ТУРКИЯДАГИ ЎЗБЕКЛАР

2022-09-03 19:59:30 Расмда бутун дунё бўйлаб инфляция харитаси. Айни пайтда, кузда озиқ-овқат нархининг яна бир кўтарилиши кутилмоқда. Туркия, Эрон, Аргентина ва Суданга ҳавас қилиб бўлмайди. Ўзбекистонда инфляция Россия билан солиштирганда яхши аҳволда экан.

Каналга уланиш
t.me/turkiyadagi_uzbeklar Ochish/sharhlash

2022-09-03 14:35:28 Турк Ҳаво Йўллари ходимларига 20 минг лира миқдорида бир марталик бонус беради. Ochish/sharhlash

2022-09-03 11:00:45 Айни вақтда Истанбул (Фатиҳ) валюта айирбошлаш шохобчаларида:

100 АҚШ доллари 1810 лирадан харид қилиниб 1833 лирадан сотилмоқда.

100 евро 1800 лирадан харид қилиниб 1824 лирадан сотилмоқда.

Каналга уланиш
http://t.me/turkiyadagi_uzbeklar Ochish/sharhlash

2022-09-03 09:53:20 Туркияда ижтимоий тармоқларда бир сўз билан бўлишиш трендига сиёсатчилар ҳам қўшилди.

Эрдоған: Тürkiyе - Туркия
Баҳчели: Huzur - Тинчлик
Камол Киличдароғлу: Zam - Нархларнинг оширилиши
Мерал Акшенер: Hürriyet - Озодлик
Али Бабажан: Özgürlük - Озодлик
Аҳмет Довутўғли: Seçim - Танлов
Муҳаррем Индже: Memleket - Ватан
Карамоллаўғли: Yeter - Етарли
Фаҳреттин Кожа: Sağlik - Саломатлик
Небати: Işıltı - Ёрқин
Умит Ўздаг: Тürk Milleti - Турк халқи
Имомоғлу: Icraat - Иш қилиш
Яваш: Аnkara - Анқара
Альтун: Hakikat - Ҳақиқат Ochish/sharhlash

2022-09-02 22:59:47 Хабарингиз бор, Туркия миграция бўлими жорий йил 10 февралдан буён Туркияга келаётган хорижликлар учун вақтинчалик яшаш гувоҳномаси(Oturma izni)ни 90 фоиз ҳолатларда бермаяпти.

Шу сабабли кўплаб ватандошларимиз Туркияга талабалик визаси орқали келишга урунмоқда. Лекин Туркияга келгандан кейин талабалик «Oturma izni» олиш учун ҳам сиз университетга рўйхатга олинишингиз керак.

Рўйхатга олиниш учун эса, ё ўша университетнинг турк тилини ўқитиш марказида 7 ой ўқишингиз керак, ёки турк тилини билишингиз тўғрисидаги сертификат тақдим қилишингиз керак.

Яна бир йўли эса, қўлингизда сертификат бўлмаса ва сиз турк тилини ўрганган бўлсангиз университетнинг турк тилидан ички имтиҳонига кириб 7 ой вақтингизни ва камида 1000 доллар пулингизни тежаган бўласиз. Камида!

Тушунганиздек Туркияга қандай мақсадда келманг турк тилини ўрганиб келиш сизга зиён қилмайди.

Туркияда 4 йилдир таҳсил олаётган дўстимиз Шерзод турк тилини онлайн ўқитиш курсида 7 cентябрдан янги гуруҳ очаётган экан. Тавсия қилиб қоламан.

Курс маълумоти линкда
https://t.me/sherzoddavlatov/1769 Ochish/sharhlash

2022-09-02 21:02:04 Криштиану Роналду Туркия чемпионатига ўтиши мумкин. «Фенербахче» "Манчестер Юнайтед" ҳужумчисининг трансфери устида ишламоқда.

«Ажансспор» хабарига кўра, 37 ёшли ҳужумчи Истанбул клуби билан шахсий шартнома шартларини келишиб олган. Унинг ҳамюрти, «Фенербахче» бош мураббийи Хорхе Жезус португалиялик билан шахсан суҳбатлашган.

У футболчини трансферга рози бўлишга кўндирган бўлиши мумкин. Бугун Англияда трансфер ойнаси ёпилади. Туркияда эса 8 сентябргача очиқ бўлади.

Роналду ёзда "Манчестер Юнайтед"ни тарк этиб, Чемпионлар лигасида ўйнашни хоҳлади. «Фенербахче» саралаш босқичида турнирни тарк этди ва Европа Лигасида иштирок этади.

Каналга уланиш
t.me/turkiyadagi_uzbeklar Ochish/sharhlash

2022-09-02 19:57:38 Бодрумга келдим, туристлар билан тўлиб тошган жой экан, ерлик аҳолидан ҳам туристлар кўпроқ назаримда. Меҳмонхона нархи Истанбулдаги меҳмонхона нархларига солиштирганда деярли икки баробар қиммат. Шу билан бирга ресторан ва кафеларда ҳам ҳудди шундай 2-3 баробар қиммат. Эрталаб келганман, пулим тугагунча айланиб юришни мақсад қилгандим, мақсадимга етдим. 4 соатдан кейин Истанбулга учадиган рейсга чипта олдим.

Келдим, кўрдим, қайтдим. Бодрумда 4-5 кун мазза қилиб дам олиш учун ё пулинг кўп бўлиши ёки чиройли қиз бўлишинг керак экан =)) Ochish/sharhlash

2022-09-02 14:52:52 Бу турдаги фирибгарлик жуда кенг тарқалган. Сайёҳлар 200 лирадан 50 долларгача тўлов қилишга мажбур бўлишгани ҳақида изоҳлар ёзишган.

Каналга уланиш
t.me/turkiyadagi_uzbeklar Ochish/sharhlash

2022-09-02 14:46:10 Фирибгарлар тузоғига тушиб қолманг

Шоҳруҳбек Олимнинг оёқ кийим тозаловчилари ҳақидаги постини ўқиб, Истанбулда бўлган бир воқеа эсимга тушиб кетди.

Бир куни Ункапани томонларда юрсам, олдимдан оёқ кийим тозалайдиган йигит лаш-лушларини кўтариб ўтиб қолди. Айни менинг олдимга келганида чўткаси сирғалиб, ерга тушди.

"Аби, чўткангиз тушиб кетди", - дедим. У ортга қайтиб, чўткасини ердан олди ва миннатдорчилик сифатида оёқ кийимимни тозалаб бермоқчилигини айтди. Мен эса раҳмат айтиб, керакмаслигини билдирдим.

Йигит қатъий туриб тозалаб бераман, пулинг керакмас, деяверди. Мен ҳам рози бўлавермагач, қўполлашиб, дўқ уришни бошлади.

Қарасам, вазият жиддийлашяпти. Секингина гапига ҳам эътибор бермай, жўнаб юбордим. Билиб бўладими, атрофда ҳамтовоқлари бўлсаю, мени олакалтак қилиб ташласа-чи. Тиланчилик қилувчи турк яқинда ўзбекистонлик йигитни битта гапи учун пичоқлаб ўлдиргани эсимда.

Йўлда воқеани таҳлил қиларканман, аслида чўтка бехосдан эмас, атай тушириб юборилган бўлса керак, деган фикрга келдим. Чунки у лаш-лушлар устига шунчалик омонат қўйилган эдики, истаган вақтда бир туртки билан тушириб юбориш мумкин эди.

Агар мен рози бўлганимда, барибир қўлига бир-икки лира берардим, кам бўлса, қўш дермиди. Жанжал чиқадиган бўлса, янаям кўпроққа тушириши мумкин эди.

Хуллас, чет элга борсангиз, бегоналарга яхшилик қилишдан ҳам тийилинг, ҳам турли кўнгилсизликлардан эҳтиёт бўлинг.

Санжар САИД

Каналга уланиш
t.me/turkiyadagi_uzbeklar Ochish/sharhlash

2022-09-02 14:00:24 Истанбулдаги сайёҳлар учун янги махсус саёҳат картаси.

Кеча Истанбулда сайёҳлар учун янги карталар пайдо бўлди - Istanbul City Card, меҳмонларга шаҳар бўйлаб осонгина ҳаракатланиш ва турли жойларни зиёрат қилиш имкониятини беради.

Istanbul City Card учун мўлжалланган чипта машиналари 30 дан ортиқ сайёҳлик нуқталарида ўрнатилган.

Istanbul City Card 1 кундан 15 кунгача бўлган муддатга чексиз миқдордаги саёҳатларни таклиф қилади.

Istanbul City Card эгалари “Hop on – Hop off” хизмати доирасида Ҳокимиятнинг икки қаватли автобусларида Истанбулнинг энг машҳур жойларига ташриф буюришлари мумкин. Сиз керакли жойда тушиб, 24 соат ичида саёҳатингизни давом эттиришингиз мумкин.

Истанбул шаҳар картаси тез орада музейга кириш, паромларга кириш ва Босфор бўғозидаги диққатга сазовор жойларни зиёрат қилиш каби янги хусусиятларни ўз ичига олади.

Каналга уланиш
t.me/turkiyadagi_uzbeklar Ochish/sharhlash