Xalq ta'limi xodimlari | RASMIY KANAL

2022-01-13 09:52:18 Diqat savol: usta yasaydi lekin bozorda sotmaydi u xamaga kerak lekin hehkim olmaydi bu nima? Ochish/sharhlash

2022-01-13 09:45:27 #Muhim_xabar

Umumiy oʻrta taʼlim maktablari uchun 2022-2023 oʻquv yiliga moʻljallangan tayanch oʻquv reja tasdiqlandi

Oʻzbekiston Respublikasi Xalq taʼlimi vazirining "Umumiy oʻrta taʼlim maktablari uchun 2022-2023 oʻquv yiliga moʻljallangan tayanch oʻquv rejani tasdiqlash toʻgʻrisida"gi 414-sonli buyrugʻi.

Umumiy oʻrta taʼlim maktablari uchun 2022-2023 oʻquv yiliga moʻljallangan tayanch oʻquv reja BUYRUGʻI va unga ILOVALAR bilan yuqoridagi faylda batafsil tanishishingiz mumkin.

Tasdiqlangan vaqti: 2021 yil 24 dekabr.

P.S. Keyingi oʻquv yilida dars taqsimoti shu oʻquv-reja asosida amalga oshiriladi.


https://t.me/ustozlar_uchun Ochish/sharhlash

2022-01-13 09:43:47 ​​ Ушбу шеъримни Ўзбекистон Республикаси Қуролли Кучларини ташкил топганининг 30-йиллиги "14-январь Ватан ҳимоячилари куни" га бағишлайман.Байрамингиз қутлуғ бўлсин азиз юртдошлар!

Бахтингга кўз тегмасин элим!

Келажаги ҳур бахтиёр диёр,
Бир умрга қучсин зафар шон.
Порлаб мангу тинчлик қуёши,
Олам асло кўрмасин армон.

Раҳмат, сизга азиз аскарлар,
Сиз бор доим кўнгил чароғон.
Жасур зийрак кучли посбонлар,
Ҳушёр экан гуллар бу замон.

Широқ ҳамда Тўмарис каби,
Қаҳрамонлар дилларда ўлмас,
Жалолиддин Темур Маликдек,
Мардлар асло юракда сўнмас.

Жасоратдир келган шонларинг,
Улуғ байрам кўркам онларинг.
Омон бўлсин тунлар ухламай,
Элин севган шу ўғлонларинг.

Бўлсин йўлинг равон беғубор,
Юртим мангу ёр бўлсин баҳор.
Қалби дарё жонкуяр халқнинг,
Бахтига кўз тегмасин зинҳор!

Инсон қадри юксак элимнинг,
Бахти кулсин, юрсин ғам нари.
Янги Ўзбекистон тараққиётин,
Кўриб ҳайрон қолсин ер шари.

Бахтиёр Йўлдошев
Ўзбекистон Ёзувчилар уюшмаси аъзоси.


https://t.me/ustozlar_uchun Ochish/sharhlash

2022-01-11 19:48:48 ​​ Mehr qoladi

Dunyoda har narsa o‘tkinchi bo‘lar,
Amal-u boylik ham qilmagay vafo.
Kun kelib hammasi unutilsa ham,
Mehr qolar nurdek porlab dilrabo.

Ma’naviy go‘zallik ato et Alloh,
Soxtalikdan asra, ber O‘zing panoh
Ketar chog‘ tobutdan qo‘lin ko‘rsatib,
Qolar dedi, bari Iskandarday shox.

Sog‘liq xam ketar o‘rnin dard olar,
Barcha mehmon kim yashagay mangu?!
Suyangan insonim kun kelib bir kun,
Qismat quvonch ila bag‘ishlar qayg‘u.

Borimcha yozayapman dilimdagini,
Yurak satrlarga so‘zlar izlar mos.
Bu hayotda hech kim abadiy qolmas,
Abadiyat faqat yolg‘iz Yaratganga xos,

Zaylobiddin Jo‘rayev
Uchko‘prik tumani. 50- maktab targ‘ibotchisi


https://t.me/ustozlar_uchun Ochish/sharhlash

2022-01-11 19:30:03 ​​#Педагоглар_аттестацияси

Ўқитувчи pedkadr.tdi.uz сайтида рўйхатдан ўтолмаса, нима бўлади?

Репетиция жараёнида рўйхатдан ўта олмасангиз бу муаммо эмас, лекин асосий жараёнларда рўйхатдан ўта олмасангиз у ҳолда малака тоифасини олиш учун ўтказиладиган Аттестацияда иштирок эта олмайсиз.

Рўйхатдан ўзингиз мустақил равишда ўтишда қийналаётган бўлсангиз рўйхатдан ўтишнинг асосий жараёнларида, яъни январь-февраль ойларида Давлат хизматлари марказига боришингиз мумкин.

У ерда масъул ходимлар Сизга рўйхатдан ўтиш ва мурожаат юборишингизда амалий ёрдам беришади.

Педагог кадрлар аттестациясига оид янгиликларни Таълим инспекциясининг телеграм канали (@uztdi) орқали кузатиб боришингиз мумкин.

Таълим инспекцияси


https://t.me/ustozlar_uchun Ochish/sharhlash