2022-11-08 08:32:19
@MoychechagiM_Sh dan
Rostan, nega shunday? Bitta psixo-trener ning "menyusi"ni koʻrib qoldim, sizga ham ilindim, faqat men hayron qolaveramanmi, sizam birpas siqiling:
"Erga yoqish usullari",
"Jozibali boʻlish sirlari",
"Oʻynashdan oʻrganadigan jihatlarimiz",
"Erdan pul olish",
"Erni xiyonatida ayolning ayblari"
Birorta psixkursda qatnashmaganman, lekin nomiga qarab nimalar oʻrgatilishini tasavvur qilish qiyin emas, kamiga otzivlarda ayollar suyunib eridan olgan beshmingtalik bir bogʻlam pullar, qiyshiq rasmga olingan gullarni, kamiga eri bilan boʻlgan oʻta shaxsiy masalalarni ham aytib berishyapti: erim menga kulib qaradi, erim yaxshi gapiryapti, erim sevgi izhor qildi, erim men bilan gaplashib oʻtiribdi (!)
Toʻgʻrisi, juda juda achindim shu ayollarga. Millatimiz ahvoli shu darajadaki, eri sal yaxshi gap gapirib qoʻysa, ozgina pul bersa, suhbatlashsa huddi bu maqtaniladigan, oʻziga xos narsadek qarashadi ( vaholanki, bu sogʻlom oilada oddiy hol boʻlishi kerak) Huddiki er bunga majbur emas, bu uning vazifasi emasku, bir yaxshilik qildi daaaa. Qanday ham ajoyib ish!!!
Oliy maqsadga erishildi!
Boshqa tomondan esa, ayolning zimmasiga "ideal" boʻlish masʼuliyatini yuklaymiz, u hamma narsaga ulgurishi kerak: roʻzgʻorni eplashi, erining kayfiyati, bolalar injiqligi, yetti pushtining koʻngliga qarashi, kamiga chiroyli boʻlib yurishi, ishlasa oyligini tiyinigacha uyga olib kelib berishi, g'ing deb ogʻiz ochmasligi, xoʻp boʻladi deb turishi....
Yanachi?
Bu roʻyxatni har kim xohlagancha davom ettirishi mumkin. Chunki ayolga yuklab tashlangan vazifalar shunaqa ham koʻpki...
Xoʻp, evazigachi?
Bir bogʻlam beshmingtalik pul, ozib yozib bitta buket... Bechara xotin shungayam xursand!
Erdan hech kim hech nima talab qilmaydi. Xotin uchun chiroyli boʻlib yurishi ( tepakal, qorin qoʻygan, pishshilab yuradigan 30 yoshli erkak ham xotini dunyo goʻzali boʻlishini xohlaydi, oʻzim kimman demaydi, oʻzidan ter hidi anqiydi yu xotinidan kelgan yog' hidiga burnini jiyiradi) , ehtiyojlari uchun har oy oʻzi soʻramasa ham nafaqa ajratishi, xotin ishlab topgan pul, mulkga aralashmasligi, kiyganidan kiydirishi, yeganidan yedirishi, koʻngliga qarashi, umuman ayol omonat ekanligi...
Hech biri!
Bunday hadislarga kelganda koʻpchilik koʻz yumadi.
Koʻrib koʻrmaslikka, bilib bilmaslikka oladi.
Shuning uchun ham ayollarimiz shunaqa chalapsixologlar ortidan yuguryapti.
Achinarlisi, aksariyat hijob oʻrab olgan oʻzini islomiy psixolog deb ataydiganlar ham oʻz kontentlarini faqat ayollar majburiyatlariga qarab qurishadi. Toʻgʻri-da, yotgan ilonni boshini qoʻzgʻab nima qilishadi. Ayol huquqi yu, erkak majburiyatidan gapirish nega kerak? Teskarisi doim aktual boʻlgan!
Muammo faqat ayollardadek.
Telegram guruhga kamida 50 talab ayolni yigʻib olishadi-da "erizga unday qiling, bunday qiling, unga bu yoqadi, bunaqa yoqmaydi deb fol ochishadi.
Vaholanki, psixologiya har bir inson uchun alohida olam. Bekorga professional psixologlar alohida individual seanslar qilishmaydi. Har kimning psixikasi har xil. Birovning oilasi, his tuygʻulari bilan shunchalik ham o'ynashish mumkinmi?
Shu oʻrinda bitta jinnicha savol: Nega erkaklar xotinini olib qolish, uni yoʻqotib qoʻymaslik, xotinga yoqish uchun turli kurslarga bormaydi? Hech eshitganmisiz shunaqasini?
Yoʻq!
Nega?
Chunki bizda xotinlar arzon! Juda arzon. Butun jamiyat, hatto ayrim ayollarning oʻzi ham shu fikrda. Erkak xohlasa koʻchadan oʻnta menga oʻxshagan xotin topib olaveradi, erkaklar uchun ayol bir tiyin degan gaplarni gapirishadi. Hatto ayrim psixologlar shunday oʻrgatadi ayollarga.
Dahshat bu!
Oʻzini hurmat qilmaganni hech kim hurmat qilmaydi.
Kanalchamda oliy maʼlumotli psixolog bor (Oʻylaymanki, u ham psixologiyani biznes qilib yubormaydi kelajakda trener boʻlib) Mana siz ayting, mutaxassissiz har holda, gaplarim toʻgʻrimi yo adashyapmanmi?
https://t.me/MoychechagiM_Sh
@MoychechagiM_Sh
196 views Muhayyo , edited 05:32
P
