УЗЛУКСИЗ ИШ СТАЖИГА 'ДЕКРЕТ ТАЪТИЛИ' ҲАМ ҚЎШИБ ҲИСОБЛАНАДИМИ? | Yurist.uz
УЗЛУКСИЗ ИШ СТАЖИГА "ДЕКРЕТ ТАЪТИЛИ" ҲАМ ҚЎШИБ ҲИСОБЛАНАДИМИ?
Assalomu alaykum! 15 yillik uzluksiz staj deganda dekret (tuģruq) ta'tili inobatga olinadimi ya'ni bunda "uzilib qolgan" hisoblanadimi? Men 2001 yildan pedagogik faoliyatimni boshlaganman, 3 nafar farzandimni tarbiyasi uchun umumiy 3 yil (2004 yil dekabrda 2005 yil avgustgacha,2007 yil iyundan 2008 yil avgustgacha,2010 yil avgustdan 2011 yil fevralgacha) tuģruq ta'tilida bòlganman. Oliy toifaga 2017 òtganman, yangi qonun bòyicha attestatsiyaga jalb etilamanmi yoki endi umuman attestatsiya imtihoniga kirmaymanmi? Javob uchun rahmat!
ЖАВОБ:
Меҳнат кодексининг 233-моддасига кўра аёлларга туққунга қадар етмиш календарь кун ва туққанидан кейин эллик олти календарь кун (туғиш қийин кечган ёки икки ва ундан ортиқ бола туғилган ҳолларда — етмиш календарь кун) муддати билан ҳомиладорлик ва туғиш таътиллари берилиб, давлат ижтимоий суғуртаси бўйича нафақа тўланади.
Мазкур кодекснинг 234-моддасига биноан ҳомиладорлик ва туғиш таътили тугаганидан кейин аёлнинг хоҳишига кўра, унга боласи икки ёшга тўлгунга қадар болани парваришлаш учун таътил берилиб, бу даврда қонунчиликда белгиланган тартибда нафақа тўланади.
Эътибор беринг! Болани парваришлаш таътиллари даврида аёлнинг иш жойи (лавозими) сақланади. Бу таътиллар меҳнат стажига лекин ҳаммасини жамлаганда кўпи билан олти йил, шу жумладан мутахассислиги бўйича иш стажига ҳам қўшилади.
Диққат қилинг! “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида”ги Низомнинг 4-бандига биноан педагог кадрлар ҳар беш йилда бир марта навбатдаги мажбурий аттестациядан ўтказилиши назарда тутилган.
Бироқ, Низомнинг 6-бандида таълим ташкилотларида 15 йиллик узлуксиз иш стажига эга бўлган олий малака тоифали (бош ўқитувчи лавозимидаги) педагог кадрлар навбатдаги мажбурий аттестацияга жалб этилмаслиги белгилнанган.
Меҳнат кодекси нормаларидан келиб чиқиб, сизнинг бола парваришлаш даврида иш жойи (лавозими)нгиз сақланишини инобатга олиб, сиз навбатдаги мажбурий аттестацияга жалб этилмайсиз.
