Bankers.uz - Банк тизими янгиликлари

2024-05-17 18:14:45 Сергей Гимадиев APEX BANK'га ўтади

2023 йил июль ойидан "Азия Альянс банк" бошқаруви раиси лавозимига ўтган Сергей Абдулхаевич Гимадиев ўз фаолиятини "APEX BANK" АЖ бошқарувида давом эттиради. Бу ҳақда Bankers.uz манбалари хабар бермоқда. С.Гимадиев (1980 й.т.) меҳнат фаолияти давомида шунингдек, Капиталбанк, InFinBank, Uzum Bank (собиқ Bank Apelsin)да турли лавозимларда, шу жумладан раҳбарлик лавозимларида фаолият юритган.

Батафсил: https://bankers.uz/news/1511


@bankers_uz Ochish/sharhlash

2024-05-17 13:59:37 Ўзсаноатқурилишбанк Риск бош директори лавозимига хорижий мутахассис тайинланди

Россиянинг "АК Барс" банки Риск бош бошқарувчи директори лавозимида ишлаб келган Салават Исмагилов Ўзсаноатқурилишбанк Риск бош директори лавозимига тайинланди ва банк бошқаруви таркибига киритилди. Рискларни бошқариш бўйича тажрибали мутахассис ҳисобланган С.Исмагилов фаолияти давомида "Альфа Банк", "Кредит Европа Банк", "Возрождение" каби банкларда раҳбар лавозимларда, шунингдек "KPMG" компаниясида катта менежер сифатида фаолият юритган.

Батафсил: https://bankers.uz/news/1510


@bankers_uz Ochish/sharhlash

2024-05-17 12:30:56 Туронбанк янги кўчма мобил офисини ишга туширди

Туронбанк чакана хизматларни мобил тарзда тақдим этувчи тезкор ва манзил танламас кўчма мобил офисни тақдим этди. Унда жисмоний ва ўзини ўзи банд қилган шахслар учун деярли барча чакана хизматларни кўрсатиш имконияти яратилган. Ҳозирча кўчма мобил офис Тошкент шаҳрида тажрибадан ўтказилади ва босқичма – босқич Туронбанкнинг республика миқёсидаги 21 та банк хизматлари марказида ташкил этилади.

Батафсил: https://bankers.uz/news/1509


@bankers_uz Ochish/sharhlash

2024-05-17 12:02:49 Эндиликда InfinBANK мобил иловасидан фойдаланиб iPhone 15 ютиб олиш мумкин

22 апрелдан 22 июлга қадар давом этадиган акцияда InfinBANK мобил иловасида 20 000 сўмдан ортиқ миқдордаги исталган транзакцияни амалга ошириб, учта iPhone 15 PRO ёки ҳар бири 1 000 000 сўмдан бўлган ўнта пул мукофотидан бирини ютиб олиш мумкин.

Ғолиблар ҳар душанба куни банкнинг Instagram саҳифасида, жонли эфирда рандомайзер ёрдамида аниқланади.

Бир иштирокчи бутун акция давомида фақат битта совринни ютиши мумкин.

Мобил иловани бу ердан юклаб олиш мумкин. Ochish/sharhlash

2024-05-17 09:03:33 Мадад Инвест банк ва Tune Consulting банкни рақамлаштириш лойиҳасини ишга туширди

"Мадад Инвест Банк" АТБ ҳамда Ўзбекистон банклари учун рақамли ечимлар таклиф қилувчи "Tune Consulting" компанияси ўртасида банк маҳсулот ва хизматларини рақамлаштириш, уларни босқичма-босқич бозорга чиқариш режаси юзасидан келишувга эришилди. “Мадад Инвест банк билан ҳамкорликдаги лойиҳа биз учун жиддий чақириқ ҳисобланади", — деб таъкидлаган компания асосчиси ва раҳбари Фарҳод Обидхонов.

Батафсил: https://bankers.uz/news/1508


@bankers_uz Ochish/sharhlash

2024-05-16 14:59:01 Асакабанк учинчи бор Ўзбекистондаги энг фаол эмитент банк сифатида эътироф этилди

Жорий йил 14 май куни Ереван шаҳрида бўлиб ўтган Европа тикланиш ва тараққиёт банки (ЕТТБ) Бошқарувчилар кенгашининг 33-йиллик йиғилиши ҳамда бизнес-форумида Асакабанк ЕТТБ билан ҳамкорликда Ўзбекистонда савдони молиялаштириш бўйича энг фаол эмитент банк сифатида эътироф этилди. Бу 2019 йил сентябрь ойида ЕТТБ савдони молиялаштириш дастурига қўшилган Асакабанк учун учинчи бор эътироф ҳисобланади.

Батафсил: https://bankers.uz/news/1507


@bankers_uz Ochish/sharhlash

2024-05-16 09:12:17 Ипотека кредитларига субсидия олиш учун лимитдан 2,5 баравар кўп ариза келиб тушди

Кеча — 15 май кунидан бошлаб my.gov.uz порталида ипотека кредитига давлат субсидиясини олишга ариза бериш бошланган куннинг ўзида жами 63 457 та аризалар келиб тушди. Бу 2024 йил учун республика миқёсида ажратилган лимит — 27 мингдан 2,5 баравар кўпдир. Жорий йилдан ипотека кредитига давлат субсидиясини бериш тартиби ҳам бироз ўзгарган.

Батафсил: https://bankers.uz/news/1506


@bankers_uz Ochish/sharhlash

2024-05-15 12:09:47 Давлат банкларини ислоҳ қилиш устувор вазифа бўлиши керак — ХВЖ миссияси баёноти

Халқаро валюта жамғармаси (ХВЖ) миссияси жорий йилнинг 23 апрель – 7 май кунлари Тошкент шаҳрида бўлиб ўтган муҳокамалар натижаси бўйича расмий баёнот эълон қилди. Баёнотда мамлакат иқтисодиёти бўйича жорий ҳолат, истиқболлар ва хатарлар, солиқ-бюджет сиёсати, пул-кредит ва алмашув курси сиёсати, молия секторининг барқарорлиги ҳамда давлат олиб бораётган таркибий ислоҳотлар бўйича хулосалар ва таклифлар берилган.

Батафсил: https://bankers.uz/news/1505


@bankers_uz Ochish/sharhlash

2024-05-13 14:47:06 HUMO тўлов тизимининг I чоракдаги соф фойдаси қарийб 88 фоизга ошди

Миллий банклараро процессинг маркази (HUMO тўлов тизими)нинг жорий йил январь-март ойларида соф фойдаси 37,4 млрд сўмни ташкил этди ва ўтган йил мос даврига нисбатан 87,6% га ортди. Аввалроқ HUMO'нинг 2023 йилдаги соф фойдаси ҳам 2022 йилга нисбатан қарийб икки баробарга ортгани маълум бўлганди. Эслатиб ўтамиз, 2024 йил 19 апрелдаги Президент қарорига асосан HUMO тўлов тизимидаги 100 % давлат улуши тўлиқ сотилиши кўзда тутилган.

Батафсил: https://bankers.uz/news/1504


@bankers_uz Ochish/sharhlash

2024-05-13 14:28:54 InfinBANK янги турдаги омонатларни тақдим қилмоқда

Банк ўз мижозлари учун сўмда ва хорижий валютадаги юқори фоизли омонат турлари йўлга қўйилганини эълон қилди. Омонатларни InfinBANK мобил иловаси орқали ёки банкнинг исталган филиалида очиш мумкин.

"InFin-Sharqona" – 23% омонати:
• Омонат муддати – 24 ой;
• Омонатнинг минимал миқдори – 1 000 000 сўм;
• Фоиз ставкаси – 23 %;
• Қўшимча пул киритиш – дастлабки 6 ой давомида мумкин.

"InFin-Premium" – 7,5% омонати:
• Омонат муддати – 24 ой;
• Омонатнинг минимал ҳажми – 1 000 АҚШ доллари;
• Фоиз ставкаси – 7,5 %;
• Қўшимча пул киритиш – дастлабки 6 ой давомида мумкин.

Ҳамкорлик асосида Ochish/sharhlash