Юрист Хизмати | Расмий канал

2021-12-25 17:22:45 БИЗ БЕКОРДАН БЕКОР ПУЛ ТЎЛАБ ҚОЛАВЕРАМИЗМИ ЁХУД ТОИФА МАШМАШАСИ

@Yurist_Xizmati 3175-савол:

Assalomu alaykum yurist xizmati xodimlari. Men bir masala bo'yicha murojaat qilmoqchiman. Bu xatni 4 ta o'qituvchi nomidan yozyapman. Biz 14 yil davomida akademik litseyda ishladik. 2017yil 2 chi malaka toifasini oldim. 2019 yil akademik litseylar faoliyati tugatilgani sababli maktabga ishga kirdim. Hozirda o'rta maktabda ishlab kelmoqdaman. Toifa olish adashmasam muddati 5yil deb berilgan edi. Bu yil ya'ni 2022 toifa olish muddatim keldi. Kecha zavuch bizga sizlar litseydan o'tganinglar tufayli 2020 yil toifa olish muddatinglar tugagan ekan, endi 2yillik pulni qaytarasizlar deyapti. Aniqrog'i zavuchimizga goronoga yangi saylangan ekonomist ya'ni iqtisodchi aytgan. Sizlardan iltimos shu vaziyatga aniqlik kiritib bersanglar. Biz bekordan pul to'lab qolaveramizmi. Iltimos bizga aniq qarorlarni jo'natsanglar. Bu qaror yangi chiqdi deyishyapti. Agar shunday bo'lsa bu yerda kim aybdor bizmi yoki zavuchmi? Bu holatda kimga murojaat qulishimiz kerak..? Oldindan rahmat.

ЮРИСТ ЖАВОБИ:

Вазирлар Маҳкамасининг 2016 йил 7 апрелдаги 107-сон қарорида ҳам (14.05.2019 йилдан ўз кучини йўқотган) Вазирлар Маҳкамасининг 2019 йил 13 майдаги 392-сон қарорига илова билан тасдиқланган “Мактабгача, умумий ўрта, ўрта махсус, касб-ҳунар ва мактабдан ташқари давлат таълим муассасалари педагог кадрларини аттестациядан ўтказиш тартиби тўғрисида”ги низомда (бу қарор ҳам 17.09.2021 йилда ўз кучини йўқотган ўрнига қабул қилинган ВМҚ 572-сонли қарорда ҳам) ҳам таълим муассасалари педагог кадрларининг малака тоифалари ёки лавозимлари ушбу таълим муассасаларининг бир туридан бошқасига ишга ўтганда сақланиши белгиланган.

Тушунишимча бунда сизда ҳеч қандай муаммо бўлмаган. Яъни сиз коллеждан мактабга ўтганингизда малака тоифангиз сақланган. Асосий муаммо бунда муддатлар масаласида бўляпти, шундайми?

107-сонли қарорга мувофиқ аттестация 3 йилда бир маротаба ўтказилиши белгиланган эди. Яъни бунда ходимнинг малака тоифаси уч йил давомида амал қилади.

392-сонли қарорда эса аттестация 5 йилда бир маротаба ўтказилиши белгиланган. 572-сонли қарорда ҳам аттестация 5 йилда бир маротаба ўтказилиши белгиланган.

Сиз саволда 107-сонли қарор амалда бўлган вақт аттестациядан ўтганингизни ёзгансиз. Шундай экан 392-сонли қарордаги 5 йиллик муддат сизга нисбатан қўлланилмайди.

Чунки норматив-ҳуқуқий ҳужжатлар орқага қайтиш кучига эга эмас ва улар амалга киритилганидан кейин юзага келган ижтимоий муносабатларга нисбатан татбиқ этилади. Бу Норматив-ҳуқуқий ҳужжатлар тўғрисидаги қонун 41-моддасида белгиланган.

Норманинг мазмунига кўра 13.05.2019 йилда кучга кирган 392-сонли қарор шу кундан бошлаб қўлланилади. Яъни ундаги 5 йиллик муддат ушбу санадан олинган малака тоифаларига нисбатан татбиқ этилади.

Хулоса қиладиган бўлсак, сиздаги малака тоифасининг амал қилиш муддатига 107-сонли қарордаги 3 йиллик муддат қўлланилади.

Сизларга тўланган пулни қайтармасликка 100 фоиз ҳақлисиз. Бунда сизларнинг умуман айбингиз йўқ.

Юқоридаги ҳар учала қарорга кўра мактаб педагог ходимларининг малака тоифалари берилган муддатлар ва уларни аттестацияга жалб қилишга масъул. 2020 йилда сизларга аттестацияга боришингиз ҳақида мактаб раҳбарияти сизлари огоҳлантириши керак эди.

Сиз 2 йил олган иш ҳақингизни қайтармасликнинг асосини қуйидаги ҳаволада ўқишингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2021-12-25 17:07:23 #Кун_фотоси
Сурхондарё вилоятида бодом гуллади.

Айни қишнинг ўрталарида, янги йил байрами арафасида бодомни гуллаганини кўриш ўзгача завқ бағишлайди

@Yurist_Xizmati Ochish/sharhlash

2021-12-25 11:33:53 Президентимиз айтган гапидан сўнг Ўзбекистонда газ масаласи анча яхшиланади деб умид қиламиз

@Yurist_Xizmati Ochish/sharhlash

2021-12-25 11:19:10 Бугун Ўзбекистон учун тарихий кун!

Бугун, 25 декабрь куни, Қашқадарёда синтетик суюқ ёқилғи ишлаб чиқаришга мўлжалланган “Uzbekistan GTL” заводининг очилиш маросими бўлиб ўтади.

Бу ерда йилига умумий қиймати 1 миллиард АҚШ доллари ёки 12,8 триллион сўмдан ортиқ импорт ўрнини босувчи нефть маҳсулотлари ва углеводород хом ашёларини ишлаб чиқариш режалаштирилган.

Uzbekistan GTL заводи очилиши учун барча нарса тайёр. Завод — гигант! Инновацион ва технологик жиҳатдан энг замонавий вариантлар ишлатилган.

Маълумот учун: GTL қисқартмаси “Gas to liquid”, яъни “газдан суюқликка” сўзларидан келиб чиққан. Бу газни қайта ишлаб қимматроқ бўлган суюқ ёқилғига (керосин, дизел, нафта, суюлтирилган газ) айлантириш технологиясини англатади.

Айтишларича, бундай завод шу пайтгача жаҳонда фақат 4 та давлатда – Қатар, Нигерия, ЖАР ва Малайзияда бор экан. Ўзбекистон бешинчи бўляпти.

Заводнинг очилиш маросимида Шавкат Мирзиёев ҳам иштирок этмоқда, дея маълум қилди Хушнудбек

@Yurist_Xizmati Ochish/sharhlash

2021-12-25 10:57:32 Ochish/sharhlash

2021-12-25 07:10:49 ​​#Янгилик
Энди барча ҳужжатлар телефонда бўлади: Фуқаролар паспортларининг рақамли профили бўлади

Илова смартфонга ўрнатилади ва унда паспорт, диплом, меҳнат дафтарчаси, ҳайдовчилик гувоҳномаси каби кўплаб ҳужжатлар жамланади. Яъни фуқаронинг барча ҳужжатлари доим ёнида, телефонда бўлади. Бу вақт ва пулни тежаб, қоғозбозликни камайтиришга хизмат қилади, оворагарчиликларни бартараф этади. Лойиҳа президентга тақдим этилди, – дейилади хабарда.

@Yurist_Xizmati Ochish/sharhlash

2021-12-24 08:46:14 МАКТАБ ДИРЕТОРИ ЎРИНБОСАРИ ҚЎШИМЧА МТТ МУДИРАСИ ЛАВОЗИМИДА ҲАМ ИШЛАСА БЎЛАДИМИ?

@Yurist_Xizmati 3174-савол:

Ассалому алайкум, синглим мактабда 0,5 штат директор уринбосари булиб ишлайди. Синглим кушимча узимизнинг хусусий богчамизда богча мудираси вазифасини кушиб олиб бориши мумкинми. Кандай тартибда расмийлаштириш мумкин.

ЮРИСТ ЖАВОБИ:

Мумкин эмас.

Вазирлар Маҳкамасининг 2012 йил 18 октябрдаги 297-сон қарори 2-бандига мувофиқ ўриндошлик асосида бир вақтнинг ўзида иккита раҳбарлик лавозимини эгаллашга йўл қўйилмайди.

Мана шу қоидага кўра синглингиз мактабда директор ўринбосари бўлиб ишлаётган пайда МТТда мудира бўла олмайди.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2021-12-24 03:56:35 Ассалому алайкум! Жума айёмингиз муборак бўлсин ЯҚИНЛАРИМ!

Жаннат боғларидан бир ҳаво келди,
Жоме масжидидан ҳуш наво келди.
Одамлар юзида кулгу жонсарак,
Мусулмон дўстларим ЖУМА МУБОРАК.

@Yurist_Xizmati Ochish/sharhlash

2021-12-23 19:51:36 ОТАМДАН ҚОЛГАН УЙНИ ЎЗ НОМИМГА ЎТКАЗМАСДАН ТУРИБ СОТСАМ БЎЛАДИМИ?

@Yurist_Xizmati 3173-савол:

Ассалому алайкум Юрист Хизмати ходимлари. Сизларга савол тугилиб колди. Саволим куйдагича: Дадамиздан 2 хонали квартира колган. Дадамизни номларида хали хам. Шуни уз номимга утказмасдан туриб сотсам буладими ёки олдин уз номимга утказдириб олишим керакми. Сизлардан илтимос саволимга аник ва батафсил жавоб кутиб коламан. Жавоб учун олдиндан рахмат.

ЮРИСТ ЖАВОБИ:

Уйга нисбатан мулк ҳуқуқини олмасдан туриб, уни сота олмайсиз.

Отангиздан ушбу уй сизга мерос тарзида қолган бўлса, биринчи ўринда сиз ўз мулкингизга ўтказишингиз керак.

Ушбу жараённинг ҳуқуқий томонига эътиборингизни қаратамиз. Сиз биринчи навбатда мерос гувоҳномаси олиш лозим бўлади. Бу Фуқаролик кодекси 1146-моддасида белгиланган тартибда, яъни меросга бўлган ҳуқуқ тўғрисидаги гувоҳнома мерос очилган кундан эътиборан олти ой ўтганидан кейин берилади.

Шуни таъкидлаш керакки, мерос очилган жойдаги нотариус меросхўрнинг илтимосига кўра унга меросга бўлган ҳуқуқи тўғрисида гувоҳнома бериши шарт.

Энди қаранг! Ушбу гувоҳнома меросхўрга ёки меросхўрларга берилиши мумкин.

Ушбу қоиданинг мазмуни шундан далолат берадики, отангиздан қолган меросга биринчи навбатда сиз, ака-ука, опа-сингилларингиз ва онангиз тенг даражада меросхўр бўласизлар (ФК 1135-м). Агар сиз билан бирга ушбу шахслар ҳам бўлса, унда қолган меросхўрларнинг меросдан воз кечишлари лозим. ФК 1147-моддасида меросхўр мерос очилган кундан эътиборан исталган вақтда меросдан воз кечишга ҳақли эканлиги ва бу меросхўр томонидан мерос очилган жойдаги нотариусга ариза бериш орқали амалга оширилиши белгиланган.

Шундан сўнг Вазирлар Маҳкамасининг 2018-йил 29-декабрдаги 1060-сон қарорига 1-илова билан тасдиқланган “Кўчмас мулк обектларига бўлган ҳуқуқларни давлат рўйхатидан ўтказиш тартиби тўғрисида”ги низомга биноан мерос гувоҳномаси олингандан сўнг 1 ой муддатда кўчмас мулк объектларига бўлган ҳуқуқларни давлат рўйхатидан ўтказиш учун Давлат хизматлари марказларига мурожаат қилишлари шарт ёки Ягона давлат хизматлари портали орқали буни электрон тартибда уйингиздан туриб ҳам амалга оширсангиз бўлади.

Ушбу тартибларда амалга оширган ҳолда уйни ўз номингизга олгачгина уни бошқа шахсга сотишингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2021-12-23 11:39:33 ХАЛҚ ТАБОБАТИ БИЛАН ШУҒУЛЛАНСАМ БЎЛАДИМИ?

@Yurist_Xizmati 3172-савол:

Ассалому алейкум Юрист хизмати жамоаси кириб келаётган янги йилингиз билан! Саволим куйидагича, халк табобати билан шугулланиш учун кандай хужжатлар зарур рухсат олиш тартиби кандай кайси идораларга мурожаат килишимиз зарур. Жавобингиз учун олдиндан миннатдорчилик билдираман. Рахмат...

ЮРИСТ ЖАВОБИ:

Халқ табобати усулларидан фойдаланган ҳолда тиббий фаолият кўрсатиш тартиби ва ҳажмлари тўғрисида низом (рўйхат рақами 3111) 4-бандида келтирилишича халқ табобатининг қуйидаги йўналишлари бўйича бир ёки бир неча усулларидан фойдаланган ҳолда тиббий фаолият билан шуғулланиш мумкин:
• инвазив (тери бутунлигининг бузилиши);
• ноинвазив;
• биологик инвазив;
• парҳез ва ўсимлик воситаларини қўллаш.

Бунда халқ табобати усулларидан фойдаланган ҳолда тиббий фаолият билан шуғулланиш Тиббий фаолият амалга ошириладиган тиббий ихтисосликлар турлари номенклатураси (12.05.2021 йилда рўйхатдан ўтган, рўйхат рақами 3303) асосида халқ табобати шифокори ва халқ табобати бўйича мутахассис томонидан амалга оширилади.

Шуни таъкидлаш керакки, халқ табобати усуллари билан даволашнинг мақсадга мувофиқлигини белгилашда халқ табобати мутахассисининг тегишли шифокор билан маслаҳат қилиши мажбурий шарт ҳисобланади.

Шундай экан, сиз ушбу номенклатурада белгиланган мутахассисликка эга бўлсангиз унда халқ табобати билан шуғулланишингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash