Tug‘ilgan kun muborak... * * * Тун. Ёмғир. Қоришиқ ифор | She’riy lahzalar

Tug‘ilgan kun muborak...

* * *

Тун.
Ёмғир.
Қоришиқ ифор.
Учқур хаёл, қадамлар аста.
Борлиққа сочилиб келади кетгинг,
Ёмғир бўлсам керак, аслида.

Сен йўқсан.
Ҳеч ким йўқ.
Нималардир бор.
Ненидир туярсан ёмғир остида.
Мен ахир осмонда яшаганманку,
Не қилиб юрибман замин устида.

Шайтон.
Таъқиқ.
Ва ўша мева—
Афсус бор қувғинди одам наслида.
Негадир уларга алоқам йўқдек,
Ёмғир бўлсам керак, аслида.

Нажмиддин Эрматов



Duelni ko‘ring: