2022-08-09 05:35:34
17 ёшли Азиза Абдувалиеванинг «Газета.uz»га берган интервьюси қисқа сатрларда:
«Ҳатто халқаро биология олимпиадаси учун республика саралашида назарий саволларга қўшиб амалий саволларни ҳам қоғозда бажарганмиз».
«Ўзим ўқиган мактабда биология лабораторияси у ёқда турсин, физика ва кимёники ўта ачинарли ҳолатда эди... Қўлсиз, оёқсиз фанга айланиб қолган».
«Бизда мактаб болаларга стул-партада ўтириш, одобли бола бўлиб, сукут сақлашни ўргатадиган жой бўлиб қолган. Мактаб болани қамаб ўтирадиган макон бўлмаслиги керак».
«Илм соҳасида инвестиция киритиш лозим бўлса, буни ўйлаб ўтирмасдан қилиш керак. Бошқа соҳалар кутиб турар, аммо илм кутмайди. Пулни тежаш ёки олиб қолиш умуман нотўғри иш».
«Халқаро доирадаги олимпиадаларга тайёрлайдиган мутахассислар Ўзбекистонда жуда кам. Уларни шаҳар марказлари, асосан, пойтахтдан топасиз».
«Бирор чет тилини билмасдан халқаро олимпиадага тайёрланишнинг имкони йўқ. Чунки ўзбек тилида халқаро олимпиадага оид деярли бирор манба, китоб ёки кўрсатма мавжуд эмас».
«Олимпиадаларда бериладиган имтиёз ортидан ОТМга осонгина кириш мумкин деб ўйлашади. Ҳамма бир-бирини янчиб ўтиб, бирор ўринга эга бўлишни хоҳлайди».
«Ўзбекистондаги фан олимпиадалари тизими битта ҳам хатосиз, зўр ишлайди деб айта олмайман. Хатолар кўп. Буни олимпиаданинг ичида юрган одамларнинг ҳаммаси билади».
«Қанақа натижа бўлишидан қатъи назар ота-онам доим мен билан фахрланишларини билдиришарди, шунинг ўзи йиқилган жойимдан туриб кетишимга етарди».
«Бизда олимпиаданинг моҳиятини болалар ҳам, катталар ҳам хато тушунишади. Унда бир марта ғолиб бўлган ўқувчидан иккинчи марта ҳам шундай натижани кутишади».
«Олимпиада бу ҳаётнинг тугаши эмас. Унинг жавоби бугунга ҳам, келажакка ҳам ўзгартириб юборадиган даражада таъсир кўрсатмайди. У кичкина зиначалардан бири».
https://t.me/sharqona_akademiyasi_mingbuloq
37 views02:35
Z
