Vakillik

2021-02-15 08:30:00 #ЭСЛАТМА
#КУН_ДУОСИ

اللَّهُمَّ إِنِّى أَعُوذُ بِكَ مِنَ الْجُوعِ، فَإِنَّهُ بِئْسَ الضَّجِيعُ. وَأَعُوذُ بِكَ مِنَ الْخِيَانَةِ، فَإِنَّهَا بِئْسَتِ الْبِطَانَةُ

Ўқилиши: “Аллоҳумма инний аъузу бика минал жувъи, фаиннаҳу би‘саз зожиъи. Ва аъузу бика минал хийаанати, фаиннаҳа би‘сатил битонати”.

“Ё Аллоҳим! Мен Сендан очликдан паноҳ тилайман. Чунки очлик жуда ёмон шерикдир. Сендан хиёнатдан паноҳ тилайман. Чунки хиёнат жуда ёмон сирдошдир”.

Vakillik.uz Ижтимоий саҳифалари

Telegram |Facebook | Instagram | YouTube

Дўстларингизга ҳам улашинг!!!
t.me/Vakillikuz Ochish/sharhlash

2021-02-15 07:51:23 ​​#Тарбиянинг_олтин_калити
ШАХСИЯТ (12-қисм)

Болага қандай лақаб қўйилса, бола ўшанга ўхшай бошлайди.
Болага баъзида исмидан кўра унга қўйилган лақаб кўпроқ таъсир ўтказиши мумкин. Ҳатто болалар эркалаб лақаби билан чақирилганда ҳам, бу лақаб илҳомлантирувчи бўлиши керак. Лақаблар бир нечта ва ҳар хил маънони англатса, бола кўпқиррали бўлиб улғаяди. Шуни англаб етишимиз керакки, лақаб – бу боланинг тарихида ота-она из қолдириши мумкин бўлган дастур, ҳаракат рўйхати, қандайдир маънода режа ҳамдир.
Лақаб – оила тилининг бир бўлаги. Лақаб ёрдамида оилада ўзаро алоқаларни ойдинлаштириш, ишончли қилиш, янада яқинлаштириш мумкин.
Лекин кўп ҳолларда болага исми ўрнига лақаби билан мурожаат қилишда ҳаддан ошиш уни ўз исми билан чақирганда, унчалик эътибор бермасликка ҳам олиб келади. Бунинг олдини олиш учун болаларга исмининг маъносини тез-тез эслатиб туриш фойдадан холи эмас.
Ота-она ўзи билмаган ҳолда фарзандларига турли лақаблар қўйиш орқали уларда ёмон хислатларга йўл очишлари ҳам мумкин. Эркалаш учун танланган лақаб жуда чиройли, жарангдор, лекин бу сўзнинг замирида салбий феъл-атворга ундовчи жиҳат ётиши мумкин.
Ёнимиздаги спорт мактабида бир боксчи укамиз бор. Ўзи бақувват, гавдали. У баъзида машғулотларга ўғлини ҳам бирга олиб келади. Ўғлини “Кичкина Тайсон” деб чақиради. Ҳалиги бола катта бўлган сари гавдаси ҳам бесўнақайлашиб, ёз пайтлари қорайиб, ҳақиқий Тайсонга ўхшаб қолади. Ўзининг исми Нодиржон, лекин Нодиржон деб чақирсангиз қиё ҳам боқмайди. Аксинча, мени Тайсон дейдилар, деб қўяди.
Шу бола мактабга борди-ю, отасининг ҳаловати бузилди. Бир оёғи мактабда. Ўғли бугун кимнингдир бурнини синдирса, эртага яна кимдир беш-етти сонияда синфдан учиб чиқади. Мактабда ҳам ўзини рингдаги Тайсондай тутар экан. Унга дашном берган мактаб директорига ҳар сафар: “Мен ҳақиқий Тайсонман, буни дадам айтган”, дея жавоб берар экан. Мана, нотўғри лақаб қўйишнинг оқибати... Мана шундай кўнгилсизликлар отага ўғлига ўзи билмаган ҳолда бошқаларга нисбатан қўпол муомала қилишга рухсат бериб қўйганини англатди. Ота-онаси бу лақабдан воз кечиб, ижобийсига алмаштиришди. Аксарият ҳолларда исми билан мурожаат қила бошлашди. Боланинг хулқи яхши томонга ўзгара бошлади.
Агар болага унга қўйилган лақаб ёқмаса, унинг бу истагини ҳурмат қилиш керак, ёқмаган лақабдан воз кечиш зарур.
Унутманг, боладаги сифатлар унга қўйилган исмларга қараб ўзгаради.

Vakillik.uz Ижтимоий саҳифалари

Telegram |Facebook | Instagram | YouTube

Дўстларингизга ҳам улашинг!!!
t.me/Vakillikuz Ochish/sharhlash

2021-02-15 07:44:44 #Xабарлар
#ЯНГИЛИКЛАР

Бутунжаҳон араб тили иттифоқи Марказий кенгаши аъзолигига ўзбек олими сайланди

Тошкент давлат шарқшунослик университети олими, профессор Шорустам Шомусаров Бутунжаҳон араб тили иттифоқи Марказий кенгаши аъзолигига Марказий Осиё минтақасидан сайланди. Бу ҳақда ЎзАга университет матбуот хизмати маълум қилди.

Ўзбек олими Ш.Шомусаров Бутунжаҳон араб тили иттифоқининг Марказий кенгаши аъзолигига Марказий Осиё минтақасидан сайланиши ва дунёнинг энг кучли 24 арабшуноси рўйхатида туриши Тошкент шарқшунослик мактабига бўлган катта эътирофдир.

Ливан пойтахти Байрут шаҳрида жойлашган Бутунжаҳон араб тили иттифоқи 1988 йилда дунёдаги барча мамлакатлар араб тили мутахассисларини араб тилини барқарор ривожлантириш мақсадида Араб давлатлари лигаси томонидан ташкил этилган.

2020 йил 1 декабрда Ливаннинг Байрут шаҳрида Иттифоқнинг 3-давра сайловлари бўлиб ўтди. Дунёнинг турли минтақаларидан янги аъзолар, шу жумладан, Марказий кенгашнинг янги 24 аъзоси қаторида ўзбекистонлик олим Шорустам Шомусаров ҳам сайланди.

Маълумот ўрнида, Ўзбекистонда араб ва турк халқлари оғзаки ижодини корпоравистик ўрганиш бўйича янги мактаб яратаётган олим, филология фанлари доктори, профессор Ш.Шомусаров Тошкент давлат шарқшунослик университетининг араб филологияси кафедраси мудири сифатида фаолият юритиб келмоқда. Унинг монографиялари ва мақолалари Марокаш, Миср, Саудия Арабистони, Қатар, Сурия, Россия, Озарбайжон, Қозоғистон ва бошқа давлатларда нашр этилган.

Vakillik.uz Ижтимоий саҳифалари

Telegram |Facebook | Instagram | YouTube

Дўстларингизга ҳам улашинг!!!
t.me/Vakillikuz Ochish/sharhlash

2021-02-15 07:38:44 #ЭСЛАТМА
#КУН_ҲИКМАТИ

“Ҳар бир нарса Аллоҳнинг қадари билан бўлади. Аллоҳ таоло банда учун бахтлилигини, бадбахтлигини, ризқини, умрини тақсим қилиб қўйган. Сенга битилган нарса, заифлигингга қарамай, сенга келади. Сендан бошқага ёзилган нарсага қувватинг билан ҳам етолмайсан”.

Али Тантовий раҳимаҳуллоҳ

Vakillik.uz Ижтимоий саҳифалари

Telegram |Facebook | Instagram | YouTube

Дўстларингизга ҳам улашинг!!!
t.me/Vakillikuz Ochish/sharhlash

2021-02-15 07:33:00 #ЭСЛАТМА
#КУН_ҲАДИСИ

“Парвардигорини эсловчи билан эсламайдиган одамнинг ўхшаши ҳудди тирик билан ўлик кабидир” .

Имом Бухорий ривояти.

Vakillik.uz Ижтимоий саҳифалари

Telegram |Facebook | Instagram | YouTube

Дўстларингизга ҳам улашинг!!!
t.me/Vakillikuz Ochish/sharhlash

2021-02-15 07:19:06 #ЭСЛАТМА
#КУН_ОЯТИ

«Бас, Мени ёд этингиз, (Мен ҳам) сизларни ёд этурман. Менга шукр қилингиз, ношукрчилик қилмангиз!».

Бақара сураси, 152-оят.

Vakillik.uz Ижтимоий саҳифалари

Telegram |Facebook | Instagram | YouTube

Дўстларингизга ҳам улашинг!!!
t.me/Vakillikuz Ochish/sharhlash

2021-02-14 23:00:00 Эслатма
#Намоз_вақтлари

Ассалому алайкум ва роҳматуллоҳи ва барокатуҳ!

3-Ражаб 1442 ҳ.й
15 - Февраль 2021 м.й
ДУШАНБА куни тақвими
Т О Ш К Е Н Т

Тонг - 06:01
Қуёш - 07:18
Туш - 12:42
Аср - 16:15
Шом - 17:59
Хуфтон - 19:13
Тошкент шаҳрида намозлар ушбу вақтлар асосида ўқилиши тавсия этилади.

«Намозни адо этганингиздан сўнг, Аллоҳни турган, ўтирган ва ёнбошлаган ҳолингизда эсланг. Хотиржам бўлганингизда намозни тўлиқ адо этинг. Албатта, намоз мўминларга вақтида фарз қилингандир». (Нисо сураси, 103-оят)

Аллоҳ таоло бугунги кунимизни хайрли ва баракали қилсин!

Дўстларингизга ҳам эслатинг!!!
t.me/Vakillikuz Ochish/sharhlash

2021-02-14 12:37:47 ​​#МУЛОХАЗА\_УЧУН

... Ишдан уйига қайтганда аёли билан ҳар галгидан кўра қаттиқроқ ЖАНЖАЛ бўлди...
Лекин, бу сафар аёл "талоқ" беришини талаб қилди... Уни талабига биноан чўнтагидан қоғоз-қалам чиқариб бир нималарни ёзди ва уни конверт ичига солиб, аёлига тутқазди...

... Ғазаби келиб, уйдан ЗАРДА билан чиқиб кетди.

Аёл унга нима ёзилганини билмасди...
Очиб кўришга юраги дош бермас, бир зумда нималар қилиб кўйганини, энди қаерга, кимникига боришини, ҳаётини қандай давом эттиришини ўйлаб даҳшатга тушди...
Ўзи истамаган ҳолда ҳаётини барбод этганини ҳис қилиб, оёқ - қўлари бўшашиб, ҳолсиз йиқилди. У шундай КАРАХТ ҳолида кўп ўтирди...
Ногоҳ эшик очилиб эри кириб келди...

Бирор сўз демасдан ўз хонасига кирди. Ортидан аёл ҳам кириб борди...

... Хафа, синиқ овозда: Олим кишилардан фатво сўрашни, қилган ишидан афсусда эканлигини, талоғини талаб қилишни истамаганини, билмасдан оғзидан чиқиб кетганини айтди...
Эри:
- Қилган ишингдан афсусдамисан..? - деди.
Аёл:
-Ҳа, ҳа, афсусдаман. Жудаям афсусдаман... Қасам ичаман, талоқни назарда тутмагандим,- деди.
Шунда эри:
- Конвертни очиб хатни ўқи, - деди...

Унда шундай ёзилганди:
~ «Мен, фалончиев фалончи, ақлу - хушим жойида бўлган ҳолда шуни ёзмоқдаман: Аёлимдан нима бўлган тақдирда ҳам ҳеч қачон ажрашмайман. Уни ҳеч қачон ташлаб кетмайман...
Ундан бошқасига уйланиб яшашни истамаслигим муқаррар..»,

... Аёлнинг кўз ёшлари сизилиб чиқиб ёноқларини ювиб тушди. Бошини кўтариб эрининг юзига карашга ЖУРЪАТ тополмади...
Эри:
- Ҳар доим ҳам мушкилларимиз талоқ билан ҳал бўлмайди. Лекин ўзаро муҳаббат, меҳр-оқибат билан масалаларни ечса бўлади, - деди.

Ибрат:

Агар аёлингиз ғазабингизни келтирса, Аллоҳни эсланг...!
Ғазабни бошқара олишга аёл кишидан кўра кўпроқ қодир эканлигингиз учун, талоқ бериш ҳуқуқини Аллоҳ унгамас, сизга берди...

Агар эрингиз ғазабингизни келтирса, Аллоҳни эсланг...!
Эр кишидан кўра кўпроқ сабр қила олганлигингиз учун Аллоҳ жаннатни сизнинг оёқларингиз остига қилиб қўйди...

Ҳаётингизни ГЎЗАЛ ўтказиш иккингизнинг қўлларингизда...
Шу озгина ҳаётни дўзахга айлантирмай, чиройли яшанг...
Сиздан нима кетди..?

Дўстларингизга ҳам улашинг!!!
t.me/Vakillikuz Ochish/sharhlash

2021-02-13 22:59:59 Эслатма
#Намоз_вақтлари

Ассалому алайкум ва роҳматуллоҳи ва барокатуҳ!

2-Ражаб 1442 ҳ.й
14 - Февраль 2021 м.й
ЯКШАНБА куни тақвими
Т О Ш К Е Н Т

Тонг - 06:02
Қуёш - 07:19
Туш - 12:42
Аср - 16:13
Шом - 17:57
Хуфтон - 19:12
Тошкент шаҳрида намозлар ушбу вақтлар асосида ўқилиши тавсия этилади.

«Намозни адо этганингиздан сўнг, Аллоҳни турган, ўтирган ва ёнбошлаган ҳолингизда эсланг. Хотиржам бўлганингизда намозни тўлиқ адо этинг. Албатта, намоз мўминларга вақтида фарз қилингандир». (Нисо сураси, 103-оят)

Аллоҳ таоло бугунги кунимизни хайрли ва баракали қилсин!

Дўстларингизга ҳам эслатинг!!!
t.me/Vakillikuz Ochish/sharhlash

2021-02-13 20:08:12 #Муқаддас_қадамжолар
Имом Бухорий мажмуасида реконструкция ишлари олиб борилади


http://vakillik.uz/vakillik/archives/21236

Vakillik.uz Ижтимоий саҳифалари

Telegram |Facebook | Instagram | YouTube

Дўстларингизга ҳам улашинг!!!
t.me/Vakillikuz Ochish/sharhlash