2023-05-12 19:13:07
Бундан буён грант квоталарини Президент, контракт квоталарини ОТМларнинг ўзи тасдиқлайди
Президентнинг 279-сон қарорида (15.06.2022-й.) бу ҳақда тегишли қоида белгиланган.
Унга кўра 2023/2024-ўқув йилидан бошлаб:
давлат олий таълим муассасаларига ўқишга қабул қилишнинг давлат буюртмаси параметрлари (квота) фақат давлат гранти бўйича тасдиқланади;
тўлов-контракт асосидаги қабул параметрлари эса, молиявий мустақиллик берилган ОТМларда Кузатув кенгашлари қарори билан, қолганлари тегишли вазирлик ва идоралар билан келишилган ҳолда тасдиқланади ҳамда ҳар йили 20-июнга қадар Олий таълим, фан ва инновасиялар вазирлигининг расмий веб-сайтида эълон қилинади.
Маълумот учун: мазкур қарорга кўра, ҳар йили 1-майга қадар Давлат комиссияси давлат ОТМларининг бакалавриат ва магистратурасига қабул қилиш бўйича давлат гранти асосидаги давлат буюртмаси параметрларини шакллантиради ҳамда тасдиқлаш учун Президентга киритади. Демак, аслида қоида бўйича, грант квоталари аллақачон Президентга киритилган бўлиши керак ва балки тез орада тасдиқланиб қолар (агар ростдан ўз вақтида киритишган бўлса).
TA'LIM24 - Ta'lim yangiliklari https://t.me/+mxc0iR8NUT04Zjcy
14.2K views16:13