2022-05-18 12:19:30
Олий суд ва бошқа ташаббускор мутасаддилар маъмурий судлар фаолиятини тўғри ташкил қилишда жуда жиддий хатоларга йўл қўйишган.
Шулардан бири бу судларнинг қарорларини ижро қилиш механизми аниқ белгилаб қўйилмаганлигидир.
Масалан, хоким сени ерингни олиб қўяди ва бошқа бировга бериб юборади. Сен маъмурий судга ариза киритиб, адвокатга катта пул тўлаб ерни сендан олиб қўйиш ҳақидаги ҳоким қарорини ҳақиқий эмас деб қарор чиқартирасан.
Ҳоким апелляция беради, ундан кейин кассация, бу судларда ҳам ютасан. Лекин, барибир ерингни қайтармайди, чунки, маъмурий судни қарорини ижро қилиш механизми йўқ, МАЪМУРИЙ СУД ҲОКИМНИ ҚАРОРИ БЎЙИЧА ИЖРО ВАРАҚА БЕРМАЙДИ.
Буни кўриб турган хоким, ўзига ишончи ортадида, ерингни бошқа шахсга бериб юборганку,
"ана шу қарор ҳали турибди, у бекор бўлмагунча ерни қайтармайман" дейди. Кейин, сен иложсиз кейинги қарор бўйича ҳам яна қайтадан маъмурий судга ариза ёзасан, яна ойлар давомида судлар бўлади ва яна сен ютиб чиқасан. Барибир натижа бўлмайди, маъмурий судларнинг қарорларини ноинсоф ҳокимлар бир тийинга олмайди.
Орадан йиллар ўтиб кетади, сен судма-суд юраверасан, бу вақт ичида ҳокимлик янгидан-янги "финт"ларни ўйлаб топаверади ва ер қайтарилмайди, сенинг аҳволинг эса борган сари ёмонлашиб боради. Умидсизликка тушиб борасан. Давлатнинг адолатига ва судларга бўлган сендаги ишончнинг сўнгги томчилари ҳам қуриб қолади.
Мана, айни мана шу ҳолат, маъмурий судларнинг давлат органларига қарши чиқарган ҳал қилув қарорларидаги ижросизлик ҳолати, ҳуқуқлари бузилаётган тадбиркорлар ва фуқаролар учун жуда катта муаммо туғдирмоқда. Лекин, аксинча, бу ҳолат қонунбузар амалдорларни қониқтирадиган нарса. Бундай ижросизлик инсофсиз амалдорларга оддий инсонларни истаганча хўрлаш ва уларни ерга уриш имконини беради.
Ҳозир, Ўзбекистоннинг Ўзбекистон туманидаги 4 фермер фойдасига маъмурий судларнинг биринчи инстанциясидан тортиб, Олий суддаги кассация инстанциясининг икки томонлама (ҳам ерни олиш, ҳам ерни бошқага бериш бўйича ҳоким қарорларини ҳақиқий эмас деб топиш тўғрисида) қарорлари чиққан.
Лекин, биз айтган юқоридаги муаммо сабабли уларнинг ерлари хали-хануз қайтарилмаган.
Энг қизиғи, энди иқтисодий судда суд бошланибди. Ҳокимлик уларга қарашли ерларни олиб, бошқага бериб юборганку, кейин ўша ноқонуний қарор ҳам суд томонидан ҳақиқий эмас деб топилган. Лекин энди ҳокимлик ерни ўша бошқага берганлик бўйича ижара шартномасини бекор қилиш юзасидан иқтисодий судга даъво киритибди.
Мана, кўряпсизми, бу фермерлар маъмурий судларда судлашиб ўз ҳақ-ҳуқуқларини исботлаб бўлган, лекин маъмурий судлардаги бир тийинга қиммат ижросизлик ва бу судни ташкил қилишдаги мутасаддилардаги эътиборсизлик сабабли айни бир масала юзасидан энди иқтисодий судда суд бўлмоқда. Ва бу суд ҳам ҳали анчагача чўзилиши мумкин.
Бундан ким ютмоқда, тадбиркор ёки оддий инсонларми, албатта йўқ, бундан фақатгина қонунбузар давлат амалдорлари ютмоқда.
Мана сизга Олий суд раиси К.Комилов раҳбарлигидаги катта бир команданинг жамият учун қилган "яхшилиги".
Олий Мажлисда ўтирган ва кўп ҳолатларда нимани муҳокама қилаётганини фаҳмламаётган депутатлар ҳақида эса гапирмаса ҳам бўлади.@yuristkadr
Саволингизни: @yuristgamurojaat
гa қолдиринг
@yuristlar_maslahati
13.0K views09:19