Temuriylar tarixi

2022-09-02 06:22:23 Temuriylarga tobe jaloyiriy amirlar (1410-1431)
1. Valid ibn Ali (1410-1411)
2. Mahmud ibn Valid (1411-1415, 1422-1427)
3. Uvays ibn Valid (1415-1421)
4. Muhammad ibn Valid (1421-1422)
5. Husayn ibn Alouddavla (1427-1431)

@UZB_TEMURIYLAR Ochish/sharhlash

2022-09-02 06:14:16 Ochish/sharhlash

2022-09-01 22:47:21 Islom Karimov xotirasiga bagʻishlanadi!

Bugun, 2 sentabr, Oʻzbekiston Respublikasining Birinchi Prezidenti Islom Abdugʻaniyevich Karimovni xotirlash kuni.

Birinchi Prezidentimiz vafot etganlariga 6 yil boʻldi.

@UZB_TEMURIYLAR Ochish/sharhlash

2022-09-01 21:01:12 Telegram koinoti 1-qism | @sharqmarvaridi davlatiga asos solinishi
(Ertaknamo hikoya)
Telegram koinotida juda ko'p sayyoralar mavjud bo'lib, ulardan biri O'zbek sayyorasi edi. Bu sayyorada turli-tuman qit'alar bo'lib, shularning eng kichigi Tarix qit'asi edi. Bu qit'ada tinimsiz urushlar bo'lib hech tinchlik yo'q ekan. Unga yondosh Adabiyot qit'asida Muzaffar Andijoniy paydo bo'libdi. U Tarix qit'asiga sayohat qilishni niyat qilib yo'lga tushibdi. Tarix qit'asida u yetib kelgan ilk yer @Elektron_tarixiy_kutubxona davlati edi. Lekin bu davlat Andijoniyga yoqmabdi. U yo'lida davom etib @UZB_TEMURIYLAR davlatiga kelib qolibdi. Tarix qit'asida davlatlar ular: qudratli, o'rtahol, zaif va nochor guruhlarga bo'linar ekan. Andijoniy qadam bosgan har ikki davlat o'rtahol bo'lib, qudratli bo'lishga intilayotgan edi. Ko'p o'tmay Andijoniy bu davlatning bosh vaziri YUNUS bilan tanishib qolibdi va do'st bo'lishibdi. Bir necha kun o'tib bu davlat qudratli davlatga aylanibdi. @UZB_TEMURIYLAR hukmdori Aziz I ni tabriklash uchun ancha qudratli bo'lgan @ibtido_tarix davlatining hukmdori Orif Buxoriy bu davlatga tashrif buyuribdi. Shu tashrif asnosida u Andijoniy bilan tanishibdi va uni o'z davlatiga taklif qilibdi. Andijoniy u davlatga borgach Buxoriy yaqinda tashkil topgan @Islombilanbirgamiz davlatiga bosh vazir etib tayinlabdi. Orif Buxoriy bu davlatga YouTubebot tunneli orqali YouTube koinotidan ajoyib mahsulotlarni olib kelar ekan. Muzaffar Andijoniy bu tunnelni kengaytiribdi, davlatning milliy mahsulotlarini ishlab chiqarishni yo'lga qo'yibdi. Keyin o'zi ham davlat tuzishga qaror qilib @sharqmarvaridi davlatiga asos solibdi. Boshida bu davlat nochor ekan. Chunki hukmdorini u yerni boshqarishga vaqti yo'q ekan. Ayni shu mahalda @UZB_TEMURIYLAR bosh vaziri YUNUS uni harbiy vazirlikka taklif qilibdi...

Keyingi qism
Telegram koinoti 2-qism | "Tarixchi adminlar" hukmdorlar kengashining tashkil topishi

Andijonlik xayolparast



@UZB_TEMURIYLAR Ochish/sharhlash

2022-09-01 19:02:03 Siz Jahonda nimalar bo'layotganidan habardormisiz?

Eng songi yangiliklardanchi
Kanalimiz siz uchun eng dolzarb yangiliklarni yoritib boradi

O'zbekiston va Jahon habarlari
Hamma hammasi bizning kanalda

Obuna bo'ling
@Siyosat24_7 Ochish/sharhlash

2022-09-01 05:08:37 Руслар томонидан таланган Амир Олимхоннинг хазинаси ҳақида.

Бухоро амирлигининг олтин захираси ҳақида ҳар хил маълумотлар учрайди. Хусусан, рўйхатга кўра, амир хазинаси қуйидагича бўлган.

— Бухоро тилласи – 1 148 380 дона;
— рус тилласи – 4 365 100 дона;
— ёмби ҳолидаги Гамбург тилласи - 17 тоннаю 728 кг;
— ёмби ҳолидаги Гамбург кумуши – 45 тоннаю 404 кг;
— рус кумуш тангалари – 22 тоннаю 160 кг;
— Бухоро тангаси – 62 834 780 дона;
— Бухоро мис тангаси – 5 тоннаю 696 кг;
— тилла кукуни – 1 тоннаю 56 кг;
— рус банки кумуши –13 тоннаю 724 кг;
— Яна жами 34 номдаги қимматбаҳо осори-атиқа рўйхат қилинди

“Шахсан амир ва унинг оила аъзоларига тегишли бўлган бойликлар рўйхати:
— Йирик бриллиантлар – 3 482 карат;
— буюмларга тикилган бриллиантлар – 968 карат;
— буюмларга тикилган қимматбаҳо тошлар – 8 617 карат ва ҳоказолар мулк сифатида қайд этилди.

@centerasiastudy
@UZB_TEMURIYLAR Ochish/sharhlash

2022-08-31 18:13:51 Собиқ СССРнинг биринчи ва охирги Президенти М.Горбачев вафот этибди. Горбачев, 1990-91 йилларда иттифоқдош республикалар раҳбарларининг деярли барчасидан кўра кўпроқ умр кўрди. Унинг асосий рақибларидан бири бўлмиш Борис Ельцин вафот этганига, 15 йил бўлаяпти. Каримов вафот этганига, шу кунларда 6 йил бўлди.
*
СССРнинг қулашида Горбачевнинг ҳиссаси катта. Бир томондан у ислоҳотларни (Перестройка) бошлади. Бошқа томондан, қулаётган иттифоқни ушлаб қолишга қурби етмади: унинг нисбий заифлиги, инқирозлар ичидаги СССРни тезда йиқитти. Горбачевга хос энг катта хусусият – иккиламчилик (двойственность).
*
У бир томондан ўзининг ислоҳотларини доим ҳимоя қилади.
Лекин, айни пайтда у СССРни йиқилишида бошқаларни айблайди. Лекин, СССРни ислоҳотлар орқали сақлаб қолиш мумкинлигига бошқаларни тўлиқ ишонтира олмайди. Ва бу Горбачевдаги энг катта зиддиятлардан биридир.
*
Горбачев жуда моҳир оратор, нотиқ эди. Ва унинг бу нотиқлиги СССРнинг йиқилишида, натижада, мустақил давлатларнинг пайдо бўлишида катта рол ўйнади. Миллатимиз мустақиллиги, эрки ва халқ озодлиги абадий бўлсин!

Каналга уланиш
@centerasiastudy
@UZB_TEMURIYLAR Ochish/sharhlash

2022-08-31 17:31:59 Oʻzbekistonda ilk Mustaqillik bayrami nishonlanishi.

1992-yil 1-sentabrda mustaqillikning 1 yilligi munosabati bilan Toshkentda keng koʻlamli bayram tadbirlari boʻlib oʻtgan.

@UZB_TEMURIYLAR Ochish/sharhlash

2022-08-31 09:10:13 XI asrning oxirlarida hukmdorlik faoliyatini boshlagan Anushtegin — xorazmshohlar sulolasi o'g'uzlarning Bekdili urug'idan yetishib chiqqan edi. Anushteginiylarning Xorazmdagi hukmdorlik faoliyatida davlat boshqaruvida yozilmagan, lekin sulola qat'iy amal qiladigan bir qonun bor edi. Anushtegin xorazmshohlarning valiahdlari, hukmdorlari ularning Bekdili urug'iga mansub xotinlaridan tug'ilgan farzandlaridan tayinlanardi. Boshqa urug', qabila, xalqqa mansub ayollardan tug'ilgan shahzodalar hukmdorlik mansabiga loyiq ko'rilmasdi. Bunday tartib mamlakatda urug'lar, qabilalar o'rtasida taxt uchun kurashlarni kamaytirishga, anushteginlarning hukmronlik qudratini oshirishga, Xorazmning imperiya darajasiga ko'tarilishiga xizmat qildi. Bu holat 1077-yilda Anushtegin G'arjoyining davlat tepasiga kelishidan toki 1200-yil Takash hukmdorligi oxirigacha davom etdi. 1200-ilda Takashning o'g'li Alouddin Muhammad xorazmshohlar taxtiga o'tirishi bilan bu yozilmagan qonunga putur yetdi. Muarrixlarning ma'lumotlariga ko'ra, Takashdan keyin taxtga uning o'g'li Nosiriddin Malikshoh o'tirishi kerak edi. U Takashning Bekdili urug'iga mansub xotinidan tug'ilgan, bu sulolaning ichki qonun-qoidalariga mos tushar edi. Lekin Nosiriddin Malikshoh 1197-yilda vafot etadi. Natijada Takash o'ziga valiahd qilib Alouddin Muhammadni tayinlaydi. Alouddin Muhammad Takashning qipchoq urug'iga mansub xotini Turkon xotundan dunyoga kelgan. Ammo Takash hokimiyat to'laligicha yarim qipchoq Alouddin Muhammad qo'lida qolib ketishini istamaydi. Uni Bekdili urug'iga mansub Oychechakka uylantiradi. 1199-yilda ular oilasida Jaloliddin Manguberdi tug'iladi. Takash ajdodlari an'analarini davom ettirish, yozilmagan qonunga amal qilish niyatida Jaloliddinni Alouddin Muhammadning valiahdi deb e'lon qiladi. Shu tariqa u xorazmshohlar taxtida Bekdili urug'iga mansub anushteginiylar sulolasi hukmronligi davom etishini orzu qiladi. Afsuski, uning orzulari ro'yobga chiqmaydi. 1200-yili Takashning vafotidan so'ng o'g'li Alouddin Muhammadni ham, u boshqargan Xorazmshohlar davlatini ham Turkon xotun qo'lga oladi. Hokimiyat tepasidagi Bekdili urug'iga mansub beklar, sarkardalarni mansablaridan chetlashtirib, yuqori lavozimlarga qipchoq urug'idan bo'lgan o'z yaqinlarini qo'yadi. O'g'li Alouddin Muhammadni esa qipchoq xonlarining qizlariga uylantiradi. Ulardan tug'ilgan farzandlarni taxt vorislari etib belgilaydi. Eri Takashning vasiyatiga qarama-qarshi o'laroq Jaloliddinni valiahdlikdan chetlashtiradi, uning o'rniga Muhammadning qipchoq xotinidan bo'lgan o'g'li O'zloqshohni valiahd qilib tayinlatadi. Shu tariqa Oychechak va uning o'g'li Jaloliddin bilan Turkon xotun o'rtasida qarama-qarshilik kuchayadi. Mamlakat hayotida qo'shhokimiyatchilik yuzaga keladi. Xorazmshohlar davlatini bir tomonda — Gurganjda turib Turkon xotun, ikkinchi tomonda — Samarqandda turib Alouddin Muhammad boshqaradi. Lashkarlar, sarkardalar, “davlat ustunlari” o'rtasida ziddiyatlar avj oladi, mamlakatda yakdillik, birlik yo'qoladi.

@UZB_TEMURIYLAR Ochish/sharhlash

2022-08-31 09:05:10 СССРнинг қисқача тарихи

Ленин вафот этгандан кейин, партиядаги иккинчи шахс, ўртоқ Троцкий хоин эканлиги маълум бўлди. Каменев, Зиновйев, Бухарин ва Сталин Троцкийни ағдариб, СССРдан ҳайдаб чиқаришди.

Aммо бир неча йил ўтгач, Каменев, Зиновиев ва Бухарин ҳам душман ва зараркунандалар эканлиги маълум бўлди. Кейин жасур ўртоқ Гейнрих Ягода уларни ҳибсга олди.

Бироздан кейин Ежов Ягодани душман агенти сифатида ҳибсга олди.

Aммо бир неча йил ўтгач, Ежов ўртоқ емас, балки оддий хоин ва душманнинг агенти эканлиги маълум бўлди. Ва Ежовни Берия ҳибсга олди.

Сталин вафотидан кейин ҳамма Берияни ҳам хоин эканлигини англашди. Кейин Жуков Берияни ҳибсга олди.

Aммо тез орада Хрушчев Жуковни душман ва фитначи эканлигини билиб олди. Ва у Жуковни Уралга юборди.

Ва бироздан кейин Сталин душман, зараркунанда ва хоин эканлиги аниқланди. Ва у билан, шунингдек, Политбюронинг аксарияти. Кейин мақбарадан Сталин чиқарилди, сиёсий бюро ва уларга қўшилган Шепилов Хрушчев бошчилигидаги ҳалол партия аъзолари томонидан тарқатиб юборилди.

Бир неча йил ўтди ва Хрушчев кўнгилли, фирибгар, авантюрист ва душман эканлиги маълум бўлди. Кейин Брежнев Хрушчевни нафақага юборди.

Брежнев вафот этганида, у зараркунанда ва турғунликнинг сабаби эканлиги маълум бўлди.

Aммо кейин ҳокимиятга ёш, бақувват Горбачев келди. Ва бутун партия зараркунандалар ва душманлар партияси эканлиги маълум бўлди, аммо у ўз вақтида ҳамма нарсани тузатади. Aйнан унинг вақтида СССР парчаланиб кетди. Ва Горбачев душман ва хоинга айланди.

Каналга уланиш
@UZB_TEMURIYLAR Ochish/sharhlash