THE Muhammadbobur

2021-01-07 08:02:57 #marketing_case

Gapirmasdan reklama qilishni uddalagan kompaniya

Agar siz endigina bir davlatda o'z faoliyatini boshlayotgan mobil operator bo'lsangiz, qanday qilib katta gigantlardan ajralib turishingiz mumkin bo'lar edi? YOTA kompaniyasi buni shunchaki reklamalardagi sukut saqlash va kreativlik orqali uddaladi.

Ha, ular video reklamalarda umuman ovozdan foydalanishmadi. Asabga tegmaydigan, biroz o'ylantirib qo'yuvchi "virusli" reklama to'plamini amalga oshirishdi. Tasavvur qilib ko'ring, butun televizion reklamalarda: jimjitlik va "Bu YOTA reklamasi" degan yozuv bor holos:)

YOTA birma-bir obunachilarning fikrini inobatga olib, tashqi reklamalarga ham o'tishni boshladi. Matn esa deyarli o'zgarmadi: "YOTA'ning reklamasi devorda/tomda/stadionda" va hokazo.

Natija: YOTA haqidagi 150 dan ortiq OAV maqolalari, 300 milliondan ortiq qamrov, offlayn savdoning 17% ga, veb-sayt orqali buyurtmalarni esa 80% oshishi bilan yakunlandi.

@the_muhammadbobur Ochish/sharhlash

2021-01-03 20:00:16 Dasturlashdan Marketing'ga

To'g'risini aytganda dasturlashni o'rganish men uchun oson bo'lmagandi. Juda ham ko'p xato qilish orqali o'rganganman desam to'g'ri bo'ladi. O'rganishni endi boshlaganimda hatto kompyuterni ham yaxshi tushunmas edim.

3,5 yil davomida dasturchi sifatida faoliyat olib borib, bir nechta katta-kichik loyihalarda ishlash nasib qildi. Bular orasida eng esda qolarlilari: "Auditors", "KDB", "Ideal Garments" bo'libdi men uchun. Bu vaqt ichida jamoamiz bilan ham "juda-juda" ko'p start-up'lar ustida ishladik.

Dasturlashni o'rganish oson bo'lmaganidek, asosiy e'tiborni Marketing yo'nalishiga qaratish ham oson bo'lmadi. Qadrli narsalardan voz kechish oson emas. Barchasini boshidan boshlashga qaror qilish oson bo'lmadi.

Marketing men uchun doimo qiziq soha bo'lib kelgan. Dasturlash va Digital Marketing bir-biriga yaqin sohalar aslida.

Shunday bo'lsada, sohani chuqur o'rganish maqsadida, tahminan 1 oycha avval @najottalim markazida o'qishni boshladim. Bunga qadar video kurslar, maqolalar va amilyot orqali o'rganganlarim hozirda yaxshigina yordam berayabdi.

Hozirgi kunda "marketing case"larni, sarafan marketing texnikalarini o'rganayabman. O'qiganlarim, IT va Biznes haqida yozib borishga harakat qilaman.

@the_muhammadbobur Ochish/sharhlash

2021-01-03 19:09:48 ​​Restart

Kanalga post qo‘ymaganimga ham ancha bo‘libdi. Bu vaqt ichida, ora-orada yangi o‘rganilgan bilimlardan, o‘qilgan kitoblardan nimalarnidir yozmoqchi bo‘ldimu, lekin ichki qandaydur ovoz avval nega shuncha vaqt yozmaganingni tushuntir deb keldi. Shu bilan na unisi, na bunisi yozilmay qolib ketadi.

Tushunganingizdek, bu o‘sha post. Nega shuncha vaqt post qo‘yilmadi? Vaqt bo‘lmadimi yoki kontent? Aslida ikkisi ham bor edi.

Kanalni asosan o‘z sohamdan kelib chiqib, dasturchilikga qaratgan edim. Lekin meni yo‘nalishlarim biroz o‘zgardi.

Qiziq-a? Ko‘pchilik dasturlashni o‘rganaman deyotganda, men «full-time» dasturchilikdan chiqib ketdim. Lekin kod yozishni butunlayga to'htatmadim.

Bu qaror yana bir zamonaviy kasbni chuqur o‘rganishni boshlashimga sababchi bo‘ldi. Bu haqida batafsil birozdan keyin chiqadigan postda gaplashamiz.

@the_muhammadbobur Ochish/sharhlash

2020-08-05 07:47:58 ​​Eng qimmat narxga tayyorlangan 7 ta logotip (Siz kutmagan va bilmagan korxonalar)

2008-yilda yangilanishni boshdan o'tkazgan "Pepsi" kompaniyasi yangi logotipni ham taqdim qilgan edi. Hozirgi kunda ham foydalaniladigan bu logotip korxonaga 1 million dollarga tushgan.

"BBC" yangi logotip uchun Pepsidan 800.000 dollar ko'proq to'lagan.

"Australia and New Zealand Banking Group" nomi bilan faoliyat yurituvchi bu qo'shma korxona o'z logotipini 15 million dollarga tayyorlatgan.

"Posten" - norvegchadan tarjima qilganda pochta maʼnosini anglatuvchi, Norvegiya pochta xizmati logotip uchun 55 million dollar sarflagan.

"Accenture" nomli konsalting guruhi logotip uchun 100 million dollardan voz kechgan

Britaniyaning neft bilan shug‘ullanuv-chi "BP (British Petroleum)" korxonasining logotipi yaqin vaqtlargacha eng qimmat hisoblanar edi - 210 million dollar.

Kiberxavfsizlik bilan shug‘ullanuv-chi "Symantec" kompaniyasi o'z logotipini 1 milliard 280 million dollarga tayyorlatgan. Qizig'i kompaniya hozir nomini NortonLifeLock nomiga o'zgartirgan. Logotip esa o'sha-o'sha.

Quyida "Symantec" logotipini ko'rib, baho berishingiz mumkin.

Kuzatib borish: @the_muhammadbobur Ochish/sharhlash

2020-07-31 04:12:49 "Qurbon hayitingiz" muborak bo'lsin azizlar!

@the_muhammadbobur Ochish/sharhlash

2020-07-21 08:28:31 Dasturlashni boshlashga ikkilanayotganlar ko'rishi kerak bo'lgan videolardan biri.

Videoni ko'rish

@the_muhammadbobur Ochish/sharhlash

2020-07-17 09:52:18 ​​#maqola

O'rganish uchun 2020 yildagi eng yaxshi 5 ta dasturlash tili (Ish va kelajak uchun)

1) Python - shubhasiz ro'yxatning eng yuqorisida. So'nggi yillarda keskin rivojlanib borgan Python tezkor, ishlatish oson va turli xil veb ilovalarni tayyorlash uchun eng yaxshi tanlov bo'lib kelmoqda.

Masalan: YouTube, Instagram va Pinterest'ni tayyorlashda ham Python'dan foydalanilgan.

2) Java - yana bir mashhur va katta korxonalar tomonidan hush ko'riladigan tanlov. Java'ning muhim jihati bir necha yillardan beri o'zining mavqeni yoqotmay, bir xillikni ushlab turolganidadir. Shuning uchun ham aksariyat korxonalar Java'ga moslashib bo'lishgan.

Java'dan asosan Android tizimlari uchun ilova ishlab chiqishda foydalaniladi. Android tizimi foydalanuvchilari milliondan ortiqligini hisobga olsak, o'rgangan ishsiz qolmaydi.

3) C/C++ - Agar siz tizimlarni ishlab chiquvchi dasturchi bo'lishni istasangiz bu siz uchun ajoyib tanlov bo'ladi. Operatsion tizimlarni yozish uchun eng yaxshi tanlovlardan biri.

C++ ning ko'plab kutubxonalarni qo'llab-quvvatlashi va tezkorligi uni ommaviy ishlatilishiga sabab bo'lgan.

4) JavaScript - qo'pol qilib aytganimizda veb-saytlarni "jonlantirish" uchun ishlatiladigan tillardan biridir. JavaScript'ni bilsangiz nafaqat Front-End uchun, balki Back-End uchun ham kod yoza olasiz.

Full Stack JavaScript'chilar uchun doimo yuqori maoshli takliflar bor.

5) Go yoki Golang nomi bilan tanilib borayotgan dasturlash tili Google tomonidan ishlab chiqilgan. Golang sinatks jihatidan C++ ga o'xshash usulda ishlab chiqilgan.

Golang'dan Silikon vodiysidagi startaplar juda keng miqiyosda foydalanishmoqda.

Agar endi dasturlashga kirib kelayotgan bo'lsangiz mana sizga turli xil yo'nalishdagi eng yaxshi va talabgor tanlovlar. Karantindan yangi kasb bilan chiqing.

@the_muhammadbobur Ochish/sharhlash

2020-07-14 14:10:29 ​​Million dollarlik veb-sayt

2005-yilda talaba Alex Tew tomonidan tayyorlangan veb-sahifa Internet olamida katta shov-shuvlarga sabab bo'lgan edi.

Loyiha juda oddiy va qiziqarliligi bilan barchani o'ziga jalb qila olgan edi. Gap shundaki talaba veb-sahifada 1000 × 1000 pixel ko'rinishida konteyner tayyorlaydi va u yerga turli-hil reklamalarni joylashni boshlaydi. Reklamalar rasm ko'rinishida bo'lib foydalanuvchi biron rasm ustiga bossa boshqa joyga olib o'tadi.

Eng muhimi Alex har bir pixelni $1 dan sotadi. Pixellar soni bir million(1000000) ga teng bo'lgani uchun u oddiy lekin kreativ g'oyasidan bir million dollar foyda ko'radi.

"Wall Street" jurnalining yozishicha bu g'oya boshqa dasturchilarni ham pixellarni sotishga ruhlantiradi. Ammo qolganlar bu kabi mashxurlik va foydaga ega bo'la olishmaydi.

Birinchilik va kreativlik doimo sizni boshqalardan ajratib turadi. Quyida esa veb-saytdagi reklama rasmlaridan hosil bo'lgan umumiy sur'atni ko'rishingiz mumkin.

#qiziqarli

Dasturlashga oid ma'lumotlarni o'qib boring: @the_muhammadbobur Ochish/sharhlash

2020-07-13 14:35:48 #dasturchi

Ilhomlantiruv-chi dasturchilar

Avvalgi safar siz bilan rus dasturchisining ixtirosi haqida gaplashgan edik. Bu safar mos ravishda motivatsiyani Amerikaliklardan qidiramiz.

Matt Mullenweg - 36 ga kirgan bu amerikalik yigitning ismi unchalik ham mashhur emas. Lekin qilgan ishi nafaqat mashhur, balki o'ziga va boshqalarga ham foyda keltirmoqda. Hullas biz siz bilan WordPress ixtirochisi haqida gaplashayabmiz.

Wordpress . Eng avval faqat maqolalarni nashr qilish uchun mo'ljallangan loyihadan hozir juda ko'p maqsadlarda foydalanish mumkin. Uning qadrini faqat undan professional tarzda foydalanadigan va foyda ko'radigan dasturchilar yaxshi tushunadi.

Statistikaga yuzlanadigan bo'lsak, hozirda WordPress'dan 60 milliondan ortiq veb-saytda foydalaniladi. Eng yaxshi 10 million veb-saytning 33.6%ni tuzishda WP'ning hizmati bor.

WP bu WordPressning qisqartmasi hisoblanadi.

Quyidagi ko'k yozuv esa kanalga qo'shilish havolasi hisoblanadi:
@the_muhammadbobur Ochish/sharhlash

2020-07-13 08:29:48 #css_framework

Bootstrap'dan boshqasi bormi o'zi?

CSS frameworklar Front End dasturchilarning yaxshi yordamchilaridan biri. Lekin kimdir frameworklarga aralashma desa, boshqasi foydalan, ishing tezlashadi, kodlaring tiniqlashadi deydi.

Nima bo'lgan taqdirda ham o'rganib qo'yaverish kerak. Ko'p vaqt ketmaydi. Korxona talab qilsa foydalanasiz, foydalanma desa boshqa strategiya bo'yicha yozib ketaverasiz.

Foundation - ana shunday foydalan deyilganda ishlatishga arziydigan CSS frameworklaridan biri. Moslashuvchan, kodlarni tahrirlash oson, bepul, semantik jihatdan ham to'g'ri yozilgan. Umuman olganda Bootstrapdan uncha muncha qolishmaydi.

Foundation'dan foydalanadigan mashhurlar: Adobe, Amazon, Samsung, Disney

Xullas, 2 - 3 soat ajratib o'rganib qo'yavering. Loyihalarda albatta yordam beradi.

Framework nima o'zi - ma'lumot olish.

@the_muhammadbobur Ochish/sharhlash