Ulug‘bek Inoyatov

2024-06-16 04:04:49    Muborak Qurbon hayiti bayrami bilan qutlaymiz!

Telegram | Facebook | Instagram Ochish/sharhlash

2024-06-14 14:46:36 Partiya so‘rovnomasi

Dorixonalarning tijoratga aylanib ketishiga qanday qaraysiz?

Dorilarning reklama qilinishiga nima deysiz?

Sizningcha, dorixonalar qanday bo‘lishi kerak?

Partiya yurtdoshlarimizning bu boradagi fikri bilan qiziqdi...

Telegram | Facebook | Instagram Ochish/sharhlash

2024-06-13 08:24:10 #Fraksiya_tashabbusi

Cheklash emas, tenglik zarur

Parlamentdagi fraksiyamizning yana bir qonunchilik tashabbusi qo‘llab-quvvatlanadi

Oliy Majlis Qonunchilik palatasining 11 iyun kuni bo‘lib o‘tgan navbatdagi majlisida ko‘rib chiqilgan «O‘zbekiston Respublikasining ayrim qonun hujjatlariga O‘zbekiston Respublikasi Konstitutsiyasining qoidalarini amalga oshirishga qaratilgan qo‘shimcha va o‘zgartirishlar kiritish to‘g‘risida»gi qonun loyihasi ham fuqarolarni ishga qabul qilishni qonunga xilof ravishda rad etishni taqiqlash, shuningdek, mehnat huquqlarini ishonchli himoya qilish va mehnat munosabatlarida qo‘shimcha kafolatlar yaratish maqsadlarini nazarda tutadi.

Mazkur loyiha O‘zXDP fraksiyasining qonunchilik tashabbusi bo‘lib, unga ko‘ra, yangi tahrirdagi Konstitutsiyamiz asosida «Davlat fuqarolik xizmati to‘g‘risida»gi Qonunga va Mehnat kodeksiga qo‘shimcha hamda o‘zgartirishlar kiritilmoqda...

«Davlat fuqarolik xizmati to‘g‘risida»gi Qonunning 10-moddasi «qarindoshining sudlanganligi va bundan kelib chiqadigan huquqiy oqibatlar O‘zbekiston Respublikasi fuqarolarining davlat fuqarolik xizmatiga qabul qilinishidagi va uni o‘tashdagi huquqlari cheklanishi uchun asos bo‘lishi mumkin emas», degan jumlalar bilan to‘ldirilmoqda.

Mehnat kodeksining 4-moddasi ikkinchi qismiga «ijtimoiy kelib chiqishi» degan so‘zlardan keyin «qarindoshlarida sudlanganlikning mavjudligi» degan so‘zlar kiritilyapti.

Majlisda deputatlar ushbu qonun loyihasining zaruratiga alohida e’tibor qaratib, unda nazarda tutilayotgan ayrim normalar bo‘yicha o‘z takliflarini, fikr-mulohazalarini bildirdi...

Telegram | Facebook | Instagram Ochish/sharhlash

2024-06-12 13:28:45 #Live

   Ayni daqiqalarda parlament quyi palatasida O‘zXDP fraksiyasi tashabbusi asosida “Hukumat soati” o‘tyapti.

Unda deputatlar “Oliy ta’lim tashkilotlariga o‘qishga qabul qilish tizimini yanada takomillashtirish, shu jumladan, davlat oliy va professional ta’lim muassasalariga kirish uchun imtihonlarni “avval test, so‘ng tanlov” tamoyiliga muvofiq tashkil etish borasida olib borilayotgan ishlar to‘g‘risida”gi masalani muhokama qilishmoqda.

Kun tartibidagi masala yuzasidan deputatlarning savollariga O‘zbekiston Respublikasi oliy ta’lim, fan va innovatsiyalar vaziri Kongratbay Sharipov javob beryapti.

“Hukumat soati” Qonunchilik palatasining rasmiy veb-sayti, youtubedagi kanali orqali jonli efirga uzatilmoqda.

Telegram | Facebook | Instagram Ochish/sharhlash

2024-06-07 16:43:49 #Munosabat

O‘zbekiston – Turkiya:
Insonlar uchun ham, davlatlar uchun ham muhim tashrif

O‘zbekiston va Turkiya o‘rtasidagi hamkorlik, do‘stlik mustahkam rishtalar bilan bog‘langan. Xalqlarimiz o‘rtasidagi birodarlik uzoq o‘tmishdan, bir ildizdan suv ichadi.

Shundan bo‘lsa kerak, oxirgi yillarda iqtisodiy, savdo-investitsiyaviy va yana boshqa ko‘plab sohalarda hamkorligimiz tez rivojlanmoqda. Ulkan va xalqlarimiz uchun muhim loyihalar o‘zaro muvaffaqiyatli amalga oshirilmoqda.

Davlatimiz rahbarining Turkiya Respublikasi Prezidenti Rejep Tayyip Erdog‘anning taklifiga binoan ushbu mamlakatga rasmiy tashrifi har ikki davlat va xalqlarimiz uchun katta voqelikka aylandi.

Anqara shahrida ikki davlat rahbarlari raisligida o‘tgan Strategik hamkorlik kengashining uchinchi yig‘ilishi real natijalarga boy bo‘ldi. Tovar ayirboshlash hajmini oshirish, sanoat, “yashil” energetika, elektrotexnika, to‘qimachilik, farmatsevtika tarmoqlari, qishloq xo‘jaligi, davlat-xususiy sheriklik dasturi doirasida va boshqa yo‘nalishlarda kooperatsiya loyihalarini ilgari surishga alohida e’tibor qaratildi.

Bu nima degani? Bu turli sohalarda hamkorlik rivojlansa, ikki mamlakat fuqarolari o‘rtasida bordi-keldi munosabatlari yanada mustahkam bo‘lishiga, ijtimoiy-iqtisodiy masalalar samarali hal etilishiga, mintaqada va xalqaro maydonda bir-birini tushunish hamda qo‘llab-quvvatlash kengayishiga zaminni mustahkamlaydi...

Ulug‘bek INOYATOV,
Oliy Majlis Qonunchilik palatasidagi
O‘zbekiston XDP fraksiyasi rahbari.

Telegram | Facebook | Instagram Ochish/sharhlash

2024-06-07 14:45:38 #Nuqtai_nazar

O‘zbekistonda tug‘ilishni rejalashtirish kerakmi?

Tug‘ilishni, umuman, oilani rejalashtirish hozirgi davrda asosiy masala hisoblanadi. Er-xotin oilada farzandlarni dunyoga keltirishda mas’uliyatni, rejali yondashuvni his qilmog‘i kerak. Shunda bu oilada tug‘ilayotgan farzand ham sog‘lom bo‘ladi, sog‘lom voyaga yetadi. Millat genofondini asrashda bu juda muhim!..

Oilani to‘g‘ri rejalashtirish, eng avvalo, bolalarga zarur bo‘lgan barcha moddiy va nomoddiy ne’matlar – sifatli ta’lim, oziq-ovqat, uy-joy bilan ta’minlash uchun muhim ahamiyatga ega.

Bugungi demografik muammolar nuqtai nazaridan qaraganda, oilani rejalashtirish vaqti keldimikan?

2024 yil 22 aprel kuni O‘zbekiston aholisi soni 37 millionga yetdi. Esingizda bo‘lsa, 36 millionlik marrani 2022 yil 8 dekabr kuni bosib o‘tgan edik. Qarang, 1 yilu 4 oyda yana 1 millionga ko‘paydik.

Bunday darajada o‘sishni davlat va jamiyat ko‘tara oladimi? Asosiy savol: tug‘ilishni rejalashtirish kerakmi?..

«O‘zbekiston ovozi» gazetasining 5.06.2023 (№23) sonida shu mavzu bo`yicha muhim fikrlar, xulosalar bildirilibdi.

Tavsiya etaman.

Telegram | Facebook | Instagram Ochish/sharhlash

2024-06-03 18:17:36 #Munosabat

Budjet ijrosi bo‘yicha ochiq va ta’sirchan choralar ko‘rish zarur

Davlat budjeti va davlat maqsadli jamg‘armalari budjetlarining 2023-yildagi hamda 2024-yilning birinchi choragidagi ijrosi to‘g‘risidagi hisobot yuzasidan O‘zXDP fraksiyasi pozitsiyasi bildirildi

Telegram | Facebook | Instagram Ochish/sharhlash