XOJAGON.UZ

2022-09-23 10:02:14 #ЭСЛАТМА:

Ассалому алайкум, азиз дўстлар!

23 - Сентябрь 2022 - йил жума марузаси: “ЗИКР – МЎМИННИНГ ҚЎРҒОНИ!” мавзусида бўлади.

Ғиждувон тумани "*Хожа Абдулхолиқ Ғиждувоний*" жоме масжидида ўтказиладиган Жума мавъизасини, *Эргашев Ғуломжон Рамазонович* ўқиб берадилар. Ochish/sharhlash

2022-09-23 09:20:44 #БИЛАСИЗМИ:

Расулуллоҳ соллаллоҳу алайҳи васаллам:
«Сизларнинг жаннатда менга энг яқин бўладиганларингиз, менга салавотни кўпроқ айтадиганларингиздир. Бас, ёруғ кеча ва нурли кунда менга салавот айтишни кўпайтиринглар», дедилар».

(Шофеъий ва Байҳақий ривоят қилишган). Дўстларингизга ҳам улашинг: https://t.me/XojagonUz Ochish/sharhlash

2022-09-23 09:20:30 Дўстларингизга ҳам улашинг!!! https://t.me/XojagonUz Ochish/sharhlash

2022-09-23 07:59:20 Жумага юриб боришнинг фазли

Авс ибн Авс ас-Сақафий розияллоҳу анҳудан ривоят қилинади:
«Набий соллаллоҳу алайҳи васаллам:
«Ким жума куни ювса ва ғусл қилса, сўнгра эрта борса, пиёда юриб, (улов) минмаса, имомга яқинроқ ўтирса ва тингласа, беҳуда (ҳаракат) қилмаса, унинг ҳар бир қадамига бир йилнинг амали берилур, унинг рўзаси ва бедорлиги ажри берилур», дедилар.
Сунан эгалари ривоят қилишган.

Шарҳ: Жума намози осон йўл билан улкан савоблар ишлаб олиш учун қулай фурсат эканини олдин ҳам айтиб ўтган эдик. Бу ҳадиси шарифда эса, ният билан пиёда юриб бориш ила ҳар бир босган қадам учун бир йиллик ибодатнинг савоби берилиши ҳақида сўз бормоқда. Мазкур улуғ мақомга эришиш учун қуйидаги ишлар қилиниши керак экан:

1. «Ким жума куни ювса».
Яъни, ювиши керак бўлган нарсаларни ювса. Хусусан, сочни яхшилаб ювишни уламоларимиз таъкидлаганлар.

2. «Ғусл қилса».
Бу ҳақда айтилди.

3. «Эрта борса».
Яъни, жума учун ният билан эрта борса.

4. «Пиёда юриб, (улов) минмаса».
ҳадиси шарифдаги айни шу жумла уни бу биз ўрганаётган «Жумага юриб боришнинг фазли» бобида келтирилишига сабаб бўлган.
Жумага савоб умидида пиёда юриб бориш фазилатли иш. Албатта, соғ-саломат инсон пиёда юриб намозга борса, ҳар тарафлама ўзига фойда.

5. «Имомга яқинроқ ўтирса».
Албатта, имомга яқин ўтиришда яхшиликлар кўп. Жумладан, аввалги сафдан ўрин олади, хутба, қироат ва дуоларни яхши эшитади. Энг муҳими, катта ажру савобларга эга бўлади.

6. «Тингласа».
Яъни, жумага борган одам тинглаши лозим. Хусусан, хутбадаги ваъз-насиҳатни тинглаш, ибрат олиш ўта муҳим.

7. «Беҳуда (ҳаракат) қилмаса»
Чунки озгина беҳуда ҳаракат ўша одамни ҳам, унинг атрофидагиларни ҳам чалғитиб, кўпгина фойдалардан бебаҳра қилади.

Ҳадиси шарифда келган бу етти ишни амалга оширган мусулмонларга улкан хайр-баракалар ваъда қилинмоқда. Зотан, Пайғамбаримиз алайҳиссалом: «Унинг ҳар бир қадамига бир йилнинг амали берилур, унинг рўзаси ва бедорлиги ажри берилур», дедилар.

Бас, шундоқ экан, бу ишларни ҳар жума ихлос билан адо этиб, ваъда қилинган ажр-савобларни олишга ҳаракат этайлик.

Ҳадис ва ҳаёт Дўстларингизга ҳам улашинг!!! https://t.me/XojagonUz Ochish/sharhlash

2022-09-23 06:59:04 #Маъруза

"Ғулувга кетмаслик"

Бухоро вилоят бош имом-хатиби устоз Жобир домла

Дўстларингизга ҳам улашинг!!! https://t.me/XojagonUz Ochish/sharhlash

2022-09-23 06:44:59 ЖУМА – ГУНОҲЛАРГА МАҒФИРАТ

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Салмони Форсий розияллоҳу анҳудан ривоят қилинади:
«Набий соллаллоҳу алайҳи васаллам: «Ким жума куни ғусл қилиб, иложи борича покланиб, ўз мойидан, уйидаги хушбўйлардан суртиб, сўнгра чиқиб, икки кишининг орасини ёрмай (жой топиб) ўзига битилган намозни ўқиса ва имом гапирганда жим туриб, қулоқ солса, албатта, унинг ўтган жумадан бунгача бўлган нарсалари мағфират қилинади», дедилар».

Абу Ҳурайра:
«Уч кун зиёдаси билан. Чунки ҳар бир яхшилик ўн мислга кўпайтирилур», деди».
Икки шайх ривоят қилганлар.

Абу Довуднинг лафзида:
«Ким жума куни ғусл қилиб, энг яхши либосларидан кийса, агар хушбўй нарсаси бўлса, ундан суртса, сўнгра жумага бориб, одамларнинг елкасидан ҳатлаб ўтмаса, кейин ўзига битилган намозни ўқиса, имоми чиқса, у намозидан фориғ бўлгунча қулоқ осса, бу (жума) билан ундан олдинги жума орасидаги нарсага каффорот бўлади», дейилган.

Анас ибн Молик розияллоҳу анҳудан ривоят қилинади:
«Аллоҳ таоло жума кунида ҳеч бир мусулмоннинг гуноҳини кечирмай қўймайди».
Табароний ривоят қилган.

Ўзбекистон мусулмонлари идораси Матбуот хизмати
Muslim.uz Дўстларингизга ҳам улашинг!!! https://t.me/XojagonUz Ochish/sharhlash

2022-09-23 06:38:04 ЖУМА АЙЁМИНГИЗ МУБОРАК БЎЛСИН, АЗИЗ ДИНДОШИМ!!!

Расулуллоҳ алайҳиссаломни нима учун кўрмай туриб яхши кўрамиз? Биласизми?
Чунки ул зот бизни курмай УММАТИМ дедилар.

САЛОВОТ АЙТИШНИ УНУТМАНГ!

اللهم صل و سلم و بارك على سيدنا محمد صلى الله عليه و سلم
Аллоҳумма солли ва саллим ва баърик аъла саййидина Муҳаммад (саллоллоҳу алайҳи васаллам)

Яқинларингиз ва дўстларингизга улашинг. https://t.me/XojagonUz Ochish/sharhlash

2022-09-23 06:17:59 #кун_ояти

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا.

"Албатта, Аллоҳ ва Унинг фаришталари Пайғамбарга саловот айтурлар. Эй иймон келтирганлар! Сиз ҳам унга саловот айтинг ва салом юборинг".
(Аҳзоб сураси, 56-оят).

Тафсир: (Араб тилида «саловот» сўзи «салот»нинг жами бўлиб, дуо маъносини англатади. Арабчада намоз ҳам «салот» дейилади. Чунки намозда ҳам дуо маъноси бор. Аммо «салот» Аллоҳ таоло томонидан бўлганида «дуо» маъносини йўқотади. Аллоҳ таолонинг Пайғамбаримизга (соллаллоҳу алайҳи васаллам) саловот айтишининг маъноси у зотга (соллаллоҳу алайҳи васаллам) ўз раҳматини юбориши, улуғлаши, мақомларини кўрсатиши ва фаришталар ҳузурида шаънларига мақтовлар айтишини англатади).

Аллоҳ розилиги учун тарқатинг аввало амал билан! https://t.me/XojagonUz Ochish/sharhlash

2022-09-23 06:11:15 Ассалому алайкум!

Ушбу файзли куннинг шарофатидан Аллоҳим барча солиҳ амалларимизни қабул қилсин, қалбларимизни иймонга тўлдирсин, гуноҳларга қарши тура оладиган куч баҳшида этсин, икки дунё саодатига мушарраф бўлишимизни таъминласин!!!

Кунингиз мазмунли ва баракотли ўтсин. Жума муборак, азизлар!
Дўстларингизга ҳам улашинг!!! https://t.me/XojagonUz Ochish/sharhlash

2022-09-22 18:05:20 XOJAGON.UZ pinned «Бухоро вилояти учун 26-сафар 3-робби’ул-аввал 1444 йил 23-29-сентабр 2022 -йил Намоз вақтлари Субҳи содиқ -5:36-5:42 Бомдод - 5:50 Қуёш - 6:50-6:56 Пешин - 13:10 Аср - 17:00 Шом - 18:40 Хуфтон - 20:15 Дўстларингизга улашинг. Зеро шунинг ўзи ҳам даъватдир.…» Ochish/sharhlash