TA'LIM24 YANGILIKLARI

2023-04-17 12:53:17 ​ Тергов фаолияти йўналишида янги академия очилади. Ўқиш муддати – 3 йил!

Бош прокуратура академияси негизида Ўзбекистон Республикаси Ҳуқуқни муҳофаза қилиш академияси ташкил этилади.

Академия Бош прокуратура ташкилий тузилмасига кирувчи, юридик шахс мақомига эга, ихтисослаштирилган олий таълим ва илмий-тадқиқот муассасаси ҳисобланади.

Академияда 2023/2024 ўқув йилидан бошлаб тергов фаолияти ва ҳуқуқни муҳофаза қилиш фаолиятининг бошқа соҳаларида олий таълимнинг икки босқичли тизими – бакалавриат ва магистратура бўйича тўлақонли ўқув жараёни ташкил этилади.

Академиянинг тергов фаолияти йўналишидаги ҳар йилги қабул квоталари бакалавриат дастури бўйича – 250 нафаргача талаба, магистратура дастури бўйича – 50 нафаргача олий юридик маълумотли ваколатли давлат органлари ходимларидан иборат бўлади.

Академияда таълим олиш муддати бакалавриат дастури бўйича – уч йил, тергов фаолияти йўналишидаги магистратура дастури бўйича – бир йил.

TA'LIM24 - Ta'lim yangiliklari
https://t.me/+mxc0iR8NUT04Zjcy Ochish/sharhlash

2023-04-16 18:15:27 ​ ТОЕФЛ ИТП ва ТОЕИC имтиҳонлари учун талабгорларни рўйхатга олиш бошланди

Билим ва малакаларни баҳолаш агентлиги ҳузуридаги Илмий-ўқув амалий маркази томонидан ТОЕФЛ ИТП ва ТОЕИC имтиҳонлари учун талабгорларни онлайн рўйхатга олиш бошланди.

Талабгорларни рўйхатга олиш my.uzbmb.uz сайти (“Илмий марказ” бўлими) орқали амалга оширилмоқда ва 18-апрелга қадар давом этади.

Имтиҳонлар 20-апрел куни Тошкент шаҳрида Билимни баҳолаш агентлиги (олдинги Давлат тест маркази) биносида компютерда электрон тарзда ўтказилади.

ТОЕФЛ ИТП ва ТОЕИC имтиҳонларидан муваффақиятли ўтган талабгорларга ЭТС ташкилотининг халқаро сертификатлари тақдим этилади.

ТОЕФЛ ИТП ва ТОЕИC сертификатлари халқаро тан олинган сертификатлар бўлиб, мазкур сертификатларга эга бўлган талабгорлар Президентнинг ПҚ-5117-сон қарорида белгиланган имтиёзлардан фойдаланишлари мумкин бўлади.

TA'LIM24 - Ta'lim yangiliklari
https://t.me/+mxc0iR8NUT04Zjcy Ochish/sharhlash

2023-04-15 14:29:00 Мактаб директорларини лавозимга тайинлаш тизими ўзгариши мумкин

Мактабгача ва умумий ўрта таълим ташкилотлари директорларини лавозимга тайинлаш жараёнини вазирликинг ҳудудий бошқармалари томонидан танлов асосида ташкил этиш бўйича тегишли ҳуқуқий ҳужжат лойиҳаси тайёрланаётган экан.

Бу ҳақида Мактабгача ва мактаб таълими вазирлиги матбуот хизматининг “Вазирга мурожаат” рукни остида эълон қилинган видео-мурожаатида маълум қилинди.

TA'LIM24 - Ta'lim yangiliklari
https://t.me/+mxc0iR8NUT04Zjcy Ochish/sharhlash