Zed News

2022-08-01 13:16:16 Блокланган сайтлар ниҳоят очилиши кутиляпти

Норасмий хабарларга кўра, Ўзбекистонда бир йил олдин блокка тиқилган бир қатор ижтимоий тармоқлар блокдан чиқарилиши мумкин. Ҳозирча бу ҳақда расмий хабар йўқ.

Ўтган йили Твиттер, ТикТок ва бошқа тармоқлар номаълум сабаблар билан блокка тиқилганди. Бу тақиқлар ортидан АКТ вазири, "Ўзкомназорат" раҳбари ва бошқалар ишдан олинганди, аммо блок ечилмаган.

Бугундан олиб ташланилиши кутилаётган тақиқлар янгиланган конституция шарофати билан бўлиши мумкин. Чунки айнан янги таҳрирда ҳар бир инсоннинг интернетдан эркин фойдаланиш ҳуқуқи таъминланган.

Telegram | Instagram | Facebook | YouTube | Aloqa boti Ochish/sharhlash

2021-02-02 07:54:30 Бугун катта ўйин бор. Тошкентда Ўзбекистон - Аргентина учрашуви бўлади

Тошкентдаги муҳташам "Ўзбекистон" спорт мажмуаси бугун футзал бўйича катта ўйинга мезбонлик қилади. Унда Ўзбекистон ҳамда Аргентина терма жамоалари ўртқолик учрашувида майдонга тушади. Аслида, ўртоқлик дегани бу шунчки назорат мақомидаги - номигагина ўйин дегани, аммо футзалда - боз устига Аргентинадек терма билан шунчаки тўп тепиш бўлмайди.

Тўғри, очиғини айтиш керак ташкилотчилар томонидан Ўзбекистон дарвозасига голларни "ёғдириб" ташламанглар, деган "илтимос" ҳам бўлиши мумкиндир, балки. Бу тўғриям, бир тарафдан. Чунки бир пайтлар Эрондан шунақа илтимослар бўлган ва якунда форслар битта ёки иккита тўп фарқи билан бизни ютиб кетишган. Агар бугун Аргентинага қўйиб берилса 10 "солади" ишонаверинг. Лекин, бугун бунақа бўлмаса керак?! Меҳмон қилдик ҳар ҳолда...

Хуллас, футбол ишқибозларини ...

Батафсил: https://uzfootball.ru/uz/news/bugun-katta-oyin-bor-toshkentda-ozbekiston-argentina-uchrashuvi-boladi Ochish/sharhlash

2021-02-01 10:05:27 Валюталар курси

2021 йил 2 февралдан валюталар курси:

1 $ - 10 540,44 (+ 21,45)
1 € - 12 791,88 (- 6,58)
1 £ - 14 442,51 (+ 48,32)
1 ₱ - 139,19 (- 0,53)

Telegram: @Zed News

Instagram: @Zednewsuz

Facebook: @Zed News

Aloqa boti: @zednews_bot Ochish/sharhlash

2021-01-29 07:56:54 Жиззахда олтин излашга чиққан 2 киши ҳалок бўлди

26 январь куни Жиззах вилоятида ўзбошимчалик билан олтин қазиб олишга киришган 4 фуқаро бахтсиз ҳодисага учраган, 2 таси ҳалок бўлган, 2 таси реанимацияда ётибди.

Ғаллаорол тумани Булоқбоши қишлоғида яшовчи бу фуқаролар тахминан 7-8 км. узоқликда жойлашган тоғдан ноқонуний равишда олтинли рудани қазишга киришган. Оқибатда уларни тош босиб қолган.

2017 йилдан ҳозиргача руда тошларни талон-торож қилиш бўйича бир неча фуқаролар жавобгарликка тортилган.

Telegram: @Zed News

Instagram: @Zednewsuz

Facebook: @Zed News

Aloqa boti: @zednews_bot Ochish/sharhlash

2021-01-28 08:13:25 Москва метросида федерал қидирувдаги ўзбек ушланди

Москва шаҳридаги ВДНХ метро бекатида назоратчи федерал қидирувдаги эркакни ушлаган. Назоратчи уни аввалига қўлқоп тақмагани учун жаримага тортмоқчи бўлган.

Полиция эркакнинг шахсини аниқлагач, 26 ёшли М.Сардор Россия жиноят кодексининг 158-моддаси 3-қисми (Ўғирлик) бўйича федерал қидирувда бўлгани ойдинлашган.

Назоратчи қўлқоп тақмагани учун Сардорга жарима ёзган. Шундан сўнг полиция уни маҳкамага олиб кетган.

Telegram: @Zed News

Instagram: @Zednewsuz

Facebook: @Zed News

Aloqa boti: @zednews_bot Ochish/sharhlash

2021-01-26 12:37:51 ​​Андижонда Президент мактаби қуриш учун зиёлилар жойлашган бино бузилиши мумкин

Андижон вилоятида Президент мактаби қуриш учун "Андижоннома" таҳририяти жойлашган бино танланиши мумкин. Буни журналистлар вилоятнинг "звезда" ҳокими (бир пайтлар журналистларни ҳақорат ҳам қилган) Шуҳрат Абдураҳмонов бинони кўриб кетгач, билиб қолишгани айтилган.

21 январь куни ҳоким пойтахтдан келган мартабали меҳмон билан таҳририят биноси ва унга туташ иншоотларни кўздан кечирган. Кейинчалик маълум бўлишича, ҳоким ташрифининг сабаби Андижонда қурилажак Президент мактабига жой қидириш бўлган ва у Андижон шаҳар ҳокимлиги ҳамда таҳририят жойлашган бинога тўхталган. Айтилишича, ҳадемай у ерда катта қурилиш ишлари бошланади.

Таҳририят биносидан вилоят ахборот ва оммавий коммуникациялар бошқармаси, Журналистлар ижодий уюшмаси вилоят бўлими, "Халқ сўзи" газетаси ҳамда Ўзбекистон миллий ахборот агентлиги ҳудудий мухбирлари ҳам қўним топган.

Манбанинг ёзишича, андижонлик зиёлилар бир неча оқибатлардан чўчишмоқда: масалан, 3 ойда реконструкция қилиниши кўзда тутилган Бобур номидаги вилоят ахборот-кутубхона маркази қарийб икки йилдан бери тугалланмаган.

Шунингдек, Ёзувчилар уюшмасининг вилоят бўлими ҳам худди шундай турар жойсиз ҳолатда кун кўрмоқда.

Хабарда айтилишича, воқеалар ривожидан хавортирга тушган "Андижоннома" таҳририяти журналистлари Президентга мурожаат қилишган.

Маълумот учун: таҳририят биноси 1972-1975 йилларда Шароф Рашидов ташаббуси билан қурилган. Бу таҳририятнинг 50 йиллик юбилейига тўёна бўлганди. Бу йил "Андижоннома" 100 йиллигини нишонлайди.

Telegram: @Zed News

Instagram: @Zednewsuz

Facebook: @Zed News

Aloqa boti: @zednews_bot Ochish/sharhlash

2021-01-25 09:50:34 Валюталар курси

2021 йил 26 январдан валюталар курси:

1 $ - 10 518,99 (+ 18,18)
1 € - 12 798,46 (+ 115,58)
1 £ - 14 394,19 (+ 127,79)
1 ₱ - 139,72 (- 2,94)

Telegram: @Zed News

Instagram: @Zednewsuz

Facebook: @Zed News

Aloqa boti: @zednews_bot Ochish/sharhlash

2021-01-22 10:06:30 ​​Бухорога ҳоким ва прокурор тайинланди

Бугун Халқ депутатлари Бухоро вилояти кенгашининг навбатдан ташқари сессиясида Ботир Зарипов (суратда) вилоят ҳокими этиб тасдиқланган. Шу пайтгача у ҳоким вазифасини бажариб келаётганди.

Президент Шавкат Мирзиёев сессияда Ботир Зарипов номзодини тавсия этган. Халқ депутатлари, оқсоқоллар номзодни қўллаб-қувватлаган.

Б.Зарипов 1969 йилда Ғиждувон туманида туғилган. Банк соҳасида турли лавозимларда ишлаган. 2016-2020 йилларда республика қурилиш материаллари саноатини бошқарган.

Иқтибос

– Вилоятни бошқариш, одамларни сафарбар қилиш осон иш эмас. Буни Зариповнинг ўзиям тушуняпти. Мен уни турли лавозимларда синаганман, охирги уч ойда ҳоким вазифасини бажарувчи сифатида сизлар ҳам синадингиз. Бухоронинг сувини ичиб, чангини ютиб улғайган йигит вилоят шароитини яхши билади. Энг муҳими, бухороликларни яхши кўради, – деган Шавкат Мирзиёев.

Ҳокимнинг биринчи ўринбосари лавозимига Инвестициялар ва ташқи савдо вазири ўринбосари лавозимида ишлаб келган Нозимжон Холмуродов, вилоят прокурори вазифасига Марказий сайлов комиссияси раиси ўринбосари бўлган Маҳмуд Истамов ва Вобкент тумани ҳокими лавозимига Фарҳод Умаров тайинланган.

Background

Бухоро вилояти ҳокими вазифасини бажарувчи Карим Камолов коронавирусдан оламдан ўтганди.

Ундан кейин Фарҳод Умаров вилоятга вақтинча раҳбарлик қилаётган эди.

Telegram: @Zed News

Instagram: @Zednewsuz

Facebook: @Zed News

Aloqa boti: @zednews_bot Ochish/sharhlash

2021-01-21 17:15:15 "Жигули"га "Мерс"нинг двигателини қўйишдан фойда йўқ — "Ўзсувтаъминот"

"Ўзсувтаъминот" АЖ бошқаруви раиси ўринбосари Хуршид Раҳматуллаев ақлли ҳисоблагичларни ўрнатиш ҳақидаги саволга шундай жавоб берган: "Жигули"га "Мерс"нинг двигателини қўйишдан фойда йўқ".

Бу ҳақда у Монополияга қарши кураш қўмитасида 20 январда бўлиб ўтган жамоатчилик кенгашида айтган. Унда ҳудудий электр ва газ таъминоти корхоналари, "Ўзсувтаъминот" АЖ, қўмита мутасаддилари ва коммунал соҳа блогерлари қатнашган.

Йиғилишда блогер Максим Черников: "2019 йилда хонадонларга ақлли ҳисоблагичлар қўйилиши керак эди, қачон бошланади?" деган саволни берган. Бунга жавобан Раҳматуллаев: "Жигули"га "Мерс"нинг двигателини қўйишдан фойда йўқ. Аввал эски тизимни ўнглаб олайлик, бўлмаса, муаммолар яна пайдо бўлаверади", деб жавоб берган.

Видеода қуйидаги саволларга жавоб олишингиз мумкин:



1. Ичимлик суви ва канализация хизматлари нархи нега оширилди?
2. Нега нархлар ҳамма ҳудудда ҳар хил?
3. Тарифни оширишдан мақсад нима?

Telegram: @Zed News

Instagram: @Zednewsuz

Facebook: @Zed News

Aloqa boti: @zednews_bot Ochish/sharhlash

2021-01-21 12:20:48 "Ҳудудгаз" вакили ўз уйидаги ҳисоблагичдан мумкин бўлмаган жойда фойдаланишини айтди (видео)

"Ҳудудгазтаъминот" АЖ ҳузуридаги АСКУК дирекцияси директори Ҳакимжон Қўшбоқов ўзи яшайдиган уйда газ ҳисоблагичидан мумкин бўлмаган жой, яъни балконда фойдаланишини тан олган.

Бу ҳақда у Монополияга қарши кураш қўмитасида 20 январда бўлиб ўтган жамоатчилик кенгашида айтган. Унда ҳудудий электр ва газ таъминоти корхоналари, "Ўзсувтаъминот" АЖ, қўмита мутасаддилари ва коммунал соҳа блогерлари қатнашган.

Қуйидаги видео орқали газ ва чироқ масаласида мутахассислар билан қандай мунозаралар бўлганини кўришингиз мумкин. Видеода мутахассислар қуйидаги саволларга жавоб беришга уринишган:

1. Электр энергияси ҳисоблагичларини алмаштиришда нега далолатнома (акт) берилмаяпти?
2. Нега газ ва чироқ ходимлари ўз ишини сидқидилдан бажармайди?
3. Қарз бўлса, чироқ автомат ўчади, лекин пул тўлагач, нега тезда ёқилмайди?
4. Муаммолар билан ишлаш тизими қачон ўнгланади?
5. Ҳисоблагичларни ўрнатиш аҳоли учун текинми ёки пулли?

Саволларга мутахассислар қанчалик жавоб бера олишди, хулоса ўзингиздан:



Telegram: @Zed News

Instagram: @Zednewsuz

Facebook: @Zed News

Aloqa boti: @zednews_bot Ochish/sharhlash