Ҳидоят_сари...✨

2022-06-19 08:59:11 #Улуғлар_насиҳати

"Баъзан ўтмиши энг ёмон бўлган одамлар ўзларига энг яхши келажакни яратадилар".

Умар ибн Хаттоб
t.me/XidoyatRivoyatHaqiqatlar
Manba.tajvid_ustozJahongirqori Ochish/sharhlash

2022-06-19 08:59:10 Шайтонни алоҳида бир маҳлуқот деб ўйлайсанми? Асло ундай эмас. Шайтон бу сен. Сенинг нафсинг Шайтон. Уни енгаман, ўлдираман деб ҳомтама бўлма, нафс ўлмайди, ухлайди. Унинг маккор ёлғонига ишониб ўлдирдим деб хурсанд бўлган онингда сени югансиз елкангга миниб олганини билмай қоласан. Шундай экан, атрофдаги муаммоларга, бировларнинг эътиқодларига аралашма, аввало ўзингни ислоҳ қил. Дунёни ўзгартиришни истасанг, ўзингдан бошла.


t.me/XidoyatRivoyatHaqiqatlar Ochish/sharhlash

2022-06-19 08:59:10 БИЛАСИЗМИ?

Савол: Ким биринчи бўлиб ўлимни орзу қилган?
Жавоб: Юсуф (алайҳиссалом).

Савол: Умматнинг биринчи бўлиб қайси амаллари кўтарилади?
Жавоб: Беш вақт намоз.

Савол: Муҳаммад (соллаллоҳу алайҳи васаллам)нинг биринчи бўлиб ўқиган намозлари қайси?
Жавоб: Пешин намози.

Савол: Қиёматда биринчи бўлиб кимнинг устидан ер очилади?
Жавоб: Муҳаммад соллаллоҳу алайҳи васаллам

Савол: Ким биринчи бўлиб жаннат эшигини тақиллатган?
Жавоб: Муҳаммад соллаллоҳу алайҳи васаллам.

Савол: Ким биринчи бўлиб шафоат қилади?
Жавоб: Муҳаммад (соллаллоҳу алайҳи ва саллам).

Савол: Қайси уммат биринчи бўлиб жаннатга киради?
Жавоб: Муҳаммад (соллаллоҳу алайҳи ва саллам)нинг уммати.

Савол: Ким биринчи бўлиб осмонда азон айтганини биласизми?
Жавоб: Жаброил (алайҳиссалом).

Савол: Ким соатни 12 соатлилигини биринчи бўлиб аниқлаган?
Жавоб: Нуҳ (алайҳиссалом) кемаларида аниқлаганлар.

Савол: Ким биринчи бўлиб отга минган?
Жавоб: Исмоил (алайҳиссалом).

Савол: Ким жума кунини “жума” деб ном берган?
Жавоб: Каъб ибн Луай.

Савол: Ким бириничи бўлиб “Субҳана Раббиял аъла” деб айтган?
Жавоб: Исрофил (алайҳиссалом).

Савол: Қайси оят Қуръони каримдан биринчи бўлиб тушган?
Жавоб: Алақ сурасининг “Яратган Раббинг номи билан ўқи” ояти.

Савол: Ким биринчи бўлиб қаламда ёзган?
Жавоб: Идрис (алайҳиссалом).

Савол: Тавротдан биринчи бўлиб нима тушган?
Жавоб: Бисмиллаҳир роҳманир роҳим.

Савол: Ким биринчи бўлиб Аллоҳ йўлида жиҳод қилган?
Жавоб: Идрис (алайҳиссалом).

Савол: Қуръони каримдаги энг буюк оят қайси?
Жавоб: Оятал Курсий ("Бақара" сураси, 255)

http://t.me/XidoyatRivoyatHaqiqatlar Ochish/sharhlash

2022-06-19 08:59:10 Ёлғон Ҳақида...

Она фарзандига деди:
Таомингни еб тугатсанг, сени айлантириб келаман.

Бола таомини еб тугатгач онасига деди:

- Ойи, еб бўлдим. Энди борамизми айлангани?

Она: - Кеч бўлиб қолди Кўчада қўрқинчли одамлар болаларни еб қўяётган экан. Ҳозир чиқа олмаймиз ...
Бола кўчадаги болаларнинг овозини эшитиб, маҳзун бўлганича термулиб қолди. Болалар эса ўйнашяпти ва уларни ҳеч ким еб қўймаяпти.

Ҳикоя давом этади...

Бола каттароқ бўлгач, мактабга борди.

Устоз:
- Ким ўзини яхши тутса, ҳафта сўнгида уни ўзим билан теварак атрофни сайр қилишга олиб бораман деб айтди.

Сайр қилишга бориш учун биринчилардан бўлишга интилган болакай, ҳафта сўнгида устозидан сўрайди:
- Устоз, қачон сайрга борамиз?

Устоз жавоб берди:

- Қандай сайр ҳақида гапиряпсан?

Ҳикоя давом этади...

Уйда ота дарс қилиб ўтирган фарзандига деди:

- Aгар имтиҳонларни яхши баҳоларга топширсанг, сенга ўзим зўр велосипед олиб бераман.

Ўқув йили ҳам тугади.

Имтиҳонларни аъло баҳоларга топширган болакай отасидан:

- Дада, қани менинг велосипедим? деб беғубор кўзлари билан қараб сўрайди.
Ота деди:
- Қўй шу велосипедни, ҳалокатга учрагин келаяптими?

Ҳикоя давом этади...

Болакай ёлғончи бўлиб вояга етди.
Яқинлари унинг ҳатти - ҳаракатларига қараб ҳайрон эмишлар:
- Бундай ҳунук ахлоқни кимдан ўрганди экан?

Болаларга ёлғон гапириш катта ҳато ва бу ҳато аксар ота - оналарда бор. Aфсуски, биз бу ҳатони болаларимизга қанчалик даражада салбий таъсир қилишини билмаймиз. Болалар бизнинг ёлғон гапирганимизни тушунмаслиги уларга ёлғон гапирса бўлади, дегани эмас. Чунки ёлғон гапириш ўзи бир гуноҳ бўлса, уни бошқаларга ўргатиш бошқа бир гуноҳ.

Aбдуллоҳ ибн Омир розияллоҳу анҳу шундай дейди:
“Бир куни онам мени чақирди. Росулуллоҳ соллаллоҳу алайҳи ва саллам бизникида ўтирган эдилар. Ҳой ўғлим, келақол, сенга бир нарса бераман, — деди онам. Росулуллоҳ соллаллоҳу алайҳи ва саллам онамдан: Ўғлингга нима бермоқчисан? – деб сўрадилар. Хурмо бермоқчиман, — деб жавоб берди онам. Шунда Росулуллоҳ соллаллоҳу алайҳи ва саллам онамга: Aгар сен ҳеч нарса бермаганингда номаи аъмолингга "ёлғон гапирди" деб ёзилар эди – дедилар.

Manba.ayollarga_maruzalar
http://t.me/XidoyatRivoyatHaqiqatlar Ochish/sharhlash

2022-06-19 08:59:09 ​​Шу тақвоми?

"Тарих муҳрлаган сўзлар" саҳифасида келган

Рамазонда кундузи таҳорат олаётганда бир томчи сувни ҳам ютиб юбормасликка уринди.

Ваҳоланки, у синглисининг меросдаги улушини еб, ҳазм қилиб юборган эди.

Қўшнисининг икки метр ерини ўзиники қилиб олган эди.

Кўчанинг еридан бир метр қўшиб олган эди.

Фозиллардан бири айтган экан

"Таҳорат оласиз, аммо сувни исроф қиласиз;

Ҳижобланасиз, аммо атир сепасиз;

Рўза тутасиз, аммо одамларни ғийбат қиласиз;

Садақа берасиз, аммо риё қиласиз, ҳасанотларингизни тешик халтага солманг!"

Аллоҳ таоло бизнинг ихлосимизни зиёда айласин, амалнинг савобни еб битирадиган иллатлардан, гуноҳлардан асрасин!

А САВОБ УМИДИДА ЯҚИНЛАРИНГИЗГА ҲАМ УЛАШИНГ!!!
http://t.me/XidoyatRivoyatHaqiqatlar
Manba. Qur'on tv Ochish/sharhlash

2022-06-09 20:18:58 ДУО ҚИЛИШ ШАКЛИ

Дуонинг қилинишида ҳам баъзи тавсиялар қайд этилган. Булар:

Дуони бисмиллоҳ билан бошлаш, Аллоҳга ҳамду сано айтиб, тилак исташ.
Дуони махфий қилиш, бақириб-чақирмасдан, ичдан ёки паст овоз билан қилиш.
Дуонинг бошида ва охирида Расулуллоҳга салоту салом келтириш.
Имкон бўлса қиблага қараб дуо қилиш.
Қўлларни дуода елкага яқин очиш.
Ҳовуч ичи осмонга қараган ҳолда бўлиши.
Кўзлар самога қарамаслиги.
Баъзи жумлалар керак бўлса 3 марта такрорланиши.
Дуо тугагач, қўллар юзга сурилиб “омин” дейиш.

Пайғамбаримизга салоту салом айтиш, шубҳасиз, энг фойдали дуолардандир. Чунки ҳазрати Муҳаммадга (с.а.в.) бир саловат айтганга Аллоҳ ўн саловат ва раҳмат эҳсон қилади, ўнта гуноҳини кечиради, уни ўн даражага юксалтиради. Юз саловат айтганга Аллоҳ юз ҳожатини раво қилади, етмишини охиратга, ўттизини бу дунёда раво қилади.

“Аллоҳ севгиси” китобидан

t.me/XidoyatRivoyatHaqiqatlar Ochish/sharhlash

2022-06-09 20:18:57 ​​ «ҲАР КУНИ МИНГ САВОБ КАСБ ҚИЛИШ»

#Ҳадис

Мусъаб ибн Саъд розияллоҳу анҳудан, у киши отасидан бундай ривоят қиладилар:
«Расулуллоҳ соллаллоҳу алайҳи васалламнинг ҳузурларида эдик. Бас, у зот:
- «Сизлардан бирингиз ҳар куни минг савоб касб қилишдан ожиз бўлурми?» дедилар.
Шунда у зотнинг ҳам мажлисларидан бир киши:
- «Қандоқ қилиб биримиз минг ҳасана касб қилади?» деб сўради.
- «Юзта тасбеҳ айтади. Бас, унга мингта савоб ёзилади ва ундан мингта хато ўчирилади», дедилар».

ШАРҲ: Демак, бир марта «субҳаналлоҳи» деган бандага ўнта савоб ёзилар ва ундан ўнта хато ўчирилар экан. Бундан Исломда савоб касб қилиш жуда ҳам осонлиги келиб чиқади. Ўша савобни касб қилишни ихтиёр қилганлар қани?!

«Ҳадис ва Ҳаёт» китобидан.

АЛБАТТА ДЎСТЛАРИГИЗГА ҲАМ ТАРҚАТИНГ!

t.me/XidoyatRivoyatHaqiqatlar
Manba. Qur'on tv Ochish/sharhlash

2022-06-09 20:18:57 Саодатли бўлишни хоҳласанг, орқангдан гапирганларга парво қилма...

Бировнинг ризқига кўз олайтирма...

Бошқаларнинг насибасига қарама.

Ғийбатчининг сўзига парво қилма.

Юрагингни ғаш қиладиган миш-мишларга эътибор қилма.

Сени эътироф этмаганнинг, танқидига аҳамият берма.

Осмонга қара...

Дарахтларга қара...

Қўлингдаги неъматларга қара...

Товоғингдаги ризққа қара...

Ойна қаршисига ўт, бу дунёда биттагина бўлган ўзингга қара...

Сени севган Роббингнинг раҳматига қара...

Ким нима деса десин, сен фақат ўз амалингга қара...

Сўнгра ўтир, ўгирилиб қалбингга қара, ана саодат, мана ҳаловат, ана шукр, мана улкан ташаккур!..

Умида Азиз

•┈•┈•┈•❁ ❁•┈•┈•┈•
t.me/XidoyatRivoyatHaqiqatlar Manba.Ayollarga_maruzalar Ochish/sharhlash

2022-06-09 20:18:56 Kunlarning eng yaxshisi juma kunidir.
Juma kuni Odam yaratilgan va jannatga kiritilgan hamda juma kuni u yerdan chiqarilgan.
Jumadan jumagacha agar kabira (ulkan) gunohlardan saqlanilgan bo‘lsa, bo‘lib o‘tgan kichik gunohlarga kafforatdir.
Juma kunidagi duolar qabul bo‘ladigan bir soat bor. Agar musulmon bandaning Allohdan biror narsani so‘rashi o‘sha paytga muvofiq kelsa, Alloh u so‘ragan narsani beradi.

t.me/XidoyatRivoyatHaqiqatlar
Manba. Ziyonur Ochish/sharhlash

2022-06-09 20:18:54 ​​ ​#Эслатмa
Жума

Жума намози ва жума кунига тааллуқли одоблар ҳақида

1. Жума намозига пайшанба куни ва жума кечасидан тозаланиш, кийимларни ювиш ва керакли нарсаларни тайёрлаш орқали ҳозирлик кўриш зарур.

2. Жума куни ғусл қилиш – ювиниш. Имом Бухорий ва Муслимнинг "Саҳиҳ" китобларида ривоят қилинган ҳадислар ва бошқа асарларда келган хабарларга мувофиқ ювинишнинг энг афзал вақти – жума намозига боришдан бир оз олдин ғусл қилишдир.

3. Баданини поклаб зийнат бериш, тирноқларини олиш, мисвок ёрдамида тишларни тозалаш, юқорида зикр этилганидек кир-ифлосликларни бадандан кетказиш каби тозалик амалларини бажариш, хушбўйликлар суртиш ва энг яхши кийимларни кийиш мақсадга мувофиқ.

4. Жума намозига эрта, пиёда бориш (бунинг иложи бўлса, албатта - тарж.). Жомеъ масжидига ташқарига чиққунча қадар унда эътикофда бўлишни ният қилиш афзалдир.

5. Одамларнинг елкаси оша ўтмаслик, намозхонлар ўртасида бўш жой бўлса, шу ердан ўтиш одобдандир.

6. Намоз ўқиётганлар олдидан асло кесиб ўтмаслик шарт.

7. Биринчи сафда туришга интилиш мақсадга мувофиқ. Агар имкон бўлмаса ва эътироз эшитса, олдинги қаторига ўтмайди. Кечикса, узрли бўлади.

8. Имом ҳужрасидан чиқиб, минбарга йўналса, нафл намоз ўқишни ва турли зикрларни тўхтатиш ҳамда муаззинга жавоб билан машғул бўлиш, сўнгра хутбани эшитиш зарур.

9. Жума намозидан кейин икки ё тўрт, ёки олти ракат суннат намози ўқиш афзал саналади.

10. Аср намози адо этилгунга қадар масжидда туриш. Агар шом намозига қадар турса, янада афзал бўлади.

11. Жума кунидаги дуолар қабул бўладиган муборак соатни қалб ҳозирлиги ва доимий зикрлар билан ўтказиш зарур.

12. Пайғамбаримиз алайҳиссаломга салавот айтишни кўпайтириш. Расулуллоҳ соллаллоҳу алайҳи васаллам марҳамат қилдилар: "Ким жума кунида менга саксон марта салавот айтса, Аллоҳ таоло унинг саксон йиллик гуноҳларини (сағираларини) афв этур" (заиф ҳадис бўлиб, уни Дайламий "Муснад"ида келтирган).

Бунга истиғфор айтишни ҳам қўшиш мумкин, зеро бу кунда истиғфор айтиш мустаҳабдир.

13. Каҳф сурасини ўқиш.

14. Имкон борича жума куни хайр-эҳсон ва садақалар бериш. Садақа-эҳсонни масжид ташқарисида тарқатиш керак. Жума куни"Тасбеҳ" намозини адо этиш мустаҳаб (Ҳофиз Абул Ҳасан Мақдисий ва бошқалар бу ҳақдаги ҳадисни саҳиҳга ҳукм этишган).

15. Жума кунида охират амаллари билан машғул бўлиб дунё ишларидан холи бўлиш ҳам мустаҳаб амалдир.

"Минҳожул қосидин" китобидан

АЛБАТТА ДЎСТЛАРИГИЗГА ҲАМ ТАРҚАТИНГ!

http://t.me/XidoyatRivoyatHaqiqatlar
Manba. Qur'on tv Ochish/sharhlash