Sanjar Nazar

2023-05-05 09:57:29 Турфирмалар одамларни жиҳодга юборяпмиз, деб ўйлаяпти, шекилли, тирик қайтса ғозий, ўлса – шаҳид, деб. Ochish/sharhlash

2023-04-02 16:01:16 Kecha, 1 aprel – hazil va bolalar orasida o‘zaro “yolg‘on” kuni edi. Bugun esa 2-aprel. Bu kun shoir Usmon Azim ta'biri bilan aytganda, “rostlik”, “haqiqat” kuni. O‘qirmanlar uchun ma'lumot, shoirning “2-aprel” nomli nazmiy kitobi ham bor. O‘sha joyda bugungi kun rostlik, haqiqat kuni sifatida ta'riflanadi.

Kun haqida gap ketarkan, 2-aprel butun dunyoda Xalqaro bolalar kitobi kuni sifatida ham nishonlanadi.
Ana shu – jamiyatda garchi eshitilishidan zerikarli bo‘lsa-da, lekin mazmunan juda muhim va bugun deyarli barcha muammolarimizning tub ildizi bo‘lgan – bolalar kitobi, kitobxonligi, O‘zbekistonda bu yo‘nalishning ahvoli haqida soha vakillari bilan intervyu o‘tkazdik.

Intervyu mehmonlari – noshir Sanjar Nazar, sobiq "Kamolot" YoIH Markaziy kengashi raisi, bu lavozimda “Kamolot kutubxonasi” rukni ostida 100 nomdagi minglab kitoblar chop etilishiga bosh qosh bo‘lgan Bahodir G‘aniev va bolalar yozuvchisi Sa'dullo Qur'onov bo‘ldi.





@haqiqatdaIlyos Ochish/sharhlash

2023-03-23 03:18:51 Kirib kelgan mohi Ramazon muborak bo‘lsin!

@akademnashr Ochish/sharhlash

2023-03-01 16:08:26 2003 yilda yozgan ekanman: «... sheʼriyatdagi o‘zgarishlar, yaʼni muayyan davr sheʼriyatining o‘ziga xos xususiyatlari avvalo shoirning qiyofasi — yuz ifodasi, kiyinishi, o‘zini tutishida aks etar ekan. Ishonmasangiz, ularning suratlarini toping-da, bunga amin bo‘ling. Keling, kuzatishni fotosuratlari yaxshi saqlangan davr shoirlaridan boshlaymiz. 40-50-yillar shoirlari arboblarga xos ko‘rinish kasb etmaganmi?! 60-yillar avlodiga qarang. O‘zgarishni sezayapsizmi? Ulardagi devonavorlik, bezovtalik ufurib turgan nigohlarga eʼtibor bering. 70-80-yillar shoirlari: jangchilar. Jangovorlik, isyonkorlik va shiddat bu davr shoirlarining taʼrifi uchun eng ko‘p qo‘llanadigan sifatlar ekanligi shubhasiz. 90-yillar, yaʼni bugungi kun shoirlari qiyofasini suratlarsiz ham eslay olasiz: parkda, butalar va gullar quchog‘ida, qo‘lida g‘uncha yoki majnuntol novdasi». Bugun, ancha tanaffusdan so‘ng yangi sheʼriyat, yangicha shoir qiyofasi shakllana boshlagandek. Maqolaning to‘lig‘ini bu yerda o‘qishingiz mumkin. Ochish/sharhlash

2023-02-28 13:24:32 "Туркий элнинг шиддати сўнганга ўхшаётир..."

Нажмиддин Эрматов

"Қақнус"

@mm_telekanal Ochish/sharhlash

2023-02-17 14:05:55 Қуйидагиларни 25 йиллар аввал, “ижтимоий ўлим” ҳақида мушоҳада юритишга уринаётиб ёзган эканман.

... Агар ижтимоий тузумда шахснинг роли камситилса ёки бутунлай бўлмаса, шахс «кўричак»ка айланади. Яъни у ижтимоий нуқтаи назардан қараганда ишламаётган, ўз вазифасини бажармаётган, яна-да даҳшатлиси, функционал жиҳатдан кераксиз аъзога айланади. Ишлатилмаган ханжар, ханжарлигига фақат шаклигина исбот бўла оладиган темир парчасига, функционал аҳамиятини йўқотган микроскоп болалар ўйинчоғига айлангани янглиғ шу кўйга тушган фуқаро мамлакатнинг нуфуси эътибори билангина аҳамиятга эга бўлган саноққа эврилади. Ўз асл қиёфаси ва ўрнига кўра жамият аъзоси, яна-да тўғрироғи, унинг мўъжаз зарраси сифатида кўричакнинг ҳолатига тушади.

... Алоҳида шахсга жамият томонидан муттасил хавф мавжуд бўладиган тоталитар, авторитар, диктаторлик тузумларида киши жон сақлаш учун зуғум келаётган манба – жамиятдан узилишга, уни унутишга интилади. У жамиятга нисбатан мурда ҳолатига киради. Жамиятни, ундаги қоидалар, тартиблар ва бошқа муносабатларни «билмасликка» интилади. «Билдим дединг – тутилдинг, билмадим дединг – қутулдинг», қабилида. Яқин ўтмишида юқоридаги тузумлардан етарлича озор топган ўзбек ҳам ўзини шу янглиғ ҳимоя этмаётганмикан!? Ochish/sharhlash

2023-02-13 17:26:51 ***
Olamda boshqa hech
O’zbekiston yo’q.
Mirzo Kenjabek

Vatan qani, sevgi qani, iymon qani,
Biz ishongan, biz sig’ingan yolg’on qani,
Shior qani, qadr qani, inson qani,
Quyosh qani, ko’z yosh qani, osmon qani?

Qismatimiz yo’qlikmidi, nochorlikmi,
O’z yerida qullikmidi, xor-zorlikmi,
Epladingiz, do’ndirdingiz tujjorlikni,
Nega jimsiz? Itlar qani, karvon qani?

Qo’rqamanki, bundan battar chog’lar kelur,
Yo’limizga siz qazigan chohlar kelur,
Dengiz-dengiz, to’lqin-to’lqin “oh”lar kelur,
Xalq qayerda, kuch qayerda, Cho’lpon qani?

Otay desam, qo’limdagi toshim yetmas,
Yig’lay desam, ko’zimdagi yoshim yetmas.
Qolay desam, bu tahqirga doshim yetmas,
Ketay desam, boshqa O’zbekiston qani?!

Mehrinoz

@abbosova_mehrinoz Ochish/sharhlash

2023-02-12 21:12:07 Yuqorida yozilganlarning nomantiqiy davomi Ochish/sharhlash

2023-02-11 23:51:09 “Agar Xudo bo‘lmasa, demak hamma narsa mumkin”, – deydi Dostoyevskiy.

Izohlarda ehtimoliy gap olib qochishlarning oldini olib qo‘yay: ha, Dostoyevskiyning hamma gapi ham haqiqat emas. Ammo ayrim gaplaridan haqiqatni topish uchun foydalanish mumkin. Hikmat – yo‘qotganimiz, topgan joyimizdan olaveramiz.

Ayni damda, sermaʼno bu gapning bugunimiz uchun kerakli xulosasi qiziq. Yaʼni, mabodo biron jamiyatda aslida mumkin bo‘lmagan ishlar ro‘y berayotgan bo‘lsa, boshqacha qilib aytganda hamma narsa mumkin bo‘lsa, demak u yerda Xudo yo‘q. Xudosi bo‘lganida nima bo‘lar edi? Hisob berishdan, so‘roq-savoldan hayiqar edi. Tiyilishar edi. Hamma narsa mumkin bo‘lmasdi.

Demak, Xudoni topish kerak. Hisob berishni, hisoblashishni o‘rganib, o‘rgatishimiz kerak. Bu Kuch deganidir. U fikr(g‘oya, mafkura)ning ustiga quriladi. Bizda hozircha FIKR yo‘q. Shuning uchun hamma narsa mumkin, shuning uchun xuddi Xudo yo‘qdek tutishadi o‘zlarini. Ochish/sharhlash

2023-02-10 21:51:59 Turkiyadagi so’nggi ofatlar paytida bir qardoshimiz tomonidan aytilgan gap miyamga o’rnashib qoldi: “Boshqa bir Turkiya yo’q”.

Bizdagi surunkali ofatlar qarshisida o’zimga dalda topishim uchun foydali gap ekan: “Boshqa O’zbekiston yo’q”. Ochish/sharhlash