Чиқаётган норматив ҳужжатлар, белгиланаётган мақсадлар шунчаки | YURIST MASLAHATI

Чиқаётган норматив ҳужжатлар, белгиланаётган мақсадлар шунчаки қоғозларда қолиб кетмаслиги керак.

Вазирлар Маҳкамасининг 19.05.2021 йилдаги 312-сонли "Хорижий тилларни ўрганишни оммалаштиришни самарали ташкил этиш чора-тадбирлари тўғрисида"ги қарорида 2023-2024, 2024-2025 ўқув йилига қадар бажарилиши керак бўлаган қуйидаги мақсадлар илгари сурилган эди.

2022/2023 ўқув йилига қадар давлат олий таълим муассасаларида фаолият юритаётган барча хорижий тиллар ўқитувчилари камида С1 даражадаги миллий ёки унга тенглаштирилган мос даражадаги халқаро сертификатга эга бўлиши лозим;

2024/2025 ўқув йилига қадар давлат олий таълим муассасаларида фаолият юритаётган касбий фанлар (хорижий тилдан ташқари) ўқитувчиларининг 50 фоизи камида B2 даражадаги миллий ёки унга тенглаштирилган мос даражадаги халқаро сертификатга эга бўлиши лозим;

2024/2025 ўқув йилига қадар умумий ўрта, ўрта махсус ва профессионал таълим муассасаларида фаолият юритаётган барча хорижий тиллар ўқитувчилари камида B2 даражадаги миллий ёки унга тенглаштирилган мос даражадаги халқаро сертификатга эга бўлиши лозим.

Бу мақсадлар қанчалик бажарилди? Бугунги кунда олий таълим муассасаларида фаолият юритаётган барча хорижий тиллар ўқитувчиларининг неча фоизида С1 даража мавжуд? 2024-2025 йил ўқув йилга қадар олий таълим муассасаларида фаолият юритаётган касбий фанлар ўқитувчиларининг 50 фоизида B2 сертификати бўладими (катта эҳтимол билан амалга ошмайди)? Умумий ўрта, ўрта махсус ва профессионал таълимда ҳолат қандай? Ёки қўйилган мақсадлар қуруқ қоғозларда қолиб кетаверадими? Бу бўйича аниқ статистикаларни вазирлик жамоатчиликка эълон қилиши лозим.

Саволингизни: @yuristgamurojaat гa қолдиринг

@yuristlar_maslahati