Zed News

2022-08-31 06:06:05 Михаил Горбачев вафот этди

СССР биринчи ва ягона президенти Михаил Горбачёв кеча Москвада узоқ давом этган касалликдан вафот этган. У 92 ёшда эди.

У сўнгги бир йилда тўшакка михланиб, шифохонадан чиқмай даволанаётган эди.

Telegram | Instagram | Facebook | YouTube | Aloqa boti Ochish/sharhlash

2022-08-30 04:52:13 Ўзбекистон мустақиллигининг 31 йиллиги муносабати билан бир қатор фуқаролар давлат мукофотлари билан тақдирланди.

Фан, таълим, соғлиқни сақлаш, спорт, адабиёт, маданият, санъат соҳалари ва оммавий ахборот воситалари ходимлари: https://president.uz/uz/lists/view/5472

Давлат хизматчилари ҳамда ишлаб чиқариш ва ижтимоий-иқтисодий соҳалар ходимлари: https://president.uz/uz/lists/view/5471

Ҳарбий хизматчилар ва ҳуқуқни муҳофаза қилиш органлари ходимлари: https://president.uz/uz/lists/view/5469

Чет эл фуқаролари: https://president.uz/uz/lists/view/5470

Telegram | Instagram | Facebook | YouTube | Aloqa boti Ochish/sharhlash

2022-08-26 11:14:18 Қорақалпоғистон воқеалари ортидан Жўқорғи Кенгес раиси ишдан кетди

Қорақалпоғистонда ўтган халқ депутатлари кенгаши сессиясида Шавкат Мирзиёев ҳудудда халқ кайфиятига салбий таъсир қилган омилларни айтган.

Иқтибос

"Бугунги кунда ҳам аҳоли ўртасида ичимлик суви, ички йўллар, электр таъминоти, ишсизлик, нарх-наво каби муаммолар юзасидан билдирилаётган шикоятлар юқорилигича қолмоқда. Аслида 2 ой олдинги воқеалар негизида ҳам аҳолининг айрим ижтимоий-иқтисодий муаммоларга ечим топилмагани ётибди".

Шу мақсадда Жўқорғи Кенгеси раиси Мурат Камаловнинг бетоблиги сабабли ваколат муддатини олдиндан тўхтатиш ва лавозимидан озод этиш тўғрисида қарор қабул қилинган. У 2020 йилда сайланган эди.

Собиқ ички ишлар вазири Аманбой Ўринбоев эса Жўқорғи Кенгес раиси лавозимига тасдиқланган.

Telegram | Instagram | Facebook | YouTube | Aloqa boti Ochish/sharhlash

2022-08-26 07:24:15 Жаҳонгир Ортиқхўжаевнинг қудаси ишдан олинди

Кеча президент администрациясида ўтган йиғилишда президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси Абдужаббор Абдувоҳидов ишдан олинган.

Администрация раҳбари Сардор Умрзоқов аҳолининг жуда кўп эътирозлари айнан шу соҳаларга тўғри келаётганини айтган.

Kun.uz нашри эса хабар сўнггида Абдувоҳидовнинг Тошкент ҳокими Жаҳонгир Ортиқхўжаевга қуда эканини эслатиб кетган.

Бундан ташқари, истеъфо ҳақидаги хабар тарқалишидан бир неча дақиқалар аввал администрация раҳбари ўринбосари Комил Алламжонов "Ёшлар+" деган пост қолдирган.

Давлат раҳбари матбуот котибига кўра, Одил Абдураҳманов Абдувоҳидов ўрнига маслаҳатчи этиб тайинланган.

Telegram | Instagram | Facebook | YouTube | Aloqa boti Ochish/sharhlash

2022-08-23 17:27:04 Хоразм ҳокими 7 та ҳокимни жазолади

Хоразм вилояти ҳокими Фарҳод Эрманов ўзининг биринчи ўринбосари ва яна 7 та ҳокимга “ҳайфсан” берган.

Улар:

ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Ачилов Муроджон Азаматович;
Урганч шаҳар ҳокими Холбоев Ойбек Мадаминович;
Хива шаҳар ҳокими Давлетов Темур Исмоилович;
Боғот тумани ҳокими Яхшибаев Шавкат Қурамбаевич;
Ҳазорасп тумани ҳокими Машарипов Уктам Рустамович;
Урганч тумани ҳокими Шарипов Фрунзе Илхомович;
Тупроққалъа тумани ҳокими Салаев Алишер Рўзметович;
Янгиариқ тумани ҳокими вазифасини бажарувчи Давлетов Анвар Кенжаевич.

Айтилишича, улар ипотека кредитлари ажратишда масъулиятсизликка йўл қўйган, уй-жой сотиб олиш учун ижобий хулоса олган 92 нафар фуқаро билан ўз вақтида уй-жой сотиб олишда амалий ёрдам бермаган ва жорий йилнинг август ойида субсидия ажратиш муддати ўтиб кетишига йўл қўйган.

Telegram | Instagram | Facebook | YouTube | Aloqa boti Ochish/sharhlash

2022-08-23 16:37:10 Мурожаатчи аёлларга жазо тайинланди

Zed News каналида эълон қилинган видеомурожаат бўйича Олий суд матбуот хизмати муносабат билдирган. Ҳамкорлик учун ташаккур билдирамиз.

Баёнотга кўра, Жиноят ишлари бўйича Яккасарой туман судига кеча, 22 август куни бизга мурожаат қилган 2 аёлга Маъмурий жавобгарлик тўғрисидаги кодекснинг 194-моддаси (ички ишлар органлари ходимининг қонуний талабларини бажармаслик) 1-қисмида назарда тутилган ҳуқуқбузарликни содир этишда айбдор деб топилган.

Маълум бўлишича, улар Яккасарой тумани ИИО ФМБ ходимлари томонидан 2022 йил 27 май куни Тошкент шаҳар Яккасарой тумани Ш. Руставели кўчасида жойлашган “Ҳосилот” ва “Мая-тур” меҳмонхоналари ён-атрофида тўпланмасликлари ҳақида расман огоҳлантирилган. Шунга қарамай, 2022 йил 20 август куни тахминан соат 20.00 ларда аёллар “Ҳосилот” меҳмонхонаси олдида такроран тўпланиб, ИИО ходимларининг қонуний талабларига бўйсунмаган.

Уларнинг ҳар иккисига нисбатан базавий ҳисоблаш миқдорининг 5 баравари миқдорида жарима жазоси тайинланган.

Telegram | Instagram | Facebook | YouTube | Aloqa boti Ochish/sharhlash

2022-08-22 16:02:58 Тадбиркорларга бир қатор енгилликлар берилди

Бугун Шавкат Мирзиёев тадбиркорлар билан очиқ мулоқот ўтказган ва улар учун бир қатор енгилликлар берган.

Хусусан:

Бундан буён ер ва мулк ажратиш ҳақидаги қарорларни бекор қилиш фақат ва фақат суд тартибида амалга оширилади, ҳокимлар аралашолмайди.

Тергов жараёнида мол-мулкни хатлаб қўйишнинг асосли экани суд томонидан кўриб чиқилади, қарорни фақат суд қабул қилади.

Тадбиркорларга нисбатан янги жавобгарлик ва жазо чораларини жорий этишга 3 йиллик мораторий эълон қилинади.

Тадбиркорларга нисбатан мажбуриятлар юклайдиган янги қонун ҳужжатлари қабул қилинганда, йўл қўйган хатоси учун тадбиркорга 6 ой давомида жазо қўлланилмайди.

Савдо қоидаларини бузганлик учун жиноий жавобгарлик тўлиқ бекор қилинади (Жиноят кодексининг 189-моддаси).

Қўшимча қиймат солиғи (ҚҚС) миқдори 2023 йил 1 январдан 12 фоиз бўлади, амалдаги миқдор 15 фоиз.

Telegram | Instagram | Facebook | YouTube | Aloqa boti Ochish/sharhlash

2022-08-21 19:18:23 Тошкентда ИИБ ходимлари аёлларга куч ишлатгани айтилмоқда

Каналимизга келиб тушган мурожаатга кўра, 2022 йил 20 август куни кечқурун Тошкент шаҳридаги Шота Руставели кўчасида "Кобалт" ва "Трейлблейзер" машиналаридаги 5-6 нотаниш киши йўл четида турган "Нексия-3" машинаси ичидаги аёлларга куч ишлатган.

Уларнинг айтишича, ўзларини ИИБ ходими деб таништирган фуқаролик кийимидаги кимсалар уларнинг телефонларини тортиб олишган ва машинасидан чиқариб, Яккасарой ИИБ биносига олиб боришган.

Улар бинода ярим кечагача сабабсиз ушлаб турилган. Аёлнинг 5 ёшли қизчаси эса ухлаб ётгани учун машинада қаровсиз қолиб кетган. Мурожаатда айтилишича, ИИБда улардан мазкур кўчадан ўтмаслик ҳақида тилхат ёздириб олишган.

Бундан ташқари, аёллардан бири эртага бўлиб ўтадиган суд мажлисига чақирув қоғози олган. У МтЖК 194-моддаси (ИИБ ходимларининг қонуний талабларига бўйсунмаслик) бўйича айбланган.

Батафсил қуйидаги видеода аёлларнинг ўзлари гапириб беришади:



Zed News аслида нима бўлганидан бехабар. Бунга албатта, ИИВ ва Олий суддагилар эътибор бериб, воқеани ўрганиб, хабар беришади, деган умиддамиз.

Telegram | Instagram | Facebook | YouTube | Aloqa boti Ochish/sharhlash

2022-08-18 23:35:29 Шавкат Мирзиёев Муқаддас Каъбатуллоҳни тавоф қилди

Президент Шавкат Мирзиёев Саудия Арабистонига тарихий ташрифи чоғида Каъбатуллоҳ ичига кириб, тўрт томонга қараб 2 ракатдан намоз ўқиган.

Ибодатда Ватан, халқ фаровонлигини сўраб, йиғлаб дуо қилган, Каъбатуллоҳ деворларини артиб, тозалаган.

Батафсил қуйидаги видеохроникада:



Telegram | Instagram | Facebook | YouTube | Aloqa boti Ochish/sharhlash

2022-08-18 13:49:04 Чилонзорга вақтинча ҳоким тайинланди

Чилонзор тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Жамолиддин Ходжимановга туман ҳокими вазифасини вақтинча бажариш юклатилган.

Эслатиб ўтамиз, бир неча кун олдин Чилонзордаги оммавий дарахт кесиш воқеаси ортидан туман ҳокими ва прокурори ишдан олинганди.

Telegram | Instagram | Facebook | YouTube | Aloqa boti Ochish/sharhlash