ZIYOLI ZIYOKORLAR ZIYOSI 👨‍🎓

2023-04-20 09:07:42 Rasman: 4 kun ketma-ket dam olish kuni bo’ladi

Prezident farmoniga ko’ra, Ramazon Hayiti munosabati bilan quyidagi kunlar dam olish kuni bo’ladi:

21-aprel, juma — Hayit bayrami;

22-aprel, shanba — 6 kunlik ish haftasidagi xodimlar uchun qo‘shimcha dam olish kuni;

23-aprel, yakshanba — odatdagi dam olish kuni;

24-aprel, dushanba — 6 kunlik ish haftasidagi xodimlar uchun qo‘shimcha dam olish kuni, 5 kunlik ish haftasidagilar uchun ko‘chirilgan (29-aprel shanbadan) dam olish kuni bo’ladi.


@xushnudbek Ochish/sharhlash

2023-04-20 09:03:42 ЮРТИМИЗ БЎЙЛАБ РАМАЗОН ҲАЙИТИ НАМОЗИНИ ЎҚИШ ВАҚТЛАРИ БИЛАН ТАНИШИНГ!

Ўзбекистон мусулмонлари идораси 2023 йил Рамазон ҳайити (Ийдул фитр)нинг биринчи куни 21 апрель (шаввол ойи 1 куни) жума кунига тўғри келиши тўғрисидаги қарорни қабул қилди.

Шунга кўра 2023 йил 21 апрель жума куни Рамазон ҳайити намози Тошкент вақти билан соат 06:00 да, бошқа вилоятларда намоз вақтидаги тафовутни инобатга олиб ўқилади.

Рамазон ҳайити намозини вилоятларда ўқиладиган вақтлари:

1. Андижон вилояти 05:50
2. Бухоро вилояти 06:20
3. Жиззах вилояти 06:10
4. Навоий вилояти 06:20
5. Наманган вилояти 05:50
6. Самарқанд вилояти 06:20
7. Сирдарё вилояти 06:00
8. Сурхондарё вилояти 06:15
9. Тошкент вилояти 06:00
10. Тошкент шаҳри 06:00
11. Фарғона вилояти 05:50
12. Хоразм вилояти 06:30
13. Қашқадарё вилояти 06:20
14. Қорақалпоғистон Республикаси 06:40

Ўзбекистон мусулмонлари идораси Матбуот хизмати

YouTube | Instagram | Facebook

Улашинг: @diniysavollar Ochish/sharhlash

2023-04-20 09:03:42 РАСМАН: РАМАЗОН ҲАЙИТИ 2023 ЙИЛ 21 АПРЕЛЬ КУНИ НИШОНЛАНАДИ

Ўзбекистон мусулмонлари идорасида Рамазон ойи ва ҳайитини аниқлаш учун тузилган Ишчи гуруҳи хориждаги нуфузли астрономия марказлари ва Ўзбекистон Республикаси Фанлар академияси қошидаги Астрономия институтидан олган маълумотларга кўра, 1444 ҳижрий йил Шаввол ойининг янги ой фазаси (ҳилоли) шу йил 20 апрель, пайшанба куни Тошкент вақти билан соат 09:12 да содир бўлган (туғилган).

Ўзбекистон мусулмонлари идораси Уламолар Кенгаши ислом дини таълимотлари ва мазкур астраномик маълумотларга асосланган ҳолда диёримизда жорий йилда Рамазон ҳайити 2023 йил 21 апрель жума кунига тўғри келиши ҳақида қарор қабул қилди.

Ўзбекистон мусулмонлари идораси Матбуот хизмати

Muslim.uz / @muslimuzportal / @Muftiy_Nuriddin_domla
Улашинг: @diniysavollar Ochish/sharhlash

2023-04-20 07:11:54 Bilib qo’ygan yaxshi

Ramazon oyining oxirgi kuni Arafa emas. Arafa Qurbon Hayitidan bir kun oldin, Zulhijja oyining 9-kuni bo’ladi.

Arafa qanday kun?

Baʼzilar "haj qiluvchilarning asosiy ziyorati Arafot tog‘ida o‘tganligi va ana shu kunning eʼtiboridan hayitdan oldingi kun arafa kuni deyiladi", deyishadi.

Arafa kunida Alloh taolo bandalarining gunohlarini mag‘firat etadi, ko‘p bandalarini do‘zaxdan ozod qiladi. Payg‘ambarimiz sollallohu alayhi vasallam: "Arafa kunidan ko‘ra Alloh unda bandani do‘zaxdan ko‘proq ozod qiladigan kun yo‘q", deganlar (Imom Muslim rivoyati). Ochish/sharhlash

2023-04-17 21:57:53 ҚАДР КЕЧАСИДА АЙТИЛАДИГАН ДУО ВА УНДАН ОЛДИН ҚИЛИНАДИГАН ИШЛАР

#БИР_ҲАДИС_ШАРҲИ

Оиша розияллоҳу анҳодан ривоят қилинади: "Мен: "Ё Расулаллоҳ, агар Қадр кечасини топишга муваффақ бўлсам, нима деб дуо қилай?" – дедим. (Шунда) Набий соллаллоҳу алайҳи васаллам: "Сен:

اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي

"Аллоҳумма иннака ъафуввун, туҳиббул ъафва фаъфу ъанний", деб айтгин',– дедилар".
(Термизий ва Ибн Можа ривояти)

(Маъноси: "Аллоҳим, Сен Афуввсан, афв этишни яхши кўрасан. Мени афв эт.")

Бу дуо Оиша онамизга ўхшаган қалби пок, кенгбағирли инсонлар учун махсус айтилган. Агар бошқа бир саҳоба шу саволни сўраганида, бошқача жавоб ҳам бўлиши мумкин эди.

Бу гапни бежизга айтмаяпман.
Аллоҳ таолодан бизни кечиришини сўрашдан олдин ўзимиз кечиримга лойиқ бўлишимиз лозим.
Яъни, қалбимизда биронта мўминга нисбатан ғашлик, адоват, гина, араз бўлмаслиги шартдир.

Аллоҳ таоло бизни кечиришини истасак, бизга ҳар қанча ёмонлик қилган таниш-нотаниш, дўст ёки қариндошларимизни кечира олишимиз ва ўзимиз кимнингдир кўнглини оғритиб қўйган бўлсак, кечирим сўраган бўлишимиз ҳам шартдир.

...Оиша онамизни Расулуллоҳ соллаллоҳу алайҳи васалламга хиёнатда айблаган баъзи саҳобалар бор эди... Оиша онамиз жуда оғир туҳмат қилган одамларни ҳам кечира олдилар ва ҳаттоки уларга аввалгидан ҳам яхши муомалада бўлдилар...
Бунинг тарихи узун, қизиққанлар тафсирлардан ёки сийрат, тарих китобларидан "Нур" сураси баёнида келган "Ифк воқеаси" ҳақида ўқиб олишлари мумкин...

Хуллас, Оиша онамизга ўргатилган дуони қилишимиздан олдин бажаришимиз шарт бўлган баъзи ишларимиз бор:

–Кимнинг бизда ҳаққи бўлса, тезда уни тўлаб қўйишимиз лозим.
Агар бу пул(қарз) бўлса ҳам, жисмоний ёки маънавий ҳаққи бўлса ҳам.

"Маънавий ҳаққи" деганимиз шуки, кимнидир ғийбат қилган бўлсак, ҒИЙБАТИМИЗ УЧУН АЛОҲИДА КЕЧИРИМ СЎРАЙМИЗ.

ТУҲМАТ билан шарманда қилишга уринган бўлсак, унинг УЧУН ЯНА АЛОҲИДА КЕЧИРИМ СЎРАЙМИЗ.

АГАР СЎККАН, ҲАҚОРАТ ҚИЛГАН ЁКИ АДОВАТ ҚИЛИБ, ДУШМАНЧИЛИК ҚИЛИБ ЮРГАН БЎЛСАК, ШАХСАН ОЛДИГА БОРИБ УЗРИМИЗНИ АЙТИШИМИЗ КЕРАК.

АММО, УРГАН БЎЛСАК, ЖИСМИГА ЗАРАР ЕТКАЗГАН БЎЛСАК, ЎЧ ОЛИШИНИ ЁКИ КЕЧИРИШИНИ ЯЛИНИБ СЎРАЙМИЗ.

ЧУНКИ, МАЗЛУМ КЕЧИРМАГУНЧА, АЛЛОҲ ТАОЛО ҲАМ БИЗНИ КЕЧИРМАЙДИ!

Ҳа, азизлар, мўмин бўлиш осон эмас...
Аллоҳ таолонинг афвига лойиқ бўлиш ҳам енгил иш эмас.

–Аллоҳ таолодан афв сўрашдан олдин қиладиган яна бир ишимиз бор: кечириш. Яъни, КИМ БИЗНИ НОҲАҚ ХАФА ҚИЛГАН, КЎНГИЛИМИЗНИ ОҒРИТГАН БЎЛСА, АЛЛОҲ ТАОЛОНИНГ РОЗИЛИГИ УЧУН БАРЧАСИНИ КЕЧИРИШИМИЗ ШАРТ.

АХИР, ЎЗИМИЗ БИРОВНИ КЕЧИРА ОЛМАСАК, ҚАЙСИ ЮЗ БИЛАН АЛЛОҲ ТАОЛОДАН КЕЧИРИМ СЎРАЙМИЗ?

Ҳолбуки, ҳар ким ўзининг айб-у гуноҳларини яхши билади.
Бошқалардан яширганингизни Аллоҳ таолодан яшира олмайсиз, ахир...

–Қадр кечаси бошлангунча қиладиган яна бир муҳим ишимиз бор: СИЛАИ РАҲМ.

Яъни, қариндошларимиздан КИМ БИЛАН АЛОҚАМИЗ УЗИЛИБ ҚОЛГАН БЎЛСА, АЙБ КИМДА БЎЛИШИДАН ҚАТЪИНАЗАР, ТЕЗДА СИЛАИ РАҲМНИ ТИКЛАБ ОЛИШИМИЗ ШАРТ.

Зеро, АЛЛОҲ ТАОЛО СИЛАИ РАҲМНИ УЗГАН БАНДАСИНИНГ ДУОСИНИ ҚАБУЛ ҚИЛИШ ТУГУЛ, УНДАЙ БАНДАСИГА ОХИРАТДА ЖАННАТНИНГ ҲИДИНИ ҲАМ ҲИДЛАТМАЙДИ...

Мана шундан кейингина пок қалб билан, ёруғ юз билан Аллоҳ таолога ёлвориб:
"Аллоҳим, Сен Афуввсан, афв қилишни севасан. Мени афв эт", деймиз.

Дарвоқеъ, дуони арабча ўқисангиз ҳам, маъноларини ўз тилингизда қалбингиздан ўтказиб туришингиз лозим.
Яъни, тожик тожикча, ўзбек ўзбекча, қозоқ қозоқча ва ҳоказо.
АСЛИДА, ҚАЛБДАГИ ТУЙҒУЛАР ДУО ҲИСОБЛАНАДИ, ФАҚАТ СЎЗЛАР ЭМАС. ҚАЛБИДА ЭСА ҲАР КИМ ЎЗ ОНА ТИЛИДА ФИКРЛАЙДИ.

АЛЛОҲ ТАОЛОГА ҚАЛБИНГИЗДАН НОЛА ҚИЛИБ, ЙИҒЛАБ ДУО ҚИЛИНГ!

АГАР ТИЛИНГИЗДА АЙТА ОЛМАСАНГИЗ ҲАМ, У ЗОТ ҚАЛБИНГИЗНИ КЎРИБ ТУРАДИ.

АГАР ҚАЛБИНГИЗ ПОК БЎЛСА, ИШОНАВЕРИНГ, ҚАДР КЕЧАСИНИ, АЛБАТТА, ТОПАСИЗ!

Мени таниган азиз инсонлар, Аллоҳ сиздан рози бўлсин. Аллоҳ учун мени кечиринг. Мендан рози бўлинг. Ochish/sharhlash

2023-04-17 14:52:15 Aлвидо, Рамазон Ochish/sharhlash

2023-04-17 14:52:15 Аллоҳим!
Рамазон ойидан қолган кунларини бизга баракали қилгин.
Рамазоннинг кечаларидаги ибодат ва хатми Қуръонларида қоим қилгин. Рамазонинг яхшилиги, баракаси ва раҳматини бизларга насиб қилгин. Бизларни дўзахдан озод бўлганлар қаторида ёзгин!

Бу раҳмат ойингда қилган ожизона ибодатларимизни мақбул, дуоларимзни қабул қилгин Роббим!

Ассалому алайкум ва роҳматуллоҳи ва барокатуҳ. Ochish/sharhlash

2023-04-17 14:45:44 Лайлатулқадр дуоси

-  Аллоҳумма иннака ъафуввун туҳиббул ъафва фаъфу ъанний - Аллоҳим, Сен афв қилувчисан (кечирувчисан), афв этишни яхши кўрасан. Мени афв эт. Менинг аҳлим ва зурриётимни ҳам афв эт...
-Аллоҳим, Сен афв қилувчисан, афв этишни яхши кўрасан. Мени онамни, отамни ва уларнинг ота-оналарини, ота-оналарининг ота-оналарини ҳам афв этгин...
-Аллоҳим, Сен афв қилувчисан, афв этишни яхши кўрасан. Менинг оға-иниларим, биродарларим ва уларнинг зурриётларини ҳам афв этгин...
  -Аллоҳим, Сен афв қилувчисан, афв этишни яхши кўрасан. Менинг тоғаларим, холаларим ва уларнинг зурриётларини ҳам афв этгин...
  -Аллоҳим, Сен афв қилувчисан, афв этишни яхши кўрасан. Менинг амакиларим, аммаларим ва уларнинг зурриётларини ҳам афв этгин...
-Аллоҳим, Сен афв қилувчисан, афв этишни яхши кўрасан. Менинг дўстларим, ҳамкасбларим, қўшниларим, мени севган ва мен уларни севганларимни афв этгин...
-Аллоҳим, Сен афв қилувчисан, афв этишни яхши кўрасан. Мени ҳаққимга ортимдан ғоибона дуо қилганларни ва мени дуо қилишга ундаганларни ҳам афв эт...
-Аллоҳим, Сен афв қилувчисан, афв этишни яхши кўрасан. Бизни зиммамизда ғамхўрлик қилишимиз ва адо этишимиз лозим ҳақлари бўлган ва биз улар хусусида сусткашлик қилганларимизни афв эт...
-Аллоҳим, Сен афв қилувчисан, афв этишни яхши кўрасан. Бизнинг вафот этган марҳумларимизни ва мусулмонларнинг марҳумларини афв этгин...

-Аллоҳим, Сен афв қилувчисан, афв этишни яхши кўрасан. Барча ушбу дуоимни ўқиб “амийн” деб турганлари афв этгин. Амийн, амийн, амийн.. Ochish/sharhlash

2023-04-17 14:45:23 Абу Ҳурайра розияллоҳу анҳудан ривоят қилинади:
Набий соллаллоҳу алайҳи васаллам: “Ким Лайлатул Қадрни иймон билан, савоб умидида қоим бўлиб ўтказса, ўтган гуноҳлари мағфират қилинади”, дедилар.

Бухорий, Муслим, Абу Довуд, Термизий ва Насоий ривоят қилишган. Ochish/sharhlash

2023-04-17 14:44:53 ЖАННАТГА КИРИШНИ ИСТАЙСИЗМИ?

Тасаввур қилинг: ҳозир яшаб турган ҳаммага бугун жаннатга сўроқсиз кириб кетишга рухсат бўлиб қолса...

Ким нима қиларди, деб ўйлайсиз?

Текинга ош ё сумалак тарқатилганда бир-бирининг гўштини еб қўяй деган кечаги оломон нима қиларди?

Биринчи бўлиб, жаннат дарвозаси олдида тиқилинч бошланарди: ҳар ким биринчи бўлиб киришга шошилиб, ур-йиқит қилиб, бошқаларни туртиб-суртиб, ҳатто босиб-янчиб олдинга интиларди...

Ичкарига киргандан кейин эса ҳаммага етиб, ортиб ҳам қоладиган ноз-неъматларни оч қолган молдай талашиш бошланарди...

Кейин жой учун жанг авжига чиқарди: ҳамма иложи борича кўпроқ жойни ўзиники қилиб олишни истарди...

Кейин атрофдаги ғур-у ғилмонларга ўғринча ёки сурбетларча кўз ташлаш...

Кейин...

Афсуски, одамларнинг бугунги ҳолатини кўриб туриб, бундан бошқача тасаввур қилиш ҳам қийин.

Шунинг учун ҳам Аллоҳ таоло жаннатга фақат тақводор бандаларини киритади.

تِلْكَ الْجَنَّةُ الَّتِي نُورِثُ مِنْ عِبَادِنَا مَن كَانَ تَقِيًّا
АНА ЎША – БАНДАЛАРИМИЗДАН ТАҚВОДОР БЎЛГАНЛАРИГА МЕРОС ҚИЛИБ БЕРАДИГАН ЖАННАТИМИЗДИР.
("Марям" сураси, 63-оят)

Бандалари тақвони ўрганишлари учун эса бир қанча амаллар қаторида йилда бир ой рўза тутишни фарз қилиб қўйган.

لَعَلَّكُمْ تَتَّقُونَ
"...ШОЯДКИ, ТАҚВОДОР БЎЛСАНГИЗ."
("Бақара" сураси, 183-оят)

Рўзадан мақсад тақвони–Аллоҳ таолодан чинакамига қўрқишни ўрганишдир...

КЎЗНИ ҲАРОМГА ҚАРАШДАН, ҚЎЛНИ ҲАРОМНИ УШЛАШДАН , ОЁҚНИ ҲАРОМГА БОРИШДАН, ҚОРИННИ ҲАРОМ ЕЙИШДАН САҚЛАШНИ ВА ТИЛНИ ҲАРОМ ГАПИРИШДАН ТИЙИШНИ ЎРГАНИШИМИЗ УЧУН РЎЗА ФАРЗ ҚИЛИНГАН.

ШУНЧАКИ, КУН БЎЙИ ОЧ ЮРИШ УЧУН ЭМАС... Ochish/sharhlash