Sanitariya-epidemiologiya qo'mitasi | Vaksina oling!

2023-03-09 10:15:38 Йод — инсон организмининг меъёрий фаолияти учун лозим бўлган элемент. Йод танқислиги касаллигининг олдини олиш учун ҳам йодланган ош тузи жуда муҳим ва зарур ҳисобланади.

Ош тузига қўшиладиган белгиланган калий йод миқдори қанча бўлиши керак?

Бу ҳақида батафсил “Renessans TV” телеканалининг “Ovoza” дастурида намойиш этилган лавҳада сўз юритилди.

@sanepidcommittee Ochish/sharhlash

2023-03-09 07:34:25 Ochish/sharhlash

2023-03-08 07:28:52 БАҲОР БАЙРАМИ МУБОРАК!

Муҳтарама аёллар, мунис, мўътабар онахонлар, жамиятимиз фахри бўлмиш зиёли опа-сингиллар, чуқур илмий тафаккури билан тиббиёт равнақига муносиб ҳисса қўшиш ниятида ўқиб, ўрганаётган, изланаётган талаба-қизлар! Сизларни 8-март – Халқаро хотин-қизлар куни билан самимий табриклайман.
Оила ва жамият устуни, ҳаётимизнинг файзи ва кўрки бўлган хотин-қизларни эъзозлаш, уларга ҳурмат ва эҳтиром кўрсатиш халқимиз учун азал-азалдан буюк қадрият бўлиб келган ва шундай бўлиб қолади. Чунки сизлар билан ҳаётимиз гўзал ва мазмунли, хонадонларимиз обод ва нурафшондир.
Ватанимиз тараққиётида, оила ва жамият ҳаётида хотин-қизлар муҳим ўрин ва мавқега эга. Аёлларимиз мамлакатимизнинг ижтимоий-сиёсий, сиёсий-иқтисодий ҳаётидаги барча соҳаларда хусусан, давлат бошқаруви ва вакиллик органларида, ишлаб чиқариш, тадбиркорлик, фермерлик, соғлиқни сақлаш, таълим, маърифат, маданият ва бошқа соҳаларда самарали меҳнат қилишмоқда.
Дарҳақиқат, юртимиздаги илмий, ташкилий ва бошқа жараёнларда қўлга киритилаётган ютуқларни аёлларнинг иштирокисиз тасаввур этиб бўлмайди. Уларнинг меҳнатдаги, илмий-ижодий изланишдаги ва ўқув жараёнидаги фидойилигини ҳамиша юксак қадрлаймиз.
Сизларнинг барчангизни гўзаллик ва нафосат айёмингиз билан яна бир бор қутлайман. Сизларга мустаҳкам соғлиқ, гўзаллик, оилавий бахт, хонадонингизга файзу барака тилайман.

Баҳодир ЮСУПАЛИЕВ,
Ўзбекистон Республикаси Санитария-эпидемиологик осойишталик ва жамоат саломатлиги қўмитаси раиси

@sanepidcommittee Ochish/sharhlash

2023-03-08 07:28:52 Ochish/sharhlash

2023-03-07 10:57:14 Санитария-эпидемиологик осойишталик ва жамоат саломатлиги қўмитаси Андижон вилояти бошқармаси ҳамда туман бўлимлари томонидан "Яшил макон" умуммиллий лойиҳаси доирасида ободонлаштириш ҳамда кўкаламзорлаштириш тадбирлари олиб борилмоқда.

Бу ҳақида "Andijon МТРК" телеканалининг "7 kun" дастурида намойиш этилган лавҳада батафсил маълумот берилди.

@sanepidcommittee Ochish/sharhlash

2023-03-07 07:56:24 Мамлакатимизда коронавирус инфекциясига қарши қўлланилган жами вакциналар сони 75,6 миллион дозадан ошди.

6 март мамлакатимиз ҳудудлари бўйлаб 826 доза COVID-19га қарши вакцина қўлланилди. Улардан:

1-босқич эмланганлар 12 нафарни,

2-босқич эмланганлар 46 нафарни,

3-босқич эмланганлар 0,

Бустер доза билан эмланганлар 768 нафарни ташкил қилди.

Айни кунгача мамлакатимизда жами 75 663 950 доза вакцинадан фойдаланилди. Улардан:

1-босқич эмланганлар 21 536 848 нафарни,

2-босқич эмланганлар 18 748 237 нафарни,

3-босқич эмланганлар 11 197 039 нафарни,

Бустер доза билан эмланганлар 24 181 826 нафарни ташкил қилди.

Биринчи доза билан эмланиш кўрсаткичи эмланиши режалаштирилган қатламга нисбатан 100 фоизни ташкил қилмоқда.

12-18 ёшдаги эмланувчилар учун жами 3 166 636 доза вакцинадан фойдаланилди. Улардан:

1-босқич эмланганлар 1 360 632 нафарни,

2-босқич эмланганлар 1 177 827 нафарни,

бустер доза билан эмланганлар 628 177 нафарни ташкил қилди.

Эмлаш жараёнлари давом этмоқда.

Санэпидқўмита
Ахборот хизмати Ochish/sharhlash

2023-03-06 15:58:15 “MO‘TABAR AYOL” KO‘KRAK NISHONI TOPSHIRILDI

Bugun poytaxtimizda “Moʻtabar ayol” ko‘krak nishonini o‘z egalariga topshirish marosimi bo‘lib o‘tdi.

“Moʻtabar ayol” ko‘krak nishoni davlatimiz rahbarining 2018 yil 2 fevraldagi tegishli farmoniga muvofiq ta’sis etilgan bo‘lib, ko‘krak nishoni bilan jamiyat va davlat hayotida faollik va tashabbuskorlik ko‘rsatgan, o‘zining samarali mehnati bilan oilaning shakllanishi va farovonligi mustahkamlanishiga, onalik va bolalik muhofazasiga munosib hissa qo‘shgan, shuningdek, sog‘lom va barkamol avlodni voyaga yetkazish, ularni vatanparvarlik va istiqlol g‘oyalariga sadoqat ruhida tarbiyalash, joylarda ma’naviy-axloqiy muhitni sog‘lomlashtirish va milliy qadriyatlarimizni keng targ‘ib etish borasida ibratli faoliyat olib borayotgan xotin-qizlar taqdirlanib kelinmoqda.

Batafsil: http://www.sanepid.uz/reports/304



“МЎЪТАБАР АЁЛ” КЎКРАК НИШОНИ ТОПШИРИЛДИ
Бугун пойтахтимизда “Мўътабар аёл” кўкрак нишонини ўз эгаларига топшириш маросими бўлиб ўтди.

“Мўътабар аёл” кўкрак нишони давлатимиз раҳбарининг 2018 йил 2 февралдаги тегишли фармонига мувофиқ таъсис этилган бўлиб, кўкрак нишони билан жамият ва давлат ҳаётида фаоллик ва ташаббускорлик кўрсатган, ўзининг самарали меҳнати билан оиланинг шаклланиши ва фаровонлиги мустаҳкамланишига, оналик ва болалик муҳофазасига муносиб ҳисса қўшган, шунингдек, соғлом ва баркамол авлодни вояга етказиш, уларни ватанпарварлик ва истиқлол ғояларига садоқат руҳида тарбиялаш, жойларда маънавий-ахлоқий муҳитни соғломлаштириш ва миллий қадриятларимизни кенг тарғиб этиш борасида ибратли фаолият олиб бораётган хотин-қизлар тақдирланиб келинмоқда.

Батафсил: http://www.sanepid.uz/reports/304

Санэпидқўмита
Ахборот хизмати

@sanepidcommittee Ochish/sharhlash

2023-03-06 15:58:07 Ochish/sharhlash