yurist_uzbek

2023-01-04 11:44:33 #savolim_bor
Assalomu alaykum men hozir yashayotgan uy 1985-yilda qurilgan. Shu uyni kadastr hodimlar kelib, aniqlaganda men yashayotgan uy joylashgan yer noqonuniy tartibda o’zlashtirgan yer bo’lib chiqmoqda. Men qanday yo’l tutishim kerak.

O‘zbekiston Respublikasi Vazirlar Mahkamasining 2018-yil 29-dekabrda 1060-son qarorining 23-bandida O‘zbekiston SSRning Yer kodeksi (1970-y 25-sentabrdan 1990-y 20-iyungacha amalda bo’lgan) amal qilgan davrda O‘zbekiston Respublikasi fuqarolarining olingan yer uchastkalariga bo‘lgan meros qilib qoldiriladigan umrbod egalik qilish huquqini davlat ro‘yxatidan o‘tkazish uchun davlat arxivlari tomonidan tasdiqlangan quyidagi hujjatlar asos bo‘ladi.

tegishli tumanlar, shaharlar va shaharchalar xalq deputatlari Kengashlari ijroiya qo‘mitalarining yakka tartibda uy-joy qurish uchun yer uchastkalari berish to‘g‘risidagi qarorlari;

tegishli qishloqlar (ovullar) xalq deputatlari Kengashlari ijroiya qo‘mitalarining kolxozlar a’zolarining umumiy majlislari bayonnomalarini hamda sovxozlar va boshqa qishloq xo‘jaligi hamda o‘rmon xo‘jaligi korxonalari, muassasalari va tashkilotlari direktorlarining fuqarolarga yakka tartibda uy-joy qurish uchun yer uchastkalari berish haqidagi buyruqlarini tasdiqlash to‘g‘risidagi qarorlari.

Agar bu normani sharhlaydigan bo’lsak, sizni uyingiz joylashgan yer uchastkasi noqonuniy deb aytishayotgan bo’lsa, siz o’zingizni tumaningizda arxivga yoki viloyat arxiv bo’limiga borib yuqorida hujjatlar bor yo’qligini aniqlashtirishingiz zarur. Agar arxiv bo‘limlaridan yuqorida ko’rsatilgan hujjatlar chiqadigan bo’lsa, siz o’zingizni yer uchastangizga kadastr hujjatini chiqartirib olishingizga asos bo’ladi.


Kanalga ulanish
https://t.me/yuristuzbek Ochish/sharhlash

2022-11-30 13:20:43 Ishsiz deb e’tirof etilsangiz davlat tomonidan ishsizlik nafaqasi to‘lanishini bilasizmi?

Agar bilmasangiz birgalikda bilib olamiz.

https://t.me/yuristuzbek Ochish/sharhlash

2022-11-30 13:07:36 Ishsiz deb e’tirof etilsangiz davlat tomonidan ishsizlik nafaqasi to‘lanishini bilasizmi?

Agar bilmasangiz birgalikda bilib olamiz.

Kimlarni ishsiz deb e’tirof etish mumkin? Aholi bandligi to’g’risida qonuning 44-moddasiga ko’ra, 16 yoshdan to pensiya olish yoshiga kirguniga qadar ( pensiya yoshi ayollar uchun 55, erkaklar uchun 60 yosh ) mehnatga layoqatli barcha shaxslar ishsiz deb etirof etilish mumkin. Bu uchun ular haqiqatan ham ishsiz bo’lib ish taklif qilishsa, ishlashga tayyor bo’lgan hamda ish qidirayotgan shaxs sifatida mahalliy mehnat organlaridan (tumandagi bandlikka ko’maklashish markazi) ro‘yxatdan o’tishlari kerak. Demak, 16 yoshdan 60 yoshgacha bo’lgan mehnatga layoqatli ish qidirayotgan shaxslarni ishsiz deb aytish mumkin.

Ishsiz deb e’tirof etilish uchun qayerga murojaat qilish kerak? Bu uchun siz o’zingizni tumaningizdagi mahalliy mehnat organiga ( aholi bandligiga ko’maklashish markazi) murojaat qilishingiz kerak. Shaxsni ishsiz deb e’tirof etish to‘g‘risidagi qaror mahalliy mehnat organining ( aholi bandligiga ko’maklashish markazi) buyrug‘i bilan rasmiylashtiriladi, ushbu buyruq bir vaqtning o‘zida ishsizlik nafaqasi tayinlash to‘g‘risidagi buyruq hisoblanadi. Buyruqda ishsizlik nafaqasining miqdori va uni hisoblash sanasi ko‘rsatiladi. Ya'ni siz aholi bandligiga ko’maklashish markaziga borsangiz hamma ishingiz o'sha yerni o'zida hal bo'ladi.

Ishsiz shaxs deb e’tirof etilish uchun qanday shartlar mavjud? Aholi bandligi to’g’risida qonun 44-moddasi 2-qismida Agar ish qidirayotgan shaxsga u ro‘yxatga olingan kundan e’tiboran dastlabki o‘n kun ichida maqbul keladigan ish taklif etilmagan bo‘lsa yoki mahalliy mehnat organi mazkur shaxs ishga joylashtirish uchun yuborilgan tashkilotdan rad javobini olgan bo‘lsa, shaxsni ishsiz deb e’tirof etish to‘g‘risidagi qaror u ish qidirayotgan shaxs sifatida ro‘yxatga olingan kundan e’tiboran o‘n birinchi kundan kechiktirmay mahalliy mehnat organi tomonidan qabul qilinadi. Bu degani siz tumaningizdagi bandlikka ko’maklashish markazi borib, ish qidirayotganligizni aytgan vaqtingizdan boshlab, ish qidirayotgan shaxs sifatida ro’yxatga olinasiz va 10 kun ichida ular sizga maqbul keladigan ish topib berisha olmasa, 11-kundan siz ishsiz deb e’tirof etilasiz.

Ishsiz deb e’tirof e’tilishingizni bandlikka ko’maklashish markazi rad etishi mumkinmi ? Agar 10 kun ichida siz maqbul keldigan ishni 2 marta rad etsangiz sizni ishsiz sifatida e'tirof etishmaydi va ishsizlik nafaqasi to'lanmaydi. Lekin maqbul kelmaydigan ishni 3 marta rad etsangiz ham sizni ishsizlar ro'yxatidan chiqarish mumkin emas.

Maqbul keladigan ish qanday ish ? Sizni mutaxasisligingizga, sog’lig’ingizga va ish tajribangizga mos bo'lgan hamda yashash joyingizdan uncha uzoq bo‘lmagan mehnatga haq to’lashni eng kam miqdoridan ( 30.11.2022 holatida 920 000 so’m) kam haq to’lanmaydigan ish maqbul keldigan ish hisoblanadi.

Ishsizlik nafaqasi miqdori qancha? Aholi bandligi to’g’risidagi qonuning 52-moddasiga ko’ra, ilgari ishlamagan va birinchi marta ish qidirayotgan shaxslarga — mehnatga haq to‘lash eng kam miqdori ( 30.11.2022 holatida 920 000 so’m) ning kamida yetmish besh foizi miqdorida ishsizlik nafaqasi to’lanadi.

Ishsizlik nafaqasi qancha muddat davomida to’lanadi? Ishsizlik nafaqasi ko‘pi bilan yigirma olti kalendar hafta davomida to‘lanadi. Ya'ni olti oy davomida ishsizlik nafaqasini olishingiz mumkin.

https://t.me/yuristuzbek Ochish/sharhlash

2022-11-25 10:07:03 Ko’pchilk tomonidan so’raladigan savol yer uchastkasi o’zi nima?

Yer uchastkasi — yer fondining qayd etilgan chegaraga, maydonga, joylashish manziliga, huquqiy rejimga hamda davlat yer kadastrida aks ettiriladigan boshqa xususiyatlariga ega bo‘lgan qismidir. Ya’ni sizning uy-joyingiz joylashgan hamda tomorqa uchun ajratilgan yerni yer uchastkasi deb aytish mumkin. Boshqacha qilib aytganda, Hokimning qarori (hozirgi vaqtda hokimlar yer ajratib berish vakolatiga ega emas. Lekin 2021-yil 1-avgustga qadar yer ajratishga vakolatli bo'lgan)  bilan jismoniy shaxslar yoki yuridik shaxslarga yer ajatilsin degan qarori asosida kadastr hodimlari hokimning qarorida ko’rsatilgan manzildagi  yerga borib, o’sha yerni aniq maydonini o’lchagan holda jismoniy yoki yuridik shaxslarga berilgan yer yer uchastkasi hisoblanadi.

https://t.me/yuristuzbek Ochish/sharhlash

2022-11-24 20:09:13 Ipoteka kreditlari bo‘yicha subsidiya ( uy-joy uchun subsidiya ) olish uchun ariza topshirilayotganda ariza bilan qanday hujjatlar taqdim etilishi kerak.

Vazirlar mahkamasining 2021-yil 23-avgustdagi 537-sonli qarorining 10-bandida ko’rsatilgan hujjatlarni ariza bilan birga taqdim etish zarur. Bu hujjatlarni aytadigan bo’lsak,

Jismoniy shaxsning shaxsiy identifikatsiya raqami ma’lumotlari ( Ya’ni passportning eng pastida joylashgan 14 raqamdan iborat raqamlar ketma-ketligini biz shaxsiy identifikatsiya raqami ma’lumotlari deb ataymiz)

Oila a’zolarining shaxsiy identifikatsiya raqami ma’lumotlari va nikoh qayd etilganligi guvohnomasi (to‘liq oila va nikoh hamda voyaga yetgan farzandlar mavjud bo‘lgan taqdirda) va (yoki) farzandlar tug‘ilganligi haqidagi guvohnomalar (voyaga yetmagan farzandlar bor bo‘lgan taqdirda) nusxalari

Belgilangan tartibda nikoh bekor qilinganligi ( ya’ni ajrashganlik ) haqidagi guvohnoma yoki nikoh haqiqiy emas ( misol uchun soxta nikoh bo’lganda nikoh haqiqiy bo’lmaydi) deb tan olinganligi to‘g‘risida sud qarori ( ya’ni zaksdan o’tgandan keyin ajrashilganligi yoki nikoh haqiqiy emas deb topilganligi to’g’risida ) yoki oilaviy holati to‘g‘risida fuqarolik holati dalolatnomalarini yozish organlari (Ya’ni zaks) arxividan ma’lumotnoma nusxasi (nikoh qayd etilmagan holatda)

Doimiy yashash joyi bo‘yicha ro‘yxatga olingan joyidan kadastr raqami va turiga tegishli ma’lumotlar (agar turar joyi doimiy yashash joyi bo‘yicha ro‘yxatga olingan joyi bilan to‘g‘ri kelsa)

Doimiy yashash joyi bo‘yicha ro‘yxatga olingan joyidan uy daftarining yoki kvartiralar bo‘yicha kartochkaning (17-shakl) nusxasi (agar turar joyi doimiy yashash joyi bo‘yicha ro‘yxatga olingan joyi bilan to‘g‘ri kelsa)

ariza beruvchi va birgalikda qarz oluvchilarning daromadi va ushlab qolingan daromad soliqlari to‘g‘risidagi ma’lumotnoma (qo‘shimcha daromadlar bo‘lsa soliq deklaratsiyasi).

Subsidiya olish uchun Ariza topshirgan fuqarodan yuqorida ko‘rsatilmagan ma’lumot va hujjatlarni talab qilish qat’iyan taqiqlanadi.

https://t.me/yuristuzbek Ochish/sharhlash

2022-11-23 17:44:25 Subsidiya o‘zi nima ? Subsidiya davlat tomonidan mauyyan bir sohani rivojlantirish maqsadida qaytarib olmaslik sharti bilan beriladigan mablag’dir. Bugungi kunda aholini uy-joy bilan ta’minlash eng dolzarb bo’lganligi sababli, uy-joy sotib olish uchun ham davlat tomonidan subsidiya berilyapdi.

Subsidiya kreditga o’xshaydimi? Yo’q subsidiya kreditdan butunlay farq qiladi. Kreditda siz ham olgan pulingizni, ham foizlarni to’lashga majbursiz. Subsidiyada esa olingan pulni qaytarmaysiz. Ya’ni uy-joy olish uchun berilgan subsidiyani siz uy-joy olish uchun ishlatgan bo’lsangiz, bu pulni hech qachon qaytartib bermaysiz. Lekin boshqa maqsadlarda ishlatsangiz qaytarib berishga majbur bo’lasiz.

Uy-joy olish uchun subsidiya kimlarga beriladi? O’zbekiston Respublikasining 18 yoshga to’lgan barcha fuqarolari subsidiya olish uchun ariza berishlari mumkin. Ariza beruvchi uy-joyga subsidiya olish uchun istalgan tuman davlat xizmatlari markaziga o‘zi kelib murojaat etishi yoki my.gov.uz orqali o’zi ariza qoldirishi mumkin. Ariza yil davomida qabul qilinadi. Arizalarni ko’rib, uy-joy uchun kimga subsidiya ajratish bo’yicha komissiya tuziladi. Ariza beruvchining arizasi u ro‘yxatga olingan doimiy yashash joyidagi tuman yoki shahar komissiyasi tomonidan ko‘rib chiqiladi. Komissiya taqdim etilgan hujjatlar va ma’lumotlar asosida hamda ijtimoiy mezonlar bo‘yicha baholash natijalariga ko‘ra ariza beruvchiga ipoteka kreditlari bo‘yicha subsidiya berish yoki berishni rad etish to‘g‘risida qaror qabul qiladi.

Chet elda ishlayotgan fuqarolar uy-joy sotib olish uchun subsidiyaga qanday ariza topshirsa bo’ladi? Chet elda ishlayotgan fuqarolar nomidan subsidiya olish to‘g‘risidagi arizani ularning oila a’zolari notarial tartibda tasdiqlangan ishonchnoma asosida berishi mumkin.

Sizni doimiy ro’yxatda turgan joyingiz Namanganda sizga uy-joy uchun subsidiya chiqdi. Siz bu subsidiya asosida Toshkentdan uy olishingiz mumkinmi? Yo’q, subsidiya fuqarolarga ro‘yxatga olingan doimiy yashash joyi bo‘lgan hudud doirasida ajratiladi.

https://t.me/yuristuzbek Ochish/sharhlash

2022-11-04 15:38:32 #Aliment

Aliment miqdorini kamaytirish mumkinmi?

Telegram kanalimiz https://t.me/yuristuzbek Ochish/sharhlash

2022-11-02 20:05:25 #meros

Agar er vafot etsa meros...

Telegram kanalimiz https://t.me/yuristuzbek Ochish/sharhlash

2022-10-25 07:07:14 #Ajrashish

Ayol rozi bo'lmasa er ajrashaolmaydimi?

Telegram kanalimiz https://t.me/yuristuzbek Ochish/sharhlash

2022-10-25 07:06:15 #Ajrashish

Ajrashgandan keyin ham erning familiyasida qolish mumkinmi?

Telegram kanalimiz https://t.me/yuristuzbek Ochish/sharhlash