Энди ерга бўлган ижара ҳуқуқини сотиш мумкин Президентининг | YURIST MASLAHATI
Энди ерга бўлган ижара ҳуқуқини сотиш мумкин
Президентининг 18.01.2024 йилдаги ПФ-15-сонли "Қишлоқ хўжалигига мўлжалланган ер участкаларини ижарага бериш тартибини такомиллаштириш бўйича қўшимча чора-тадбирлар тўғрисида"ги фармонига асосан 2024 йил 1 мартдан бошлаб қишлоқ хўжалигига мўлжалланган ер участкалари ижарачиларига ижарага берилган ер участкалари бўйича ўз ҳуқуқ ва мажбуриятларини ер участкасидан фойдаланиш мақсадини ўзгартирмаган ҳолда бошқа шахсга ўтказишга (қайта ижарага беришга) рухсат берилди
Бу ерда 3 та шарт мавжуд келинг бу шартларни деҳқонча тилда тушунтириб бераман
ижарага олувчи ер участкасидан камида уч йил давомида, ушбу банднинг учинчи хатбошисида назарда тутилган ҳолларда эса, камида беш йил давомида ўзи фойдаланган бўлиши шарт, ушбу муддат ижара ҳуқуқи давлат рўйхатидан ўтказилган пайтдан бошлаб ҳисобланади;
Яъни агар ижарачи жисмоний шахc бўладиган бўлса, 3 йил давомида агар юридик шахс бўлса 5 йил фойдаланган бўлиши шартлиги белгиланган. Энг асосийси бу ерда сиз ерни давлат рўйхатидан ўтказган бўлишингиз керак. Муддат шу вақтдан бошланади.
юридик шахсларга электрон онлайн аукцион савдолари, очиқ электрон танлов ёки танлов ўтказмасдан давлат органларининг қарорлари билан тўғридан-тўғри ижарага берилган ер участкаларини бошқа шахсга ўтказишга (қайта ижарага беришга) ижара ҳуқуқи давлат рўйхатидан ўтказилган пайтдан бошлаб беш йилдан кейин йўл қўйилади;
Масалан сизнинг фермер хўжалигингиз бор шу фермер хўжалиги олган ерни бошқа шахсга қайта ижарага бермоқчисиз. Агар ердан фойдаланаётган фермер ўз еридан 5 йил давомида фойдаланаётган бўлса ва ерининг давлат рўйхатидан ўтказилганига 5 йил бўлган бўлса бемалол ижара ҳуқуқини сотиши мумкин.
ижарага берувчи очиқ электрон танлов натижасига кўра ижара муддатига тенг тақсимланадиган қўшимча тўловларни ёки электрон онлайн аукцион савдолари натижаларига кўра бўлиб-бўлиб тўлаш назарда тутилган тўловларни бир йўла тўлаши шарт.
Жудаям қизиқ норма бу. Масалан сиз ерни аукцион орқали ижарага олдингиз сиз билан ер ижара шартномаси тузилаётганда сиз 30 йил давомида қанча пул тўлашингиз ҳам аён бўлади. Агар сиз бу аукционда олган ерингизни қайта ижарага бермоқчи бўлсангиз сиз аукцион нархидаги пулни бира йўла тўлашингиз керак бўлади.
Саволингизни: @yuristgamurojaat гa қолдиринг
@yuristlar_maslahati
