2022-10-25 14:14:31
Hurmatli kanalimiz kuzatuvchilari!
Avvalo, bunday post yozayotganim uchun uzr so’rayman. Lekin bugungi ba'zi bir ko’ngilsiz holatdan so’ng yozishim kerakligini angladim.
Ko’pchilikka ayon, bizni kursimiz bir oy va bola katta bo’lgani sari 3-4 oygacha foydalana oladigan qilib ishlab chiqilgan. Buni mashg’ulot avvalida aytib o’tamiz doim. Lekin shunga qaramay, ba'zida onalarimiz shug’ullanishni keyinga surishadi, lekin bu noto'g'ri! To'lov qilingan kunni ertasidanoq mashg'ulotni boshlashingiz kerak bo’ladi. Faqatgina bitta istisno bo'ladi, biz keyinroq boshlaysiz, desakgina keyin boshlaysiz.
Yana bir masala, reklamalarda va kanaldagi ko’plab postlarimizda aytilgan mana bu “ 3 kunlik sabr va qat’iyat”so’zlariga ko’zingiz tushgan bo’lsa kerak. Bu so’zni asl ma’nosini ham tushunmayotganlar bor bo’lishi mumkinligi haqida o’ylab ko’rmagan ekanmiz. Lekin ,afsuski, katta auditoriyaga qo’pol va madanyatsizlik ila yozishlik insonni qo’rqitadi. Shu sababli biz iloji boricha yumshoq va odob doirasida yozishga harakat qilamiz. Bugun bu chegaralardan biroz chiqmoqdamiz. Yuqoridagi so’zni mohiyatiga kelsak, biz bunda nima demoqchi bo’lganmiz? Programmada bola rejimga tushib olguniga qadar 3 kun yig’laydigan va injiqlik qiladigan holatlar mavjud. Albatta, bunday bo’lishi tabiiy. Chunki bu dori emaski, bola indamay uxlab qolsa, yoki gipnos emaski, bola ertaklardagiday ko'zini yumib oromga ketsa!
Shuning uchun, 3 kun rejimga tushib olgunicha yig’laydi, injiqlik qiladi va qaysarlik ham qilishi mumkin. Aynan shu uchun sabr va qat’iyat so’raladi Siz onalardan! Shu orada bolaga ko’proq e’tibor ham kerak bo’ladi, uzog’i 2-3 hafta bola uchun u bilan birgalikda harakat qilishingiz kerak. Inshaalloh, ozgina qiyinchiliklar ortidan ko’plab yengilliklarni qarshi olasiz.
Bundan tashqari, ko'plab onalarimiz bizning mashg'ulotimizning asl mohiyatiga tushunmay, shoshqaloqlik bilan to'lov qilib qo'yishadi. Tabiiyki, biz to'lovdan so'ng ularni mashg'ulotimizda qatnashayotgan onalar guruhiga qo'shib qo'yamiz. Lekin mashg'ulotimizning qonun-qoidalari ma'qul kelmasa yoki yana qandaydur tushunmovchiliklar bo'lsa, onalar bizdan to'lovni qaytarib berishimizni talab qilishadi. Hurmatli onajonlar, bu sizga kinoteatr zali emasku, bir bosh suqib, film yoqmasa, qaytib chiqib ketadigan. Iltimos, mana shunday noodatiy talablarni ham to'xtatsangiz. Yuqorida aytib o'tganimdek, bu mashg'ulotimizning formati keng, bu yerda faqatgina mening mehnatim emas. Qo'l ostimda bir nechta qizlar ishlaydi, ularning mehnatini ham munosib baholashim shart. Qisqa qilib aytganda, to'lov qaytarib berilmaydi. Iltimos, boshqalar mehnatini ham qadrlang!
Va yana, narx masalasi - individual masala, birovning cho’ntagini hisoblash - odobsizlik, bu uchun kimgadir hisob berish mas’uliyatim yo’q. Qiyinchilik hammada bo’ladi, hammani o’ziga yarasha muammosi bor. Men boy oiladan chiqmaganman, boy oilaga kelin ham bo’lmaganman, qo’limda ishchi qizlarim bor, reklama va marketinga yaxshigina pul sarflayman.
Shu kungacha to’plangan gaplarni post qilib chiqardim. To’g’ri tushundingiz degan umiddaman.
Ohirgacha o’qiganingiz uchun tashakkur!
Muhabbat bilan Nodira Adhamova
8.2K viewsedited 11:14
U
