2022-04-22 18:30:36
Нега оғиздан нохуш ҳид келади?
Бактериялар тиш ва оғиздаги овқат қолдиқларини парчалайди. Ва натижада, оғизда нохуш ҳид пайдо бўлади. Тишларни доимий тозалаш овқат қолдиқлари парчаланишига йўл қўймасдан олдин уларни оғиздан чиқариб ташлашга ёрдам беради.
Тишларни доимий тозалаш уларни турли бактериал касалликлардан ҳам сақлайди. Бактериал касалликлар эса тиш емирилиши ва оғизда ҳид пайдо бўлишига сабаб бўлади. Шунинг учун тишни, албатта, кечки пайт тозалаш керак.
Пиёз, саримсоқ ёки бошқа кучли ҳидга эга овқат истеъмол қилинса, 72 соатгача уларнинг ҳиди инсон нафасида сезилиши мумкин. Кофе каби кучли ичимликлар ҳам нохуш ҳидларга сабаб бўлади.
Оғиз бўшлиғида етарлича тупук ишлаб чиқарилмаслиги оғиз қуришига ва унинг ҳидланишига сабаб бўлади. Тупук оғизни тоза тутишга ва нохуш ҳидларни камайтиришга ёрдам беради.
Тупук безларининг яхши ишламаслиги, инсоннинг оғзини очиб ухлаши ёки организмдаги бирор касаллик туфайли оғиз қуриши кузатилиши мумкин.
Оғиздан нохуш ҳид келиши диабет, буйрак касалликлари таъсирида ҳам кузатилиши мумкин.
Батафсил
Яқинларингизга ҳам улашинг
@SALOMATLIKTG каналига аъзо бўлинг!
5.4K views15:30