Sanjar Nazar

2022-06-25 19:58:40 Reinkarnatsiya. Bir necha o'n million yillik guldasta.

Go’zallik (ezgulik) izsiz ketmas ekan. Ha, xuddi yomonliklar singari.

Manba: National Geographic Ochish/sharhlash

2022-06-23 17:21:06 Hammadan ayb topaveradigan tanishingiz bor, a? Siz uchun qadrli odamlarni ham tap tortmasdan oʻzingizga yomonlayveradimi? Siz oʻsha odamni suhbat avvalida bir maqtab, eʼtirof etib koʻring-chi nima boʻlar ekan. Katta ehtimol bilan doimiy odatini takrorlamaydi. Chunki, bu eʼtibortalab odamlarga xos odat deb oʻylayman. Davosi ozgina eʼtibor va mehr. Sinovdan oʻtkazganman. Oʻzi umuman, oʻzgalarga mehr berar ekan, oʻzimiz koʻproq manfaat olamiz, koʻpincha. Ochish/sharhlash

2022-06-14 16:44:33 Суюнчи берингизлар!

Янги бир китоб нашр этилиш арафасида. Шахсан ўзим энг яхши кўрадиган 10 таликдан жой олган китоб. “Энг яхши бадиий китоб” учун Пулитцер мукофотини олган. BBC талқинига кўра энг яхши 200 китоб рўйхатининг илк ўнталигидан жой олган (2003 йил). “Патқалам” китоб мукофоти (The Quill Book Awards) ғолиби. “The Guardian” талқинига кўра инглиз тилида ёзилган энг яхши 100 китоб рўйхатидан жой олган. BBC талқинига кўра энг кучли руҳлантирувчи 100 китоб рўйхатига қўшилган. 80% АҚШ мактаблари дастурига киритилган.

Китоб асосида фильм суратга олинган бўлиб у “Оскар” (3 та номинация), “Олтин Глобус”, “Канн кинофестивали”, “Америка киносанъати институти”нинг мукофотлари билан тақдирланган.

Турли савиядаги китобхонларга бирдай ёқиши мумкин бўлган, ҳазми енгил, аммо тоши оғир асар.

Хўш, қайси китоб бу? Ким топа олади?

https://t.me/SanjarNazar Ochish/sharhlash

2022-06-09 10:50:13 Болалигимда хотирам яхши эди. Шеърларни бир-икки марта ўқишда ёд олардим. Шунчаки ўқиган шеъримни кейинги кунлари хотирамда сатрма-сатр тиклаб чиқардим. Бунинг ёмон томонлари ҳам бисёр. Масалан, кўп сўзлар, баъзан сатрлар “ўзгариб” кетар эди. Муаллифлар ёдимда қолмасди.

Журнал саҳифаларида ўқиганим ушбу хокку ҳам хотирамда шу тарзда қолиб кетган. Муаллифи, таржимонини эслолмайман. Балки хотирамда тиклай туриб жуда жиддий ўзгартириб юборган ҳам бўлишим мумкин. Аммо биринчи қатори ўзгармаган бўлса керак: “Ҳазиллашиб мен онамни опичлаб олдим”.

“Ҳазиллашиб мен онамни опичлаб олдим,
У шундай енгил эди-ки,
Томоғим ачишди”.

Учинчи сатр бутунлай бошқача бўлиши ҳам мумкин. Эҳтимол 1-2- сатрларда ҳам сўзлар алмашиб қолгандир. Назаримда бу муҳим эмас. Ҳар ҳолда мен учун. Муҳими санъат асари ҳиссиётларнинг бутун бошли гаммасини тақдим этади менга. Унинг 1-сатрини хаёлан кўп такрорлайман. Маъюс бир армон таъмини туяман. “Ҳазиллашиб мен онамни опичлаб олдим”, “Улуғ Тангрим Сени аччиқ соғиндим” билан бирга энг кўп хаёлимда айланадиган сатрлар бўлса керак. Расмана шеърият, бадиийлик меъёрлари билан баҳолаганда қандайлигини билмайман-ку, аммо ҳолатлар мен учун топилма. Топилмаки, ич-ичимда мавжуд, аммо ўзимга қоронғу бўлган. Топилмаки, кашф этилишига улкан эҳтиёж сезганман, кашф этгач бошқача одам бўлиб қолганман.

Кимнинг хоккуси эди бу, ким таржима қилган?

Сизда ҳам шунақа сатрлар борми ё мен бир ўзимми “шунақа”

Таҳрир:
Хокку эмас, танка экан. Муаллифи Ишикава Такубоку. Хуршид Даврон таржимаси.

Ҳазиллашиб
Мен онамни опичлаб олдим.
У шундай енгил эди-ки,
Уч қадам юрар-юрмас,
Йиғлаб юбордим. Ochish/sharhlash

2022-06-07 11:42:47 "Хавфсизлик камари"нинг рекламаси. Китобларни ҳам шунақа реклама қилишимиз керак. Ғоялар борми? Сотиб оламиз ))) Ochish/sharhlash

2022-06-04 15:15:41 «Графоқаллоб». Бугун шу сўзни ўйлаб топдим . Балки аввалдан бордир-ку, билмасдирман. Пауло Коэльога нисбатан ишлатдим. Ochish/sharhlash

2022-06-04 13:36:14 Лафзсизлик, омонатга хиёнат, бировнинг ҳаққини поймол қилиш охирги пайтларда ҳар қачонгидан авж олганини кўп эшитаяпман. Бунинг сабабларидан бири – жамиятнинг аҳволи. Чунки худди микроблар, вируслар сингари ахлоқий, руҳий иллатлар ҳам ўзига қулай бўлган муҳитда урчийди. Оёғи осмонда бўлиб кўринса ҳам, жамиятни ислоҳ қилиш шахсни ислоҳ қилиш йўлидаги илк қадамдир. Жумладан, қашшоқ жамиятларда жоҳил, бадхулқ, номард одамлар кўпроқ учрайдими дейман. Ochish/sharhlash

2022-06-03 13:50:09 Оммавий дидсизлик урчиган даврда яшаяпмиз. Шу сўмимизнинг рамзий белгиси экан. 500 дан ортиқ турли вариантлар орасидан танланибди. Ochish/sharhlash

2022-05-30 22:47:26 Бир лаззат бор. Ёввойи бир ҳис. Ёлғон, хиёнат ва ҳақсизликларни билиб турасан. Билишингни эса билдирмайсан. Тийиқсиз завқ бу. Сени алдаш учун минг товланаётган бечоранинг тобора чўкиб бораётганини кузатасан. Юҳо қум каби гўё. Унинг домидаги одам халос бўлиш учун қанчалик ҳаракат қилса шунчалик кўпроқ чўкади. Шунга ўхшайди. Хаста бир лаззат бу.

Гап фақат иккита одам муносабати ҳақидагина эмас. Бир одам ва бошқа ҳамма ҳақида. Жумладан, шахс ва жамият тўғрисида.

... ва бир одамнинг ёлғиз ўзи тўғрисида ҳам. Таҳрирладим: кўпроқ бир одам ҳақида экан. Ochish/sharhlash

2022-05-26 10:19:28 Баъзи баҳсларда ютқизмасликнинг ягона йўли бор – бошламаслик. Ochish/sharhlash