Qorovulbozor.uz|RASMIY KANAL

Арзонлаштирилган озиқ-овқат маҳсулотлари ярмаркасидан халқимиз мамнун.

Қоровулбозор туманида ҳам янги йил байрами шукуҳи кезмоқда. Жойларда байрамни кўтаринки руҳда ўтказиш учун зарур ишлар олиб борилмоқда.

Байрам муносабати билан туман Деҳқон бозорида қоровулбозорликларнинг байрам дастурхони тўкин бўлишини таъминлаш, нарх-навони кескин ортиб кетишининг олдини олиш мақсадида ташкил этилган савдо ярмаркаларида озиқ-овқат ва қишлоқ хўжалиги маҳсулотларининг арзон нархларда сотилиши йўлга қўйилди.

Туман ҳокими Акмал Остонов янги йил байрами олдидан ташкил этилган савдо ярмаркаси фаолияти билан танишди, маҳсулотларни арзон нархларда сотиш, аҳолига сифатли ва юқори савияда хизмат кўрсатиш юзасидан мутасаддиларга тегишли топшириқлар берди.

Дарҳақиқат, байрамолди ярмаркаларида сотилаётган маҳсулотларнинг бозор нархидан бирмунча арзонлиги барчага манзур бўлмоқда.

Қоровулбозор тумани ҳокимлиги матбуот хизмати

Маҳаллий муллаларнинг жорий йилдаги фаолияти сарҳисоб қилинди.

Бугун, туман ҳокимининг ўринбосари Саид Қўшшаев ҳамда туман бош имом хатиби Олимжон Иллиевлар томонидан маҳаллаий муллаларнинг жорий йилдаги фаолияти сарҳисоб қилинди.

Йиғилишда туман ҳокими ўринбосари жорий йилда маҳаллаий муллалар томонидан йўл қўйилган камчиликларга тўхталиб, келгуси йилда амалга оширилиши лозим бўлган ишлар хусусида келишиб олишди.

Шунингдек, бир гуруҳ намунали фаолият олиб борган маҳаллий муллаларга туман ҳокимлигининг ташаккурномаси ҳамда эсдалик совғалари топширилди.

Қоровулбозор тумани ҳокимлиги матбуот хизмати

Беморлар ҳолидан хабар олинди

Халқимизда байрамлар арафасида ижтимоий ҳимояга муҳтож ҳамда беморлар холидан хабар олиш эзгу анъанага айланган.

Бугун, туман ҳокими Акмал Остонов ҳамда туман ҳокимининг ўринбосарлари хонадонларда бўлиб, беморлар холидан хабар олишди.

Уларга ногиронлик аравачаси ҳамда янги йил совғалари улашиб, байрам билан муборакбод этишди.

Қоровулбозор тумани ҳокимлиги матбуот хизмати