UzTwit

2020-09-07 12:44:28 Антимонополия қўмитаси UzAMнинг таъзирини бермоқчи




@UzTwit Ochish/sharhlash

2020-08-12 06:44:43 Домла шифокор ҳузурида

- Хўш, сизда йўтал борми?
- Йўқ.
- Нафасингиз қисаётгандир?
- Қисмаяпти дўхтир.
- Таъм ва ҳид сезиш қалай?
- Жуда яхши сезяпман.
- Танангизда беҳузурлик сира йўқми?
- Мутлақо йўқ, дўхтир.
- Демак ёзамиз: сизда симптомсиз коронавирус аниқланди. 12 кун банисага ётасиз.

@domlajonn Ochish/sharhlash

2020-08-07 20:14:44 Kechmishlar

Do'stlar quloq tutmas qalbingga,
Sen haqda g'iybatlar bob, bob.
O'zing quloq bermas yurakni
Manzil qilar qaysi oftob?!

Istaging o'qishin istaysan,
Ko'zingda istaklar ming kitob.
Ko'nglingga qarashsa yaxshi-yu,
Ko'ngling qaramaydi-chin azob.

Bu- azal bitgan bir hikoya,
Azaldan nishonga tekkan o'q.
Tegrangda million jon bor-u,
Yo'lingda sen istar odam yo'q.

Bo'shliq boshliq bo'lgan botinda
Sukutning jarangi sazoyi.
Oq bulut kutyapdi qalb toqi,
Oq yulduz kutyapdi fazoing.

Dilso'z Azimova
@UzTwit Ochish/sharhlash

2020-07-05 06:51:50 #Рухий_тарбия

Машинадан таралаётган сокин оҳанг остида катта трассада кетаяпман. Об-ҳаво зўр, кайфият унданда аъло. Светофорда қизилга тўхтадим.

Секундомер: 30.....29....28.....
Икки томонимга икки мошина тўхтади.
Биридан “бдишш бдишш”, иккинчисидан “гумм гумм” музика атрофни тутиб кетди.
Менимча улар бир бири билан ким ўзар ўйнашарди.

Секундомер : 25.....24......23....
Хамма норози бўла бошлади, мениям асабим бузилди.

Секундомер : 20......19.....18.....
Бироз ўйланиб турдимда мен хам мафонни овозини бирозгина кўтардим :
- “ Ya siiyn.
Val –Qur’anil – Hakiym. Innakalaminal – mursalin.
‘Ala sirotim mustaqim…….”

Секундомер : 15.....14.....13.... Ўнг томонимдаги мошина овозини пастлатди.
Кетидан чап томонимдаги машина овозини умуман ўчирди.

Секундомер : 10.....9.....8......
Овозни яна озгина кўтардим:
- "Tanzilal'Azizir Rohiim .
Li tunziro qovmam ma unzira aba'uhum fahum g'ofilun........."
Атроф жим жит бўлиб қолди.

Секундомер :5....4......3.....
Мазза ..... Мана буни кайф деса бўлади.
Хамма охиста……, жудаям охиста қўзғалди.........

p.s: Ха айтганча, халиги икки машина анчагача қувиб ўтмасдан орқамдан секин юришди....
Рахмат уларга!

Мухаммад Мадрахимов
@UzTwit Ochish/sharhlash

2020-06-28 20:17:53 #ҲОЗИРЖАВОБ

• Мункиллаб қолган кекса бир кишига ёшлар ҳазил қилишиб:
- Отахон, камонни сотасизми?! -дейишибди.
• Шунда отахон:
- Озгина сабр қилсанг текинга оласан! - дебди ҳозиржавоблик билан.

@UzTwit Ochish/sharhlash

2020-06-24 06:57:27 Ochish/sharhlash

2020-06-04 18:57:00 КАМПИР ҲАҚИДА ШЕЪР

Тонгда жўнар бозорга
Дили тўла аламга,
Дили тўла озорга
Ҳеч кими йўқ бу кампир.

Уч-тўрт ҳовуч қурт еган
Олмасини уяди
Ва кечгача саратон
Офтобида куяди.

Ҳеч ким унга қарамас,
Қарамас олмасига,
Одамларга боқар у
Боққандек боласига.

Баъзилар тўқнашаркан
Унинг мунгли кўзига,
Чидолмасдан, қайрилиб
Кета бошлар изига.

Ҳеч кимни яқинлатмас
Кўзидаги дард-алам,
Мўлтираб айтса ҳам-ки:
“Олмамдан олинг, болам...”

Шомда уйига қайтар
Кўтариб олмасини,
Кўзидаги аламу
Дилдаги ноласини.

Аммо субҳи азонда
Дили тўла озорга,
Ҳеч кими йўқ бу кампир
Яна жўнар бозорга...

Хуршид Даврон

@UzTwit Ochish/sharhlash

2020-06-02 05:38:34 ​​Калла суяги ва Lex.uz

Олимларнинг айтишича, одамзод ғайритабиий кучлардан қўрққанлиги учун турли маросим ва фетишларни ўйлаб топган. Жонсиз нарсага умид боғлаган. Жонлилардан умид бўлмагач, жонсизига умид боғлайди-да. Денгиз тошмаслиги учун “денгиз худоси”га қурбонлик қилган, ҳосилим яхши унсин деб “ҳосилдорлик худоси”га.

Қадимги Римдагина деманг, ўзимизда ҳам бунақа одатлар бисёр. Савдоим юришсин, деб ари уйини бузиб тутатамиз. Уйимга фалокат келмасин, деб дарвозага тақа қоқамиз, томга кўз расмини чизамиз. Ишим юришсин, ёмонларнинг юзини тескари қилсин, деб мол ё қўйнинг тиржайган калла суягини илиб қўямиз.

Буни қарангки, жонсиз нажоткорлар ҳам замон ва маконга қараб ўзгариб тураркан. Дўконлардан бирига расмдаги матнни илиб қўйишибди. Яна иқтибос муаллифининг расми билан. Гап йўқ. “Прокуратура ва солиқ тизимидагиларнинг ҳаммаси порахўр. Мен буни яхши биламан”, “Тадбиркор – ҳақиқий фидойи инсон”, “Тадбиркор йўлига қарши чиқиш – давлат сиёсатига, Президент сиёсатига, менинг сиёсатимга қарши чиқишдир”. О, бу гаплар тадбиркорга қўй ёғидай ёқишини кўринг. Бу иқтибос тадбиркорни адолатсиз ўлпончидан, нафси ҳакалак отган прокуратурадан асровчи нажоткордир. Энг камида шундай умид қилишади. Бу гаплар мамлакат раҳбари тилидан янгради. Шоҳнинг сўзи – сўзлар шоҳи саналади, ахир. Унга амал қилмоқ керак, бўлмаса жазоингни оласан. Қандингни ур, тадбиркор. Бу ҳам прогресс.

Аммо биргина андишамиз бор. Нормал давлатларда раҳбарнинг сўзи эмас, қонун амал қилади. Қонун бу амалдаги адолатдир. Ўзи жонсиз бўлса-да, кучга кириши билан “тириладиган” нажоткордир. Биз қонунларни ҳурматласак, денгизимиз ҳам тошмайди, ҳосилимизга ҳам барака киради, савдоимиз ҳам юришади, уйимизга фалокат ҳам келмайди, ишимиз ҳамиша ўнгидан келади. Йўқ, алоҳида одам эмас, бутун жамият қонунга бўйсунсагина барака ёғилади. Тадбиркорни ва умуман жамиятни қонун ҳимояласин, тизим функционерлари эркинлиги чегарасини қонунлар белгиласин.Ана шунда ари уяси, калла суяги, тақа, иқтибос каби нарсаларга эҳтиёж қолмайди.

Демак, белгиланган қонун-қоидаларни ўқиб риоя қилишни бошлайлик. Lex.uzни очинг.

@domlajon Ochish/sharhlash

2020-06-02 05:37:08 ЯХШИ ГУМОНДА БЎЛИНГ!

Уч дўст кечаси йўлда кетаётиб, йўл четида бир кишининг ўра қазиётганини кўриб қолишибди.

Шунда улардан бири шерикларига: “Қаранглар, ана у киши йўлнинг чеккасида ўра қазияпти. Менимча, у кимнидир ўлдирган бўлса керак, тунда кўммоқчи шекилли?!”, дебди.

Иккинчиси: “Йўқ, йўқ, у киши қотил эмас! У киши ҳеч кимга ишонмас экан, шунинг учун мол-мулкини кечаси одамлардан яшириб беркитяпти шекилли”, дебди.

Учинчиси эса уларга қараб: “Ундай ҳам эмас, бундай ҳам эмас. Бу киши солиҳ инсон, бу киши одамлар фойдаланиши учун қудуқ қазияпти”, дебди.

Ҳа, ҳар бир инсон ўзининг ҳолатидан келиб чиқиб фикр юритади. Яхши инсон ўзга одамлар ҳақида яхши гумонда бўлади. Ёмон инсон эса ўзгалар ҳақида ёмон гумонда бўлади.

“Ҳикматлар чашмаси”дан.
@mirzabekovsh Ochish/sharhlash

2020-05-24 04:08:39 #Запал

Битта братишкага товарни нархини сўраш учун мессенжердан овозли хабар жўнатсам, менга "Раҳмат ака, ўзингизга ҳам хайит муборак бўлсин" деб ёзиб .

Хайит муборак Азизлар!

Нодир Гойибов

@UzTwit Ochish/sharhlash