Temurbek Adhamov

2022-07-05 12:05:00 ​​Biz Najot Ta'lim'dagi jamoa a'zolari effektiv ishlashi uchun, ularga har qanday qulaylik yaratib berish tarafdorimiz. Masalan, ular foydalanadigan gadjetlar talabga javob beradigan bo'lsa, ish samaradorligi yuqori bo'lish ehtimoli katta.

Aynan shuning uchun biz Najot Ta'lim jamoa a'zolari uchun gadjet tomonlama qulaylik yaratish uchun, Toshkent bo'ylab Apple mahsulotlari bilan halol muddatli to'lov asosida tijorat qiladigan ProBox kompaniyasi bilan shartnoma imzolaganmiz.

Men hozir jamoa a'zolarining samaradorligini to'liq ular foydalanadigan gadjetga bog'lab qo'ymoqchi emasman, lekin ish quroli, ish sifatiga ta'sir o'tkazishi bor gap.

Yaxshi gadjet har doim qimmat bo'lgan, masalan MacBook'ni olaylik, narxi 1000$dan 3000$gacha bo'ladi. To'g'ri juda qimmat, lekin uni muddatli to'lovga xarid qilsa ham bo'ladi, ayniqsa siz Toshkent shahrida istiqomat qilsangiz)

Misol uchun, ProBox'dagi do'stlarimizdan Apple mahsulotlarini halol muddatli to'lov asosida xarid qilishingiz mumkin va yana yaqinda 12 oylik bepul sug'urta ham joriy etishibdi, ortiqcha ovoragarchiliksiz qulay tarzda xarid qilasiz.

Sug'urta 10 mln so'mgacha bo'lgan texnik shikastni qoplab berishga yetadi va kompaniya ta'mirni to'liq o'z zimmasiga oladi.

Agarda siz endigina IT sohasiga kirib kelgan bo'lsangiz va shu sohani mukammal egallamoqchi bo'lsangiz, ishni MacBook kabi yaxshi gadjet xarid qilishdan boshlashni maslahat beraman.

Ha aytgancha, ProBox do'konidan nafaqat MacBook, balki barcha Apple mahsulotlarini xarid qilish imkoni mavjud.

Batafsil: @proboxuz

Admin: @PROBOX_PR

: 71 200-77-22 Ochish/sharhlash

2022-07-05 11:11:49 Блогер Шуҳрат Курбанов "Халқ билан мулоқот"га қайтишга чақиряпти. Яъни "қайта алоқа" яхши ишламаяпти деяпти. Қўшиламан. Ўзим ҳам охирги кунларда ўйлаб юрган фикрларим билан тўлдираман.

Олти йилдан бери халқ билан мулоқот қилинади, одамлар тингланади. Лекин халқ фикрига жавоб ва натижа динамикаси тобора пасайиб бормоқда. Сайёр қабулларда мурожаатчилар доим бир хил муаммоларни гапиради: нархлар ошиши, ижтимоий тармоқларни чеклаш, IMEI-кодлар, таълим, соғлиқни сақлаш, ишсизлик… Тонировка арзонлади, қолгани-чи? Битта-битталаб муаммоларни ечиш ёки улар йўқдек игнор қилиш, жуда эҳтиёж бўлганда "тонировка"дек муаммоларни ҳал қилиш – тўғри эмас менимча. Бу фақат менинг шахсий фикрим эмас, охирги кунларда жуда кўпчиликдан эшитяпмиз бунақа эътирозларни. Ўрганяпсизларми шу кайфиятни, биласизларми? Билсанглар, нега ўзгариш йўқ?

“Менинг фикрим” портали — фалаж, депутатлар ланж, Парламент ташаббуслари деярли йўқ, халқ фикри ўзича, депутатлар ўзича. Ҳали “Очиқ бюджет”ни қийинлаштиришмоқчи, ҳали ўқитувчилар ойлиги кўзларига кўп кўринади…

“Конституцион ислоҳотларни фалон фоиз аҳоли маъқуллади” дейилганди, унда нега Қорақалпоқ воқеалари бўлди?

Президент билан учрашувда бир-икки кексалар ё селекциядан ўтказиб киритилган ёшлар айтган таклифлар халқ фикри бўла оладими, халқ кайфиятини билдирадими? (Президентнинг олдида гапиролмай қолиш нималигини ўзим ҳам биламан, очиғини айтсам – психология).

Конституцияга киритилаётган бошқа ўзгаришлар бўйича объектив халқ фикрини биламан дея оласизларми? Нимага таяниб айта оласизлар? Референдум бўлар майли, лекин унда объектив халқ иродаси акс этиши учун ҳозир мулоқотнинг натижадорлиги муҳим.

Нималардир тубдан, жиддий ўзгариши керак. Интернет тезлигини оширмаслик, ижтимоий тармоқларни чеклаш, дўппи тор келганда умуман интернетни узиш – кўряпмизки, зарарли. Яна қанча аччиқ мисол керак бунга? Халқ фикрини ОАВда айтмаса, интернетда айтмаса, сайёр қабулга чиққан амалдорларга айтган талаблари барибир ечилмаса... одамлар кайфияти ва фикри йўқ бўлиб қолмайди, норозилиги ютилиб кетавермайди, пуфакни ёрилар даражага олиб келиши мумкин.

Халқ фикрини объектив ўрганишга ресурсларни максимум жалб қилиш керак.
Ва албатта, бу фикр билан ҳисоблашиш керак. Халқнинг муаммоларини эшитишнинг ўзи камлик қилади, уларни ечиш, ҳеч бўлмаса, одамларнинг ҳаётини ноқулайлаштираётган сунъий чекловларни (интернет, ижтимоий тармоқларни чеклаш, IMEI, монополиялар) йўқотишдан бошлаш керак ишни. Булар катта ресурс талаб қилмайди, қарор берилиши керак тезроқ.

Гапларимни "халқ номидан гапиришга ҳаққинг йўқ" деган маънога бурманглар, Мен конституцион ислоҳотларнинг кўп бандларини ёқлайман ва бу ҳақида постлар ёзиб келяпман. Бироқ мен халқ эмасман. Беш, ўн, эллик-юзта номи очиқ/ёпиқ блогер — халқ эмас. Ижтимоий тармоқда бир неча миллион ўзбекистонлик фойдаланувчи бор, улар орасида қанчаси фикрини очиқ айта оляпти, қанчаси тролл, яна қанча буюртма постлар — билмайсиз, аммо улар мавжуд, рад этолмайсиз. Реал халқ фикрини ўрганиш керак, Галлопча усулда. Натижаларни жиддий эътиборда тутиш лозим. Қарорлар тўғри бўлиши, хатолар қимматга тушмаслиги учун.


@shahnozxon Ochish/sharhlash

2022-07-05 10:38:15 Ёлғон ўзимизга зиён. Қурбаноффнинг ҳам, Шаҳноза Соатованинг ҳам фикрларига қўшиламан. Таҳликали вазият ортда қолди, энди айрим хатоларимизни очиқча айтишимиз, таҳлил қилишимиз керак. Балки "тепа"дагиларга охирги воқеалар сюрприз бўлгандир, лекин кўпчиликка янгилик бўлмади. Хавотир билан кузатиб турдик, билинар-билинмас, қанча эшикни тақиллатдик. Йўқ, шу нарсалар бўлиши керак экан. Газета.ўз’нинг кеча эълон қилинган репортажини ўқинг, одамлар ҳам айтмоқда.

Назаримизда, охирги пайтлар мулоқотлар ҳам шаблон тусига кириб қолди, гапирадиган, сўзга чиқадиганлар яна ўша-ўша одамларга айланиб, бир хил қиёфалар юзага келди. Бу билан ҳақиқий ҳаётни билиб бўлмайди. Бунга кеча эмас, яқин-яқинларда ҳам дуч келар эдик-ку. Яна шу йўлдан юришимиз нотўғри ва самарасиздир. Бундай тузумдан давлат ҳам, халқ ҳам ютқазади. Ҳозирги ҳолатда ҳақиқатнинг юзига тик қараш, қанчалик аччиқ бўлмасин — уни қабул қилиш ва кенг кўламли чора-тадбирларни қабул қилиш зарур.

Аҳолининг кайфиятини, ижтимоий кескинликни олдиндан прогноз қиладиган, уни доимий мониторинг қилиб, ҳукуматга огоҳлик қўнғироғини чаладиган масъул идоралар ва институтлар фаолияти бутунлай қайта кўриб чиқилиши лозим. Халқ қабулхоналари нафақат мурожаат қабул қиладиган, балки жойларда одамлар кайфиятини ўрганадиган институт эди-ку! Хатолар такрорланмаслиги учун ҳам масъулиятсиз ёндашган раҳбар-кадрлар масаласи кўрилиши керак. Нега воқеалар ривожи бўйича камида бешта сценарий бўлмаган? Нега муаммони кўрмасликка олиш кайфияти бўлган? “Ижтимоий фикр”нинг респондентларнинг 83% конституциявий ислоҳотларни қўллаб-қувватлайди, деган гаплари кимни алдаш учун керак эди?

Парламент ҳақида гапиришдан фойда йўқ. Ҳеч қурса ҳақиқий кайфиятни айтиб турадиган, халқнинг том маънодаги вакиллари бўлиши керак бўлган институт — ўзлариниям, жамиятни ҳам, давлатни ҳам алдаётган орган. Бошқа яхши гап йўқ. Қайтамга ҳаммани чалғитяпти.

Атрофда битта хато қилишимизни кутиб ётибди. Ҳатто иттифоқчимиз, деганларда ҳам одамлар, зиёлилари кайфияти мутлақо бошқа тарафда эканлигига гувоҳ бўлдик. Фақат ўзимизга, ўзимизнинг кучимизга, жафокаш халқимизга таянишимиз лозим, ундан бошқа қудратимиз йўқ. Шундай экан, ҳақиқатнинг юзига тик боқайлик, хулоса чиқарайлик, халқчил чораларни кўрайлик.

Албатта, буларнинг барчаси шахсий фикрлар. Ochish/sharhlash

2022-07-05 08:55:01 Ўзбекистон Россия ва Беларусга муқобил IT-аутсорсинг марказига айланмоқчи — Forbes

"Собиқ иттифоқ давлатлари орасида аҳолимиз энг тез ўсиб бормоқда, шунинг учун бизда инсон капитали бор", — дейди Ахборот технологиялари ва коммуникацияларини ривожлантириш вазири Шерзод Шерматов.

Июнь ойида Шерзод Шерматов йирик делегация бошчилигида Сан-Францискога ташриф буюриб, Ўзбекистонни Россия ва Беларусга муқобил IT-аутсорсинг марказ сифатида таклиф қилган.

Вазир Украинада уруш бошланганидан кейин 6 мингга яқин россиялик ва беларуслик Ўзбекистонга кўчиб келганини таъкидлади.

Масалан, EPAM Systems ва Exadel минглаб ходимларини Минскдан Тошкентга IT-Park томонидан ташкил этилган рейсларда олиб келган.

"Ўтган йили EPAM’да Ўзбекистонда 300 га яқин киши ишлаган бўлса, келгуси йилда компания ходимлари сонини 3000 кишига етказишни режалаштирмоқда", - дейди Шерматов. Ҳозирда бошқа компанияларни Ўзбекистонга ривожланаётган бозор сифатида қарашлари учун иш олиб борилмоқда.

Ўзбекистон 2028 йилга бориб йиллик IT экспортини 1 миллиард долларга етказишни режалаштирмоқда. Таққослаш учун, 2022 йилда 100 миллион доллар прогноз қилинмоқда.

Агар бу амалга оширилса, IT олтин каби қиммат экспортга айланади ва камбағалликни камайтиришга катта ҳисса қўшади.

Forbes’нинг фикрича, агар Ўзбекистон нарх-наво нисбати бўйича Филиппин ёки Ҳиндистон каби яхши хизматларни таклиф қила олса, ҳозирги барча саъй-ҳаракатлар ўз самарасини беради. Ochish/sharhlash

2022-07-03 12:23:55 Ҳозир Қорақалпоғистонда хизмат кўрсатган журналист Назира Мамбетшарипова билан телефонда гаплашдим. У киши кеча Нукусга учиб кетган ва ҳозир ўша ерда.

Назира Мамбетшарипова:
- Кеча Қорақалпоғистон ТВда жонли эфир бериб турдик, очиғи, йиғладим мен. Президент кеча "нега менга вазиятни етказмадинглар" деганда ҳақ эди. Ижтимоий тармоқда одамлар Конституцион ислоҳотлар бўйича кўп фикр ва савол беришди. Аммо бирор расмий шахс чиқиб, тушунтирмади, бу лойиҳа экани, халқнинг фикри сўнгги сўз бўлишини айтмади... Ҳўлга қуруқ аралашиб кетди. Ва бу кимларгадир қўл келди.

Кеча Президент келганида бутун Қорақалпоқнинг тинчликсевар зиёлилари, оналарининг, оталарининг руҳи кўтарилди. Атрофимдаги инсонлар, мен билган қорақалпоқликлар Ўзбекистон ислоҳотларини, ўзгаришларини қўллайди, кеча қ
Қорақалпоқ халқининг миллий ўзликни асрашга бўлган интилишини давлат раҳбарининг ўзи ҳам қўллаб-қувватлади. Конституциянинг Қорақалпоғистон билан боғлиқ масалаларига ҳеч қандай ўйлов ва иккиланишга ҳожат қолмади. Кеча эфирда туриб, имконим қадар шуларни айтдим. Бугун ўзбек халқи билан бирга яратган моддий бойликларимизни, шу тинч ҳаётимизни болаларимиз келажаги учун асрайлик, кўчага чиққанлар, ортга қайтинглар дедим. Тонгда твдан уйга қайтдим. Ота маҳалламда болалар ўйнаб юрибди, ҳар ким ўз иши билан... Айрим жойларда одамлар йиғилгани айтилди, аммо кечагидек эмас. Мен ўзим тонгда соат 6 да уйга қайтаётганда ортиқча одамни кўчада кўрмадим. Айни вақтдаги ҳолатни аниқ билмайман. Умид қиламан, яхшиланган.

Азиза, ўзбек дўстларимизга айтинг, ижтимоий тармоқда ўтириб, ўзбек фойдаланувчилари билан олишаётган, уларга ҳурматсизлик қилаётганлар қорақалпоғистонликлар фикрини ифодаламайди. Бизда ҳозир интернет йўқ. Уларнинг ким ва қай ғаразда, қаерлардадир ўтириб олиб ёзаётганини мана шу фактнинг ўзи ҳам тушунтиради.

Мен Қорақалпоғистонда туғилиб ўсдим. Фарзандларим Тошкентда катта бўлди. Бирор марта икки томонда ҳам дискриминация нималигини сезмадим. Бутун Республика ташкилотлари, жамоатчилиги келиб Қорақалпоғистонни ривожлантириш учун ойлаб шу ерда яшаб-ишлаганини кўрдим. Икки юзи ёруғ ва дўст халқнинг боласи эканимдан фахрланаман. Азиза, cиз етказинг, биз ўзбекистонликларни яхши кўрамиз. У ерда ҳам, бу ерда ҳам ўзбек қорақалпоқ бир-бирини севади.

@qurbonova_a Ochish/sharhlash

2022-07-03 10:01:52 Кеча ёзган муносабатимда расмий хабар ва муносабатлар бўлмагунча Қорақалпоғистон масаласида фикр ёзмай туришни сўраган эдим. Бугун алҳамдулиллаҳ, воқеалар ҳақида расмий хабарлар ҳам, муносабатлар ҳам берилди.

Асосийси Президентимиз воқеаларга жойида баҳо бериб, конституциянинг Қорақалпоғистон суверинетитига тегишли қисми таҳрирсиз аввалгидек қолиши кераклиги ҳақидаги қарорлари эълон қилинди.

Президентнинг қарорларини икки сабаб билан тўлиқ қўллаб-қувватлайман:

1. Вазият кўпроқ у киши ва атрофидаги қарор соҳибларига аёнроқ ва тушунарлироқ. Бизга улар бир томондан ва ноаниқ шаклда кўринади.

2. Инсонлар ҳис-туйғуларга бериладиган бундай нозик ва низоли вазиятларда фақатгина олий раҳбарга итоат этиш ва можароларни узил-кесил ҳал қилишда улар ваколатли эканини эътироф этиш ислом динимиз таълимотларидан ҳисобланади.

Можароли вазиятга нуқта қўйилди. Энди ҳамма томон тинчланиши керак. Хусусан қорақалпоқ биродарларимиз. Чунки уларни норози қилган муаммо ечилди.

Энди буёғига қондош ўзбеклари билан олдингидай яхши қўшничилик, тинч-тотувлик ва ўзаро ишонч билан келажакларини қурмоқлари керак. Чунки неча асрдан бери елкама-елка яшаётган ўзбекдан яқин дўсти йўқ қорақалпоқнинг.

Қолганлар фақат миллат фожеасидан ўзининг манфаати учун "йиғлайдиган" "дўстлар" ҳисобланади. Бу йиллар исботлаб қўйган ҳақиқатдир.

Яна Аллоҳга юзланаман. Эй Аллоҳ! Бу икки қондош халқнинг дўстлигини абадий қилгин!

Бу дунёда тинч-тотув ва фаровон яшамоқликни, Охиратда эса жаннатларда бирга бўлмоқни насиб этгин! Зеро биз дини бир, мазҳаби бир ва тили бир икки жондош халқмиз!

@MubashshirAhmad Ochish/sharhlash

2022-07-02 18:50:32 Ўзбекистон Республикаси Президенти Шавкат Мирзиёев Нукус шаҳрига келди.

Ҳозирда давлатимиз раҳбари Жўқорғи Кенгес депутатлари, Қорақалпоғистон фахрийлари ва фаоллари билан учрашув ўтказмоқда.

Конституцияга ўзгартириш ва қўшимчалар киритиш муҳокамаси ҳали давом этаётганини инобатга олиб ҳамда Қорақалпоғистон аҳолиси билдираётган фикр ва мулоҳазаларни ўрганган ҳолда Президентимиз Ўзбекистон Республикаси Конституциясининг 70, 71, 72, 74, 75-моддаларини амалдаги таҳрирда ўзгаришсиз қолдириш зарурлигини таъкидлади.
—
Президент Республики Узбекистан Шавкат Мирзиёев прибыл в город Нукус.

Сейчас глава государства проводит встречу с депутатами Жокаргы Кенеса, представителями старшего поколения и активом Каракалпакстана.

С учетом того, что процесс обсуждения изменений и дополнений в Конституцию еще продолжается, а также на основе изучения высказываемых жителями Каракалпакстана мнений, Президент обозначил необходимость сохранения без изменений действующие редакции статей 70, 71, 72, 74, 75 Конституции Республики Узбекистан.

Facebook|Instagram|Twitter Ochish/sharhlash

2022-07-01 14:19:03 "Alohida mavzu" loyihasida doim aktual, dolzarb va yoshlar uchun kerakli mavzularni olib chiqishni istaymiz. Bu galgi mavzu oʻtgan safargi koʻrsatuvning mantiqiy davomi desak ham boʻladi.

Bugungi mavzu ham nafaqat yoshlar, balki hamma uchun kerakli deb hisoblayman. Muvaffaqiyatsizliklar, oʻz yoʻlini topa olmasliklarda ham aynan bugun gaplashadigan omilimiz asosiy sabablardan biri hisoblanadi.

Bu qanday omil ekanligiga, uni oʻzingizda qanday shakllantirishga qiziqayotgan boʻlsangiz, "Alohida mavzu"ning bugun 21:00 da bo'lib o'tadigan premyerasini, albatta, tomosha qiling.

Yillar oʻtib, kimdir videoni koʻrib, muvaffaqiyatga erishsa, oʻshaning yaxshiligiga biz ham sherik boʻlamiz Inshaalloh. Videoni doʻstlaringizga va yaqinlaringizga ham, albatta, ulashing.

Havola:

Ochish/sharhlash

2022-06-30 14:18:38 Ish avjida, lekin kayfiyat ko'tarishni ham unutmaymiz!

Xurshidbek akadan qiziq latifa.

Hoziroq buyurtma berib, tezligimizni sinab ko'ring!

Call-center:
+998781130123 (Toshkent shaxri)
+998732290044 (Farg'ona va Qo'qon)

Telegram | Instagram | Facebook Ochish/sharhlash

2022-06-29 14:52:00 Co-Learning Centerda bepul darslarga qabul boshlanibdi. Saralashdan o'tib, yaxshi natija ko'rsatganlar jamoada ishga olinishlari yoki hamkor kompaniyalarga tavsiya qilinishlari mumkin ekan.

Backend (Python, Django)
https://t.me/colearninguz/504

GameDev
https://t.me/colearninguz/509

Imkoniyatdan foydalanib qolinglar. Ochish/sharhlash