан бири Сауль Альварес бугун WBO камари эгаси Билли Жо Сондерс билан жанг қилди. 6-раундгача беллашув тенг кечди. Кейинчалик Канело устунликни қўлга олди. Унинг панчлари Сондерсга талофат етказишни бошлади. 8-раунд якунида Сауль эгилаётган рақибига аперкот йўллади (видеодан ўрин олган). Ушбу зарба натижасида Сондерснинг юзида орбитал суяк синди. Раунд танаффусида шифокорлар кўриб чиққач, Билли Жо жамоаси жангни давом эттирмаслигини эълон қилди. Шу тариқа Сауль Альварес WBO камарини ҳам ўзлаштирди. Канелони тўхтатадиган куч бу вазнда топилмаяпти.

t.me/Davron_Fayziev Ochish/sharhlash

2021-05-08 14:58:48 Ўша кун келди.

Учта гранд Атлетико, Реал ва Барселона Испанияда чемпионлик учун курашаётганидан хабарингиз бор. Ҳаммасини Барселона - Атлетико ўйини ҳал қилади, деган гапга ҳам кўп дуч келаётгандирсиз. Ўша ўйин бугундир! Ҳақиқатдан ҳам уч етакчидан иккитаси ўзаро ўйнаши вазиятни анча ойдинлаштиради. Агар Атлетико ютса Барса титулдан қуруқ қолади. Аксинча, Барселона ғалаба қозонса интрига янада кучаяди ва Атлетико уёғига хато кутиб яшайди. Қанчалик ғалати эшитилмасин, аммо Реал Мадрид учун Барселонанинг ғалабаси қулайроқ. Ёки дуранг. Ҳа, мураккаб. Ла Лига мухлиси бўлмасангиз балки тушунишингиз ҳам шарт эмасдир. Шунчаки билингки, бугун Испания чемпионатининг энг кульминацион учрашуви бўлиб ўтади. Ҳақиқий жанг! Биргаликда томоша қиламиз.

Барселона - Атлетико
FUTBOLTV Live 19:15

Ифторлик столи атрофида телевизор пульти учун курашда сизга омад тилайман, арзийдиган ўйин.

t.me/Davron_Fayziev Ochish/sharhlash