Зикр аҳлидан сўранг

2024-01-15 08:05:40 Етти рақами ҳақида

Шайх Муҳаммад Содиқ Муҳаммад Юсуф ҳазратларининг «Ҳикматли дунё» деб номланган аудио тўпламининг 1-қисмидан

#HikmatliDunyo

Telegram | Facebook | Instagram | Youtube Ochish/sharhlash

2024-01-15 05:05:02 ПЕНЯЛИ РАССРОЧКА

@Savollar_kanal 14480-савол

Ассалому алайкум! Рассрочка (бўлиб тўлаш)га товар ҳарид қилса, агар ҳар ой тўлов кечикса пеня туғар экан. Агар пенягача обормасдан тўлаб юрса бўладими? Агар пенясиз бўлса, шариатда кечикган кунига чора борми (нима қилинади)?

ЖАВОБ:

– Ва алайкум ассалом! Мусулмон киши кечиктирса пеня тўлаш шарти билан бўлган битмни тузиши мумкинми?
Бу борада замонамиз уламолари ихтилоф қилишди. Шу шарт билан бўлган битмга имзо қўйиши, ҳаром ишга қўл уриш ҳисобланади ва бундай қилиш жоиз эмас. Гарчи муддатидан кечиктириб юбормаслик ниятини қилса ҳам деганлар. Бошқа баъзилари эса кечиктирмасликка юз фоиз ишонса бундай савдога имзо қўйиши мумкин. Бу гапга тўлиқ далил бўлмасада далилликка яқинлашиши мумкин бўлган Оиша онамизнинг Барира розияллоҳу анҳо қиссасидаги ҳадисни келтирганлар. Шариатимизда озод қилинган қулни меросхўр хеч кими бўлмасдан вафот топса мероси озод қилувчига тегади. Шундай тегишини вало дейилади. Барира чўри эди, уни сотишаётганда Оиша онамизга ўша вало ҳуқуқи бизда қолади деб сотишган. Оиша онамиз Расулуллоҳ соллаллоҳу алайҳи васалламдан «Валоси уларда қолиш шарти билан мени сотиб олишим дурустми» деганларида «Валони уларга шарт қилиб сотиб олаверинг, чунки(улар хоҳласалар ҳам хоҳламасалар ҳам) вало озод қилганники(яъни сиз озод қилсангиз сизники) бўлади деганлар ва уларни шу шартни қўйишига рухсат берганлар. Чунки бу шартга асло амал қилинмас эди». Бу ҳадисни далил қилувчилар гўёки шартга амал қилинмаса ўша шарт билан бўлган битмни тузиш мумкин дегандек бўлганлар. Лекин уларни бу далиллари кўп ҳам тўғри эмас. чунки Расулуллоҳ соллаллоҳу алайҳи васаллам кейинчалик у шартни ўз хутбаларида ботил қилиб йўққа чиқарганлар. Бизни кунимизда эса бу шартни бекорга чиқарувчи йўқ. Биргина нарса у ҳам бўлса бу шартлар гарантия каби умумий урфга айланиб кетса одамлар усиз савдо қилмай қўйса ёки усиз савдо қилишни асло иложи қолмаса шу шарт билан савдога киришиш мумкин, аммо ўша шарт ижро қилинадиган ҳолатга тушмасликка ҳаркат қилиш керак. Яъни пения тўланадиган ҳолатга тушмаслик керак. Иложи қолмаслигига бир мисол ҳамма ҳозирги кунда электр, газ, телефон компаниялар билан ҳар ойнинг 10 санасидан кечиктирса фоиз қўшилиш шарти билан шартнома тузган. Ўзбекистонда 10чи санадан кечиктирилса фоиз қўшилиши қарори чиқарилган. Одамлар буни билсаларда ёки билмасаларда шартнома шундай тузилади. Омматан халққа шу шарт бўлгани учун давлатдан свет, газ олиб ёқманг дейишни иложи йўқ. Бошқа томондан газ ёки светни топишни ҳам иложиси йўқ. Бошқа савдолар ҳозирги кунимизда у даражага етгани йўқ. Лекин келгусида бу шарт газ ва светни ҳолатига тушса кечиктирмасликка қасд қилиб битм тузиш мумкин. Бошқа мамлакатларда бу нарса ўша ҳолга келиб бўлган. Шунинг учун ўша мамлакатларнинг муфтийлари бунга фатво бериб бўлишган. Кечиктирмасликни тўлиқ эҳтиёт чораларини кўриб аниқ кўзи етгач, ўша шарт билан қилинадиган шартномаларга имзо қўйишга рухсат беришган. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2024-01-14 18:06:32 Абу Бакр Сиддиқ розияллоҳу анҳунинг парҳезкорликлари

Шайх Муҳаммад Содиқ Муҳаммад Юсуф раҳимаҳуллоҳнинг
2007 йилдаги Рамазон суҳбатларидан

#Видео

Бизни ижтимоий тармоқларда кузатиб боринг!

Telegram | Facebook | Instagram | Youtube Ochish/sharhlash

2024-01-14 17:05:02 СУДХЎРЛИК, НАСИЯ САВДОСИ ВА САЛОМДАН ОЛДИНГИ ДУО

@Savollar_kanal 14479-савол

Ассаламу алайкум шайҳ ҳазратлари! Сиздан илтимос қуйидаги 3та саволга жавоб берсангиз: 1. Судҳўрлик ҳақида. Бир одам иккинчи одамдан 100000 сўм қарз сўраб, 6 ойдан кейин 120000 сўм қилиб қайтараман деса судҳўрлик бўладими (яъни қарз бераётган одам фоиз қўймаяпти, балки олувчининг ўзи фоиз билан қайтармоқчи)? 2. Насия савдоси ҳақида. Мисол учун мен 1000 сўмлик молни нақд пулга 1200 сўмга сотиб 200 сўм фойда қилмоқчиман. Лекин бир ҳаридор 1200 сўм нақд пули йўқлигини, балки маълум муддатда бўлиб-бўлиб тўлашини айтти. Мен унга жавобан, агар бўлиб тўлайдиган бўлсанг баҳоси 1200 эмас, балки 1500 бўлади ва бу миқдорни 3 ой давомида 500 сўмдан тўлаб узасан десам, 1200 сўмни устига қўшимча қўйган 300 сўм мен учун ҳалолми ёки ҳаромми(ёки фақат 1200 сўмни бўлиб беришим керакмиди)? 3. Намоздаги саломдан олдинги дуо ҳақида. Намоз сўнгидаги саломдан олдин қилинадиган дуода Аллоҳдан ҳоҳлаган нарсани сўраб дуо қилса бўладими? Ёки албатта фақат Роббана атина...... дуосини ўқиладими? Ўзбек тилида ҳам дуо қилса бўладими ва бу дуода қўллар ҳолати қандай (қўллар тиззада турадими ёки дуога очгандей турадими)? олдиндан раҳмат.

ЖАВОБ:

– Ва алайкум ассалом! 1. Эгасига фойда келтирган ҳар бир қарз судхўрликдир. У фойдани сўраб оладими ёки қарздор ўзи берадими фарқи йўқ.2. Бу хилдаги савдо ҳалол.3. Намознинг ичидаги дуода одамлардан сўрайдиган нарсаларни тилаб дуо қилса жоиз эмас. Чунки Расулуллоҳ саллоллоҳу алайҳи васаллам Муслим, Абу Довуд ва Аҳмадлар келтирган ривоятда: «Албатта, бу намозда одамларнинг каломидан ҳеч нарса мумкин эмас. У фақат тасбиҳ, такбир ва Қуръон қироатидан иборатдир», деганлар».Бизда Пайғамбар алайҳиссаломга саловотдан кейин «Аллоҳуммағфир лии» деб бошланадиган машҳур дуони ўқиш одатга айланган.Аллоҳим! Менга фалон нарсани ризқ қилиб бергин! Фистончини хотин қилиб бергин каби дуолар ҳаромдир.Намознинг ичидаги дуо албатта араб тилида бўлиши шартлигига барча фуқаҳолар иттифоқ қилганлар.


Шайх Муҳаммад Содиқ Муҳаммад Юсуф роҳимаҳуллоҳ

Манба

Каналга уланиш Ochish/sharhlash

2024-01-14 14:05:02 ИНВЕСТИТЦИЯ

@Savollar_kanal 14478-савол

Ассалому алайкум! Катта, йирик корхона ёки компанияларга инвестиция орқали фойда кўришлик халолми?

ЖАВОБ:

– Ва алайкум ассалом! Орадаги келишув ва бажариладиган иш шариат ҳукмларига тўғри келса жоиз. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2024-01-14 10:05:03 ФАТВО БЕРГАНДА ДАЛИЛ СЎРАШ

@Savollar_kanal 14477-савол

Ассалому алайкум Шайх хазратлари! Сизга бир саволим бор, масалан биродарлар орасида турганимизда хар хил мавзуларда гап кетганда(масалан хадисларга таяниб, ўзлари шу хақида эшитганларига таяниб) фатво берган вақтда, мен у инсондан гапини тўғрилиги хақида хужжат талаб қилишим мумкинми? Талаб қилишлигим бирор бир нарсага зид бўлиб қолмийдими? Жавобингиз учун олдиндан рахмат. Аллох таоло рози бўлсин.

ЖАВОБ:

- Ва алайкум ассалом! Аввало ким кўринган одам фатво беришга ҳақли эмас. Фатвони уни беришга лоёқати бор, илмли одам беради. Ўзи ишонган илмли одам фатво берганда ундан ҳужжат сўраш одобсизлик бўлади. Фатвога лаёқати йўқ одамлар фатво берганда уларга танбиҳ бериш керак. Гап шубҳали бўлса, ҳужжат сўраш лозим.


Шайх Муҳаммад Содиқ Муҳаммад Юсуф роҳимаҳуллоҳ

Манба

Каналга уланиш Ochish/sharhlash

2024-01-14 08:05:25 Тeрроризм. Тилак ва дуо

Шайх Муҳаммад Содиқ Муҳаммад Юсуф ҳазратларининг «Ҳикматли дунё» деб номланган аудио тўпламининг 1-қисмидан

#HikmatliDunyo

Telegram | Facebook | Instagram | Youtube Ochish/sharhlash

2024-01-14 05:05:02 СУВНИ ТИК ТУРИБ ИЧИШ

@Savollar_kanal 14476-савол

Ассолому алайкум, ҳазратим! Сизга бир масала бўйича мурожат қилмоқчиман. Мени 3та ҳадис ўйлантириб қўйди. 1. Имом Термизий ривоятларида келган Ибн умардан розияллоҳу анҳудан ривоят қиладилар: Биз Расулуллоҳ соллаллоҳу алайҳи васаллам замонларида юрган йўлимизда овқатланиб ,тик туриб сув ичар эдик. 2. Имом Бухорий ва Муслим ривоятлари: Ибн Аббосдан розияллоҳу анҳудан ривоят қилинади: Расулуллоҳ соллаллоҳу алайҳи васаллам замзам суви билан сийлаганимда у зот тик туриб ичдилар. 3. Имом Муслимнинг бошқа ривоятларида Расулуллоҳ соллаллоҳу алайҳи васаллам тик туриб сув ичганларни койир эдилар дейилган. Мен бермоқчи бўлган саволим аслида сувни туриб ичиш мумкинми? Олдиндан миннатдорчилик билдириб қоламан.

ЖАВОБ:

- Ва алайкум ассалом! Сиз ҳадисларнинг матнини ўқиб, шарҳини ўқимасангиз, доим шундай тушунмовчиликлар чиқаверади. Бизда ҳақиқий илми йўқ кишилар ҳадис деб арабчадан таржима қилиб чиқариб юборганлари оқибатида шу вазият пайдо бўлди. Кўплаб тушунмовчиликлар, жанжаллар ва бошқа кўнгилсизликлар ҳам чиқди.Бу масалани «Ҳадис ва Ҳаёт» китобининг 16–жузи, «Таом ва шароб китоби»да қуйидагича тақдим қилинган:Анас розияллоҳу анҳудан ривоят қилинади: «Набий соллаллоҳу алайҳи васаллам тик туриб ичишдан қайтардилар. Шунда: «Ейиш-чи?» дейилди.«У яна ҳам ашаддийроқ», дедилар».Термизий ва Муслим ривоят қилганлар. Муслимнинг лафзида: «У яна ҳам ёмонроқ ёки чиркинроқ», дейилган.Шарҳ: Демак, тик туриб таом ёки ичимлик тановул қилиш жоиз эмас. Чунки, тик турганда одам тўлиқ роҳат ҳолида бўлмайди. Шунинг учун егани ва ичгани ҳам яхшироқ фойда бермайди. Бунинг устига тик туриб еб-ичганда овқатлар тўкилиши, исроф бўлиши ҳам бор.Агар мутахассислар бу ҳолатни яхшилаб ўргансалар, албатта, бошқа зарарлари ҳам чиқиши турган гап. Умуман, Ислом маданиятида ўзини билган одам тик туриб на таом ейди, на ичимлик тановул қилади.Ибн Аббос розияллоҳу анҳудан ривоят қилинади: «Набий соллаллоҳу алайҳи васаллам тик туриб замзамдан ичдилар».Бухорий ва Термизий ривоят қилишган ва Термизийнинг лафзида: «Замзамдан ундаги челакдан, тик турган ҳолда ичдилар», дейилган.Шунинг учун ҳам ҳозиргача, замзам ичиш одоблари ҳақида сўз кетганда ушбу ҳадиси шарифга амал қилиш тавсия қилинади.Али розияллоҳу анҳуга Роҳба эшиги олдида турганида сув келтирилди. Бас, уни тик туриб ичди ва: «Албатта, одамлар тик туриб ичишни макруҳ кўрадилар. Мен Набий соллаллоҳу алайҳи васалламни худди мен қилганимни кўрганингиздек қилганларини кўрдим», деди».Бухорий ва Абу Довуд ривоят қилганлар.Бу ривоятдан замзамдан бошқа сувни ҳам тик туриб ичиш жоизлиги чиқади.«Умму Фазл розияллоҳу анҳо Набий соллаллоҳу алайҳи васалламга бир қадаҳ сут юборди. У зот Арафотда тик турган эдилар. Бас, уни олиб ичдилар».Бухорий ривоят қилган.Муслим, Абу Довуд ва Термизий ривоятида: «Набий соллаллоҳу алайҳи васаллам тик туриб ичишдан қайтардилар», дейилган.Муслим ривоятида эса: «Сиздан бирортангиз ҳам тик туриб ичмасин. Ким унутган бўлса, қусиб юборсин», дейилган.Амр ибн Шуайбдан, у отасидан, у бобосидан розияллоҳу анҳу ривоят қилинади: «Набий соллаллоҳу алайҳи васалламни тик туриб ҳам, ўтириб ҳам ичаётганларини кўрдим».Термизий ривоят қилган.Уламолар ичимликни тик туриб ёки ўтириб ичиш ҳақида келган ривоятларнинг ҳаммасини жамлаб, таққослаб, бошқа сабабларини ҳам топиб ўрганиб чиққанларидан кейин ўтириб ичиш мустаҳабдир, тик туриб ичиш эса, баъзи вақтларда жоиздир, деганлар.


Шайх Муҳаммад Содиқ Муҳаммад Юсуф роҳимаҳуллоҳ

Манба

Каналга уланиш Ochish/sharhlash

2024-01-13 18:06:58 Вараъда ҳаддан ошмаслик

Шайх Муҳаммад Содиқ Муҳаммад Юсуф раҳимаҳуллоҳнинг
2007 йилдаги Рамазон суҳбатларидан

#Видео

Бизни ижтимоий тармоқларда кузатиб боринг!

Telegram | Facebook | Instagram | Youtube Ochish/sharhlash

2024-01-13 17:05:03 МУСЛИМНИНГ МАСИҲИЙ ОПА ЁКИ СИНГЛИСИ

@Savollar_kanal 14475-савол

Ассалому алайкум. Аввал мусулмон бўлган балоғатдаги аёл, кейинчалик(мисол учун масиҳийга турмушга чиқиши натижасида) масиҳий(Астағфируллоҳ) бўлса, ўша аёлни туғишган оила аъзолари учун қариндошлик жойи сақланиб қоладими? Агар сақланиб қолмасаю лекин, ўша аёлнинг оила аъзолари сингил, ука-акалар, ота онаси "опам,синглим, қизим" деяверишса, борди-келди қилаверишса ҳукми қандай бўлади? Аллоҳ рози бўлсин. 

ЖАВОБ:

– Ва алайкум ассалом! Исломдан бошқа динга ўтган одам муртад бўлади. Муртад билан барча алоқалар узилади.


Шайх Муҳаммад Содиқ Муҳаммад Юсуф роҳимаҳуллоҳ

Манба

Каналга уланиш Ochish/sharhlash