Qonunchilik.uz

2022-11-22 17:19:36 #bilasizmi


Yangi tahrirdagi Mehnat kodeksining 259-moddasiga ko‘ra, bir necha kasbda (lavozimda) ishlaganda, xizmat ko‘rsatish doirasi kengayganda, ish hajmi ko‘payganda xodimning asosiy lavozimdagi ish haqiga quyidagilar uchun qo‘shimcha to‘lov belgilanadi va to‘lanadi:

byudjetdan moliyalashtirilmaydigan tashkilot xodimlari uchun — bir necha kasbda (lavozimda) haqiqatda bajarilgan ishga doir ish haqi miqdorida;

byudjet tashkilotlari xodimlari uchun — bir necha lavozimda ishlaganlik uchun tarif stavkasining (maoshining) ellik foizidan ko‘p bo‘lmagan miqdorda.

Vaqtincha yo‘q bo‘lgan xodimning majburiyatlarini bajarish vazifasi uning shtatdagi o‘rinbosari zimmasiga asosiy ishdan ozod etilmagan holda yuklatilganda qo‘shimcha to‘lov amalga oshirilmaydi.

Bizni ijtimoiy tarmoqlarda kuzatib boring
Telegram I Facebook Ochish/sharhlash

2022-11-19 05:23:38 #yangi_kun_hikmati

Assalomu alaykum!

Bugun 2022-yil 19-noyabr, haftaning shanba kuni.

Ushbu kunni hush kayfiyat bilan boshlashingizga tilakdoshmiz.

Mast o‘zini qanchalik baxtiyor his etmasin, u haqiqiy baxtdan juda uzoq. Chunki uning bu baxti boshqalar uchun ko‘rgilik; bugungi baxti ertangi baxt­sizligidir. Rabindranat Tagor

Boshlangan dam olish kuningiz hayrli, barakotli va unimli bo‘lsin.

Bugun yaqinlar, bemorlar va do‘stlar holidan xabar olishga yaxshi fursat.

@hradliya Ochish/sharhlash

2022-11-18 18:44:06 Ҳомиладор аёл билан қачон ва қандай шартларда меҳнат шартномасини бекор қилиш мумкин

https://norma.uz/bizning_sharhlar/homilador_ael_bilan_qachon_va_qanday_shartlarda_mehnat_shartnomasini_bekor_qilish_mumkin Ochish/sharhlash

2022-11-18 18:26:03 Мансабдор шахс энди бирор инсонни таҳқирлаб, ҳақоратласа, битта "узр" билан қутулиб кетмайди

Сўнгги вақтларда ижтимоий тармоқларда давлат органи ходимларининг фуқаролар билан муносабатларидаги кескинлик, мансабдор шахсларнинг қўпол муомаласи ва бунинг оқибатида келиб чиққан нохуш ҳолатларга кўп гувоҳ бўляпмиз. Шу каби кўпгина омиллар ва сабаблар ҳисобга олиниб, давлат хизматчилари учун умумий одоб-ахлоқ қоидалари ишлаб чиқилди.
Ўзбекистон Республикаси Инвестициялар ва ташқи савдо вазирлигида Вазирлар Маҳкамасининг жорий йил 14 октябрдаги «Давлат фуқаролик хизматчилари томонидан одоб-ахлоқ қоидаларига риоя этилишини таъминлаш бўйича қўшимча чора-тадбирлар тўғрисида»ги қарори мазмун-моҳиятига бағишланган семинар бўлиб ўтди.  
– Юқорида номи келтирилган ҳужжатга асосан, эндиликда одобсиз ва ахлоқсиз шахслар давлат ишида ишлаши мумкин эмас, — дейди Тошкент давлат юридик университети меҳнати ҳуқуқи кафедраси катта ўқитувчиси Муҳаммадамин Каримжонов. — Мазкур қарор билан давлат фуқаролик хизматчилари одоб-ахлоқининг намунавий қоидалари, одоб-ахлоқ комиссияси тўғрисидаги намунавий низом тасдиқланди. Бундан ташқари, низом билан касбий фаолият, хизмат фаолиятига оид ҳамда хизматдан ташқари одоб-ахлоқ қоидалари тартибга солинади. Унга кўра, мувофиқ, давлат фуқаролик хизматчилари меҳнат фаолияти давомида ва ишдан ташқари вақтда хулқ-атворнинг қуйидаги умумий қоидаларига амал қилиши лозим. Давлат хизматининг обрўсига путур етказиши мумкин бўлган хатти-ҳаракатлардан тийилиш, масъулият, касбига садоқат ва ҳалолликни кундалик шиорга айлантириш, мураккаб вазифаларни бажаришда ҳамкасбларига кўмаклашиш зарур. Хушмуомалалик, эътиборлилик ва ҳушёрлик билан фуқароларда давлатга нисбатан ишонч ва ҳурмат ҳиссини уйғотиш, оиласида соғлом муҳитни таъминлаб, оила аъзоларига доимий ғамхўр бўлиш, фарзандларида ватанпарварлик ва бошқа юксак ахлоқий фазилатларни шакллантириш, фуқароларнинг ижтимоий келиб чиқиши, иқтисодий аҳволи бошқа омиллардан қатъи назар, улар билан бир хил, самимий, одоб доирасида муносабатда бўлиш керак. Бунга амал қилмаган ходим интизомий жазо чоралари кўрилади. Хусусан, ҳайфсан, ўртача иш ҳаққининг 30 фоизи миқдорида жаримага тортилади ёки эгаллаб турган лавозимидан пасайтириш, ёки эгаллаб турган лавозимидан озод этиш чоралари кўрилади.  
Семинарда қайд этилишича, мазкур ҳужжатда одоб-ахлоқ қоидаларини бузган хизматчиларга интизомий ва бошқа турдаги жавобгарлик чоралари кўрилади. Эътиборли жиҳати шундаки, илгари баъзи раҳбар, амалдорлар ўзини давлат хизматчиси сифатида муносиб тутмаган. Инсон шахсиятини таҳқирловчи ҳақоратлар билан одамларни аямаган ва битта «узр» билан қутулган бўлса, энди маълум жавобгарликка тортилади. Хушмуомала бўлмадими, обрўйи тушади. Эътиборли бўлиб, фуқаролар мурожаатини тингламадими, бунинг учун жавоб беради.  
Бундан ташқари, давлат фуқаролик хизматида ишламоқчи бўлган шахс оилавий муҳитини намунадагидек қилиб қўйиши керак. Давлат хизматчиларининг оила аъзоларига ғамхўр бўлиши, фарзандларини муносиб тарбиялашига ҳам алоҳида эътибор берилади. Туб аҳоли билан бевосита муомала қиладиган, жамиятнинг ижтимоий, иқтисодий, маънавий ҳаётини қайсидир маънода белгилаётган давлат органи ходими биринчи навбатда ўзи ҳар жиҳатдан намуна бўлиши керак.  
Семинарда қайд этилишича, давлат хизматчиларининг фаолияти учун ахлоқий мезонлар ҳар томонлама ҳисобга олинган. Эътиборлиси, бу қоидаларни бузганларга жавобгарликнинг белгиланаётгани айрим мансабдорларнинг халқ тили билан айтганда «тилини тийиши», ноўрин гаплардан чекиниши учун муносиб сабаб бўлади. Бу орқали мансабдорлар ва бошқа давлат органи ходимларида одоб-ахлоқ қоидаларига нисбатан мустаҳкам иммунитет ҳосил бўлади.  
 
Шаҳноза Маматуропова,  
ЎзА Ochish/sharhlash

2022-11-18 18:24:54 Тавсияда:

– хизмат сафарига юборилган ўриндошга кафолатлар;
– асосий ишда йўқлигини расмийлаштириш;
– хизмат сафарида иш вақтининг ҳисоби.

Муаллифлар: Александр НАВОТНИЙ, Бандлик ва меҳнат муносабатлари вазирлиги бошқарма бошлиғи ва Олег ЦОЙ, «Норма» эксперти: https://bit.ly/3AsA8VH Ochish/sharhlash

2022-11-16 10:47:12 #Tayinlov

O‘zbekiston Respublikasi Prezidentinining Farmoni bilan Tashkulov Akbar Djurabaevich adliya vaziri lavozimiga tasdiqlandi.

Akbar Tashkulov 1971-yilda Jizzax viloyatida tug‘ilgan, oilali, uch nafar farzandi bor, ma’lumoti oliy, 1994-yilda Toshkent davlat yuridik institutini tamomlagan, huquqshunos, 1-darajali adliya maslahatchisi, “O‘zbekiston Respublikasida xizmat ko‘rsatgan yurist” unvoni sohibi.

U o‘z mehnat faoliyatini 1994-1995-yillarda O‘zbekiston Respublikasi Adliya vazirligi Xalqaro-huquqiy boshqarmasining katta maslahatchisi lavozimidan boshlagan.

Akbar Tashkulov adliya organlari tizimida turli mas’ul lavozimlarda faoliyat yuritgan bo‘lib, 2005-2013-yillarda Surxondaryo viloyat, 2013-2017-yillarda Sirdaryo viloyat adliya boshqarmalari boshlig‘i, besh yil, ya’ni 2017-2021-yillar davomida O‘zbekiston Respublikasi adliya vazirining o‘rinbosari lavozimida faoliyat yuritgan.

2021-yil dekabr oyidan boshlab Toshkent davlat yuridik universiteti rektori lavozimida ishlab kelayotgan edi.

Adliya vazirligi jamoasi Tashkulov Akbar Djurabaevichni ushbu mas’uliyatli tayinlov bilan muborakbod etadi. Kelgusi ishlarida rivoj va ulkan zafarlar tilaydi!

@hradliya Ochish/sharhlash

2022-11-15 08:00:43 11 ноябрь қачон дам олиш куни бўлади.

Президент касаба уюшмалари ходимлари ва аъзоларига йўллаган мурожаатида Ўзбекистон касаба уюшмалари куни – 11 ноябрга байрам ва тегишинча, дам олиш куни мақомини бериш ташаббусини эълон қилди. Аммо Ўзбекистонда аллақачон янги байрам куни пайдо бўлди деб ҳисоблашга шошилманг.

Kadrovik.uz нима учунлигини тушунтиради:



Давлат раҳбарининг ташаббуслари доимо меъёрий-ҳуқуқий ҳужжат орқали амалга оширилади. Мазкур ҳолда бу янги Меҳнат кодексининг 208-моддасига ўзгартиришлар ва (ёки) қўшимчалар киритиш тўғрисидаги қонун бўлиши керак.

Бундай қонун қабул қилингунга қадар ва 2023 йил 30 апрелдан янги МК кучга киргунга қадар – юқорида қайд этилган ўзгартишлар билан – Ўзбекистонда ҳозир ҳам амалдаги МКнинг 131-моддаси нормалари амал қилади. У ерда эса ноябрь ойида ишланмайдиган байрам кунлари назарда тутилмаган. Ochish/sharhlash

2022-11-13 05:24:27 #yangi_kun_hikmati

Assalomu alaykum!

Bugun 2022-yil 13-noyabr, haftaning yakshanba kuni.

Ushbu kunni hush kayfiyat bilan boshlashingizga tilakdoshmiz.

Faqat milliy, xalqona ta’lim-tarbiya bilan ma’naviyat, ichki madaniyat payvand qilinsagina odamlarni har qanday pastkashlikdan, tubanlikdan asrab qolish mumkin. Chingiz Aytmatov

Boshlangan dam olish kuningiz hayrli, barakotli va unimli bo‘lsin.

Bugun oila davrasida yaqinlaringiz bilan bir dasturxon atrofida o‘tirib, dildan suhbalashish uchun ayni kun.

@hradliya Ochish/sharhlash