Bankers.uz - Банк тизими янгиликлари

2021-12-20 09:21:32 Тошкентда қарийб 5 минг евролик сохта тангалар банк ходимлари томонидан текширилмай қабул қилиб юборилган

Бош прокуратура ҳузуридаги Департаментнинг Миробод туман бўлими томонидан ўтказилган терговга қадар текширувда, банк муассасасига қарашли “Марказ” номли валюта айирбошлаш шаҳобчасига топширилган 2 евро номиналидаги 2 470 дона 4 940 евро миқдоридаги тангалар қалбаки эканлиги ҳамда банк масъул ходимлари томонидан ушбу валюталар текширилмасдан қабул қилинганлиги натижасида банк манфаатларига 59,3 млн. сўм зарар етказилганлиги аниқланган.

Шунингдек, Департаментнинг Қашқадарё вилоят бошқармаси томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда, “М” МЧЖ мол бозорида 2 бош қўйларини сотиш эвазига ўзига нотаниш бўлган шахслардан олган 2,1 млн сўм пуллардан 100 минг сўм купюрадаги 20 донаси қалбаки эканлиги аниқланган.

Мазкур ҳолатлар юзасидан Жиноят кодексининг 176-моддаси билан жиноят ишлари қўзғатилиб, тергов ҳаракатлари ўтказилмоқда.


@bankers_uz Ochish/sharhlash

2021-12-20 08:57:15 DAVR BANK'дан акция: "Davr mobile" иловасини юклаб олиб пул ютуқларига ва Gentra автомобилига эга бўлиш мумкин

Аввал хабар берганимиздек, DAVR BANK ўзининг мобил иловаси фойдаланувчилари ўртасида акция элон қилган.

Акцияда қатнашиш учун:

DAVR MOBILE иловасини юклаб олинг;

Тўлиқ рўйхатдан ўтинг ва DAVR BANK'да очилган ихтиёрий картани бириктиринг;

Дўстингиз ёки танишингиз промокодини киритинг;

Илованинг асосий саҳифасидаги "Промо Акция" тугмасини босинг ва акция шартлари билан танишинг (юқори ўнг бурчакдаги ёрдам белгиси).

Иловани юклаб олиш қуйидаги ҳаволада: http://onelink.to/4cwhuq

Батафсил маълумотни 1284 қисқа рақами ёки +998 71 207 40 40; +998 71 207 09 09 дан олиш мумкин. Ochish/sharhlash

2021-12-20 07:59:24 "EMBRAS" мукофотлари, янги процессинг маркази ва янгиланган мобил иловалар — "InfinBank"да йил якунлари

"Йил якунлари" сарлавҳаси остида туркум материалларнинг навбатдагиси ЧЭКИ "Invest Finance Bank" АТБ тўғрисида бўлади.

2021 йил банк ўз фаолиятининг асосий йўналиши — чакана банк хизматларини ривожлантиришда давом этди. Хусусан, банкнинг мобил иловаси янгиланди, банк ўз процессинг марказини ишга тушириб, VISA ва Union Pay карталарини мустақил эмиссия қилиш имкониятига эга бўлди.

Шунингдек, InFinBank Ўрта Осиёдаги компанияларни турли номинациялар бўйича тақдирлаб келувчи ҳар йилги "Employer Brand Award & Summit" (EMBRAS) томонидан бир нечта йўналиш бўйича ғолиб деб топилди.

Банк тўғрисида қисқача маълумот, унинг асосий ҳамда молиявий аҳволи ҳақида, шунингдек банкда йил давомида юз берган муҳим ўзгаришлар ва янгиликлар билан мақоламизда батафсил танишишингиз мумкин.


@bankers_uz Ochish/sharhlash

2021-12-19 12:10:25 Марказий банк 11 ойлик якунлари бўйича пластик карталар ва улар билан боғлиқ ускуналар статистикасини тақдим қилди

Ноябрь ойи давомида пластик карталар 1,24 млн. донага кўпайиб, уларнинг жами сони 26,5 миллион донадан ошди. Ўтган ойдаги қарийб 100 минг доналик ўсишдан фарқли равишда, бу ойда Ўзсаноатқурилишбанкдан ташқари қолган барча банк эмиссия қилган карталари сони кўпайган. Энг кўп ўсиш инфратузилмалари кенг бўлган Халқ банки (827,5 мингта), рақамли банклар ҳисобланадиган TBC Банк (55,6 мингта), Anor bank (51,9 мингта), "Ипак Йўли" банки (39,9 мингта) ҳамда Hamkorbank (35,8 мингта) да кузатилган.

Жами терминаллар сонида эса камайиш қайд этилган — 2 590 дона. Шунингдек, ноябрь ойида банкоматлар ва инфокиосклар сонида 75 та ўсиш қайд этилди.


@bankers_uz Ochish/sharhlash

2021-12-17 20:00:41 17 декабрь куни Ўзбекистон банк секторига оид хабарлар қисқа сатрларда

Ўзбекистонда хусусий секторга валюта айирбошлаш хизматларини кўрсатишга рухсат берилиши мумкин;

Ўзбекистондаги капитализациясига кўра энг қиммат банклар номи маълум бўлди;

Қандай қилиб ANORBANK ELMA ёрдамида Ўзбекистонда биринчи бўлиб тўлиқ рақамли банкка айланди?;

Туронбанк айрим чакана кредитлар ажратишни вақтинча тўхтатганини маълум қилди;

Янги намунадаги 50 минг сўмлик банкнот дизайнида техник хатолик борлиги маълум қилинди;

Ўзсаноатқурилишбанкнинг UZCARD терминалларида VISA карталари билан тўлов қилиш имконияти яратилди;

Asia Alliance Bank банкоматлари 19 декабрь соат 20:00 дан 20 декабрь соат 09:00 гача ишламайди;

Универсалбанк Бошқарув раиси Зафар Тўрақулов Фарғона вилояти Қувасой шаҳри ҳокими этиб тайинланди;

Биржада АҚШ доллари курси 18 сўм 90 тийинга пасайди ва душанбадан бошлаб расмий курс 10 821 сўм 32 тийинни ташкил қилмоқда.


#дайжест Ochish/sharhlash

2021-12-17 17:52:05 "Универсал банк" АТБ Бошқаруви раиси Қувасой ҳокими этиб тайинланди

Халқ депутатлари Қувасой шаҳар кенгашининг навбатдан ташқари сессияси бўлиб ўтди. Сессияда ташкилий масала кўрилди. "Универсал банк" АТБ Бошқаруви раиси бўлиб ишлаб келаётган Зафаржон Қодирович Тўрақулов Қувасой шаҳар ҳокими этиб тайинланди.

"Универсал банк" АТБ расмий сайтидаги маълумотларга кўра З.Тўрақулов 1974 йил Фарғона вилояти, Бувайда туманида туғилган. 2006 йил Тошкент Давлат иқтисодиёт университетини, 2008 йил Банк Молия академиясини тамомлаган Зафаржон Тўрақулов 2012 йил январь ойидан бери банк бошқарувига раислик қилиб келмоқда эди.

Эслатиб ўтамиз, "Универсал банк" АТБ 2001 йилдан бери фаолият олиб боради. Банкнинг республика бўйлаб 6 та филиали мавжуд.


@bankers_uz Ochish/sharhlash

2021-12-17 15:35:35 Фируз Аллаев: Янги йил муносабати билан бир бирингизга китоб совға қилишингиз сўрайман

"Asaxiy Books" лойиҳаси асосчиси Фируз Аллаев корхона ва ташкилотларда янги йил байрами муносабати билан совғалар бериш корпоратив анъанаси борлиги ҳақида сўз юритиб, ушбу жараёнда совға сифатида китоб берилиши лозимлигини айтган.

"Мен байрамга совға бериш ниятидаги инсонларга мурожаат билан чиқмоқчиман. Совғанинг катта ёки кичиги бўлмайди, лекин яхшилик тилайдиган қадрлиси бўлади. Шу учун ҳам сиздан имкониятдан келиб чиқиб бошқа маҳсулот эмас, китоб совға қилишни илтимос қилган бўлардим. Бу билан сиз совға бераётган инсонга яхшиликни, яхши қадриятни тилаган бўласиз. Китоб еб тугатиладиган нарса эмас, у совғани олган инсонга йиллар давомида сизни эслатиб теради." - деган Фируз Аллаев.

Фируз Аллаевнинг айтишича, совғалар исталган манзилига, керакли одамнинг қўлига, ҳатто махсус тилаклар билан етказиб берилиши мумкин.


@bankers_uz Ochish/sharhlash

2021-12-17 13:46:32 Янги намунадаги 50 минг сўмлик банкнот дизайнида техник хатолик борлиги маълум қилинди

Марказий банк жорий йил 15 декабрь куни эълон қилинган янги намунадаги пул белгиларидан "50 000 сўм" банкнотанинг олд тарафида техник хато аниқланганлигини маълум қилди.

Қайд этилишича, 50 минг сўмлик банкнот намунасининг олд томонида «Ал-Ҳаким ат-Термизий» мақбараси тасвири туширилгани, аммо мақбара номи «Абу Исо ат-Термизий» деб ёзилгани айтилган. Мутахассислар билан қайта ўрганиш натижасида ҳақиқатан ҳам намунадаги тасвир ва унинг номланишида техник хатолик мавжудлиги маълум бўлган.

Шу сабабли Марказий банк янги дизайндаги 50 000 сўмлик банкнотлар муомалага чиқарилишидан олдин унинг намунасида аниқланган техник хатолик бартараф этилишини ҳамда мақбаранинг номи тўғри қайд этилишини таъкидлаган.

Марказий банк матбуот хизматининг маълум қилишича, мазкур банкноталар ҳали эмиссия қилинмаган ва фақатгина техник хато тўғриланган ҳолда эмиссия қилинади.


@bankers_uz Ochish/sharhlash

2021-12-17 12:25:43 Туронбанк айрим чакана кредитлар ажратишни вақтинча тўхтатганини маълум қилди

"Туронбанк" АТБ чакана кредитлашни вақтинча тўхтатаётганлигини маълум қилди. Бу ҳақида эълон банк матбуот котиби расмий каналида жойлаштирилган.

Ўтиб бораётган 2021 йилни муваффақиятли якунлаш, банк активлари салмоғини янада ошириш, муаммоли кредитлар даражасини камайтириш ва филиаллар кредит портфелини соғломлаштириш мақсадида “Туронбанк” АТБ томонидан ажратилаётган айрим чакана кредитлар вақтинчалик тўхтатилмоқда, дейилган хабарда.

Юқоридаги жадвалда филиаллар кесими бўйича аниқ маълумотлар келтирилган.


@bankers_uz Ochish/sharhlash

2021-12-17 10:28:50 Қандай қилиб ANORBANK ELMA ёрдамида Ўзбекистонда биринчи бўлиб тўлиқ рақамли банкка айланди?

ANORBANK – Ўзбекистондаги биринчи тўлиқ, хизматларидан офисга бормасдан ҳам фойдаланиш мумкин бўлган рақамли банк. Лойиҳа ишлаб чиқиш ва тадбиқ қилиш даври карантин даврига тўғри келганлиги билан ўзига хосдир. Шунингдек, лойиҳа интеграциялашган АТ тизимлари сони сабабли ягона ҳисобланади. ELMA ва ANORBANK банк фаолиятининг биринчи куниданоқ елкама елка ишлашни бошлаган.

Лойиҳани тадбиқ қилиш ELMAнинг Ўзбекистондаги ҳамкори – TUNE Consulting компанияси томонидан амалга оширилди. TUNE Consulting асосчиси Фарход Обидхонов, ANORBANK бошқаруви раиси ўринбосари — АТ бўлими директори Нуритдин Ҳамидов билан суҳбатлашди.

Bankers.uz суҳбат матнини эътиборингизга ҳавола қилади.


@bankers_uz Ochish/sharhlash