2023-04-11 15:23:44
Бугун пойтахтимиздаги “Panarams” меҳмонхонасида “Ўзбекистонда вирусли гепатитларни бартараф этиш стратегик режалаштириш» мавзуида уч кунлик семинар ўз ишини бошлади.
Семинар Ўзбекистон Республикаси РИЭМЮПКИАТМ Вирусология илмий-тадқиқот институти, Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази, Санитария-эпидемиологик осойишталик ва жамоат саломатлиги қўмитаси, Инновацион соғлиқни сақлаш миллий палатаси, Республика ихтисослаштирилган қон қуйиш маркази, Ўзбекистон беморлар ҳамжамияти ва ҳамкор ташкилотлар ҳамкорлигида ўтказилди.
Анжуманни ўтказишдан кўзланган мақсад Ўзбекистон ва дунёда вирусли гепатитнинг бугунги ҳолати тақдимоти, муҳокамаси ва асосий манфаатдор томонларнинг, шу жумладан Соғлиқни сақлаш вазирлиги, Санитария-эпидемиологик осойишталик ва жамоат саломатлиги қўмитаси вакиллари, тадқиқот марказлари мутахассислари, халқаро шерикларнинг маҳаллий ва минтақавий миқёсда амалга оширилиши мумкин бўлган стратегик режани ишлаб чиқиш бўйича саъй-ҳаракатларини бирлаштиришга қаратилган.
Конференция доирасида дунё ва Ўзбекистонда вирусли гепатитни бартараф этиш муаммосига бағишланган “Дунё ва Ўзбекистонда вирусли гепатитларнинг В ва C турларини бартараф этиш дастурлари, муваффақият ва муаммолар, турли мамлакатлар тажрибаси” мавзусидаги ялпи мажлис бўлиб ўтди.
Ялпи мажлисда Марсело Навьера – “Вирусли гепатитни бартараф этиш ЖССТ-ЕВРОПА минтақасида кўрсаткичлар” (АҚШ), Амиран Гамкрелидзе – “Грузияда гепатит Cни йўқ қилиш бўйича муваффақиятли дастур мисоли: олинган сабоқлар” (Грузия), Хоми Разави – “ВГВ ва ВГСни йўқ қилиш ҳаракатларининг комбинацияси (скрининг ва даволаш) ва фақат бошқа мамлакатларда ВГСни йўқ қилиш” (АҚШ), Амиран Гамкрелидзе/Майя Церетели – “Грузияда гепатит Cни йўқ қилишни стратегик режалаштириш-ўрганилган сабоқлар” (Грузия), Мусабаев Эркин – “Ўзбекистонда ВГС эпидемиологияси – болалар ва катталар; серологик тадқиқотлар натижалари” (Ўзбекистон Республикаси), Садирова Шаҳло – “Ўзбекистонда ВГВ ва ВГСни йўқ қилиш Миллий дастури” (Ўзбекистон Республикаси), Ходжаева Малика – “Ўзбекистонда ВГД инфекциясининг юки” (Ўзбекистон Республикаси) мавзуилари маърузалар тингланди.
Мамлакатимиз соғлиқни сақлаш тизими учун долзарб бўлган вирусли гепатитнинг В, Д, C турларини бартараф этиш бўйича жаҳон тажрибасини халқаро экспертлар иштирокида кенг муҳокама қилиш инфекционистлар, эпидемиологлар, гастроэнтерологлар, умумий амалиёт шифокорлари ва бошқа мутахассисларнинг вирусли гепатитга қарши курашнинг долзарб муаммоларини ҳал этишда саъй-ҳаракатларини бирлаштиришга хизмат қилади.
@sanepidcommittee
285 views12:23