Talim Yangiliklari | OLIY TA'LIM VAZIRLIGI

2023-09-08 08:58:03 Супер-контрактлар учун шартнома бериш бошланди

Бешала йўналишга ҳам кира олмаган абитуриентлар kontrakt.edu.uz сайти орқали супер-контрактда ўқиш ҳамда шартнома олиш учун ариза беришлари мумкин.

Ҳозирда, амалдаги қонунчилик бўйича, фақат ўзи танлаган биринчи йўналишга супер-контракт учун ариза юбориш имконияти мавжуд. Иккинчи ва ундан кейинги йўналишлари базада кўринмайди.

Чунки ҳали бешала йўналишга ҳам кира олмаганлар исталган бирини танлаб супер-контракт қилишга расман рухсат берилгани йўқ. Аммо шунақа имконият чиқиб қолиши мумкин, кутилмоқда.

Шунингдек, биринчи йўналишдан йиқилган, лекин иккинчи ва ундан кейингилардан бирортасига ўқишга кирганлар ҳам биринчи йўналишига супер-контракт қилмоқчи бўлса, унда ҳозир бунга имконият йўқ. kontrakt.edu.uz сайти орқали фақат ўқишга кирган университетининг оддий контрактини олиши мумкин. Бундай тоифадаги абитуриентлар ҳам бироз кутиб туришлари керак. Ҳозирда шу масала кўриб чиқилмоқда. Балки тез унда ўқишга кирганлар учун ҳам биринчи йўналишга супер-контрактда ўқишга рухсат берилиши мумкин.


@Talim_Vazirligi Ochish/sharhlash

2023-09-07 23:42:56 Ассалому алайкум ва раҳматуллоҳи ва баракатуҳ!
Жума муборак


@Talim_Vazirligi Ochish/sharhlash

2023-09-07 12:13:23 Расман: контракт қоғози берилиши бошланди

kontrakt.edu.uz платформаси орқали 1-курсга талабаликка тавсия қилинганларга ҳамда 2- ва ундан юқори курсда контрактда ўқиётган талабаларга тўлов-шартнома бериш бошланди.

Шартнома олиш учун kontrakt.edu.uz платформасидан рўйхатдан ўтиш ҳамда ариза юбориш керак. Ариза ОТМ томонидан кўриб чиқиб, тадсиқлангач, талаба шахсий профили орқали электрон шартномани юклаб олиши мумкин бўлади.

ЭСЛАТМА: қуйидагилар учун ҳозирча шартнома бериш бошланмади:

• магистратурага кирганлар;
• супер-контрактда ўқимоқчи бўлганлар;
• “перевод”да ўтиш балини олиб, ўқишини кўчирганлар;
• “перевод”да ўтиш балини тўплай олмасдан, супер-контрактда ўқимоқчи бўлганлар.

@Talim_Vazirligi Ochish/sharhlash

2023-09-06 18:51:43 Стипендияли контракт қанақа бўлади?

Кеча 2023/24-ўқув йили учун контракт миқдорлари оширилмаслиги эълон қилинди. Контрактлар жадвалида базавий, яъни стипендиясиз миқдорлар кўрсатилган. Яъни ушбу миқдордаги контракт тўлаган талабаларга стипендия берилмайди.

Контрактдагилар ҳам стипендия олиш учун нима қилиш керак?

Бунинг учун 12 ойлик стипендия пулини ҳам контрактга қўшиб тўлаш керак.

Масалан, ҳозирда бир ойлик стипендия 517 минг 880 сўм. Буни 12 ойга кўпайтирсак, 6 млн 214 минг 560 сўм бўлади.

Талабанинг 1 йиллик базавий контракти 6 млн 412 минг 610 сўм деб тасаввур қилайлик. Шунда агар талаба ҳар ой стипендия тўлашни истаса, унда 12 млн 627 минг 170 сўм контракт тўлаши керак бўлади.

Шунда ўзи тўлаган пулни ҳар ой бўлиб-бўлиб стипендия шаклида қайтариб олади.

Бу оддий ҳолатда унчалик ҳам манфаатли таклиф эмас, лекин айримларда ҳозир имкон бўлса, стипендияли шаклда тўлаб қўйгани яхши. Бундан ташқари ишхонасидаги ойликдан тўлайдиганлар ҳам стипендияли қилиб ўтказса, солиқ имтиёзидан 745 минг сўм қўшимча фойда қилади.

Бундан ташқари таълим кредити олганда ҳам стипендияли контрактга шартнома олиш вариантини кўриб чиқиш мумкин. Айниқса қизларда бу яна-да фойдали бўлади, чунки уларга фоизсиз кредит берилади.


@Talim_Vazirligi Ochish/sharhlash

2023-09-06 14:49:17 Ўтган йилги кафил билан яна таълим кредити олиш мумкин

"Ипотека банкдан хабар беришди, энди таълим кредити олиш учун ўтган йилги кафилнинг ўзи етади.

Агар сиз ўтган йили таълим кредити олган бўлсангиз ва кафил кўрсатган бўлсангиз, ўша кафилнинг ўзи билан бу йил ҳам таълим кредити олишингиз мумкин, шу пайтгача янги кафил топиш талаби бор эди, энди шу талаб йўқ.

Фақат ўтган йилги ва жорий йилги кредит миқдорингиз жами 30 миллион сўмдан ошиб кетмаслиги керак. Менимча қолган банклар ҳам янги кафил топиш талабини олиб ташлашса керак".


@Talim_Vazirligi Ochish/sharhlash

2023-09-06 10:17:19 Супер-контракт нархлари (йўналишлар кесимида)

Мазкур файлда 2023/24-ўқув йили учун йўналишлар кесимида табақалаштирилган (супер) тўлов-контракт миқдорлари билан танишишингиз мумкин.

Файлда кундузги, сиртқи, масофавий ва кечки таълим учун супер-контракт миқдорлари берилган. Шунингдек, 15-октябргача 100 фоиз тўлов қилганда бериладиган 10 фоизлик чегирма ҳам кўрсатилган.


@Talim_Vazirligi Ochish/sharhlash

2023-09-05 15:21:19 Давлат олийгоҳларининг барча босқич талабалари учун тўлов-контракт миқдорлари оширилмайди!

Давлатимиз раҳбари Шавкат Мирзиёевнинг мамлакатимиз таълим тизимига қаратаётган алоҳида эътибори натижасида 2023/2024-ўқув йили учун барча йўналишлар бўйича тўлов-контракт миқдорлари оширилмайдиган бўлди.

Талабалар ва уларнинг ота-оналарига енгиллик яратиш ва уларни қўллаб-қувватлаш ҳамда аҳолининг тўлов қобилиятини инобатга олган ҳолда, истисно тариқасида, 2023/2024-ўқув йили учун барча босқичдаги талабаларнинг тўлов-контракт асосида ўқитиш қиймати миқдори давлат олий таълим муассасалари, жумладан, молиявий мустақиллик берилган олийгоҳларда ҳам базавий тўлов-контракт қиймати 2022/2023-ўқув йили учун белгиланган миқдорларда сақлаб қолинади.

Шу билан бир қаторда, 2023/2024-ўқув йили табақалаштирилган тўлов-контракт миқдорлари ўтган ўқув йили учун белгиланган миқдорларда ўзгаришсиз қолади.

2023/2024-ўқув йили қабулида тўплаган баллари тасдиқланган қабул параметрлари чегарасига етмаган, лекин табақалаштирилган тўлов-контракт асосида таҳсил олиш истагини билдирган абитуриентларга, истисно тарақасида янги ўқув йили бошланишидан шартномалар расмийлаштиришга, шунингдек бир йиллик ўқитиш қийматининг 50 фоизини тўлаганларни талабалар сафига қабул қилишга рухсат берилди.

Шунингдек, яна бир енгиллик – тасдиқланган табақалаштирилган тўлов-контракт қийматини 2023-йил 15-октябрига қадар тўлиқ тўлаган абитуриентлар учун 10 фоиз миқдорида чегирма берилмоқда.


@Talim_Vazirligi Ochish/sharhlash

2023-09-05 15:14:33 Ўзбекистондаги барча мактабларга Қизил китоб тарқатилмоқда

Мустақиллик байрамининг 32 йиллиги арафасида жами 40 минг нусхада Қизил китоб нашр этилган. Ҳозиргача Хоразм вилоятида 2000 та, Сирдарё вилоятида 1250 та, Жиззахда 2050 та, Навоийда 1400 та, Қашқадарё вилоятида эса 4000 та китоб ўқувчилар қўлига етиб борди.


@Talim_Vazirligi Ochish/sharhlash

2023-09-05 12:53:50 Ўзбекистон ОТМларида 2023/2024-ўқув йили учун супер-контракт миқдорлари

Талаба яқинларга юборинг

@Talim_Vazirligi Ochish/sharhlash

2023-09-04 14:53:10 Қулаган бетон плиталар ҳақида 2 хил маълумот: жароҳатланганлар неча киши?

Бир қанча соат олдин СамДУ Каттақўрғон филиалида содир бўлган бахтсиз ҳодиса ҳақида хабарлар тарқалди. Лекин Олий таълим вазирлиги ҳали ҳам жим.

Kun.uz университетдаги манбасига таяниб, 3 нафар талаба жароҳат олганини ёзди.

Каттақўрғон ҳокимлиги муносабати эса ундан бошқача: "Каттақўрғон филиали биносидаги фаоллар зали шифтидаги бетон плита номаълум сабабларга кўра жойидан силжиб пастга тушган. Плита тушган жойда талабалар бўлмаганлиги сабабли ҳеч кимга жиддий зарар етмаган. Фақат залнинг биринчи қаторида ўтирган икки нафар 1-босқич талабалари енгил жароҳат олган".

@Talim_Vazirligi Ochish/sharhlash