2022-10-07 02:03:01
Кредит олиш керакми?
Охирги пайт кўпчилик обуначилар бизнес бошламоқчилигини ва бунинг учун кредит олмоқчиман, шу ишим тўғрими ёки нотўғрими деган саволлар келмоқда.
Бу саволнинг жавоби ҳа ва йўқ. Мен ҳозир бу саволнинг диний томонига тўхталиб ўтмоқчи эмасман, аксинча фақат бизнес томонини гапириб ўтмоқчиман .
Пул бизнес учун жуда муҳим, ҳа, тўғри энг асосий нарса эмас, аммо муҳим. Кредит олиб бизнесни ривожлантириш компанияни тезроқ кенгайишига олиб келади, бизнесда вақт тушунчаси ҳам жуда муҳим, кредит пуллари эса қисқа вақтда бозорнинг маълум бир жабҳасини эгаллашга ёрдам беради.
Кредит олишда баъзи нарсаларни инобатга олиш керак:
• дастлаб кредитни дастлабки ва ягона бизнесга олиш тавсия этилмайди;
• кредитни фақат ривожланиш учун олиш керак ва кредит пулларини тўғри йўналтириш керак;
• ҳеч қачон ҳашамат учун кредит олманг;
• кредитни қайтариш учун сизда доимо пул оқимини таъминлаб турувчи бошқа бир бизнес бўлиши энг яхши стратегия;
•кредит олдинган заҳоти уни ёпиш йўлларини ўйланг, ортиқча нарсаларга пул сарфламанг, компания харажатларини имкон борича оптималлаштириш ҳақида бош қотиринг;
• кредит тарихингизни булғаб қўйманг, доимо кредитни вақтида ва керак бўлса, вақтидан олдин ёпиб боринг;
• кредитни режасиз олманг, сизда кредитни нимага ва айнан нималарга йўналтириш ҳақида асосли режа бўлиши керак;
Ҳа, ўз пулингизга бизнес қилиш яхши, лекин кредитнинг бир яхши томони шундаки, сиз кредит пулларини ёпиш учун турли янги ғоялар, янги лойиҳалар устида ишлашингизга тўғри келади, чунки компания ўз бўйнига олган қарзлар шунга мажбур қилади.
bektosh khatamov
@TAYYORBIZNESLAR
587 viewsZafar, 23:03
Z
