Izhor | Quvonch Bek

2023-01-11 12:35:51 ***
Турмуш минг-минг занжирда ботди
- Қўзғатмади, лол қотди таним.  
Мен танидим совуқ хаётни     
Ва... ёшимни тўхтатолмадим.                                    
Йўл четида бир кекса дарахт
Суҳбат қурди бошқаси билан,
-О, кифтига қўнди қандай бахт,
Йиғлаяпти кап-катта одам!!!

Дардим етди дарахтлар қадар
Тураверсам - умрим охирдир...
Ерга қўйдим авайлаб қадам 
Дардим оғир, жуда оғирдир...

Усмон Азим

@sukunatdan_keyin Ochish/sharhlash

2023-01-10 21:43:36

"Bir umr maftuningman"... (legendarniy retro)

@sukunatdan_keyin Ochish/sharhlash

2023-01-10 17:23:23 Qisqacha kun haqida:

=

@sukunatdan_keyin Ochish/sharhlash

2023-01-10 14:47:28 Qoʻlingni sindir, oyogʻingni sindir, ur toshlarga boshingni yor, lekin koʻngil sindirma.

Koʻngil Tangrining taxti, Tangri koʻngilga boqdi. Koʻngil ranjitgan kishi Haqni gʻazablantiradi, koʻngil ranjitgan kishining tahorati tutmaydi, namozi durust boʻlmaydi, bizni ishimiz janjal bilan emas, buzish bilan emas, qurish bilan, barpo etish bilan. Modomiki, koʻngil Tangrining taxti ekan, koʻngillarga ozor berishga emas, koʻngillarni olmoqqa kerak.

@sukunatdan_keyin Ochish/sharhlash

2023-01-10 12:30:38 * * *

Ака!
Бир сенинг қаддингни эзади ташвиш,
Менинг ғўр бошимни элитар шароб.
Тунлари бағримда балққан осойиш –
Мендан ўтиб сенга теккан изтироб.
Гоҳо ёдимдан ҳам чиқардим шошиб,
Барибир ортимдан суяб толмадинг.
Менинг чоҳларимга сен ўзинг тушиб,
Юкхалтамга солдинг барча омадинг.

Ака!
Мен худбинни кечир, мўмин жигарим,
Қўй энди мени деб тойишларингни.
Соғиндим меҳрибон, қаттиқ қўлларинг,
Соғиндим дўқ уриб койишларингни.
Эй, менинг кимлигин унутган тўрам,
Кечалар ёмғирда қушдек қунишган.
Сенинг бу дунёда мендан ҳам кўра
Ҳаққинг кўпроқ эди шоир бўлишга.

Муҳаммад Сиддиқ

@sukunatdan_keyin Ochish/sharhlash

2023-01-09 20:30:31 ***

Худди куюнгандай чайқатиб бошин,
Тақдирига бефарқ эмасдек гўё.
Турли либосларин алиштирётир,
ДУНЁ.

Кўзим — қуриб борар Орол денгизи,
Юрак — отилмоққа шай бўлган вулқон.
Баъзан ўзи бўлмай яшаган мавҳум,
ИНСОН.

Таслим бўлган юрак,
ишғол бўлган тан,
Ўзин таништирди, англатиб белги.
Ҳалол бўлмагунча кезар дарбадар,
СЕВГИ.

Қарс синиб иккига бўлинди қалам,
Ёзилмаган тушлар қолишди илҳақ.
"Бирда бор, бирда йўқ..." азалий ҳамон,
ЭРТАК.

Қувонч Бек
09.01.2023

@sukunatdan_keyin Ochish/sharhlash

2023-01-09 14:57:21 Чарли Чаплиннинг зўр гапи бор-да. Ҳақиқатга яқин...
Ҳақиқат излаб қолган вақтларим шуни қайта-қайта ўқийман.

«Чарли Чаплин айтади: мен анча машҳур бўлиб кино оламида юлдуз бўлганимдан кейин ҳар хил жойларда “Чарли Чаплинга ўхшай оласизми?” деган мусобақалар уюштирила бошланди. Шунда битта мусобақага ўзимни танитмай бошқача гримда келдим. Қатнашиш истагини билдириб ариза бердим. Мени қабул қилишди. Мусобақада қатнашдим ва иккинчи ўринни олдим. Биринчи ўринни эса мусобақа раҳбарининг ўғли олди!»

@sukunatdan_keyin Ochish/sharhlash

2023-01-09 09:08:08 She'rni Quvonch Bek o'qidi

Soyasida mayli o‘tir,
Yaproq sandan ranjimasin.
Poklanib, so‘ng qabrga kir,
Tuproq sandan ranjimasin.

Bu yo‘l nozik sen omon bo‘l,
Nafsing uchun eng yomon bo‘l,
Ismoilcha yot qurbon bo‘l,
Pichoq sandan ranjimasin.

Havolanma qo‘risalar,
To‘g‘ri so‘zla so‘rasalar,
O‘lsang, kafan o‘rasalar,
Mato sandan ranjimasin.

Oshig‘ing kechgani mahal,
Dod desin ko‘chganing mahal,
Suvidan ichganing mahal,
Buloq sandan ranjimasin.

Mahbubiy har mudom tik tur,
Dushmanga qarshi tetik tur,
Faqat rukuda egik tur,
Halloq sandan ranjimasin.

Soyasida mayli o‘tir,
Yaproq sandan ranjimasin...

Mahbubiy

P.s. ilk marotaba Telegramning o'zining audiosida she'r o'qib joylashim. Hech qanday ovoz bezaklarisiz

@sukunatdan_keyin Ochish/sharhlash

2023-01-08 20:27:43 ***

Ойлар яшаб ўтар ўз умрин,
Ва туғилар қайта-қайталаб.
Кун туғилар, тунлар туғилар,
Ҳижрони ва шодлигин атаб.

Алмисоқдан қолган бу — умр,
Яшаш керак, курашиб яшаш.
Тутқун бўлмай вақтнинг ҳукмига,
Ва дунёмиз бўлмасдан талаш.

Қувонч Бек

@sukunatdan_keyin Ochish/sharhlash

2023-01-08 12:27:41 #tavallud_kun

*  *  *

Кўзларинг маст,
Кокилинг шодон,
Гап бошладинг дилкаш, меҳрибон. 
Ўзни бунча тутяпсан яқин... 
Эрга теккан бўлмагин тағин?!


*  *  *

Дунёда бор учта чин дўстим:
Отам,
Онам...
Яна аллаким.
Учинчисин айтмоқ қийин иш,
Хотиним ҳам шунчаки таниш.

Анвар ОБИДЖОН

@sukunatdan_keyin Ochish/sharhlash