👨🏻‍🎓👩🏻‍🎓📚CHDPU KITOBXON TALABA 📚👩🏻‍🎓👨🏻‍🎓

2023-03-25 08:13:32 Тилинг йиртқич ваҳший, агар боғлаб қўйсанг, сени қўриқлайди, бўш қўйсанг, сени ҳалок қилади. Тилингни молингни сақлаганингдек сақла, болангни таниганингдек тани ва ишлатаётган нафақангни ўлчаганингдек ўлча. Маълум бир ўлчов билан гапир ва доим тилдан эҳтиёт бўл. Чунки минг кумуш тангани ноўрин сарфлаш бир сўзни ноҳақ айтиб қўйишдан енгилроқдир.


Унванул баён китобидан.

@CHDPU_KITOBXONTALABA Ochish/sharhlash

2023-03-25 08:03:43 ҚАЙТАР ДУНЁ!
(ҳаётий воқеа)

Ширакайф уч оғайни нимқоронғуда "Мўъжиза" деб номланувчи чойхонадан чиқишди.
- Машинани йўлнинг у четига қўйганман, - деди Нодир тишлари орасидан "чирт" этиб тупуриб. - Йўл-йўлакай сизларни уй-уйларингизга ташлаб ўтаман. Улар катта йўлни кесиб, дарахтлар орасидан ўтишаётганда, ногиронлар аравасидаги бир кишини таёғи билан ўтларни пайпаслаётганини кўришди.
- Ие, бу одам нима қилиб, адашиб юрибди, - деди Нодир беписанд.
- Кечирасизлар, жўралар, - деди ожиз киши. - Адашиб қолдим. Маҳаллот кўчаси томон йўлга солиб юборсанглар, илтимос.
-Тавба, ўзинг кўр бўлсанг, қоронғуда кўчада бало борми, - деди Нодир ғудраниб, - Мана бу томонга юрасиз, - дея тескари томонга буриб юборди уни.
- Бекор қилдинг, - деди Жамшид, - ахир, ожиз одам бўлса...
- Иккинчи бемаҳалда кўчаларда тимирскиланиб юрмайди.
- Балки бирор ҳожат билан чиққандир.
- Ташвишини ейишни қўй ўшани. Яна суриштириб ўз йўлини топиб олар...
Улар машинага ўтириб, кўздан ғойиб бўлишди. Бу воқеа уларнинг ёдидан ҳам чиқиб кетган эди, лекин... Орадан уч ой ўтиб Нодирнинг хотинини тўлғоқ тутиб, туғруқхонага олиб келишди. Шифохона эшиги олдида машина калитини ўйнаб келаётган Нодирга онаси дуч келди.
- Ҳа, онажон, сизни набира билан табрикласам бўладими?
- Болам, хунук хабар. Хотининг ўғил туғди. Лекин бола ногирон, икки кўзи ҳам ожиз. Ҳайронман, бизнинг уруғдан бундайлар ўтмаган.
Нодирнинг вужуди титраб, қулоқлари ғувиллай бошлади. Беихтиёр кўз олдида ўша аравачадаги ногирон одам гавдаланди. Тили айланмай тошдай қотиб қолди...



@CHDPU_KITOBXONTALABA Ochish/sharhlash

2023-03-24 17:43:48 Book.uz dan shedevr

P/s: Agarda Angliyalik va
Amerikalik yozuvchilar
Futbolda bahs qilishsa
qaysi Jamoa g'alaba
qozonar edi

@POSITIVE_INTRIGA Ochish/sharhlash

2023-03-24 03:58:33 Hayot senga ters boʼlib tikonlarini koʼrsatayotgan boʼlsa, hech ham xafa boʼlma, aksincha xursand boʼlgin. Chunki yaqinda gulning oʼzini ham koʼrsatadi...!

- Rumiy

@CHDPU_KITOBXONTALABA Ochish/sharhlash

2023-03-24 03:52:33 Барчамизнинг иймонимиз нафсимиздан устун булсин



​Ишдан қайтишда автобусдан тушдиму, соатимга қарадим: хуфтонга 5 дақиқа қолган экан. Ҳаммаёқ сирпанчиқ, устига-устак ҳаво анча совуқ бўлгани учун масжидга бориш нафсимга малол келди. Лекин Набий соллаллоҳу алайҳи васаллам: «Ким хуфтон намозини жамоат билан ўқиса, худди туннинг ярмини ибодат билан бедор ўтказгандек бўлади» (Муслим ривояти) мазмунидаги ҳадислари эсимга тушиб нафсимни «овозини ўчиришга» уриндим. Нафс ҳам ётиб қолгунча отиб қол, дегандек «ҳужумга» ўтди:
     – Эээ, қўйсанг-чи, масжидгача анча бор. Бундай ҳавода узрли ҳисобланади, уйда ўқисанг ҳам бўлади.
     – Тўғри, сал кўпроқ юрилади, лекин ҳозир уйга нимадир керак бўлса, дўконга чиқиб келиш учун ҳам ўша томонга борарди-ку, – деди виждон. – Устига-устак, жамоат савобидан ҳам қуруқ қолади.
     – Уйда ҳам жамоат қилса бўлади, – бўш келгиси келмади нафснинг. – Автобус кутиб, оёғидан зах ҳам ўтиб кетди. Ҳозир уйга кириб, иссиққина малина ёки лимон ва занжабил солинган чойдан ичиб олмаса, касал бўлиб қолиши мумкин. Барибир етиб боргунича, намозни бошлаб юборишади.
     – Ҳеч бўлмаса тўртинчи ракъатнинг охирги қаъдасига улгурса ҳам жамоатнинг савобидан насибадор бўлади, – деди виждон қатъий туриб.
     Йўл иккига айрилган жойга келдим. Тўғрига юрсам, масжидга, ўнг томонга бурилсам, кечки таом тайёр, иссиққина уйимга.
     – Ҳали ҳам кеч эмас. Ўйлаб кўр! Масжидгача бу совуқда яна анча юришинг керак, – деб айюҳаннос сола бошлади нафс.
     Жамоатга етишай дедим ва қадамимни тезлаштириб, масжид томон йўл олдим. Бир-икки қадам ҳам ташламаган эдим, қимматбаҳо бир машина келиб, олдимда тўхтади, ойнасини тушириб:
     – Ассалому алайкум. Ока, мачитга кетяпсизми? Чиқинг, вақт бўлиб қолди, – деди.
     Субҳаналлоҳ! Аллоҳ учун бир қадам ташлаган эдим, хизматимга энг олди уловлардан бирини юборди. Энди кун давомида нафсимга хуш ёққан нарсаларни охиратим учун тарк этсам қандай саодатга эришишимни тасаввур қилаверинг.

Маҳмуд Маҳкам

@CHDPU_KITOBXONTALABA Ochish/sharhlash

2023-03-24 03:51:44 Assalomu alaykum Juma ayyomi muborak bõlsin aziz kitobxonlar. Ochish/sharhlash

2023-03-16 18:35:28 Кўзингиз тушадиган жойга илиб қўйинг!

Ҳаётингизни ўзгартиришни истайсизми? Ишни ўзингиздаги баъзи камчиликларни тўғирлашдан бошлашга нима дейсиз? Масалан, кўнглингиз тусамаган таклифга рад жавобини бериш ҳам ўзингизга бўлган ишончнинг ортишига ёрдам беради. Демак, ўзгаришлар сари олға!

1. Дилозорларга вақт сарфламанг
Аслида ҳаёт қадрингизга етмаганларга вақт кетказиш учун камлик қилади. Шундай эмасми? Хўш, бу тоифадагилар билан муносабатларни мустаҳкамлашдан нима наф? Ахир ҳақиқий дўст хурсанд бўлганингизда ёнингизда турадиган эмас, қийинчиликда ҳам ёлғиз қолдирмайдиган инсондир. Кайфиятингизга ёмон таъсир қиладиган вазиятларга беэътиборроқ бўлинг.

2. Муаммодан қочманг
Уларга юзма-юз чиқишни ўрганинг, албатта, бу осон бўлмайди. Турмуш кутилмаган зарбалари билан ҳар қандай инсонни ҳам шошириб қўйиши мумкин. Сиздан эса барча муаммоларни бирваракайига ҳал қилиш эмас, шунчаки уларнинг мавжудлигини тан олиш талаб этилади, холос. Ёдингизда бўлсин, инсон хафа бўлишга, сиқилишга, қоқилиш ва йиқилишга мойил мавжудот. Аслида ҳаётнинг чин мазмуни ҳам шунда эмасми? Муаммоларга тик боқиб, уларни қадамма-қадам ҳал этишни ўрганинг.

3. Ўзингизни алдаманг
Ҳис-туйғуларнинг энг бемаъниси, бу — кишининг ўз-ўзига ачиниши. Турли вазиятлардан уддабуронлик билан чиқиб кетарсиз балки, аммо виждонингиз лофларингизга ишонмайди. Шунинг учун ҳақиқатни тан олинг.

4. Эҳтиёжларингизни қондиришни ўрганинг
Бошқаларга меҳр, эътибор бера туриб, баъзан ўзимиз ҳақимизда унутиб қўямиз. Яқинларни бир четга суриб, бор эътиборни ўзингизга қаратинг, деган фикрдан йироқмиз. Бироқ ҳар қандай вазиятда ҳам кўнгил эҳтиёжларини қондиришга имкон топа билинг. Агар дунёда қалбга қулоқ солиш учун бир лаҳза вақт ажратилган бўлса, демак, ўша лаҳза ҳозирдан бошланди.

5. Бошқанинг ниқобини кийманг
Турмушнинг энг мушкул дамларида ҳам ўзлигини йўқотмаган инсон чин инсондир. Тўғри, атрофда ақллироқ, чиройлироқ, чаққонроқ кишилар бисёр, лекин улар асло сизнинг ўрнингизни боса олишмайди. Шуни унутманг! Бошқалар учун ўзингизни ўзгартиришга уринманг. Ёдингизда бўлсин, сизни чин дилдан яхши кўрган инсон борингизча севади.

6. Ўтмишдаги хатолар учун ўзингизни айбламанг
Бир пайтлари йўл қўйган хатоларингизни такрор ва такрор хаёлингизда гавдалантирсангиз-да, тўғирлай олмайсиз. Улар янги ҳаёт бошлашингизга тўсқинлик қилади. Кўпинча хатолар тўғри йўлни топишга ёрдам берган. Аввал ҳаётингизда қандай воқеа бўлиб ўтганидан қатъи назар, у сизни келажакка тайёрлаганлигини тан олинг.

7. Хато қилишдан қўрқманг
Бирор ишни бажариб бўлгач, нотўғри эканлигини билиш, уни бажармай туриб афсуслангандан кўра афзалроқ. Ҳар қандай омад ортида ўнлаб, балки юзлаб омадсизликлар ётган бўлиши мумкин. Хато қилишдан чўчиманг, фақат камчилигингизни ўз вақтида тузатишга одатлансангиз, бас.

8. Бахт улашинг
Биз эгалик қилишни истайдиган нарсаларнинг аксари қимматбаҳодир. Аммо асл ҳақиқат шундаки, бизни бахтли қила оладиган туйғулар — муҳаббат, тинчлик, кулгу, хотиржамлик аслида бепул. Уларни ўз қўлимиз билан ярата олганимиз учун ҳам қадрига етмасмиз... Бу туйғулардан яқинларингизни бебаҳра қўйманг!

9. Кимдир сизни бахтли қилишини кутманг
Агар феъл-атворингиздан, ҳаётингиздан кўнглингиз тўлмаётган бўлса, бошқалар билан муносабатлар сизни бахтли қила олмайди. Ўз устингизда ишлашдан тўхтаманг. Ўзгаларга қувонч улашишдан аввал кўнгил хотиржамлигига эришинг.

10. Тўғри қарор қабул қилинг
Қарор қабул қилишдан аввал бот-бот ўйлайверсангиз, йўқ жойдан муаммо орттиришга одатланиб қоласиз. Яхшиси, вазиятга тўғри баҳо бериб, тезроқ қарор қабул қилишни ўрганинг!

@CHDPU_KITOBXONTALABA Ochish/sharhlash

2023-03-16 04:26:32 Ochish/sharhlash

2023-03-16 04:26:08 Assalomu alaykum xayrli tong kitobxonlar Ochish/sharhlash

2023-03-14 13:14:50 #tonggi_tavsiya

Nega kitob o‘qiyotganda uyqu keladi? Bunga qarshi nimalar qilish mumkin?

Kitob o‘qiyotganida uxlab qolmagan odam bo‘lmasa kerak. Garchi, kitob zerikarli bo‘lmasa ham. Kitobni o‘qib tugatishingiz kerak bo‘lsa yoki uxlab qolmasdan uzoq vaqt kitob o‘qishni xohlasangiz, quyidagi 8 ta usuldan foydalanganingiz ma’qul:

1.  Kitob o‘qish uchun qulayroq joy toping, lekin juda qulay bo‘lmasin. Yotoqda kitob o‘qigandan ko‘ra, kresloga o‘rnashib oling. U yerda ham uxlab qolayotgan bo‘lsangiz, stulda o‘tirib kitob o‘qing.

2.  Kitob o‘qiyotganingizda xona yorug‘ligini oshiring.

3.  Xonani shamollating, u biroz salqin bo‘lishi kerak. Issiq havoda tez uxlab qolasiz. 

4.  Kitobni o‘qib tugatishingiz zarur bo‘lsa, o‘qishga kirishishdan oldin, tetiklashishga harakat qiling. Badantarbiya mashqlarini bajaring, qahva iching, sovuq dush qabul qiling va hokazo. 

5.  Tanaffuslar qiling, “porsiyalar” bilan o‘qing. Bir soatdan ortiq davomiy kitob o‘qimang. Turing va biroz qadam bosing – qoningiz yurishib, tetiklashasiz. 

6.  Oldingizda suv, sharbat solingan stakan yoki bir piyola choy bo‘lsin.

7.  Faol o‘qing – iqtiboslarni belgilang, qaydlar qiling. Elektron kitobda ham iqtiboslarni belgilash diqqatingiz konsentratsiyasi uzoq vaqt saqlanishiga yordam beradi. Tana faol bo‘lsa (sahifalarga stikerlar yopishtirish, qalam ushlash, fikrlarni yozib qo‘yishda), miya ham faollikni saqlaydi. 

8.  Kitob o‘qish vaqtingizni o‘zgartiring. Agar har doim kechqurun uyqudan oldin kitob o‘qisangiz kitob va uyquni bog‘lovchi shartli refleks hosil bo‘ladi. Kunduzi o‘qishni sinab ko‘ring. Ochish/sharhlash