Тез ёрдам | 103

2022-08-31 17:11:01 Ўткир тиш оғриғи

Шикоятлари: тиш оғришига.

Анамнез: кариес, ўткир ёки сурункали инфекцион касалликлар, гайморит, авитаминозлар.

Тактика:
1. Зудлик билан стоматолог кўригига боринг!!!
2. Врач кўригига боргунча оғриқни қолдириб туриш учун:
— оғриқсизлантирувчи дори ичинг.
— тишларни овқат қолдиқларидан тозаланг.
— ромашкали ёки тузли сувда чайинг.
— актив ҳолатда бўлиш ётгандан кўра оғриқ ҳиссини анча камайтиради.
— ўзингизни чалғитишга харакат қилинг, масалан телевизор кўриш, сайр қилиш...

Юқоридаги тавсиялар 100% таъсир қилишига кафолат берилмайди.

@Tezyordam_103
... Ochish/sharhlash

2022-08-25 17:00:55 Олчада ҳам пульс аниқланса ҳайрон бўлманг!

Бирор аппарат ёки прибор сотиб олганда сифатлисини олинг. Бу ўзингиз учун ҳам, текширадиган беморларингиз учун ҳам жуда зарур.

Тўғри ташхис - касалликнинг ярми даволанди дегани. Бунинг учун эса, "тўғри кўрсатгичлар"нинг ўрни катта.

Халқимизда "арзоннинг шўрваси татимас" нақли бежизга айтилмаган, қимматроқ бўлса ҳам сифатлисини олинг.

Фoто: Др. Филатов

@Tezyordam_103
... Ochish/sharhlash

2022-08-11 15:55:15 Ўпканинг сурункали обтурацион касаллиги (рус: қисқ: ХОБЛ)
(бронхо-обструктив синдром, сурункали обструктив бронхит, ўпка эмфиземаси)

Шикоятлари: ҳансираш, қийин ажраладиган балғамли йўтал.

Кўрик: ўпкада кучсиз везикуляр нафас, қуруқ хириллашлар. Перкуссияда: коробкага ургандаги товуш ("бўш коробка овози").

Тактика: 
1. Эуфиллин 2,4%—10,0 в/в.
2. Коргликон 0,06%—1,0 в/в.
3. Димедрол 1%—1,0 ёки супрастин 2%—1,0 ёки тавегил 2,0 в/м.
4. Ҳаво–кислород аралашмаси (70:30).
5. Поликлиникага мурожаат қилинади.

@Tezyordam_103
... Ochish/sharhlash

2022-08-05 09:27:57 Ностабил стенокардия

Белгилари (симптомлари): кўкрак қафасида оғриқни интенсивлиги, частотаси, хуружларни давомийлиги ортган. Янги оғриқ ирридацияларини пайдо бўлиши, нитроглицерин таъсир эффектини пасайиши ва унга талабни ортиши, тинч ҳолатда ҳам хуружларни пайдо бўлиши, юрак етишмовчилигини ортиши.
ЭКГ: Хуруж вақтида S — T тишни 1 мм га горизонтал ёки қийшайиб тушишда силжишини кўриш мумкин.

Муолажа:
1. ЭКГ, қон босим назорати.
2. Тил остига нитроглицерин ҳар 3 дақиқада 3 марта ёки аэрозоль 0,4–0,5 мг.
3. Анальгин 50%—2,0 ёки Трамал 2,0 в/в.
4. Нейролептоанальгезия:
— фентанил 0,005%—2,0;
— дроперидол 0,25%—2,0 в/в.
5. Гепарин 10,000 ЕД в/в.
6. Аспирин 0,25 чайнаш.
7. Оксигенотерапия.
8. Кардиология бўлимига бемор ахволи стабиллашгандан сўнг носилкада госпитализация.

@Tezyordam_103
... Ochish/sharhlash

2022-08-04 18:25:55 Стабил стенокардия

Белгилари (симптомлари): кўкрак қафаси юқори қисми ёки чап тарафи, чап қўл, чап курак, бўйинни чап қисмига ирридация берадиган хуружсимон, босимли, сиқувчи оғриқ. Давомийлиги бир неча сониядан 5 дақиқагача, нитроглицерин ижобий таъсир кўрсатади. Хуруж вақтида ўлиб қолиш қўрқув ҳисси. 
ЭКГ: ўзгаришлар бўлмаслиги мумкин ёки хуруж вақтида Т тишни симметриклиги манфий бўлиши мумкин.

Муолажа: 
1. Беморга тинчлик яратиб бериш.
2. ЭКГ, қон босими текшируви.
3. Нитроглицерин тил остига хар 3 дақиқада. 
4. Анальгин 50%—2,0 в/в.
5. Дроперидол 0,25%—2,0 в/в.
6. Трамал 2,0 в/в.
7. Аспирин 0,25 таб чайнаш.
8. Жамоат жойида ва кўчада бўлса госпитализация қилиш.
9. Госпитализациядан бош тортганда – ҳар қандай даволаш профилактика муассасасига олиб бориш.

@Tezyordam_103
... Ochish/sharhlash

2022-08-02 16:41:41 ​​Сийдик пуфагини (найчалаш) катетерлаш қоидалари:

- Асептика қоидаларига риоя қилиш.
- Яхши стерилланган катетерга вазелин ёки глицерин суртиб иш­латиш.
- Катетерлашдан олдин қўлни яхшилаб ювиш.
- Катетернинг сийдик пуфагига кирадиган қисмига қўл теккизмаслик.
- Катетерни пинтсет ёрдамида киритиш зарур.

Аёлларда сийдик чиқариш канали калта ва тўғри бўлгани учун катетер қўйиш анча осон. Бунда юналтиргич (проводник) ёрдамида (фуратсиллин билан ташқи жинсий аъзоларни ювгандан кейин) бир қўл билан катта уятли лабларни кенгайтирилади, иккинчи қўл билан эса пинтсет ёрдамида катетер қўйилади. Эркакларда ташқи сийдик чиқарув канали антисептик эритма (фуратсиллин) билан ювилади.

Чап қўл билан жинсий олат вертикал ҳолатга келтирилиб, шу қўлнинг кўрсаткич бармоғи билан жинсий олат лаблари керилиб уретра те­шиги орқали катетер учидан ушлаб, сийдик чиқарув каналига киритилади. Катетер махсус сийдик йиғуувчи идишга уланади.

Сийдик чиқарув каналига инфекция тушишини олдини олиш учун сийдик пуфаги 1 суткада 2-3 марта илиқ фуратсил­лин (1 :5000) билан ювилади.

Билганларга такрорлаш, билмасангиз ўрганиб олинг!

@Tezyordam_103
... Ochish/sharhlash

2022-08-01 17:25:55 Юкни бел умуртқаларига зарар етказмасдан тўғри кўтаришни ўрганамиз.

Нотўғри кўтариш оқибатида белда диск чурраси ривожланиши мумкин!

@Tezyordam_103
... Ochish/sharhlash

2022-08-01 10:39:15 ​​Кўпчиликка таниш бўлган нейроциркуляр дистония (НЦД) ҳақида нималарни биласиз.

(Бир оз узунроқ бўлди,бу ўқишга эринчоқлар учун эмас )

НЦД аҳолимизнинг 40-45 фоизида учрайди ва кўплаб тез ёрдам чақириқлари айнан шу диагноз билан келади.

Автоном нерв системаси томонидан қон томир тонусини тартибга солишнинг бузилишига асосланган функционал бузилишлар мажмуаси.

Нималар кузатилади;
- пароксимал тахикардия
- ортиқча терлаш,
- бош оғриғи
- юрак соҳасида ғашлик
- юзнинг қизариши ёки оқариши,
- совқотиш
- ҳушидан кетиш ҳолатлари.

Бу невроз ривожланишига, доимий артериал гипертензияга олиб келиши мумкин.

– НЦД сабаблари:
1) шахсиятнинг психологик хусусиятлари (узоқ давом этган депрессия, диққат этишмаслигининг бузилиши, асабийлашиш ва қўзғалувчанликнинг кучайиши)
2) Нотўғри овқатланиш, "ўтирадиган иш", оғир юклар ёки аксинча, жисмоний фаолиятнинг этарли эмаслиги.
3) Атроф-муҳит омиллари (инфекциялар, вируслар) => иммунитет пасаяди => касаллик кучаяди
4) Стресс, ортиқча оғир мехнат.

НЦД жиддий асоратларни келтириб чиқармайди ва соғликка жиддий зарар етказмайди, аммо:
- унинг аломатлари одамнинг ўқиши ва ишига халақит беради, доимий чарчоққа сабаб бўлади.
- тез-тез давом этадиган оғриқлар, юрак тез уриши ва қон босимининг кўтарилиши, метеорольогик қарамлик, ичаклар ва бошқа ички органларнинг ишида бузилишлар.

Касаллик даволанмаса, сурункали тарзда келган НЦД юрак-қон томир касалликларига ва гипертонияга, натижада юрак хуружи ва инсультга олиб келади.

- Даволашда асосийси:
турмуш тарзини нормальлаштириш, ўртача жисмоний фаолият. Агар иложи бўлса, беморни стрессли вазиятлардан чалғитиш керак.

Дори воситаларидан: витаминлар, вегетатив стабилизаторлар, антиоксидантлар ва антигипоксантлар, ноотропиклар. Баъзида ҳатто антидепрессантлар ҳам буюрилади.
Физиотерапия ҳам яхши ёрдам беради.

Энг муҳими - соғлом турмуш тарзига доимий амал қилиш керак.


@Tezyordam_103
... Ochish/sharhlash

2022-07-29 17:09:34 ​​Апгар шкаласи

– Бу янги туғилган чақалоқнинг ҳолатини тезкор баҳолаш тизими. Болага шошилинч тиббий ёрдам кўрсатиш зарурлигини аниқлаш учун керак.

Қулайроқ ёдлаш учун шифокор Виргиния АПГАР фамилиясининг ҳар бир ҳарфини белгилайдиган тизимни ишлаб чиққан (1952 йил)

А (appearance) - тери ранги
П (puls) - пульс
Г (grimace) - юз ифодаси
А (activity ) - ҳаракат фаоллиги, мушак тонуси
Р (respiration) - нафас олиш ҳаракатлари, рефлекс қўзғалувчанлик.

АПГАР шкаласи ушбу беш мезоннинг умумий таҳлилидир.

Уларнинг ҳар бири 0 дан 2 гача балл билан бутун сонлар билан баҳоланади ва умумий рейтинг натижаси қуйидагича:

10....7 - Норма
6 .... 4 - Паст
3 .... 0 - Критик ҳолат.

– Сизчи, сиз бу ҳақда билармидингиз?!

@Tezyordam_103
... Ochish/sharhlash

2022-07-29 08:10:02 Буйрак яллиғланиш касаллиги
(Пиелит, пиелонефрит)

Шикоятлари: бел соҳасида оғриқ, бадан титраши, кўнгил айниш, қайт қилиш, юқори иситма.

Анамнез: ангина, фурункул, яллиғланган жарохат ва шу каби яллиғланиш ўчоғи бор беморда инфекцияни гематоген йўл билан ёки сийдик пуфагидан кўтарилувчи йўл билан буйракка бориши.

Кўрик: бемор аҳволи яллиғланиш жараёнини даражасига боғлиқ. Умумий ҳолсизлик, тахикардия, тана ҳарорати кўтарилган. Пальпацияда касал томонда оғриқ ва қорин қисм мушаклари таранглашган. Буйрак ўлчами катталашган, зич, пальпацияда оғриқли. Сийдик хиралашган, пиурия (йирингли) кузатилади. Тез-тез сийиш, лекин диурез камайган.

Тактика:
1. Анальгин 50%—2,0 в/м.
2. Димедрол 1%—1,0 в/м.
Урологик стационарга госпитализация.

@Tezyordam_103
... Ochish/sharhlash