Даврон Файзиев

2021-02-07 07:51:08 UFC fight night турнирида супер-нокаут қайд этилди. Ҳали юқори рейтингларга киришга улгурмаган Кори Сендхаген фаҳрий жангчи Френки Эдгар билан октагонга чиқди. Фаворит Эдгар эди. Сендхаген эса биринчи раунднинг ўзида уни ухлатиб қўйди. Зарба йил хайлайтсларидан жой олади. Корига бонус. Зарбанинг номи “парвоздаги тизза”.

t.me/Davron_Fayziev Ochish/sharhlash

2021-02-06 10:40:50 Зидан дунёдаги энг босиқлик билан фикр билдирадиган, психологик барқарор, умуман эмоцияга берилмайдиган мураббий... эди.
Биламизки, уни ҳам қайноқ нуқтага олиб чиқиш мумкин. Кейин эса қочиб қол. Матерацци улгурмаган. Кеча Зиданни мураббий сифатида ана шундай нуқтага биринчи бор олиб чиқишди. Уэскага қарши ўйинолди матбуот анжуманида журналистларнинг саволлари Зинединга ёқмади. Сал ҳурмат қилинг чемпионлигимизни, деб Мадрид мураббийи анча кескин оҳангда гапирган. Босим кучли. Шу кайфият билан бугун мураббий ўз шогирдларини жонлантиришга харакат қилади. Зинедин Зидан учун Уэскага қарши учрашув бурилиш нуқтаси бўлиши кутилмоқда. Айни вақтда Реал Мадрид ва Барселонада 40 тадан очко. Улар Атлетикога ов бошлашган.
Ўйлайманки бугунги Уэска - Реал Мадрид баҳсини томоша қилишга сабаблар етарли. 20:15, FUTBOLTVда учрашамиз.

t.me/Davron_Fayziev Ochish/sharhlash

2021-02-05 23:23:21 IFFHS томонидан Осиёнинг ҳам ўн йилликдаги энг яхши футболчиси аниқланди. Жанубий Корея терма жамоаси юлдузи Сон Хён Мин қитъамизда тенгсиз деб топилди. Иккинчи ўринни япониялик Кейсуке Хонда эгаллади. Учинчи поғонада эса саудиялик Салим Ал Досари.

t.me/Davron_Fayziev Ochish/sharhlash

2021-02-05 23:08:01 Шимолий Американинг ўн йилликдаги энг яхши футболчилари аниқланди:

Учинчи ўринда АҚШ терма жамоаси ярим ҳимоячиси Клинт Демпси.

Хавьер Эрнандес Чичарито эса иккинчи поғонадан жой олди.

Биринчи ўрин ва КОНКАКАФ минтақасининг 10 йил ичидаги энг яхши футболчиси - Кейлор Навас, Коста Рика терма жамоаси дарвозабони.

Аввал кўп айтардим, Навас энг қадрига етилмаган дарвозабон деб. Ниҳоят у муносиб эътироф этилди.

t.me/Davron_Fayziev Ochish/sharhlash

2021-02-05 21:32:57 Бугун дунёнинг энг кучли икки футболчисидан бири, футбол тарихидаги энг зўрлардан бўлмиш Криштиано Роналду таваллуд топган кун. 36 ёшга кирди. Унинг ўрни ва мавқеи ҳозирнинг ўзида юксак. Фаолиятини тугатгач сарҳисоб қилинади ва феноменал натижалар унга нисбатан ҳурмат, ўйинига нисбатан соғинчни янада кучайтиради. Ҳатто Месси мухлисларида ҳам.

Дарвоқе, шу давр ичида жуфтликнинг даражасига энг яқин келган, истеъдоди бўйича қолишмайдиган, аммо меҳнат ўрнига ёрқин ҳаётни танлаган Неймар ҳам шу куни туғилган.
Иккисини ҳам табриклаймиз!

t.me/Davron_Fayziev Ochish/sharhlash

2021-02-02 10:22:33 Кечаги трансферлар битта постда:

Шальке-04 Ливерпуль, Озан Кабак - ярим йиллик ижара.

Арсенал Шальке-04, Шкодран Мустафи - ярим йиллик шартнома.

Тоттенхэм Эльче, Пауло Гассанига - ярим йиллик ижара

Арсенал Вест Бромвич, Энсли Мэйтленд-Найлз - ярим йиллик ижара.

Арсенал Ньюкасл, Джо Уиллок - ярим йиллик ижара.

Бордо Фулхэм, Джош Майя - ижара ва 10 млн еврога ҳарид.

Саутгемптон Борнмут, Шейн Лонг - ярим йиллик ижара.

Ливерпуль Саутгемптон, Такуми Минамино - ярим йиллик ижара.

Борнмут Эвертон, Джошуа Кинг - ярим йилга трансфер.

t.me/Davron_Fayziev Ochish/sharhlash

2021-02-01 20:36:17 Шкодран Мустафи Шальке футболчисига айланди. Шартнома атиги 6 ойга тузилди. Арсенал билан эса Мустафи ўзаро келишган ҳолда шартномани бекор қилди.

t.me/Davron_Fayziev Ochish/sharhlash

2021-02-01 20:19:47 Бугун трансферлар кўп, чунки дедлайн. Аммо катта савдолар кўп эмас. Орасида баъзи юлдузларни учратиш мумкин. Масалан Сами Хедира. Узоқ танаффусдан кейин германиялик футболчи Бундеслигага қайтди. Хедира Герта клуби билан шартнома тузди.

t.me/Davron_Fayziev Ochish/sharhlash

2021-02-01 19:59:21 Рома таркибни кучайтирмоқда. Римликлар бу йил скудеттони мақсад қилган. Бугун трансферлар дедлайнида Брайан Рейнолдс Даллас клубидан Ромага ўтди. АҚШлик футболчилар охирги пайтларда Европа топ чемпионатларида анча фаоллашишган. Соккер эмас футбол ўйнаш вақти келгандир.

t.me/Davron_Fayziev Ochish/sharhlash