Shavkat Xo‘jaqulov

2022-08-17 16:48:52 Google hamma narsani biladi. Zamonaviy dunyo sizni bilganingiz bilan nima qila olishingizga qarab mukofotlaydi. Bular orasida katta farq bor"
Andreas Shlyaher.

"Avvallari biz ta’limni qancha o‘quvchi o‘qiyotgani, qancha pul sarflayotganimizga qarab solishtirardik. Ammo, o‘quvchilar nimani biladilar va ular bilganlari bilan nima qilishlari mumkinligi muhimroqdir.

Ta'limni yaxshilashga buyurtma berish biz o‘ylaganchalik oson emas. Rivojlanish sinfda sodir bo'ladi. Bu haqiqatan ham hammani jarayonga jalb qilish lozimligini anglatadi. Bu esa - ta'limni butun jamiyat loyihasiga aylantirish demakdir. Jonkuyar o'qituvchilar, salohiyatli liderlar va birgalikda ishlashga tayyor ota-onalarni talab etadi.

Bugungi kunda yoshlar bilimlarni Google yoki boshqa platformalardan qidirmoqda va hech kim ularga nima to‘g‘ri, nima noto‘g‘ri ekanligini aytmaydi.

Bugungi kunda savodxonlik endi faqat bilim olishdan iborat emas. Tabiiy fanlarni misol keltiradigan bo'lsak, avvallari tabiiy fanlar fizika, kimyo, biologiya haqidagi bilimlar edi. Bugungi dolzarb masala - siz olim kabi fikrlay olasizmi? Tajribani loyihalashtira olasizmi? Ilmiy tadqiqot o‘tkazish mumkin bo'lgan savollarni bir-biridan, unchalik farq qilmaydigan savollardan ajrata olasizmi?

Zamonaviy dunyo endi sizni faqat bilimingiz uchun mukofotlamaydi. Google hamma narsani biladi. Zamonaviy dunyo sizni bilganingiz bilan nima qila olishingizga qarab mukofotlaydi. Bular orasida katta farq bor"
Andreas Shlyaher.

Bu haqida PISA xalqaro dasturi asoschisi Andreas Shlyaherning "Ta'limdagi xalqaro tadqiqotlarning Yangi O'zbekiston taraqqiyotidagi o'rni" mavzusidagi xalqaro konferensiyadagi nutqi orqali batafsil ma'lumotga ega bo'lishingiz mumkin.

Mazkur nutq pedagoglar jamoasi uchun foydali bo'ladi degan niyatda Ta'lim inspeksiyasi huzuridagi Milliy markazda o'zbek tiliga o'girildi (1-qism).

#Shlyaher, #PISA, #Savodxonlik, #Xalqarotadqiqot, #Tabiiyfanlar, #Bilim, #OECD, #Sifat, #mashqdaftarlari, #Axborotnoma

Milliy markazning rasmiy sahifalariga ulanish
Facebook|Telegram|Youtube|Instagram Ochish/sharhlash

2022-08-17 07:36:49 #Педагоглар_аттестацияси

Малака оширишга ҳали умуман бормаганман. 2022 йил январь июнь ойларида бўлиб ўтган аттестацияга навбатдан ташқари қатнашдим ва 2-тоифага эга бўлдим. Ойлигимга тоифанинг пули қўшилиши учун мен малакага бориб келишим шартми ё кераги йўқми?

Низомнинг 48-банди: Педагог кадрларнинг базавий тариф ставкалари миқдори, уларнинг малака тоифаси ёки лавозими сертификат асосида белгиланади ҳамда уларнинг иш ҳақлари сертификат генерация қилинган кундан бошлаб қайта ҳисобланади.

Педагогларга малака тоифалари бўйича ҳақ тўлашда малака оширишга борган ёки бормаганликнинг аҳамияти йўқ.

Жорий йилнинг 1 октябрига қадар куз ўтказиладиган аттестацияда иштирок этиш учун рўйхатдан ўтишингиз мумкин.

Рўйхатдан ўтиш http://pedkadr.tdi.uz/

Рўйхатдан ўтиш ва мурожаат юбориш бўйича видеойўриқнома –



Педагог кадрлар аттестациясига оид янгиликлар билан Таълим инспекциясининг телеграм канали (@uztdi) орқали танишиб боришингиз мумкин.

Таълим инспекцияси матбуот котиби каналига уланиш
@sh_xujaqulov Ochish/sharhlash

2022-08-16 16:03:12 ISFT институти 2022-2023 ўқув йили учун ҳужжатлар қабулини бошлади

ISFT Instituti (International School of Finance Technology and Science)нодавлат олий таълим ташкилоти томонидан 2022-2023 ўқув йили учун ҳужжатлар қабулини бошлади.

Ушбу институт мамлакатимизда олий таълим хизматларини кўрсатиш учун Вазирлар Маҳкамаси ҳузуридаги Таълим сифатини назорат қилиш давлат инспекциясидан лицензия олган.

Бугунги кунда ушбу институтда қуйидаги йўналишлар бўйича ҳужжатлар қабул қилинмоқда:

Халқаро амалий бухгалтерия ва молия;
Халқаро бизнес бошқаруви;
Менежмент ва бошқарув ҳисоби.

Ҳужжатлар кундузги ва сиртқи таълим шакли бўйича қабул қилинади.

Манзил: Тошкент вилояти Қибрай тумани Салар шаҳарчаси Университет кўчаси 2-уй

Мурожаат учун:

Колл-марказ: +998555063737
Телеграм: @isft_admission
Веб-сайт: http://admission.isft.uz
Электрон ҳужжат топшириш: https://admission.isft.uz/

Ҳужжат қабул қилувчи офиз манзили: Тошкент шаҳри, Миробод тумани, Шахрисабз 2-тор кўчаси 6-уй

Локация: https://yandex.uz/maps/-/CCURZYxMwB

Абитуриентлар учун қулайлик яратиш мақсадида вилоят марказларида ҳам қабул офислари очилган.

Таъкидлаш жоиз, Ўзбекистон Республикаси “Таълим тўғрисида”ги қонунининг 31-моддасига мувофиқ, Давлат таълим стандартлари ва давлат таълим талабларига мувофиқ таълим хизматларини кўрсатувчи нодавлат таълим ташкилотлари битирувчиларга давлат томонидан тасдиқланган намунадаги таълим тўғрисидаги ҳужжатларни беради.

Яъни, тегишли лицензияга эга нодавлат олий таълим ташкилотлари томонидан берилган дипломлар давлат олий таълим муассасалари дипломлари билан тенг даражада қабул қилинади.

Таълим инспекцияси телеграм каналига уланиш
https://t.me/uztdi Ochish/sharhlash

2022-08-15 13:50:35 Фуқароларнинг маблағларини фирибгарлик йўли билан қўлга киритган нодавлат таълим муассасалари аниқланди

Бош прокуратура ҳузуридаги Департаментнинг Қўқон ва Фарғона шаҳар бўлимлари томонидан Таълим сифатини назорат қилиш давлат инспекциясининг мурожаатига асосан ўтказилган терговга қадар текширувларда, “M.А.” ва “V.I.” нодавлат таълим муассасалари раҳбарлари ва ходимлари фуқароларни алдаб, интернет ижтимоий тармоқларида нодавлат таълим муассаса каналларини очишиб, ушбу таълим масканларини битиргач бакалавр даражасини берувчи халқаро дипломга эга бўлишларини айтиб, “М.А.” таълим муассасаси 174 нафар фуқаронинг 1,1 млрд сўмини, “V.I.” таълим муассасаси 171 нафар фуқаронинг 1 млрд сўмини фирибгарлик йўли билан қўлга киритганликлари аниқланган.

Шунингдек, “V.I.” нодавлат таълим муассасаси раҳбари Н.А. фуқаролардан ундирган маблағлари ҳисобидан “Lada Vesta” русумли автотранспорт воситасини харид қилган.

Мазкур ҳолатлар юзасидан Жиноят кодексининг 168-моддаси (фирибгарлик) ҳамда 243-моддаси (жиноий фаолиятдан олинган даромадларни легаллаштириш) билан жиноят ишлари қўзғатилиб, тергов ҳаракатлари ўтказилмоқда.

Ҳурматли ота-оналар ва абитуриентлар!

Мамлакатимиз ҳудудида мавжуд нодавлат олий таълим муассасаларига ўқишга ҳужжат топшириш ёки контракт тўловларини амалга оширишдан аввал, уларнинг Ўзбекистон Республикасида тан олинганлигига расмий ахборот каналлари орқали аниқлик киритишингизни сўраб қоламиз", дейилади департамент ахборотида.

Таълим инспекцияси матбуот котиби каналига уланиш
@sh_xujaqulov Ochish/sharhlash

2022-08-11 09:29:52 Иш берувчилар диққатига!

Ўзбекистон Республикаси Президенти томонидан олий таълим соҳасини янада ривожлантириш, кадрлар тайёрлаш сифатини ошириш, илм-фан ва ишлаб чиқариш интеграциясини кенгайтириш мақсадида иш берувчилар билан олий ўқув юртлари ўртасида алоқаларни баҳолаш бўйича қатор вазифалар белгилаб берилган.

Шу муносабат билан Таълим сифатини назорат қилиш давлат инспекцияси миллий олий таълим муассасалари битирувчиларининг сифатига ва уларнинг иш берувчилар билан ҳамкорлик алоқаларига баҳо бериш мақсадида ижтимоий сўровнома ўтказмоқда.

Сиз берган маълумотларнинг махфийлиги кафолатланади ва унинг натижалари фақат умумлаштирилган ҳолда ишлатилади.

Сўнгги беш йил ичида кадрлар масаласида Сизнинг ташкилотингиз билан фаол алоқада бўлиб келаётган ОТМларнинг битирувчилари сифатига баҳо беринг.

ОТМларнинг кадрлар тайёрлаш сифати бўйича билдирган фикрларингиз биз учун муҳим.

Ушбу кўрсаткичлардан олий таълим муссасалари миллий рейтингини аниқлаш жараёнида фойдаланилади.

Сўровномада фаол иштирок этинг!

Сўровномада иштирок этиш: https://survey.tdi.uz/

Иш берувчилар учун онлайн сўровномада қатнашиш бўйича видеойўриқнома:



Таълим инспекцияси телеграм каналига уланиш
https://t.me/uztdi Ochish/sharhlash

2022-08-10 11:55:11 #Педагоглар_аттестацияси

Халқ таълими вазирлиги 15 йиллик узлуксиз иш стажига эга бўлган олий малака тоифали ўқитувчиларнинг тоифасини сақлаб қолиши бўйича маълумот берди

Ўзбекистон Республикаси Вазирлар Маҳкамасининг 2022 йил 2 август куни қабул қилинган “Халқ таълими вазири жамғармаси фаолиятини ташкил этиш чора-тадбирлари тўғрисида”ги 425-сонли қарори билан Вазирлар Маҳкамасининг 2021 йил 17 сентябрдаги 572-сонли қарорига тегишли ўзгартиришлар киритилди.

Унга кўра, олий малака тоифага эга бўлганидан сўнг уни 15 йил давомида сақлаб келган ва узлуксиз иш стажига (шу жумладан, декрет таътили даври ҳам) эга бўлган педагоглар 3 марта мажбурий аттестацияда тасдиқлаганларидан сўнг умрбод олий тоифали бўлишлари мумкин.

“Бу эса авваллари 1-тоифали бўлиб, сўнгги аттестацияда олий тоифани олган баъзи устозларнинг кейинчалик ўз малакасини ошириб бормаслигига сабаб бўлаётган эди”, – дейилади вазирлик ахборотида.

Вазирликнинг тушунтиришича, 2022 йилда олий таълим муассасасини битирган педагог навбатдан ташқари аттестация имкониятларидан фойдаланиб, 2024 йилда олий тоифали бўлади ва шундан бошлаб 15 йил ичида 3 маротаба (2029, 2034 ва 2039 йилларда) тасдиқлайди.

Таълим инспекцияси матбуот котиби каналига уланиш
@sh_xujaqulov Ochish/sharhlash

2022-08-04 05:21:53 Abituriyentlarga ruxsatnomalarni berish boshlandi

2022-2023-o‘quv yilida oliy ta’lim muassasalarining bakalavriat ta’lim yo‘nalishlariga o‘qishga kirish uchun onlayn ro‘yxatdan o‘tgan abituriyentlarga “Abituriyent ruxsatnomasi”ni berish boshlandi.

Abituriyentlar test sinovlarida ishtirok etish uchun “Abituriyent ruxsatnomasi”ni my.dtm.uz saytiga shaxsiy identifikatsiya raqami hamda pasport seriyasi va raqamini kiritgan holda olishlari mumkin.

Shuningdek, ruxsatnomani Davlat test markazining quyidagi maxsus telegram botlari orqali ham yuklab olish imkoniyati mavjud:

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

Test sinovlari 8-avgustdan boshlanishini inobatga olgan holda abituriyentlardan ruxsatnomalarni 7-avgustga qadar yuklab olishlarini so‘raymiz.

Eslatib o‘tamiz, abituriyentlar test sinovlariga pasport (ID-karta) va abituriyent ruxsatnomasi bilan kelishlari lozim.

Pasport nusxasi yoki boshqa hujjatlar bilan kelgan abituriyentlar test sinovlariga kiritilmaydi.

Taʼlim inspeksiyasi matbuot kotibi kanaliga ulanish
@sh_xujaqulov Ochish/sharhlash

2022-08-03 19:28:06 Олий таълим муассасаларининг миллий рейтингини аниқлаш учун сўровнома 15 августга қадар давом этади

АОКАда ўтказилган брифингда Таълим инспекцияси ахборот хизмати раҳбари Шавкат Хўжақулов ОТМ миллий рейтингини аниқлаш учун иш берувчилар ўртасида ўтказиладиган сўровнома хусусида маълумот берди.

Миллий рейтинг учун баҳолаш кўрсаткичларини шакллантиришда халқаро эътироф этилган агентликлар индикаторларидан ҳам фойдаланиш орқали уларнинг келгусида халқаро рейтинглардан ўрин олишларини таъминлаш мақсад қилинган.

Миллий рейтинг тизими 20 та баҳоловчи индикаторни ўз ичига олади. Шу жумладан иш берувчиларнинг битирувчилар ҳақидаги фикри рейтингдаги энг муҳим индикаторлардан бири ҳисобланади.

Жорий йилда ташкил қилинадиган онлайн сўровнома аввалгисидан фарқли тарзда survey.tdi.uz сайти орқали реал вақт режимида амалга оширилади ва бунда иш берувчи идора ёки ташкилотлар ўзларининг электрон рақамли имзо орқали тизимга кирадилар ва сўровнома тўлдиришади.

Батафсил

Youtube(HD)да кўриш

@sh_xujaqulov Ochish/sharhlash

2022-08-03 13:04:36 Айни пайтда Таълим сифатини назорат қилиш давлат инспекцияси томонидан олий таълим муассасалари миллий рейтингини аниқлаш учун иш берувчилар ўртасида ўтказилаётган сўровнома бўйича видеоконференция ўтказилмоқда.

Унда олий таълим муассасалари битирувчилари сифатига баҳо бериш учун ўтказилаётган сўровномада қатнашиш бўйича тегишли тавсиялар билдириш ва иштирокчиларни қизиқтирган саволларга жавоб қайтариш кўзда тутилган.

Онлайн конференцияни реал вақт режимида онлайн кузатиб бориш учун ҳавола: https://t.me/uztdi?livestream

Таълим инспекцияси телеграм каналига уланиш
https://t.me/uztdi Ochish/sharhlash

2022-08-03 09:44:09 Бугун, 3 август куни соат 12:00да Президент Администрацияси ҳузуридаги Ахборот ва оммавий коммуникациялар агентлигида Таълим сифатини назорат қилиш инспекцияси ахборот хизмати раҳбари Шавкат Хўжақулов иштирокида олий таълим муассасалари миллий рейтингини аниқлаш учун иш берувчилар ўртасида ўтказилаётган сўровнома бўйича брифинг бўлиб ўтади.

Брифингни АОКАнинг Facebook'даги расмий саҳифаси орқали тўғридан-тўғри эфирда томоша қилишингиз мумкин.

Таълим инспекцияси телеграм каналига уланиш
https://t.me/uztdi Ochish/sharhlash