Samarqand IIB | Rasmiy kanal

BOSHQARMA BOSHLIG‘I YOSHLAR BILAN UCHRASHDI

Endigina hayotga qiziqishi ortib, maqsad va orzulari sari dadil qadam tashlayotgan, qalbida gʻayrat-shijoati joʻsh urgan yoshlarga eʼtibor qaratish, ularning tashabbuslariga amaliy yordam berish davlat siyosati darajasiga koʻtarildi.
Viloyat 3-sektor rahbari Rahmat Mamatovning  Paxtachi tumanida  tashkil etilgan yoshlar bilan uchrashuvi ochiq muloqot maydoniga aylandi.
Dastlab, Paxtachi tumanidagi faol yoshlar munosib ragʻbatlantirildi. Oliy taʼlim muassasalari talabalari boʻlgan yoshlarga toʻlov shartnoma pullari toʻlab berilishi toʻgʻrisidagi sertifikatlar topshirildi.
10 nafar yoshlarga esa ID kartalari berildi. Shundan soʻng,  Narpay, Paxtachi, Ishtixon, Kattaqoʻrgʻon tuman va shahridagi probatsiya va profilaktik roʻyxatda turuvchi yoshlar bilan yuzma-yuz suhbatlashildi.

Batafsil tafsilotlar bilan lavhada tanishasiz.

Kanalimizga qoʻshiling
https://t.me/samiibuz

Samarqandda CyberWeyek haftaligini oʻtkazish masalalari muhokama qilindi

Oʻzbekiston Respublikasi Prezidentining 2021-yil 29-noyabrdagi “Oʻzbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari toʻgʻrisida”gi PF-27-sonli Farmoni hamda 2022-yil 3-fevraldagi “Internet tarmogʻida sodir etilayotgan huquqbuzarliklarni barvaqt oldini olishga doir qoʻshimcha chora-tadbirlar toʻgʻrisida”gi PQ-117-sonli qarori ijrosini ta՚minlash maqsadida, shuningdek, viloyat hokimligining tegishli Farmoishi yuzasidan, joriy yilning 1-mayidan 7-mayigacha Samarqandda CyberWeyek haftaligi oʻtkaziladi.

Tadbirni yuqori saviyada oʻtishi yuzasidan chora-tadbirlarni belgilash maqsadida viloyat IIB boshligʻi 1-oʻrinbosari S. Abduxomidov rahbarligida yigʻilish boʻlib oʻtdi.

Unda IIV Tezkor qidiruv departamenti Kiberxafsizlik markazi masʼul xodimlari, viloyat va shahar-tuman IIB masullari, viloyatda xizmat koʻrsatadigan 24 ta soha rahbarlari bilan hamkorlikda bugungi kunda kiber makonda sodir boʻlayotgan jinoyat va huquqbuzarliklarni oldini olish, fuqarolarning bu boradagi tushuncha va dunyo qarashini kengaytirish borasida taklif va mulohazalar olib borilib viloyat hokimligi farmoyishi yuzasidan topshiriq va koʻrsatmalar tegishli sohalar boʻyicha taqsimlab berildi.

Kanalimizga qo‘shiling

https://t.me/samiibuz

Samarqandgi mahallalarda xavfsiz muhitni yaratish maqsadida “Obod va xavfsiz” mahalla tamoyili asosida mahalla raisi, profilaktika inspektori, hokim yordamchisi, yoshlar yetakchisi va xotin-qizlar faoli oʻzaro manzilli hamkorligining samaradorligini oshirishga qaratilgan hamda ijtimoiy profilaktika choralariga asoslangan yangicha ishlashiga bagʻishlangan oʻquv mashgʻulotlari boʻlib oʻtmoqda.

O‘tkazilayotgan oʻquv mashgʻulotlarining navbatdagisi Ishtixon tumanida boʻlib oʻtdi.

Mazkur tizimning asosiy mexanizm va qoidalarini amaliyotga toʻlaqonli tatbiq qilish dolzarbligini inobatga olgan holda, Ichki ishlar, Adliya, Kambagʻallikni qisqartirish va bandlik hamda Yoshlar siyosati va sport vazirliklari hamkorligida ijtimoiy profilaktika tizimining maqsadlari va mazmun-mohiyati yuzasidan har bir “mahalla beshligi” vakillarini joylarga chiqqan holda qisqa muddatli oʻqitish jarayonlari o‘tmoqda.

Oʻquv mashgʻulotlari davomida mahallalarda aholi muammolariga yechim topish, mazkur hududlarni jinoyat va huquqbuzarliklardan holi hududga aylantirish, yoshlar tarbiyasi va tadbirkorlikka keng yoʻl ochish, bir soʻz bilan aytganda “Mahalla beshligi” vakillari masʼuliyatini yanada oshirishga alohida eʼtibor qaratilmoqda.

Mazkur yoʻnalishdagi oʻquv jarayonlari davom etmoqda.

Samarqand viloyati ichki ishlar boshqarmasi Maʼnaviy-maʼrifiy ishlar va kadrlar bilan taʼminlash xizmati va Xavfsiz turizmni taʼminlash boshqarmasi maʼsul xodimlari tomonidan Oʻzbekiston Respublikasi Prezidentining 2023-yil 20-yanvar kunidagi “Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yoʻnaltirish boʻyicha qoʻshimcha chora-tadbirlar toʻgʻrisida”gi PQ-10-sonli Qaroriga asosan Samarqand davlat chet tillar institutining bitiruvchi talabalari bilan targʻibot-tashviqot ishlari olib borildi.